1. Puji Jahowa, a le tonding ku, endehon ma goar Na i.
Taran so sude dope bohal ku, IbaNa sipuji on ki.
Pamatang dohot hosang ki, hum Ia do patupa i.
Haleluya Haleluya.
2. Haru marsangap situtu raja, laing jolma manusia i.
Tahi nasida gabe soada, dung ditanoman halahi.
Gonan ma Tuhan Debata, taparsimoramora da,
Haleluya, Haleluya.
3. Sai na martua na niondingan, ni Debata Jahowa i.
Na so marbalik di parsahitan, hum Jesus haposanna i.
Dung Debata donganmu do, martua bo masonang ho,
Haleluya, Haleluya.
1. Puji, puji, ma Jahowa hamu naburju roha.
Hum Ia do natuk gogo napangoluhon hita.
Patut jana na tama Debata pujion ta.
2. So tarhaposi rohanta, raja na di tano on
Angke jotjot mubauba tahi ni portibi on
Muda mate halahi, mago ma tahi na i
3. Muda Jahowa Debata, haposan ni rohanta
Haru pe bahat dosanta, dapotan hangoluan
Dibaen i puji ma, Tuhan Debatanta da
4. Debata do na manompa, langit dohot tano on
Bo isina na marhosa, sasudena na adong
Dirajai Ia ma, anso sonang sudena
5. Debata do hangoluan, di na ra porsaya i
Patut ma jop rohanta da manjagit hataNa i
Puji, puji Debata, endehon Haleluya
1. Ulang so tapuji puji Sipatorkis konta i
Ia do pauli – uli hita si pardosa i
Haleluya, Haleluya, Haleluya, Amen.
2. Ulang marnalupa hita
mangendehon Jesus i
Ia na palua hita sian hamatean i
Haleluya. Haleluya. Haleluya. Amen.
3. Ulang so pasangaponta Jesus Raja ni sude
Dohot Debata Jahowa, Tondi Parbadia pe
Haleluya. Haleluya. Haleluya. Amen
1. Puji Jahowa IbaNa do Raja na Togu.
Ima na patut di halak sude na mangolu
Roma sude, ringgas marende – ende,
Anso ni puji Iba na.
2. Puji Jahowa nadenggan situtu rohaNa.
Ia maroban ho songon di tangan ni Ama
Sai na ture pasingkoponNa sude
Angke parguna di hita
3. Puji Jahowa dibaen Ibana Amamu
Ia pareso na hombar tu hangoluanmu
Jotjot do ro, pangurupiNa di ho
Taran humolos rohamu
4. Puji Jahowa na mamasumasu baenonmu
Ibo rohaNa sai tangkas parohon tuamu
Ingot tongtong, sangap tutu Ibana
Holong muse do rohaNa
5. Puji Jahowa pasangap muse ma Ibana
Rap ma sude na porsaya pagodang goarNa
Hum Ia do hangoluanta peto
I pe tapuji Ibana
1. Puji ale tondingku, Debata na di Surgo i
Sapanjang ho mangolu Ibana si pujion mi
Ma sesa do dosa mu, ma malum nyae mi.
I bana na pangolu, paias tondi mi.
Bope diantak Ia, marsak ni rohami,
denggan do uhum Nia, di namarhancit i.
2. Dijamitahon Ia, na tigor do uhumNa i
Parholong roha Jesus, di angka na porsaya i
So olo mambaloskon hombar tu dosa i
So ra be mangholitkon Ibo rohaNa i
Laing songon dao ni purba sian pastima i
Laing songon i Debata padao dosanta i
3. Roha ni ama-ama ibo do di anakna i
Lumobi ma Debata, di hita na porsaya i
Ditompa la hita gabe anakNa do
Dos songon bunga-bunga mura marurus do
Diombus habahaba na so tarida be
Laing songon i ma jolma na mate do sude
4. Hum ibo ni rohaNa na so ungada muba i
Di halak na porsaya na unduk di hataNa i
Anggo juguhanNia Banuaginjang do
Bo pe naposoNia suruan na gogo
Angkon sudena dohot mamuji goarNa
Debata salolotna parasi roha i.
1. Pinuji ma, Tong tong Debata,
Angke Ibana parasi roha do salolot na,
Tutu parasi roha do salolot na.
2. Endehon ma tongtong Debata
Sai ulang lupa na denggan baenonNa do tu ho,
Tutu na denggan baenonNa do tu ho
3. Haposi ma tongtong Debata
Ganop manyogot imbaru holong ni rohaNa i
Tutu imbaru holong ni rohaNa i
4. Marsangap ma tongtong Debata
Barang tudia tarida hasangapan Nia do
Tutu tarida hasangapanNia do
5. Tasomba ma tongtong Debata
Marpantun roha pasangap goarNia sapanjang
Tutu pasangap goarNia sapanjang
6. Tapuji ma tongtong Debata
Rap rim ma hita saroha ma tapuji Debata
Tutu saroha ma tapuji Debata
1. Puji hamu ma asi ni roha ni Tuhan Jahowa,
ni halak Kristen i, Diontang Ia sasude na
tu hangoluan namanongtong i.
2. Ia do Raja ni manusia i, sude na masa diboto Ia i
Marlasolaso suruanNa, na tongtong mangoloi Ibana
3. Ale parbegu ulang mandao be, tu Tuhan Jesus ro ma hamu sude
Bege hamu ma hataNia, sudena dosa disesa Ia
4. Dilehen Ia sude na hasaya, pangidoanmu, tama tumbuk sude
Bo udan dohot las ni ari, ro ma sude na di hatihana
5. Dibaen i ma sai puji Debata,sangap diSia salolotlolotna
Ibana manyarihon hita, dao hamagoan dibahen Ia
1. Hu puji ma, holong ni roha ni Debata Jahowa i,
Humopkop jolma na mardosa, di lehen do Anak Na i,
Hu halupahon ma diring ku marningot holong ni roha-Mu.
2. Harani holong ni rohaMu, sai na malungun au di Ho
Na so tarbaen be rohangku, mangalo Ho bo tinggal dao
Dipuldit Ho hian tondingku, nuaeng hu puldit Ho Tuhanku
3. Huhilala angkon mar-Tuhan, angkon di au mangolu Ho
So dumpang au be hangoluan, ia so di bagasan Ho
Martua au bo pe ma sonang, muda mangihut au di Tuhan
4. Di ho hulehen ma rohangku, tondingku pe di Ho muse
Harani Ho adong gogongku, sai pargunahon ma sude
Tuhanku Ho dohot Rajangku, laing Ho na patut oloanku
5. Sugari goar ni Tuhanku, nigorga do bagas denggan
Lopus tu ujung ni ngolungku, anso tarida i torang
Di hata bo di parangengku, angkon tarsise goarNia
1. Tole dongan sai ta puji-puji ma, Debatanta ima natongtong tama.
Ulang so jop situtu rohanta da mida Tuhanta i.
Hormat dohot hasangapan, hormat dohot hasangapan,
Hormat dohot hasangapan ma di Tuhanta i.
2. On pe patut jop rohanta ma tongtong,
basa Debata mamuldit hita on
Anso dumpang hangoluan ma dison,
na so ra mantak be
Hormat dohot hasangapan, hormat dohot hasangapan,
Hormat dohot hasangapan ma di Tuhanta i.
3. Ligi sai holong rohaNa do hape, mida hita haru na mardosa pe
Disarihon Ia hita on sude anso sonang muse
Hormat dohot hasangapan, hormat dohot hasangapan,
Hormat dohot hasangapan ma di Tuhanta i.
4. Songon ama na maribo roha i, mida sasudena dakdanakna i
Songon i ma roha ni Tuhanta i, tu sude jolma i
Hormat dohot hasangapan, hormat dohot hasangapan,
Hormat dohot hasangapan ma di Tuhanta i.
1. Tapuji ma Jahowa, Parasi roha i.
Dihaholongi Ia, Ia, sudena jolma i.
2. Tongtong sesaonNia, dosanta sasude
Bo dipamalum Ia, Ia, arsak ni roha pe
3. Ibana na palua sian pangago i
Dilehen Ia tua, tua, di na marhancit i.
4. Laing Ia na pabutong, nasida na male
Tardok sai na maruntung, untung, na ra porsaya i
5. Laing tong sian Ibana, ro uhum na tigor
Tumbuk tama di hita, hita, jojor di jolma i.
6. Manongtong do Ibana, parholong roha i
So ra dibalos Ia, Ia, hombar tu dosa i.
7. Tadok tarimakasi, bo taoloi ma
Ibana na marasi, asi, salolotlolotna.
1. Pujion ku ma Jahowa sapanjang mangolu au,
jana sian jop ni roha, ra marende – ende au.
Taran hosangki disi, pujionku Tuhanki, pujion ku Tuhan ki.
2. Lehen sangap di Jahowa Debatanta na sintong
Na manompa sandok jolma, dohot sude na adong
Disarihon Ia pe, sasudena na ture, sasudena na ture
3. Hum Ibana na so muba, na gumogo do muse
Na umboto na patupa na tama di hita be
Sai godang basaNa i, di na nitompaNa i, di na nitompaNa i.
4. Sai badia rohaNia, jana na tigor burju
Na nidokkon ni hataNa, dipatulus Ia i
Jadi ma harani i, pujionku Tuhanki, pujionku Tuhanki
1. Dipu ji rohangkon do Ho, Jahowa Tuhan ki.
Jana hu baritahon do su de pambaenan Mi
2. Hum Ho do haroroan ni, na denggan sasude
Dilehen Ho do sian i, bahat di hami be
3. Aha ma na adong hian, di hami na bile
Hape dilehen Ho sude, singkop di hami be
4. Hum Ho do na margogo i, panompa ni sude.
Ho do na pangoluhon i, bo paturehon pe.
5. Disi di parlangitan i, inganan na hembang
Marriburibu bintang i, ise manompa i.
6. Ise de he na basa i, manatap hita be
Na padenggankon eme i, na pajengkarkon pe?
7. Gok eme pe di sopo i, ise do na mala
Sude dohot ngolunta i, ro sian Debata
8. Olo tutu o Debata, dilehen Ho sude
Hum Ho do na tongtong basa, manumpak hami be.
9. Diuhum Ho pe hami on, harani dosa i
Marpangulahi rohaMi, di hai pardosa i.
10. Muda dung marsak rohangki, harani dosangki
Momo do mulak rohaMi, manyesa salangki
11. Sai apoanMu do sude, na marsak roha i
Diapus Ho iluna pe, torang rohana i
12. Sai disarihon Ho sude, na di portibi on
Tu tondi bo pamatang pe, ditongos Ho tongtong
13. Tongtong sari do Debata, tu na nitompa i
Bo gaor pe sude dison, denggan ujungna i
14. Antong biasi ma tungki, ale ho tondingki
Haposi ma Tuhanta i, na manjadihon i
15. Pasahat ma tu Debata, sudena langkami
Dung i sonang ma rohami, Amen, Haleluya
1. Ni hormat bo ni puji Ho, Ama na i bo roha
Debata nagumogo Ho, na pangoluhon iba.
Nara manyesa dosangki, Jana pasonang rohangki, Pinuji ma goar Mu
2. Na dung ditompa Debata, sai diramoti Ia
Arian dohot borngin pe, laing diondingi Ia
Di harajaanNia pe, hum uhum na tigor sajo, pinuji ma goarMu
3. Nada jungada Ia ra, sian halakNa sirang
Tongtong Ibana na mala, roha dohot pikiran
Dipasupasu Debata, sudena na porsaya da, pinuji ma goarMu
4. O Tuhan huihutkon Ho, sapanjang au marhosa
Sai sonang au mamuji Ho, haru pe au pardosa
Pamatang dohot tondingki, angkon pasangap goarMi, Pinuji ma goarMu
5. Taoku ma goarNa i, tapuji ma Ibana
Sai taoloi tona i, tarsurat di hataNa
Na denggan do sudena i, dalanNa pe tigor do i, pinuji ma goarMu
1. Ulang so sangap goarMi, Jahowa Debatangku.
Sotola hamagoan i, Mangarsak i rohangku
Sudena habilean i, Sandok parsalisian pe,
diantak Debatan ta.
2. Hupuji bo husomba Ho, ale Debatanami
Sudena digomgomi Ho, gogoMu so tardodo
RohaMu pe sai tulus do, gabe martua hami on
Debata na gumogo
3. O, Jesus Kristus Tuhanki, na dung manjadi jolma
Pangolu ma na mago i, padame na marbada
Jesus sai tangihon ma, tangiangnami jagit ma
Pangolu hai sudena
4. O, Tondi Parbadia i, sondangi ma sudena
Na dung ditobus Jesus i, ture ma parangena
Sibolis dohot dosa i, tilako dohot jaya pe
Padao ma sian hami
1. Sangap, sangap, sangap di Tuhan Zebaoth
Ia raja ni sandok jolma i,
Ho sianna, Hosian na di Surgo,
Pinuji goar Nia sapanjang na
Hosianna, Hosianna, Hosianna di Surgo
2. Sangap, sangap, sangap di Tuhan Zebaoth
Hasonangan di hasiangan on
Hosianna, hosianna di Surgo
Majop rohaNia, di hajolmaon
Hosianna, Hosianna, Hosianna di Surgo
1. Tongtong ta puji ma, Jahowa Debatan ta,
Na holong bo basa, rohaNa mida hita.
Sian na menek do, lopus sadari on.
Sai di sarihon do, sude na hita on.
2. Dilehen Debata di hita hasurungan
Sudena na tama, na gabe hangoluan
JagoonNia do, tongtong tondinta i
Dosanta sasude disesa Ia i.
3. Tapuji Debata, parasi roha Ia
Dohot AnakNa da, bo Tondi Parbadia
Ibana na sintong, sian mulana da
Na mian do tongtong, salolotlolotna.
Jahowa, Jahowa,
Jahowa, Pinujima goarMu, gogo Mu. Amin, Amin.
Lopus langit bo tano on, gor dibaen hataMon.
Angkon dibagasMi, Na ias, ias, ias endeng ki.
Haleluya. Haleluya.
1. Ende hononku Ho Jahowa, angke Debata namangolu Ho.
Suruhon Tondi Parbadia, tu au anso tarpuji au peto.
Markitehite Jesus AnakMi, goarMu na tongtong marsangap i.
2. Rade do dalan di AnakMu, parhiteanku ro manopot Ho
Tongtong rajai pikiranku, paro TondiMu tu rohangku do
Sonang situtu hulala dung i, goarMu pe sai huendehon i.
3. Pamalo au ale Debata, marendeende na tama di Ho
Sai ulang hum di hatahata, tapi pasangaponku noma Ho
TondiMu angkon manyondangi au, anso denggan marendeende au.
4. Tumbuk di Ho ende-endengku, dohot pangindoanku na disi
Asi situtu ma rohaMu, dilehen Ho lumobi sian i
Nada tarbaen be rohaMu dao, muda hudok : “Amang tangihon au.”
5. Martua au hupangindohon, markitehite Jesus AnakMi
Anso torang dipabotohon TondiMu, nada lus tangiangki
Harani i sai jop do rohangki, tongtong mamujimuji goarMi
1. Tapuji ma Jesus tong-tong Ibana partobus sude.
Pardosa na lilu hian, Ditogu mardalan pade.
Tama, tama, tapuji Ibana ria. Tama, tama, tapuji Ibana ria.
2. Tapuji ma Jesus tongtong, na sangap do Ia antong
Di Surgo, di tano, di laut, ulang so rohaNa do saut
Tama, tama, tapuji Ibana ria. Tama, tama, tapuji Ibana ria.
3. Sai ulang mabiar hamu, donganta do Ia tutu
Gogo pe musunta sude, gumogo Tuhanta do pe
Tama, tama, tapuji Ibana ria. Tama, tama, tapuji Ibana ria.
4. Sompit pe dalanmu dison, tu Jesus Tuhanmu ho ro
Haposi Ibana sajo,
digolom tanganNa ma ho
Tama, tama, tapuji Ibana ria. Tama, tama, tapuji Ibana ria.
5. Dung sude bohalta muse, tapuji Ibana tongtong
Tu Surgo sapanjangna i, rap dohot na masuk tusi
Tama, tama, tapuji Ibana ria. Tama, tama, tapuji Ibana ria.
1. Betama sai taendehon, Goar ni Tuhanta i.
Jana sai tapabegehon laing togu padanta i,
Anso murtangkas tarida, haporsayaanta i.
Bo holong rohanta mida dongan sasudena i.
Anso murtangkas tarida, haporsayaanta i.
Bo holong rohanta mida dongan sasudena i.
2. Tapagara palitonta jana tapatorang ma
Hita bangso ni Jahowa, haposanta Debata
Sai godang do hangoluan ro tu hita on dung i
Angke dipasangap Tuhan na pajop hataNa i
Tapagara palitonta Tuhan sai patorang ma
Hita bangso ni Jahowa, haposanta Debata
3. Antong pasupasu hami, ale Tuhan Zebaoth
Anso sonang rohanami dohot Ho laing tong solkot
Pargogoi ma na loja, sai tolongi hai sude
Martangiang marsimora, lopus monang hami be
Antong pasupasu hami, ale Tuhan Zebaoth
Anso sonang rohanami dohot Ho laing tong solkot
1. Hara ni Tuhan Jesus, marende-ende au.
Asi do roha Nia, haru pardosa au,
IbaNa napadomu au dohot Debata.
Dibaen mudar Nia sabur di Golgota
2. Hara ni Tuhan Jesus, mamujimuji au
Tongtong holong rohaNa tutu marnida au
Bahat do hasusaan, di hasiangan on
Anggo di tanganNia, ma sonang au tongtong
3. Hara ni Tuhan Jesus, marmogamoga au
Hum Ia na jumeges, sumangap do di au
Dung dumpang au Ibana, gabe ma au peto
Na so tarlehen jolma, lehenonNia do
4. Hara ni Tuhan Jesus, marolopolop au
HataNa huihutkon, jana porsaya au
Laing Ia na patogu, pasonang rohangki
Ro di Banuaginjang, hum Jesus Tuhanki
1. Sai pujima Tuhan Jahowa, hamu na burju roha i.
Patorang ma tangkas paboa, nasangap do goar Nai.
Hum hahomangan baenon Na sian mula mula na i.
Humitir do angka aloNa, marnida hagogo on i.
2. Mahiang laut dibaen Ia, tarbolus pat ni jolma i
Togu digolom tanganNia tungkot ni harajaan i
Laing dipareso Ia jolma, anso mangolu bo burju
Tapi angka na jahat roha, ulang so tunduk situtu
3. Sai didongani Ia hita, ulang simbil langkanta i
Haru diuhum Ia hita, laing sonang do rohanta i
Ulang so ias tondiniba, malua sian tano on
Indada anso mago iba, pangoluonNa hita on.
4. Marroan ma hamu na olo, manghabiari Debata
Tangihon ma hataNa jolo, tigor do i jana tama
So giot dipangido Ia, haul na nitutung sian ho
Rohamu lehen ma diSia, Ibana ulang so diho.
1. Ahama ende hononku, Anso pujionku Ho?
Ale Tuhan Debatangku, sai urupi au gogo.
Nada tar pajojor au holong rohaMi di au.
Harani hupuji Ho, na marribu noli do.
2. Sai sunggulkon tu rohangku, mangendehon gogoMi
Bo pe asi ni rohaMu dohot habasaronMi
Angke i dihajongjongkon, tondi dohot pamatangku
Harani hupuji Ho, na marribu noli do
3. Haru bahat pe dosangku, ditimbangi rohangki
Homang situtu rohangku, laing gumogo holongMi
So dibalos Ho Tuhanku, sasude hajahatonku
Harani hupuji Ho, na marribu noli do
4. Haholongan, habasaron, hata hangoluan i
Dohot angka parhancitan, i do parhiteanMi
Mamiohon au anakMu, masuk tu harajaanMu
Harani hupuji Ho, na marribu noli do
5. Sai paringgas ma rohangku, pasangapkon goarMi
Dohot haporsayaanku, mur patamba noma i
Sai pamasuk ma o Tuhan, tondingki tu hangoluan
Harani hupuji ho, sololotlolotna i.
1. Sude parhosa puji Tuhan i
Mar hadaulatan tu Tuhan Jahowa
ate-ate munu be.
2. Sude na parhosa puji Tuhan i
Madung marnyala do juguhanNia
Na tongtong marsangap i
3. Holong ni roha ni Tuhanta i
Sian mulana holong do rohaNa
Sololotlolotna i
4. Tarimakasi di Tuhanta i
Parasi roha situtu do Ia
Sai nipuji holongMi
5. Porsaya ma sajo tu Tuhan i
Tongtong tutu bo bonar do hataNa
Nada dung markoti i
6. Tongtong tatiop ma Tuhanta i
PangoluonNa ma hita sudena
I pe pos ma rohami
1. Haleluya Ari Minggu, Ari na dumenggan i
Muda ro iba marpungu, dohot dongan Kristen i.
Ari na sumurung i jop ni roha do disi.
2. Maradian do tondingku, muda dapot Minggu i
Sude arsak ni rohangku, huambungkon ma disi
Tu jolo ni Tuhan i, Jesus Kristus Tuhanki
3. Karejongku ganop ari, hutadingkon do disi
Anso hupasarisari, na pangolu tondingki
Arta na ummarga i, dapot do di Minggu i
4. Jop ni rohaMi o Tuhan, sai patulusonku do
Parangengku hupadenggan, anso hupasangap Ho
Abit hatigoran i, lehen ma tu tondingki
5. Sai sungguli ma rohangku, jana sai ajari au
Pangapoi tongosanMu, anso diingani au
Baen sonang sadari on, roha dohot tondingkon.
6. Sai patanak ma jamita, di huriaMi sude
Sai pasonggop tu Pandita, bo Sintua, Guru pe
Tondi Parbadia i, anso marsahala i
7. Paimbaru ma padanMu, dohot na porsaya i
Lehen gogo na imbaru, pasangapkon goarMi
Ende bo tangiang pe, sai tangihon ma sude
1. Num-ma ro tu parmingguan, hami on, na dison manjalahi ngolu.
Jesus lehen ma di hami, podaMi, hataMi, na pangolu hami.
2. Sai pature rohanami, anso sai adop Ho, di na lagut hami
Anso tangi pinggolnami, jana hot na nidok hataMi tu hami
3. Tondi Parbadia suru tu sude hami be,anso tongtong dame
Mardaulat rohanami, bo pantun, denggan sun di joloMu hami
4. Pabotohon ma di hami, holong ni rohaMi na pangolu hami
Anso mur mardos ni roha, hai sude na gale, manaluhon dosa.
1. Ari na mar hasonangan, ido ari Minggu i.
Ari ni paradianan Napaso karejo i.
Sai martua halahi, na ringgas mar Minggu i.
2. Songon dia pakeanku manopotkon Debata
Rodop toruk ni rohangku i do abit na tama
Dung adong na songon i tumbuk au di Tuhanki
3. Ale Tuhan sai pangolu jana sai ajari au
Muda ganggu sai patogu, marsak pe apoi au
Sai patangkas hataMi di bagasan rohangki
4. Pasupasu pangajaran na nidok ni hataMi
Anso mur patogu padan ni sudena ruasMi
Tolong ma sude na ro martangiang adop Ho
5. Pasupasu ma sudena sandok halak Kristen i
Anso sonang ma sudena ro tu Surgo halahi
Angka na dung ro tusi, moga sonang halahi
1. Ungkap pintu na dumenggan, masuk au tu Sion i.
I ma bagas na dumenggan, jop rohangku dung disi
Bohi ni Debata I, manyondangi au disi
2. Ma dison au o Tuhanku, ro ma Ho tuson muse
Barang dia ingananMu, nada marsak roha be
Ro ma Ho tu rohangki, maringanan ma disi
3. Ganggu haporsayaanku, jadi dipatogu Ho
Giot lilu pikiranku, jadi diajari Ho
Hum hataMu do sajo, manguluhon au peto
4. Sai Paboa ma hataMu, anso hutangihon i
Patidahon ma rohaMu, anso hupatulus i
Jadi Huoloi Ho, songon dakdanakMu do
1. Tatap hami on, na lagut dison.
Giot ma begeon nami, hataMi na mangajari,
hamion sude, ulang lilu be.
2. Sai sondangi ma, hai pardosa da
Ale Jesus Tuhan nami, ulang so tangkas di hami
PangajaranMi, na hai bege i
3. Sai sondangi ma hai pardosa da
Ulang mago tondinami, mudarMi manobus hami
Anso sai tongtong sonang hami on
4. Sai pintori ma hai pardosa da
Muda unduk rohanami, manopoti dosanami
Sesa ma sude dosanami be.
1. O, Jesus Tuhan nami, sai pasu-pasu hami
di ari Minggu on.
Pasonang rohanami, jana ajari hami,
di na marlagut hai dison.
2. Tongos ma sinondangMu, anso tangkas di hami
Na tumbuk adop Ho
Disi pe sonang hami, muda mangolu hami
Mangihut di hataMu do
3. O, Jesus Rajanami, di Ho ma rohanami
Pature ma muse
Ho do nampuna hami, laing Ho haposannami
Di Ho marguru hai sude
1. Hata ni Jahowa, na padame jolma, hangoluan i.
Hajojop ni roha, si apoi roha, ni namarsak i.
Gogo ni Debatangki, paluahon na porsaya, sian sandok jaya.
2. Tahi ni Jahowa, taran so ditompa tano on do pe
Angka hasidungan ni sude haulan, dapot do muse
Tahi ni Debata i, dipatulus Jesus Kristus: Hita on ditobus
3. Ma singkop di hita, asi ni rohaNa, bo basaNa pe
Madung mate Kristus, sidung do ditobus, jolma i sude
Sangap ma di Debata, na porsaya di hataNa, sai pangoluonNa
4. Hata hangoluan, do nuaeng dioban parjamita i
Na lambok begeon do nuaeng dilehen tu rohanta i
Hata ni jamita i: Angkon sasudena hita, paubahon roha
5. Ro ma ho na marsak, songon na nigotap, rohami ale
Ro ma tu Jahowa, pasesahon dosa
tu Panghopkopmi Jesus i, AnakNa i,
i do gabe haluaan sian sandok utang
6. On ma haojahan, na tongtong manahan salolotna i
On ma jongjonganku dohot haposanku, hangoluanki
Gogongki sai hot ma i, mangihutkon tu hataNa, patulus giotNa
7. Jesus sai tangihon, na hupangidohon, asi rohaMi
Lehen dohot gogo di dalan tu Surgo, tu banuaMi
Anso sai tu Ho au ro, muda dung donok adamku, tiur baen dalanku
1. Ale Tuhan Debata, ma dison marlagut hami.
Roma Ho paboa ma, na pangolu tondi nami.
Sai tambai ma holongMu, mida na dison tarida.
2. Jesus sai palua ma hami sian hamatean
Jana sai pamasuk ma hami on tu hangoluan
Sai padenggan rohanami, anso sai masonang hami
3. Songgop ma tu hami be ale Tondi Parbadia
Prangenami baen ture, rohanami sai paria
Dao do mara dohot jaya, sian hami na porsaya
1. Di hatiha hasonangan, muda Ho o Tuhanki
Ni pahusor di pikiran, nasa denggan basaMi
Muda Jesus niluluan, jana Jesus nihaposan.
Hatihana denggan i, na pasonang roha i
2. Sai basa Ho mangalehen asi rohaMi Tuhan
Sai marpupu do dapotan hami on na ro tu Ho
Gok do aek hangoluan di bagasan Ho o Tuhan
Jana sai dapotan do sasude na ro tu Ho
3. Harani o Tuhannami, topot parlagutanMi
Pasupasu dohot hami, gohi rohanami be
Suman songon si Maria, gabe halak na badia
Baen ma hami sasude, anso rap maruli be
1. HataMi ale Debata, sai jagahon di au on
I ma arta na ummarga, na tongtong pangolu au.
Muda nada be mararga, hataMi di tanoon.
Aha ma patogu roha, dohot haporsaya an.
2. Haleluya, o Jahowa, sai jagohon ma au on
Ulang au marlayas roha, togu tu hataMu au
Sai paringgas ma rohangku, mangoloi Ho sajo
Juguk au di lambung patMu, songon si Maria do
3. Pasupasu ma jamita di bagasan rohangki
Anso tongtong ma tarida, laing mangolu hataMi
Di parange di hatangku, ro di pangalahongki
Sai tarida ma marbatu, di ngolungku hataMi
1. Jesus lehen hatorangan, hapistaran mangastu i hataMi.
Lehen mata na marnida, dohot roha na umboto dalanMi.
Anso tongtong, maradopkon bohiMi mardalan hami.
Anso di Raja i TondiMi ma hami.
2. Ganop ari ma ajari, hami na di haotoan i do pe
Anso mur porsaya hami, Ho sajo do hangoluannami be
Mur lumolot, mur pasolkot tu rohaMu rohanami
Anso songon Ho ma pangalahonami
3. Sai martua ma nasida, na mambaen Jesus haposanna i
O sugari olo hita, laing Ibana parsigantunganta i
Ale Jesus sai patogu hami na di parporangan
Anso dapot di ujungna hamonangan
4. Sai tangihon ale Tuhan, muda martangiang hami adop Ho
Pasupasu marlobian, lehenonMu di na ro manopot Ho
Sai dongani noma hami anso laing di parpadanan
Tinggal hami lopus ro tu hasonangan
1. Ale dongan na tarkurung, di bagasan dosa i.
Hangoluan na sumurung, na hu jamitahon i.
Dipapatar Debatanta, Asi nirohaNai,
Ma disuru do AnakNa, baen hangoluan ta i.
2. Pangondian do AnakNa na dung ro tu tano on
Na palua sian dosa, na manghopkop hita on
Jesus Kristus do goarNa, Ia pangondian i
Laing Ibana na manggarar utang ni dosanta i
3. Jesus Kristus do manogu hita on tu Debata
Bo tondinta pe ditogu di bagasan tona i
Ulang hita be lilian, morot sian padan i
Na nibaen di pandidion, adop Debatanta i.
1. Hasonangan ale Jesus, sai na lehenonMu do
Di bangsoMu na patulus Hata dohot tonaMi
Tapi lomos so margogo hami na dison sude
Muda so TondiMu olo, margogoi hami be
2. Ale Tondi hasonangan, songgop ma tu hami be
Tu dakdanak bo na godang, mangarahon sasude
Sai patangi pinggolnami dohot rohanami pe
Anso tamba ringgasnami, anso mago na gale
3. PangidoanMi di hami: Mangoloi tona i
Angkon marholong ni roha mida angka dongan i
Jadi dung margogo hami, tulus ma na nidokMi
Asa tinggal ma hataMu di bagasan hami be
1. Laho ruar masuk pe, Jesus sai dongani hami.
Pasu-pasu hami be, dohot pancarian nami.
Lopus sude bohal nami, ro di Surgo togu hami.
2. Golap rohanami be, bo parbinotoannami
Muda so tondiMu be manyondangi rohanami
Dung pe Ho pature hami, sonang pardalanannami
1. Rap ma tadokkon: amin, sada muse rohanta, manggolom hata i.
Jesus Tuhan nami, patogu roha nami, marhite-hite tondiMi
2. Tongtong ma diparia, tondiMu na badia, marmomos hataMi
Anso martua hami, tongtong di dalannami, laho manopot Surgo i
1. Pasu-pasu hami, ale Tuhan nami.
Sai jagohon hai sude, ulang hami mago be.
2. Dung i sai sondangi tongtong rohanami
Sai asi ma rohaMi mida hai sudena i
3. Sai matai hami dohot langkanami
Bo pe hasonanganMi lehen ma di hami i.
1. Di paima hon halakMi, o Jesus haroroMu.
Di halungunkon halahi: tarida ma gogoMu.
Andigan di pasonang Ho, angka na mangintehon Ho,
Tibu ma ro o Tuhan, Tibu ma ro, o Tuhan.
2. Tutu sai didongani Ho, nasida ganop ari
Tangiang ditangihon Ho, bo pangidoannami
Tapi laing hurang do pe i, angkon hai ida bohiMi
Tibu ma ro, o Tuhan, tibu ma ro, o Tuhan
3. Muda hai ida musu i, marsak ma rohanami
HataMu dohot goarMi, dialo, diincahi
Patorang ma kuasoMi, di jolma sasudena i
Tibu ma ro, o Tuhan, tibu ma ro, o Tuhan
4. Arian dohot borngin pe, gara ma palitonta
Jonggor ma ulang modom be, marmiak di kaconta
Angke dung ro soraNa i, madung hobas hita sude
Mangaloalo Jesus, mangaloalo Jesus
5. Mamake abit surto i, do hatigoranta
Malua sian tano i, jongjong di adopanNa
Marjop ni roha ma tongtong, marolopolop ma gogo
Ma ro Tuhanta Jesus, ma ro Tuhanta Jesus
1. Bia ma panjagit ku, di Ho o Tuhanki.
Malungun do tondingku, di hangoluanMi
Sondangi ma rohangku, anso tangkas di au
Na tumbuk di rohaMu, bo na pangolu au.
2. SionMu do pararat, tu hami hataMi
Rohangku pe ma talak, anso bongot tusi
Ingani borajai, rohangku ma tongtong
Anso hujamitahon, hataMu na sintong
3. Na so adong na hurang, sude tama tupa
Laing tong marhangoluan, na mangoloi Ho
Haru pe marsak iba, manaon na bile
Dung Jesus Tuhanniba, tartaon do sude
4. Ahana ma di iba, hosom ni roha i
Sudena angka musu, haru gogo pe i
Sai dipasarsar Jesus, tuptup ni halahi
Sude musungku talu dung Jesus donganki
1. Talak ma ungkap pintu i, di baen ro Tuhanta i.
Raja ni sandok raja i, nampuna sasude na i.
Di oban Ia do sude, na pa sonangkon hita on.
Dibaen i tama, ta puji Debata.
2. Na tigor do rohaNa i, parasi bo pe na basa
Laing tong lidang uhumNa i, tumbuk tu sandok jolma i
Hum sada nada tinggal be, hum Ia hangoluan i
Dibaen i ma da, tapuji Debata
3. Sai na martua tano on, dung ra manjagit Raja on
Sonang muse rohanta i, dung masuk Raja on tusi
Angke Ibana na malo, patupa hangoluan do
Dibaen i tama, tapuji Debata
4. Madung huungkap pintu i, rohangku sai ingani i
Jesus hangoluanki, paro tu au sinondangMi
Anso denggan mardalan au, dao sian hajahatan i
Lopus tu Surgo i, hupuji Ho disi
1. Mata ni ari bincar saonnari,
Bo sinondangNa ma ro tu hita,
mandok na patut do ngot hita on.
Di hagolapan do hita sai danna,
tapi saonnari dung ro torang ari
Ulang hita tarpodom di dosa.
2. Jop ma rohanta mida Tuhanta
Di haroroNa manopot jolma
Patupa hangoluanta dison
Angke tondinta ummarga diSia
Haulkon ma hatarimakasion
Dohot artanta tuSia tongtong
3. Pangiburuan so tola tubu
marnida dongan na dung sumonang
alo ni roha ni Tuhan do i
Hosa ni jolma, bo hasangapanna
gogo sudena, bo angka serena
na so parguna di Jesus do i
4. Langit bo tano sego ma sogot
tapi Debata dohot hataNa
madung togu do salolotna i
Laing songon i ma asi ni rohaNa
tongtong togu do bo pe na pangolu
sandok na manghaporsayai i
5. Ale Tuhanku hangoluanku
ibo rohaMu sesa dosangku
ulang be ingot i tu pudi on
Dung i rajai, jana sai matai
au naposoMu di pardalananku
angke hum Ho do parguruanki
1. Ho sianna Anak ni, Raja Daud na ro tu hita
Si pa torkiskon ta i, giot sorang di rohanta.
Sai ta alo- alo ma, Tuhan i, i ma tama.
2. Hosianna, ro ma Ho tu bagasan rohanami
Baen ingananMu do, ale Jesus Tuhannami
Muda masuk Ho tusi, sonang rohanai dung i
3. Hosianna, Raja ni hajolmaon Ulubalang
Sandok na niobanMi, tua dohot hasonangan
Anso hami sasude, marulihon i muse
4. Hosianna, tatap ma hami na nirajaanMu
Togu ma tu Debata, lehen ma hadameonMu
Ulang haririmas be, mandondoni hami be
5. Hosianna, tulus ma bagabaga ni Jahowa
Haru na buni do pe, patorangon ma di jolma
Angka na porsaya i, sai dapotan sogot i
1. Solsoli roha munu, hamu parroha i.
Madung ro Raja munu, manyesa dosa i.
Ro sian Surgo do, manungkir hamarsahan,
di angka na di dalan tu hamago an i.
2. Patalak di Ibana pintu ni rohami
Na so hombar hataNa, padao ma sasude
DalanNa baen ture, na giot bolusonNa
Ulang adong abatna anso mardomu pe
3. Parroha haserepan, topotonNia ma
Tapi angka na jahat aloonNia da
Hara ni i rodop jana unduk rohanta
Bo pe pangidoanta, o Jesus ro ma Ho
1. Hamu na burju roha i, sai alo-alo Jesus i,
manopot hajolma on.
Donok do ari pesta ni, sudena parlagutan i,
i ma haso-sorangNa.
Beta hita taparade ma rohanta mandapotkon,
na manopot hajolma on.
2. Marjop ni roha situtu sudena halak na burju
na mangihutkon Jesus
I pe pataridahon ma jop rohami di Debata
sangkapNa ma patulus
Puji, Puji, Jesus Kristus na manobus tondi munu
sian hamagoanmunu
3. Patalak roha munu be, sai tanda dosa mi sude
nada tarbaen malua
Sai jagit Sipalua i na mijur sian Surgo i
manggarar utang munu
Tanda, hata, hangoluan na nioban ni Tuhanta
na manyesa sude dosa
4. Muda nada dioban ho tu Jesus dosami sude
nada tarbaen malua
Tongtong madabu rimas i na sian Debatanta i
tu ho na sai manulak
I pe, dosa, angka late bo na jahat di rohamu
pasesahon tu Tuhanmu
5. O Debata sai tatap ma sudena parlagutanMi
sai tarik rohanami
O Jesus Kristus Tuhanki, na ro manopot jolma i
anso martua hami
Gomos tiop rohanami, na manopot tu na sonang
lopus tu Banua ginjang
1. Hamu sude na hona bura ni tona ni si Moses i.
Roma hamu tu hasonangan na di bagasan Jesus i.
Angke madung di gotap Jesus do pangarahut ni si bolis
na mangagohon tondimi.
Dapotkon ma tongtong Tuhanmu, na ro mambaen haluaanmu,
papos ma rohami disi.
2. Madung ro gurumi paeleng pinggolmu tu podaNa i
Giot pa boaonNa dalan di ho laho tu Surgo i
Angke buni anggo najolo
Patar do di sude na olo parsaya di Tuhanta i
Hum Ia do na paboahon sasude na nipangidohon
Ni Debata AmaNa i
3. Na ro ma Rajami, sai jagit Ibana tu bagasan ho
HasonanganNa ditinggalkon, pauba dangolmi ale
Antong sai tiop ma tanganNa
Partanda na nirajaanNa jana jagahononNa ho
Patorangan ma burju paboa hudukkononmu do na jahat
Mangoloi Tuhan i ma ho
4. Gok situtu hamoraonmu, di Jesus Kristus Tuhanmi
Angka na jat di pikiranmu, gotapkon sian rohami
Anso sudena parsidohot, rap tu Banuaginjang i
Sannari do hadenggananna, sai jagit ma hasonanganmu
Sian Jesus Tuhanta i
1. Numma dumpang muse ari pesta i
Hasosorang ni Tuhan ta Jesus i.
Mijur do Ibana sian Surgo i, saor tu hita on.
Hasangapan di Debata, hasonangan ma di jolma.
Jop ni roha ni Debata, hajol maon muse.
2. Beta ale dongan tu Betlehem i
Rap tasomba ma Dakdanak na disi
Na nitongos ni Parasi roha i, Debata Ama i
Hasangapan di Debata, hasonangan ma di jolma.
Jop ni roha ni Debata, hajol maon muse.
3. Sombanami ma di Ho na sorang i
Ho sioban dame tu portibi on
Sai lopokkon ma tu rohanami on, dameMi o Tuhan
Hasangapan di Debata, hasonangan ma di jolma.
Jop ni roha ni Debata, hajol maon muse
1. Ari na denggan, ari na sonang, hasosorang ni Kristus i.
:/:Jesus ma topak Panobus jolma, moga ma hamu ale Kristen. :/:
2. Ari na denggan, ari na sonang, hatotopak ni Kristus i
:/: Ma ro Tuhanta, pasae dosanta, moga ma hamu ale Kristen :/:
3. Ari na denggan, ari na sonang, hatotopak ni Kristus i
:/: Surusuruan mamuji Tuhan, moga ma hamu ale Kristen :/:
4. Ari na denggan, ari na sonang, hatotopak ni Kristus i
:/: Ma domu jolma dohot Tuhanta, moga mahamu ale Kristen :/::
1. Di Betlehem do sorang, dihita Anaki.
I ma sian na burju, hupuldit Rajangki,
i ma, i ma, hupuldit Rajangki
2. Tu holong ni rohaNa, hubonom rohangkon
Hulehen di Ibana, sude na di au on
Olo, olo, sude na di au on
3. Angkon huhaholongi Ho ale Tuhanki
Marsak bo jop rohangku, angkon mur tamba i
Olo, olo, angkon mur tamba i
4. Di Ho haulkononku, sandok pikirankon
Tuhan asi rohaMu, urupi au tongtong
Olo, olo, urupi au tongtong
5. Ho do partohapanku, o Jesus Tuhanki
Tu Ho ma au mardomu, ro di ujungna i
Olo, olo, ro di ujungna i
6. Tu Ho noma rohangku, salolot au adong
Ho parsigantunganku, pangolu au tongtong
Olo, olo, pangolu au tongtong
1. Sonang ni, borngin i, dompak ro, Jesus i
Sinok modom do halak sude, holan dua na jonggor dope
Mamata i na ro, i ma Tuhanta do.
2. Sonang ni borngin i dompak ro Jesus i
Tu parmahan di Betlehem do, ro barita na denggan sajo
Sipangolu ma ro, i ma Tuhanta do
3. Godang ni tua i na dung ro Jesus i
Dipalua pardosa hape dapot hangoluanna muse
Sian Jesus na ro, gabe jolma peto
1. Sonang ni, borngin i, dompak ro, Jesus i
Si Maria sai jonggor do pe, bo si Josep amaNa muse
Mamatai na ro, Anak ni Debata do
2. Sonang ni borngin i, bintang i, bulan pe
Sirlak ni surusuruan i, paboahon tu parmahan i
Madung ro Sipangolu, gabe jolma tutu
3. Sonang ni borngin i, godang ni tua i
Ende ni surusuruan i, marsaringar sian Surgo i
Paboahon ma ro, i ma Raja Syalom
1. Di na saborngin i do bincar, sinondang sian Surgo i.
Sai bali ma sude na simpar, dibaen sinondang Na i
Sondangon ni sinondang on, sogot sude portibi on.
2. Ianggo Ho ale tondingku, sai jagit masinondang i
Anso muse tiur rohamu, baenon ni sinondang i
PabalionNa do sude, sibolis dohot dosa pe
3. Sinondang on do patuduhon na so diida ho hian
Harani i sai hangoluhon, padoNa na tu tondimi
Angke hamonanganmu do, tongtong ma marsinondang on
4. Dibaen i sai marsinondang, baen haporsayaanmi
Padenggan ma jana patorang, rohamu bo parangemi
Paboa na marguna do, sinondang i na ro tu ho
5. Jesus Sinondang na ummuli, na pasonangkon rohangki
Toguhon ma tondingku muli, tu Surgo tu ingananMi
Sai pujionku Ho disi, salolot ni lolotna i
1. Immanuel sadarion, ma ro Tuhan ta i.
Immanuel madung dison, na gabe jolma i, na gabe jolma i.
2. Dihaholongi Debata do hasiangan on
Asa dilehen Ia ma AnakNa na tongam, AnakNa na tongam
3. Sipatorkiskon ni sude bo hangoluan i
Manjagit sibuk do hape, so dohot dosa i, so dohot dosa i
4. Ma dipasingkop Ia do na tumbuk na tama
Anso gabe tarbaen au, manopot Debata, manopot Debata.
5. Tongtong dihopkop Ia au di parhancitan i
So tola be niuhum au harani dosangki, harani dosangki
6. Hupuji Ho Immanuel, rohangku jagit ma
Hulehen gabe Betlehem, hasoranganMu da, hasoranganMu da
1. Hamu, o dakdanak sai ro ma tu son, Taligi na sorang di Betlehem on.
Hajopan ni roha na godang hape, dilehen Amanta di hita sude.
2. O ligi hamu ma di bara disi, payak sada Anak jumogi do i
Sian sasude surusuruan i, na patut ni goar Immanuel i
3. Bahat pardiSurgo na mijur tusi, marende mamuji sude halahi
Diida dibege parmahan ma i, lingkas ro nasida manyomba tusi
4. Hamu pe dakdanak sai dohot hamu, marsurak, marende, manyomba tutu
Di jolo ni Anak na dung sorang i, Sipatorkiskonta Tuhanta do i
5. Ajari o Tuhan rade rohangkon, pamatang bo tondi di Ho noma i
So giot di Ho parserean hape, hum roha na serep pajop rohaMi
6. Dison rohanami hai lehen tu Ho, paias, padenggan, patudos tu Ho
O Jesus sai jagit, pature ma i, tongtong ma maringan TondiMu disi
1. Martumbur sada tunas na sian si Jese i.
Masorang sada Anak, na ni parbaga i
I ma Tuhanta i, na ro sian Amana, tu hita jolma on.
2. Tunas na nibagahon ni si Jesaya i
I do na nianakkon ni si Maria i
Na tulus dompak i, na niparbagabaga ni Debatanta i
3. Tongam sajo tompaNa, bo marsinondang i
Haru dangol Ibana na gabe jolma i
SondanganNia ma, roha ni hita jolma na di na golap i
4. Tapuji ma Jahowa, parasi roha i
Dilehen do AnakNa, hangoluanta i
Ringgas ma hita on, marsomba tu Ibana, Sioban tua i
5. O Jesus Tuhannami, ro Ho tu tano on
Tu parhancitannami di hasiangan on
Asi ma rohaMi, Ho ma manogu hami, tu hasangapanMi
1. Marende ma hamu, on ma dohonon mu:
Sai haholongan ta na baru sorang on,
Naro manopot hita tu pardangolan on,
Tuhanki do Ho, Tuhanki do Ho
2. Malungun au di Ho, o Jesus na dung ro
Sonang do rohangku salolot au dison
Sai asi ma rohaMu marnida dangolkon
Tarik au tu Ho, tarik au tu Ho
3. Basa do Ama i manyuru Jesus i
Anso digarari Ia sude utangta i
Dung i patupaonNa hasonanganta i
Dohot au disi, dohot au disi
4. Hasonanganta i, dumpang di Surgo i
Sai marjop ni roha, surusuruan i
Bo angka na badia na dung bolkas tusi
Puji Debata, puji Debata
1. Di lambung panggagatan i, marsinggang au o Jesus.
Manyomba Ho na sorang i, angke Ho na su mangap
Hu oban ma sadari on, tondingku dohot rohangkon, sai jagit ma sude na
2. Taran so sorang do pe au, madung hian Ho sorang
Asa dipuldit Ho do au, haru pe au pardosa
Marhitehite asiMi, disesa Ho do dosangki, tarsurat do goarku
3. Di hagolapan i pe au, Ho gabe sinondangku
Taran songon na mate au, laing Ho hangoluanku
Lopus sadari on do pe, patupaonMu sasude na pangoluhon iba
4. Saonnari pangidoanki, sai ulang au manggaga
Baen ma Ho haposanki, gogongku ma patamba
Asa ingani rohangki, songon di bara dompak i, i ma hasosorangMu
5. Tutu muda huingot do, dangolku bo pogosku
Haru pe so adong di au, Tuhanku ma bayongku
Haru pe au abuan do, laing jop rohaMu mida au, dibaen asi rohaMu
1. Ale na porsaya tapuji ma Jahowa,
taligi na sorang di Betlehem:
I ma Dakdanak Sipatorkiskonta,
Tasomba ma Ibana, tasomba ma Ibana,
Tongtong noma tasomba Rajanta
2. Parangan di ginjang endehon ma Jahowa
Pangisi ni Surgo olopkon ma
Sangap di Surgo, sonang ma di tano
Tasomba ma Ibana, tasomba ma Ibana
Tongtong noma tasomba Rajanta
3. Tutu ale Tuhan
na dung manjadi jolma
Harani pardosa na mago i
Ulang so Ho nampuna rohanami
Tasomba ma Ibana, tasomba ma Ibana
Tongtong noma tasomba Rajanta
4. Martua sudena
na dung mar Tuhan Jesus
Mangolu tarida ma sonang be
Moga nasida sai marsialusan
Endehon Haleluya, endehon Haleluya
Endehon Haleluya di Debata
1. Holong ni roha maninggalkon Surgo, tuat tu par nakar-nakaran on.
Manjagit pardangolan situtu do, ise ma he marnungnung Ho tu son.
Ia so haho holongMi marnida au payak di pardosaan i.
2. Na so tarasam holongMi di hami, hadebataanMi diporso Ho
Manaon parsahitan gontinami bo duriduri di uluMu pe
Hum hahoholongMi sajo, harani i ma olo gabe jolma Ho
3. Magabe kahanggingku, haholongan, asi ni roha bo sisolkotki
Debata do donganku sarongkanan, portibi on domu tu Surgo i
Ma sorang Hangoluan i, ma mulak hasangapanki na mago i
4. Marhitehite Jesus hasintongan, sonang ma tondi ni pardosa i
Songon oroan ma muse idaon, jongjong di jolo ni Debata i
Na paimbaru jolma pe, songon habangsa ni Jahowa do muse
1. Sangapma di Debata, dipatulus Ia ma,
Hata Nia sasude, umpe sada tinggal be.
2. Na nihalungunkon do, haroro ni Jesus i
Hasongtian ma disi, na dung ro Tuhanta i
3. Upa ni si Abarham, ompu na tongtong tongam
Na so hasalpuan be, ro tu hita on hape
4. Angka sipardosa i, paluaonNia i
Anso sonang halahi di HarajaanNa i
5. Jop rohangku ma peto, ale Jesus mida Ho
Sai rajai rohangki, baen ma ingananMi
6. Ho nampuna au hian, laing Rajangku Ho Tuhan
Bo nuaeng tu pudi pe di tanganMu au muse
1. Sinondang di angka parbegu, na manorusi tano on
Diida do sude nageduk, na masa di hajolmaon,
Jesus, dohot roha nami, paturema jana ingani.
2. Bahat do hahurangannami, diboto Ho tangkas sude
Harani i Ho ro tu hami, margogoihon na gale
Ma tarkilala do gogoMu di na mamorso nasa uhum
3. Usehon ma ale Tuhanku, tu au holong ni rohaMi
Anso muse holong rohangku, di Ho dohot di goarMi
Na so adong do pe gogongku, manghaholongi Ho Tuhanku
4. Sondangi ma tongtong rohangku, ungkap muse pamanganki
Hujamitahon ma hataMu, bo pe hupuji basaMi
Na dung tarida di pardosa, na patut do marutang hosa
1. Ale parangan sai olop-olopkon hamu ma.
Ende-endehon ma Si patorkis kon ni jolma.
Ligi mada, numma dung ro AnakNa,
Ma dung mardomu tu jolma.
2. Langit bo tano gogoi hamu ma paboa
Halak pardosa dapotan ma asi ni roha
Harani i moga ma da rohanta
Ulang mardandi be hita
3. Ligi ma godang ni holong ni roha ni Tuhan
Mida pardosa na patut situtu uhuman
Sesa sude utang ni jolma hape
Jesus manggarar sudena
4. Nada malo au manimbang baenon ni Tuhan
Ia patalak pintu, na ro tu hangoluan
Bolus ma i sonang rohamu dung i
Dung na mardomu tuSia
5. Raja di Surgo na gabe dakdanak di tano
Buat rohangku pasobok ma i tu rohaMu
Hum Ho sajo giot hupuldit peto
Sonang ma au salolotna
1. Nasian Surgo do Au ro, ha tangKu na denggan sajo,
Hujamitahon ma sude, tangihonma hamu sude.
2. Ma sorang do sadari on, Anak na denggan do antong
Jop rohamunu mida i, angke hangoluanta i
3. GoarNa Jesus Kristus i,
na ro mangantak hancitmi
Na patorkiskon di sude, bo na manyesa dosa pe
4. Partinandaan ma di ho, panganan na di bara i
Disi payak sadari on, nampuna hasiangan on
5. Sude ma moga hita on, na menek bo na godang pe
Tasomba ma na sorang i, Tuhanta bo Rajanta i
1. O, Jesuski hu puji Ho, hara ni gabe jolma Ho.
Ditopot Ho do hami on, nadangol di portibi on.
2. Nasorang Ho di bara i, Anak ni Debata do Ho
Partohap di BanuaMi, na pangoluhon hami on
3. Sigomgom parlagutan i, payak hape di bara i
Dangol pangkilalaanMi na paluahon jolma i
4. Na sangap Ho bo pe tongam, mamungka sian nahinan
Ro patiurkon tano on, bo manyondangi rohangkon
5. DiriMu dirumari Ho, sangapMu ditinggalkon Ho
Manogu hami jolma on, tu Ama na di Surgo i
6. Napogos Ho di tano on, umpe adong tudosanMi
Gabe na mora Ho muse, sumurung sian sasude
7. Sai baen ma au songon Ho, haru bile marsangap do
Harani denggan basaMi, i pe hupuji goarMi
1. Beta hita rap tasomba, Tuhan Jesus nadung sorang
Mago golap, ro natorang, tusude portibi on.
2. Hailaan, hamamago, malumalu ni naroko
Hita na manjagit gogo, nada marsak roha be
3. Ligi ma Tuhanta Jesus, sian Surgo haroroNa
Gabe jolma do Ibana, pangoluhon hita on
4. Holong situtu rohaNa, mida hita na gok dosa
Patut ma marutang hosa, muda so disesa i
5. Madung timbul do Tuhanta, hasangapan do dioban
Harajaan ni alonta, sego ma dibaen i
6. Ungkap pintu ni hurungan, utang dosa ma digarar
Na malua do tondinta, sai mangolu hita on
1. Ligima raja mu ro, manopokon ho, o Sion
Nim-mu ma: Sai ro ma Ho, jop rohangku Ho maringan.
Di bagasan rohangki, anso Ho nampuna i.
2. Numma Ho nampuna au, sian na nipandidihon,
HataMi madung di au, anso i ma hutangihon.
Angke dipaboa do : Raja Jesus ro tu ho.
3. Ro ma Ho paruarma, sasudena dirohangku,
Basu dohot mudarMi, baen ias dohot rohangku
Anso jop ma rohaMi, mangingani rohangki.
4. Di pamunan ro do Ho, giot manyesa dosangku,
Anso sonang au peto, taran dipardaganganku
Ro ma Ho o Jesuski, Ho do hangoluanki
5. Ro ma Ho sai oban ma, pangapoi tu rohangku,
Anso hupasangap ma, Ho di jolo ni donganku
Anso rap ma hai mandok: Hosianna ma di Ho
1. Gabe jop niroha, hasosorang ni
Jesus Sipalua haholongan ki
Jesus Sipalua haholongan ki
2. Sai bahat do dosa, pandugaan pe
Mangarsahi hita lopus mate pe
Mangarsahi hita lopus mate pe
3. Nada tarhatahon hamagoan i
Muda so ro Jesus, Sipalua i
Muda so ro Jesus, Sipalua i
4. Tuhan Debatangku do marsuru Ho
Nada be mandele na manjagit Ho
Nada be mandele na manjagit Ho
5. Sonang do rohangki, dibaen Ho Tuhan
Tua na sumurung, dame dumpang do
Tua na sumurung, dame dumpang do
6. Sai mardongan Jesus, na dumenggan i
Bo tu au patulus nipangidoMi
Bo tu au patulus nipangidoMi
7. Sugari diboto jolma burjuMi
Numma marrongoman ro tu joloMi
Numma marrongoman ro tu joloMi
8. Hajojop ni roha, bo na hancit pe
Sai tong tu na denggan horkononna be
Sai tong tu na denggan horkononna be
9. Sai ditatap Jesus sian Surgo i
Jolma nanitobus ni mudarNa i
Jolma nanitobus ni mudarNa i
10. Holos ni rohanta dibotoSa do
Sai pasonangonNa dakdanakNa do
Sai pasonangonNa dakdanakNa do
11. AbingabingonNa na porsaya i
Jana obanonNa tu na sonang i
Jana obanonNa tu na sonang i
12. Na marsiriaon do disimuse
Amen, Haheluya sai tapuji be
Amen, Haheluya sai tapuji be
1. Ari ni Debata do on, ingoton ni portibi on
Pujion ni sude na i, di tano dohot Surgo i.
2. Sai dipaima halak do, andigan hatihana ro
Disuru Debatanta i na pangoluhon jolma i.
3. Homang situtu rohangki, muda sai hutimbangi i
Na so taretong be sude, asi rohaNa i hape
4. Anso sonang pardosa i, AnakNa gabe jolma i
Maruli di dangolta i ditanggung do dosanta i.
5. O, Sion Rajami ma ro, manopot ho di tano on
Tasurat do na songon i, di surat na badia
6. Immanuel goarNa do, Raja ni hamonangan i
Di jolma na di tano on, oloan salolotna i.
1. Ma solpu taon na buruk i, hupuji Ho, o Tuhanki
:/: Angke sai di jagohon Ho pamatang dohot tondingkon :/:
2. Jesus parasi roha i, pa hot ma denggan basa-Mi
:/: Dohot di taon baru on, di parlagutannami on :/:
3. Sai mur pahot ma hata-Mi na mangapoi rohangki
:/: Bope pangago sasude padao ma sian hami be :/:
4. Sai ulang jujur dosangki na mangalilit rohangki
:/: Sai sesa ma sudena I markhitehite asi-Mi :/:
5. Urupi jana pargogoi, tonaMu angkon hu oloi
:/: Laho mangalo dosa i, dohot jahat ni rohangki :/:
1. Ma dumpang taon na baru i, di au dilehen Jesus.
Dibaen asiNa diau on, basaNa dipatulus.
Ibana do manogu au, sude tilako dipadao,
tongtong marjop ni roha.
2. Dibaen i hupuji Ho, o Jesus Debatangku
Nada ungada mantak Ho, patupa jop rohangku
Rohangku panyuratan ni godang ni denggan basaMi
Hum Ho do pangurupi
3. On pe dohot tu jolo on, Ho pangasahononkon
Marjaya pe portibi on, martua au dohonon
Di jop ni roha arsak pe, sanga mangolu mate pe
Ho do hatuaonku
4. Di Ama i, AnakNa pe, bo Tondi Parbadia
Sudena manusia i, marsomba pasangapkon
Tolopi ma pamujingkon, patudu pos ni rohangki
Anso holong rohaNa
1. Marsiayahan angka taon, ro di ujungna sogot.
O Jesus lehen di au on, roha na sai marningot.
Murmurak angka aringki, betak tibu ma sude i.
2. Diudut Ho do hosangki, dibaen lambok rohaMu
Betak adong parbatu ni hataMu di rohangku
Diarop Ho adong ma i, hape tolpuk do rohaMi
3. Patut tarrimas Debata, marnida pambaenanku
Patut didok : Nitaba ma hayu na so marbatu
Aha gunana laing jongjong, asa manghaskas kobun on ?
4. O Jesus sai urupi au, di taon na ro marbatu
Sai loas hunapui pe, betak sai ra marbatu
Di taon na ro pe taba i, hayu na so marbatu i
5. Laing diondihon Ho do pe, au on mandok : O, Damang
Antong pangantak sai padao, patogu ma rohangku
Anso marjop ni roha Ho, marnida au marbatu do.
1. Jesus sai urupi hami, dohot di taon baru on,
Pa imbaru gogo nami, mangihutkon Ho tongtong.
Pasu pasu ma muse, na porsaya i sude.
2. Pikiranku, baenonku, sai pasangap Ho ma i
Jonggor bo pe di na modom, Ho tongtong di lambungki
Laho ruar masuk pe, Ho ma donganki muse
3. Taon parasinirohaon, baen di au muse taon on
Sai pahot ma hasesaan ni dosangku di au on
Humon Ho do Jesuski, tuk manyesa dosangki
4. Sai apoi ma rohangku, dohot holong rohaMi
Jana jagit tangiangku, dibaen denggan basaMi
Jaya sasude padao, anso ulang marsak au
5. Sai pagomos ma rohangku, maninggalkon dosa i
Mur patamba ma ringgasku, patuluskon tonaMi
Anso ulang rohangkon, lalap di portibi on
6. Sai jagohon ma Tuhanku, au di taon baru on
Togu ma dohot tanganMu, muda sude ngolungki
Dung i jop ma rohangki, muda dumpang ajalki
1. Baen Tuhan Jesus i tongtong si parsandeanmu
laing Ibana haposanmu, sai paserep rohami.
Sai manjadi langkami, sai manjadi langkami.
2. Na adong di pudimi, sasudena halupahon
Na di jolo parayahon, di Banuaginjang i
Tumpukmi na denggan i, tumpukmi na denggan i,
3. Sandok na di tano on, so parguna sasudena
Pamatangta mate do, holan Jesus na sintong
Hangoluanmi tongtong, hangoluanmi tongtong
1. Jesus do Palito I, muda ro taon na imbaru
Goar Jesus Kristus I, hatorangan na pataru.
Hita na marpadan I, dohot Tuhan Jesus i.
2. Goar ni Tuhanta i, angkon tongtong okuonta
Muda tapalagut i, maradopkon Debatanta
Sai sangap ma Goar on, di rohanta i tongtong
3. Sai tongtong haposi ma, mudarNia na manghopkop
Ulang mago hita on, hita sipardosa godang
Jadi sonang hita on, dohot di taon baru on
4. Laing di goar Jesus i, bolusonta ma dalanta
Mangasahon Jesus i, kehe tu parkarejoan
Pos rohanta ma dungi, dipajadi Jesus i
5. Sandok hasusaan i, dohot marsak ni rohanta
Nada be malua i, muda Jesus do donganta
Goar Jesus Kristus i, haporsayaanta i
1. Jesus, Ho do sai tongtong, di haposi rohanami.
Bope di taon baru on, angkon Hodo dongan nami.
Tongtong hot do padan i, dibagasan mudarMi.
2. Goar dohot hataMi, i ma na tongtong begeon
Sian parjamita i, na sai hot manogunogu
Roha ni ruasNa i, anso gabe joroMi
3. Nasa na nibaenMi, pangoluhon tondinami
Dohot hatuaanMi, mur togu tioponnami
Dohot di taon baru on, laing di Ho ma hami on
4. Muda mardongankon Ho, sonang pardalanannami
Sipanogunogu do, Ho di pardalanannami
Hum harani sondangMi, tiur situtu ma i
5. Hai pasahat ma tu Ho, sandok pardalanannami
Bo bia dibaen Ho, sai marguna do di hami
Muda mardongankon Ho, sonang rohanami on
1. Haposan ni rohang ku do, di taonbaru nadung ro,
Hum Tuhan Jesus natutu, pangondinganku na burju.
2. Haru donok bo pe dao, di Tuhanki mangihut au
Ditogu Ia au denggan, rohangku pe laing tong sonang
3. Bo pe mardalan bo pe so, sai marsigantung au tu Ho
Arian dohot borngin i, laing tong au haholonganMi
4. Muda di hasusaan au, Tuhanku mandongani au
Dohot di pardalanan i, laing Ia do di lambungki
5. Sonang rohangku ma antong, dung na tangkas huboto on
Hum Jesus hangoluanki, di tano dohot Surgo i
6. Huoku ma dung songon i, laing tong ma Jesus Tuhanki
Na so ra au manggonti be, haru pe sude tano on
7. O Jesus sahat ma tu Ho, tondingku bo pamatang pe
Laing Ho nampuna au hian, tu pudi pe laing songon i
1. Hamu ale donganku, sai rap hita marende,
Tapuji Debatanta, na pangoluhon hita.
2. Sai songon na mardalan, tabolus angka taon
Dohot muse hosanta, diudut Debatanta
3. Laing songon inaina, manjago dakdanakna
Laing songon i Tuhanta, dijago do hosanta
4. Tutu do Tuhannami, nada tarjago hami
Santongkin tondinami, bo pe pamatangnami
5. Nipuji ma goarMu, dibaen sude basaMu
Manatap na hasaya, di hami na marjaya
6. Asi rohaMu Tuhan, tangihon pangidoan
Na dung hami pasahat, tu Ho o, Tuhannami
7. Jagohon hosanami, bo pe pamatangnami
Padao ma parhancitan, sian hami o Tuhan
8. Pasu-pasu karejo di kobun bo di huta
Pasingkop bohalnami mangudut ngolunami.
9. Sai lehen na ummarga sian sudena arta
Tu hami ma suruhon TondiMu Tuhannami.
10. Paloas hami dohot tu hangoluan sogot
Manean hasonangan na di Banuaginjang.
1. Ale Jesus tolong hami, taon baru madung ro.
Paimbaru gogo nami, anso hai ihutkon Ho.
Untung, torkis, hangoluan, sai patupa ale Tuhan.
2. Na binaen ni tanganku, dohot muse hatangku
Songon i pardalananku, sai pajadi ma sude
Anso tumbuk di rohaMu, jop ni roha di donganku
3. Muda martangiang hami, manangihon hataMi
Bo marendeende hami, mamujihon goarMi
Songon haul ni sombangku, jagit i ale Tuhanku
4. Taon parasinirohaon, baen taon na imbaru on
Padapotkon hasesaan, ni dosangku ma tongtong
Holan Ho tarbaen manyesa, dosanami sasudena
5. Muda hamarsahan hami, pangapoinami Ho
Ro pe nyae tu bagasnami, Ho panolongnami do
Ro muse ma hamatean, hasonangan ma patean.
6. Sai rajai ma rohangku ale Jesus iring ma
Hagiotku, pikiranku anso adop Ho tama
Dohot haporsayaanku sai patogu ulang ganggu
7. Ganop ari abing hami, sataon on di tanganMi
Anso sonang tondinami, lopus tu ujungna i
Hami dok tarimakasi, di Ho ale Tuhannami
1. Diuluhon Ho, hami tu Surgo.
Ale Jesus Rajanami, mangihutkon Ho do hami.
dipaboa Ho, dalan tu Surgo.
2. Sompit dalannai, sai urupi hai
Anso moga rohanami, bo paet na ro tu hami
Di ujungna do dalan i tu Ho
3. Dumpang ari ni marsak roha i
Bo di dongan, bo di hami, Ho ma pangapoinami
Sai apoi ma rohanami da
4. Taran hai dison, jago hami on
Muda maol dalannami, sai togu ma golom hami
Di ujungna i, ungkap Surgo i
1. Ngot hamu ale parbegu, tu inganan na torang.
Madung bincar di ginjangmu, Si-panyondang di hamu.
Hagolapan munu i, disondangi Jesus i.
2. Na patar do saidanna, sangkap ni Tuhanta i
So diboto angka jolma, dalan hangoluan i
Hum na lilu do sude, di pardalananna be
3. Solpu ma sude na golap, bincar do panyondang i
Madung ro muse na torang tu sudena jolma i
Sai patorangonNa do, sasude na golap i
4. Jesus sondang ni tondingku, na patorang sasude
Sai paias ma rohangku, sian dosa sasude
Tarik dohot rohangkon, tu na torang i muse
5. HapapatarMi Tuhanku, i ma manyondangi au
Anso sai sonang rohangku, lopus tu na mate au
Sanga aha pe na ro, hasonanganki do Ho
1.Sai denggan do SinondangMi, o bintang sian Surgo i, gok asi ni rohaMu.
Sipujionku Ho tongtong, Rajangku bope Tuhanki, dibuat Ho rohangku.
Jesus, Kristus, Ho jagiton, Ho ihutan, Ho sombaon, so adong be natumongam.
2.O Jesus Ho mutiha i, pilian bo tobusanki,
na paluahon hami
Sudena na nilehenMi, hataMu dohot asiMi,
lumobi sian sere.
Ho ma manna, sipanganon, na pabutong, sipargogo Nada be huhalupahon
3.Duruskon ma tu rohangki, o bintang na tumiur i, sinondang haholongan
Anso di pamatangMu do, goargoaran au peto, mangolu bo na sonang
Mida Ho do por rohangku, bo basaMu jalahankuAngke Ho hangoluanku
4.Ma jop rohangku harani, Tuhanku Jesus artangki, bonana bo ujungna
Inda he jagitonNa au, bo dongan na solkot tu au, tu Paradis muse ma
Amen, amen, ro ma Jesus, Ho jumeges di rohangku. Hupaima Ho Rajangku
1. Sai marjop ni roha hita, sai tapuji Jesus i.
Sangap di Tuhanta Jesus, siparholong roha i.
Dipajongjong Debata, harajaan Nia da.
Anso dipiohon Ia, jolma gabe anak Nia.
2. Rarat maharajaanNa, tu sude portibi on
Namargogo do tanganNa, manggomgomi na adong
DohononNa ma sajo, tulusdi santongkin do
Manyarihon tondi, roha, patundukkon angka jolma
3. Iale hamu pardosa, giot ma hamu sonang
Pangalahomunu be, porsaya ma sude
Topogt ma Tuhan Jahowa, sai pauba ma toran
Hata Nia Hasintongan , anso dapot hatigoran
4. Jesus do na mangapoi, angka siparbegu i
Laing Ibana na manghopkop, hita halak Kristen i
tapuji ma peto, asi ni rohaNa do
LehenonNa ma upanta, hangoluan manyahena
1. Bintang ni si Jakob i, niparbaga ni Jahowa.
Na lomo do rohangki, manopotkon Ho Jahowa.
Sai porsaya au di Ho, sian Surgo i Ho ro.
2. Sere lehenonku do, i ma haporsayaanku
Angke i disuan Ho, tu bagasan ni rohangku
Muda sere i polin, i ma jop ni rohaMi
3. Timus ni hamonyan i, na manaek tu adopanMu
Ima da tangiangki, pangidoan ni rohaMu.
Tangiang di goarMi, ditangihon Ho do i
4. Bo miak na huskus i, i ma solsol ni rohangku
Sude hasalaanki, hupayakkon tu joloMu
Jagit au na dangol on, anso sesa dosangkon
5. Ro do au manopot Ho, o Rajangku na sumangap
Dung huida bintang i, sonang ma panghilalaan
Roha dohot tondingki, hupasahat ma di Ho
1. O Raja nasumurung, o Tuhan Jesus i.
So unjung hahurangan, di Harajaan Mi.
Marsangap ma goarMu, di hasiangan on,
Paro harajaanMu, tu sandok jolma on.
2. Parroha sian Purba, na ro manyomba Ho
Dioban ma silua, lehenon do di Ho
Diida do bintangMu, na marsinondang i
Paboa madung tubu, Ho Sipangolu i
3. Ro sian hasangapon, Ho Jesus Rajangki
Indada hamoraan giot ni rohaMi
So arta na di tano, na nijalahanMi
Ditaon Ho marhancit, harani dosangki
4. Na sangap bo tongam Ho, so hurang gogoMi
BasaMu na sai holong, bo hatigoranMi
Sude na burju roha, dipasupasu Ho
Anggo na jahat roha, nada dijagit Ho
5. Asi tongtong rohaMu, asa dongani au
Suruhon ma bintangMu, na manguluhon au
Anso tiur rohangku, ma sonang rohangki
Mangihut Ho Rajangku, lopus tu Surgo i.
1. Andigan pe hajolmaon, pangisi ni portibion,Mamuji muji Ra ja.
Mangihut di hataMu ma, na so porsaya i dope, di hangoluan nami.
Anso mago, hagogolap, namangolat, mangambat i, anso timbul hatorangan.
2. Muda saroha halahi, na dung ditobus Jesus i, Bo marsihaholongan
Muda sinondangNia i,
patiur sandok jolma i, mago ma hagolapan
Ale Jesus, Ho nampuna sasudena, hagogoan, sai patimbul hatorangan
3. Duruskon ma tu rohangki, o Bintang na tumiur i, Sinondang haholongan
Anso dipamatangMu do, goargoaran au peto mangolu bo ma sonang
Mida Ho do por rohangku, jalahanku do basaMu, angke Ho hangoluanku
4. Ma jop rohangku dibaen i, Tuhanku Jesus artangki,Bonana bo ujungna
Inda he jagitonNa au, bo dongan na solkot tu au, tu Paradis di Surgo
Amen, amen, ro ma Jesus, Ho jumeges di rohangku, hupaima Ho Rajangku
1. O Je sus na nibunu, di hayu na marsilang,
RohaMu na sai burju, haru pe Ho tarkilang.
Hum hai marutang hosa, Ho do mananggung dosa,
asi rohaMu di hami.
2. Ho do haul na badia, na tumbuk di jahwa
Singkat ni manusia, angka parutang hosa
Pasae ma dosanami, ulang be mago hami
Asi rohaMu di hami
3. Ho do haul na badia, sibukmu hangoluan
MudarMu paridian, laho tu paruhuman
sai ro ma Ho maringan, tongtong di rohanami
Pasonang hai o , Jesus
1. Biasi Ho marhancit, bo niincahan Ho.
Biasi Ho mar-sahit, bo ni apasan Ho.
Hum Ho na patut, Raja di sasudena i,
tapi aha harana, ditaonkon Ho do i ?
2. Na jeges pamatangMu, na denggan rupaMi
Nuaeng ma jat tompaMu, bohiMi pe langan
Madung ro hamatean, musu na lolot i
Ma mago hajegesan, sude dibaen i.
3. Anggo na nitaonkonMu, patut hutaon i
Bo pe parhancitanMu, tama tu au ma i
Hum au do na mardosa, tarutang hosaMi
Na sobar do Jahowa, ditanggung Jesus i.
4. Di lambung parsilangMu, hutatap bohiMi
Paima ro ajalMu, laing hudongani Ho
Dung mantak Ho marhosa, mantak manaon i
Laing nada ra au loja, maniop tanganMi.
5. Dung donok ma ajalku, donok ma Ho tu au
Dung sude pe gogongku, Ho mandongani au
Dung jabat au humitir, mangkuling nada be
Manigor au apoi, pasonang au muse.
1. O Jesusku tubugangMu, ro marsom ba ro hangkon.
Puji on ku, pambaenMu, na pamalum rohangkon.
2. Di adopan ni silangMu, husolsoli rohangkon
Tangisanku na nitaonMu, hara jat ni rohangki
3. Tu tanganMu ma tondingku, muda dumpang ajalki
Tu lambungMu au Tuhanku, muda ro hatihangki
1. Mudar ni Jesus Kristus i, bo hatigoran Nia i,
Ido abitku natama, hupake adop Debata.
2. Didokkon Jesus do hape, tu angka na porsaya i
Nada niuhum halahi, sai na malua do sude.
3. Nisesa do dosana i, nisibak surat utang i
Angke partobus na sintong, mudar ni Jesus i tongtong
4. Na mate do di Golgota, hara ni au pardosa da
Na so marsala, na sanggam, i ma Tuhanku sapanjang.
5. MudarNa na tongtong gogo, manyesa sandok dosa i
Hum i artangku na arga, salolot ni lolotna i,
6. Mudar ni Jesus na ias, na mangapoi au tutu
Laing i hajojahanku do, di tano bo di Surgo pe.
7. Asa dung bolkas au tusi, torang huoku nama i
Mudar ni Jesus na gogo, na patuluskon langkangki.
1. Tuhan ku Jesus Sipartobus, tongtong Ho ha holongan i
Di dolok Golgota, Ho mate, harani holong roha Mi.
Hara ni i, hu puji Ho, marningot na ni baen Mi
2. Sai husolsoli do rohangku, paidaida dangolMi,
Marningot sasude dosangku, dibaen i do mate Ho
Harani i hupuji Ho, marningot na nibaenMi.
3. Jot-jotna i husoadahon, Ho Sipangolu tondingki
Mabiar iba manyaksihon, Ho na manghokop tondingki
Harani i hupuji Ho, marningot na nibaenMi.
4. Tangkas gorgahon tu rohangku, panghopkopMi maradop au
Tusi ma togu pikiranku, guru di Ho ma tondingki
Harani i hupuji Ho, marningot na nibaenMi
1. Jesus do pamintoring ku, Jesus na manghop-kop au.
Sipangolu ni tonding ku, mate do hara ni au
BolusonMu habilean, ulang au tu hamatean.
Trima kasi ma di Ho marribu noli do
2. Incak-incak, pastap-pastap, tijur, pukul, tali ro;
Tuhas sian hajahatan, i sude ditaon Ho.
Hum hara ni au pardosa, na tutu marutang hosa
T’rimakasi ma di Ho na marribu noli do.
3. PamatangMu do mabugang, parhancitan hona Ho
Anso sae sudena utang, dosa pangalaosingki
Sian Ho na niburaan, ro ma pasu-pasu i,
T’rimakasi ma di Ho na marribu noli do.
4. Niincahan, niapasan, tijur-tijur jambarMi
Nitukuan do uluMu, dohot duri-duri i.
MudarMi durus muse ma, anso ias ma rohangku
T’rimakasi ma di Ho, na marribu noli do.
1. Sai ingoton ni rohangku,
na hancit ditaon Tuhanku,
dompak i, di Golgota
2. Na so unjung do marsala,
Gabe payak tu Ibana,
dosa ni portibi on.
3. Nada tarhatahon iba,
Parhancitan na nitaonNa
Hum hara ni dosangki.
4. Angkon Ho ma oloanku
Sipangolu ni tondingku
Sian sude rohangkon
1. Di porsan Jesus do sude, dosa ni sandok jolma.
Di hasiangan on sude, nadung marutang hosa.
Laing songon biri-biri i, napayak di borotan i,
so digagai Ia, sudena parsahitan i,
Namate di parsilang i, Ninna taonon Nia
2. Sipatorkiskon, Jesus i, na pangoluhon tondi
Binaen ni Amana i, na gabe pamintori
Na lobi godang utangmi, na mandondoni dirimi
Hara ho sipardosa, sugari nada Jesus i,
Ma durus mudarNia i, na manggontihon hita.
3. Tu Au payakkon dosa i, ninna mandok AmaNa
Huporsan ma sudena i, hutanggung pe jayana
O Jesus hahomangan do, holong ni rohaMi tehe
Na so tartimbang roha, gogo ni holong rohaMi
Ma mate do harani i, Ibana na gumogo.
4. Salolot na mangolu au, so ra au marnalupa
Na dung nibaenMi tu au, na pogos bo pardosa
Angkon Ho haholonganki, muda marigat rohangki
Laing Ho hangoluanku, tu Ho ma hupasahat au
Ulang so Ho nampuna au, bo pe partohapanku
5.Arian dohot borngin i, hupuji ma basaMu
Jana huhaulkon diringki, baen haul jop ni rohaMu
Pamatang dohot hosangki, angkon pasangap goarMi
Mandok tarimakasi, tongtong hupuji asiMi
On ma tongtong ingotonki : RohaMu na marasi
1. So maho ale tondingku, ligi hahomangan i.
Debata mu, bo Tuhanmu, gantung di parsilang i.
Idaon mu he Rajamu, na manaon humopkop ho?
2. Holong bo basa rohaNa, sai torang diida ho
Timbang ma parhancitanNa, hum harani ho sajo
Niburaan, niincahan, ise he na songon i?
3. I ma jaya ni dosangku, mate harani i
Dipangolu Ho rohangku, na magigi mida Ho
Sai maila rohaniba, muda nipikiran i.
4. Ma lolot huhalupahon, na nibaenMi tu au
Ditaon Ho do hamatean, patunda ni au sajo
Husolsoli ma saonnari, rohangki harani i.
1. O Tuhan Jesus sipatorkiskonku dohot mudar-Mu sesa ma dosangku
Nada adong di balik ni mudar-Mu hasonanganku
2. Nada huboto ise haposanku, ia so holan asi ni rohaMu
Pangondinganku bo haporusanku, hum Ho Tuhanku
3. Sai pujionku basa ni rohaMu, na nipadomu au tu parripeMu
Harani i do au tongtong dapotan, tuk hangoluan.
1. Gari targorga tu rohang-ku, bohi-Mu laho mate Ho,
Gari huingot Ho Tuhan-ku, humopkop au do mate Ho.
Dosang-ku do na ni porsan-Mu, laho palua tonding-ki.
Sude nyaengku di pamalum, martua au hara ni i.
2. Sai jagit ma au o Tuhanku, juguk di toru di patMi
Gabe ingoton ni rohangku, ma sasude na nibaenMi
Humopkop au pardosa godang, dibaen holong rohaMi
Harani i tarbaen au sonang, giot manopot hutaMi
3. Di Ho hudok tarimakasi, ale Jesusku Tuhanki
Ho ma tongtong haholonganku marningot denggan basaMi
Antong sai tiop ma tanganku, togu ma au tu lambungMi
Jana sai jagit tangiangku, patulus pangidoanki.
1. Ise he malo manjamitahon, parsahitan i sude.
Nadung hona jana na ni taon, ni Tuhan ta i sude.
Tongtong ma ta timbang dirohanta, na nitaon Nia i gontinta.
Anso mur gumodang ma, Ia di rohanta da.
2. Hami dok di Ho tarimakasi, na maribu noli do
Basa ra Ho tongtong mamintori, hamisipardosa do
Patut ma humolong rohanami, mida Ho o Jesus Tuhannami
Songon tunanganMu do, na mardomu dohot Ho.
3. Na marnyae au na so margogo, manopotkon bugangMi
Hum disi tarbaen au mangolu, bo pe sonang rohangki
Loas ma huligi parsilangMu, dibagasan haporsayaanku
Anso bulus langkangki, lopus tu ingananMi.
4. Hami na dison sude marlagut, ra marsijalangan do
Partoguhon padan di mudarMu, tongtong Rajanami Ho
Muda jop rohaMu mida hami, ale Jesus pasupasu hami
Dokkon ma tu hami on, sonang ma hamu tongtong.
1. Ho ni tobus ni Tuhan Mu, donok do Debata mi.
Sai pasada ma roha mu, anso sai tongtong sonang.
Sai pabulus, sai patulus, tu tuhan mu rohami
2. Sai timbangi di rohamu, panghophopNa i sude
Angke harani dosamu do tarsilang Tuhanmi.
Gabe tua bo malua, hita na porsaya i
3. Dung ditatap ho Tuhanmu, gantung di parsilang i.
Nada he hot di rohamu, hancit ni sitaonon i
Sai saksihon, sai olohon, holong ni rohaNa i
4. Harani tongtong arsakkon, sasudena dosanami.
Asa hangoluhononmu, na nitaon ni Tuhanmi.
Hapogani manopoti, angka pardosaonmi.
5. Mangasahon na nitaonMu, hutinggalkon dosangki
Sai pasonggop panghopkopMu, tu bagasan rohangki
Bo pamatang bo tondingku, upa ni na nitaon.Mi
6. Nada be sai pupuonku, dosa hasomalanki
Na so tola arsahonku, Tuhan Sipangolu i
Sai gabe jop ni rohaMu, ma au na nihopkopMi
7. Bo dokdok pe siporsanon, tinggal au di lambungMi
Hapohomon, hatomanon, i ma cop ni silangMi
Ho Tuhanku, Ho Rajangku, ro di hamateanki
1. T’rimakasi ma di Tuhan, na mangkaholongi au
Jesus Ho do mangambungkon, dosangki sude tu laut
Nada ingoton-Mu be, hajahatanki sude
sonang ma tutu rohangku, sotarida be dosangku
2. Sai pamalum au o Tuhan, sian nyae sudena i
Bo di tondi bo pamatang, Ho umboto hancitki.
Dosa ni si Adam i, dohot au lohotan i.
Dung mudarMu na manobus, ias au bo pe na uli.
3. Sai suratkon ma bugangMu, di bagasan rohangki.
Anso tongtong ingotonku, ulang hulupahon i.
Ho artangku na arga, na hupangasahon ma.
Sonang paradiananku, donok au di parsilangMu
4. Laing disi ma hugolomi, patMu dohot tanganMi
Asa Ho hupanotnoti, lopus taldus hosaMi
Dok ma hataMi tu au : Ulang ho mandele be
Mago jaya ni dosamu, hara ni hamateanKu
1. Ale ho hasiangan, di hayu na marsilang,
gantung Rajamu do Nagodang parhancitan
nahona na tarsilang, patunda ni dosamu do.
2. O, ligi pamatangNa, langan muse tompaNa
Bo ma sap mudar i
Hum asi rohaNia, di hita manusia.
Dibaen jabat songon i.
3. Ise he manghonahon, dibaen sai ditaon
Na hancit na di Ho?
So Ho mambaen dosa, hape marutang hosa.
Na so tarsincal Ho disi
4. Tapi sude dosangku, na so tardok rohangku
Na lobi bahat do
I do mamparhanciti, mamunu Ho Tuhanku
Harani i do mate Ho
1. Adong do sada sumuri, hum mudar na ias,
Marmual-mual sian i, pasonang na nguas.
2. Parjahat na di Golgota, gantung di hayu i
Mangolu do dibaensa, masuk tu Surgo i.
3. Ma jop rohangku dohot au maruli sian i.
Angke dihopkop Jesus au, dohot mudarNa i.
4. Saonnari songon nahinan, mudar ni Jesus i.
Na denggan jana na gogo, pasae dosanta i.
5. Dompak na marsak roha au, harani dosangki.
Sai diapoi Jesus au, marhitehite i
6. Dosangku na sai bahat do na so taretong i.
Songon rara ni mudar do, bontar dibaen i.
7. Sapanjang au di tano on, sumur nangkinan i
Pos ni rohangku ma tongtong, dohot inumonki
8. Sai na martua do sude, na minum sumur on
Na so tarbaen manguas be, ma sonang do tongtong
1. Silang na badia i, Ho do onding-on-ding-ki.
Maralohon dosa i, dohot pandelean i.
Di sude sitaonon i, Homa onding-onding ki.
2. Sasude karejongki, so tarbaen pasonang au
Bo ringgas pe rohangki, bo manetek ilungki.
Hum asi ni rohaMi, pangurupi o Tuhan
3. Ro do au tu joloMi, sai palambok rohaMi
Numma pola mate Ho, hara asi rohaMi
Jagit au na dangol on, sai pasonang tondingkon
4. Dosa na patunduk au, Ho ma mangondihon au.
Hodar situtu do au, mudarMi paias au
Na dangol pogos au on, Ho ma artangki tongtong
5. Silang na badia i, Ho do ondingondingki
Muda donok adamki, laho taldus hosangki.
Bo gale pe tondingki, Ho ma ondingondingki
1. Sada laing tong giot ni rohangku, hangoluan kido i.
Ma sonang au dipadalanan ku, dung adong na sada i.
Ligionku ma tongtong Ibana, na tungkap di marsak ni roha Na,
Mudardo hodok Na i, harani dosanta i.
2. Tongtong ma idaon ni matanta, na gantung di hayu i
Sai marhancit situtu Ibana, di na hona bura i
Sai holong rohaNa mida hita, ulang so mangolu do tondinta.
Anso tulus songon i, ma durus mudarNa i.
3. Ale Jesus sai paingot hami, basa sipardosa do
Muda manyolsoli rohanami, ra marasi roha Ho.
Haru dosa pe oloannami, laing maribo roha Ho di hami
Asa dipalua Ho, hami sian dosa do.
4. Ale Jesus Ho nampuna hami, jana hai nampuna Ho
Sai suratkon i tu rohanami, ulang hai lupahon Ho.
Jadi Ho ma tongtong dongannami, barang dia pe bolusonnami
Bo saonnari bo muse, Ho oloannami pe.
1. Di na ponjot rohangku, hara ni dosang ki
Pa ingot au Tuhanku, di hamamate Mi
Di hayu naparsilang i, digarar Ho utang ku, marhite mudar Mi.
2. Patut homang rohangku, muda hupikir i
Panghopkop ni Tuhanku, di au pardosa i
Hosa ni AnakNia do, dilehen Debatangku, manobus tondingki
3. Nada be hona uhum, harani dosangki
Hum asi ni rohaNa, na paluahon au
Angke ma mate Jesus i, nada habiaranku, banua toru i
4. Antong sai pujionku do Ho o Jesuski
Marningot na nitaonMu, bo hamamateMi
Marningot angguk-anggukMi, dohot sude na bernit, di sitaononMi
5. Laing i do manyosohon, tongtong di rohangkon
Mangantak hajahaton, na gong di rohangkon.
Urupi ma au o Tuhan, manaon parhancitan na songgop tu au on
1. Lomo rohaMu O Tuhan, di sipardosa i,
Dipio Ho sude hian, sian pangago i.
2. Targadis au najolo i, harani utangki
Hape ditobus Ho do au, madung digarar Ho
3. Ma mate Ho di Golgota, harani dosangki
Dibaen i tarsesa ma, sudena dosangki
4. Dosangku so taretong be, songon so tulus i
Hape didok Tuhanku do : Ma sae sudena i
5. Ingot do Ho di janjiMi, TondiMu sangsingki
MudarMu ma pasonang au, hum i haposanki
6. Sai tarik au tu rohaMi, o Jesus Tuhanki
Togu ihoti au disi, salolotlolotna
7. Jadi huhaholongi Ho, o Jesus Tuhanki
Nada huhalupahon Ho, saonnari bo muse
1. Numma talu hamatean, dibaen Tuhan Jesus i.
Angke numma ngot Ibana, songon na nidok Na I
Haleluya, Haleluya, numma ngot Tuhan ta i
Haleluya, Haleluya, numma ngot Tuhan ta i
2. Anggo angka dadaboru, ro do tu tanoman i
So disi be Tuhan Jesus, madung ngot do sian i
Haleluya, Haleluya, numma ngot Tuhanta i
Haleluya, Haleluya, numma ngot Tuhan ta i
3. Sai tadok tarimakasi, dibaen ngot Tuhanta i
Ma malua sude jolma sian hamatean i
Haleluya, Haleluya, numma ngot Tuhanta i
Haleluya, Haleluya, numma ngot Tuhan ta i
4. Sai tapuji ma Tuhanta, na marholong roha i.
Tapasangap ma Ibana, na marasi roha i.
Haleluya, Haleluya, numma ngot Tuhanta i
Haleluya, Haleluya, numma ngot Tuhan ta i
1. Ari hangongot ni Tuhan, ari na mar hangoluan,
ari na sumurung i, ari na sumurung i.
Angke Jesus do na monang, laing Ibana napasonang, sandok na porsaya i.
2. Talu ho banua toru, so di ho be na mangolu
So tartiop ho be i, so tartiop ho be i.
Hamatean, hamagoan, nada dong be habiaran, madung talu do sude
3. Jesus Kristus na gumodang, laing Ibana Siparmonang
Dohot Sipangolu i, dohot Sipangolu i.
Haholongi ma Ibana, taoloi ma hataNa, angke na sintong do i.
1. Jesus mangolu, Jesus do Raja;
Jesus paruhum, ni sandok jolma i.
2. Tiop tanganku, Jesus Tuhanku,
Oban muse au tu hasangapanMi.
3. Jop do rohangku dohot tondingku,
Muda au tola ro tu adopanMi.
4. Torop do halak na so umboto,
Dalan tu Surgo, tu hasonangan i.
5. Ho ma palua angka pardosa,
Na mangoloi pangago i do pe.
6. Nasa na lilu sian hataMu,
Angkon jalahan, anso mulak tu Ho.
1. Ari na denggan, ari na sonang, hangongot ni Tuhanta i.
:/: Sian tanoman, maruar Tuhan, Moga ma hamu ale Kristen.:/:
2. Ari na denggan, ari na sonang, hangongot ni Tuhanta i
:/: Ma monang Jesus, talu sibolis, moga ma hamu ale Kristen :/:
3. Ari na denggan, ari na sonang, hangongot ni Tuhanta i
:/: Ma sae dosanta, sonang rohanta, moga ma hamu ale Kristen :/:
4. Ari na denggan, ari na sonang, hangongot ni Tuhanta i
:/: Monang muse ma hita sudena, moga ma hamu ale Kristen :/:
1. Sangap di na manaluhon sandok hamatean i
Sangap di na pangoluhon angka namanean i
Jesus nadung mate i jop rohamu huria Na,
Hara na mamuldit ho, Jesus i mangolu do
2. Beta hita taendehon, Jesus na dung monang i
Angke dipamate Ia angka hamagoan i
Mate pe mangolu do, menek laing na godang do.
Bo dison bo di Surgo, laing Ibana na gumogo
3. Angkon tulus do au sogot, ruar sian tano on.
Jesus Kristus na padohot, au manean Surgo i.
HasangaponNia pe, au maruli i muse ma.
Sude na porsaya, rap manean ma nasida.
4. Olo anggo na saonnari, laing pardagang do pe au.
Haru susa ganop ari, laing tu Ho manatap au.
Tapi hum TondiMu do, na maringan di ngolungku.
Sonang tutu rohangki, Jesus do hangoluanki
1. Nuaeng o hamatean i, didia he sorot mu
Didia hamonanganmi, ale banua toru
Ma monang naporsaya i, sibolis i, ma talu do, dibaen Tuhan Jesus.
2. Haru marbisuk ulok i, Tuhanta do manompa
Laing talu do na gogo i, gumogo Siparmonang.
Niturbing tambihulna i, laing so tolapsa monang i tardege do uluna.
3. Ma monang do Tuhanta i, tarulang tanomanNa.
Dioban Ia taban i, torang hamonanganNa.
Sibolis i na gogo i, na mamorangi Tuhan i, na so tarbaen monang.
4. Sudena halak na burju, na ra mangoku dosa.
Na mangalehen situtu, di Jesus rohania.
Tilako, parhancitan i, so dais tu ibana be, masuk tu hangoluan.
5. Marjop ni roha hita on, di ari parningotan.
Nuaeng martua tano on, tarbaen hita monang.
Dison taarop i do pe, disi ma idaonta pe, suman tu Tuhan Yesus
6. Ma talu hamatean i, dohot muse sibolis.
Ro di banua toru i, angkon sudena patu.
Tapuji Debatanta i hara ni hamonangan i, marhitehite Jesus
suman tu Tuhan Jesus
1. Jesus hangoluanki nadung ngot sian namate
Matangkas huboto i, hasonangan nada mantak
Tongtong posmarohangki; Jesus hangoluan ki.
2. Jesus hangoluanki, na manjagit Harajaan
Au ma donganNia i, na maruli hasangapan
Dipatulus Ia do, hataNia sasude.
3. Jesus hangoluanki, nada ganggu be rohangku
Haru bahat dosangki, laing Ibana haposanku
Sesa do sudena i, muda husolsoli i.
4. Jesus hangoluanki, i do haporsayaanku.
Bo sangap bo pe dangol, i haposan ni rohangku.
Sian Jesus Tuhanki, so tarolat rohangki.
5. Jesus hangoluanki, na patalu hamatean
Haru sude bohalki, hangoluan do hutean.
Nada au mabiar be, muda mate au muse.
1. Haleluya, Jesus do na mangolu mangula hi.
Ulok bo sibolis do talu hala hi saonna ri.
Sian tanoman Na i, madung ruar Jesus i.
2. Ligi ma tanoman i, o, hamu ganggu roha
nada be marisi i, so disi be panjagona
Borngin madung salpu do, torang ari numma ro.
3. Ulang ma jalahi da, na mangolu di tanoman
Sai haporsayai ma, bagabaga na dung tulus
Ari patoluhon i; ngot ma Au, ning Ia da.
4. Hata on mandok di Au: Sintong haporsayaanmu.
Haru so tarbaen Au, tu tanoman ni Tuhanku
Ma diida tondingki saluhut na tulus i.
5. Na gale do au dison, tapi na margogo sogot
Sian hahurangan on, hasangapan i hutopot
Partondion do hape, sibukkon disi muse.
6. Hangoluan sian Ho, sitiopan ni tondingku
Nada au mabiar be, haru pe ma ro ajalku
Dung mangolu Jesuski, dapot ngolu au muse.
7. Bali sian Debata, tongtong do di habilean
Jesus sai togihon ma na di dalan hamatean
Anso dohot halahi dapot hangoluan i.
1. Sangapma di siparmonang, talu hamatean i
Sangapma di sipangolu, i ma Tuhanta Yesus i
Dosa dohot jaya i, mago do sude na i.
Jop situtu ma rohanta, na mangolu do Tuhan ta
2. Tole ma rap mangendehon, Jesus na dung monang i
Angke Ia manaluhon, dosa hamatean i
Mate bo mangolu pe, na menek bo pe godang
Bo dison, bo pe di Surgo, laing Ibana na gumogo.
3. Angkon tulus do au sogot, ruar sian tano on.
Jesus Kristus na padohot, au manean Surgo i.
HasangaponNia pe, teanonku i muse.
Sasudena na porsaya, rap maruli ma sudena.
4. Olo anggo na saonnari, laing pardagang do pe au.
Haru susa ganop ari, laing tu Ho manatap au.
Tapi hum tondiMu do, mangingani au peto.
Sonang ma tutu rohangki, Jesus do hangoluanku
1. Ale tondingku, madung ngot Tuhanmu
Ditaban Ia do banua toru jop ma roha mu, malua ma ho,
Rap dohot Jesus mangolu ma ho.
Rap dohot Jesus mangolu ma ho.
2. Talu sibolis dibaen Tuhanta, bo hamatean bo dosa sudena
Sai dihajopkon rohanta ma i.
PamonangonNa do hita dung i,
PamonangonNa do hita dung i.
3. Tahaburjuhon mangalo dosanta, jana tabaen Tuhanta donganta
Pos ma rohanta di Jesus antong
PamonangonNa ma hita tongtong,
PamonangonNa ma hita tongtong.
1. Ingoton ma sadari on, manaek Tuhanta Jesus
Tu Surgo tu habangsa i, siamun ni Ama Na
Tasomba ma Tuhan ta i, na mulak tu Ama Na i, Ta puji ma I ba na.
2. Madung tarungkap dalan i, di angka na porsaya
Masuk sajo tu Surgo i, malua sian jaya
Na mangonai sasude, tu jolma sipardosa i, nipuji ma Tuhanta.
3. Muda na jop do rohami, di Jesus i Tuhanta
Burju pauba rohami, ihutkon ma Ibana
Oloi hataNa i sude, sai tiru pambaenNa pe, salolot di ngolumi.
4. Na mulak do Tuhanta i, di ari paruhuman
AmbungkononNa ma disi, sibaen hajahatan
Tu api na so mintop i, na manghanciti halahi, salolot ni lolotna.
5. Ho Jesus Tuhannami do tongtong asi rohaMu
Dongani ma anso gogo, mangalo angka musu
Patogu rohanami be, pamonang hami sasude, ro di ujungna sogot.
1. Manaek Tuhanta Jesus i, sadari on tu Surgo
Ma juguk di siamun ni Debata nagumogo
Songon didok AmaNado: DilambungKi ma juguk Ho,
painte talu musu.
2. Sudena karejoNa i, simpul dibaen Jesus
Mangolu na porsaya i, di harajaanNia
MusuNa na sai gogo pe mur tunduk jana patu do,
Dibaen gogoNia.
3. Hamu na jogal roha i, sai topot ma Ibana
Tibu tinggalkon ma sude, na so tumbuk di Tuhan
Nada tarbaen jongjong be di haroroNa i muse,
Di ari paruhuman.
4. Hamu na burju roha i, dohot na ra porsaya
Na manghudukkon dosa pe, na morot sian jaya
Sai jop ma rohamunu be, dilehen Tuhan Jesus do,
tohap na denggan sogot.
5. Ibo rohaMu mida au, o Jesus Tuhannami
Sai ulang be tinggalkon au, di pardagangannami
Jumolo Ho tu Surgo i, padohot au muse tusi,
palua tondinami.
1. O, Jesus siparmonang i, na dung mamorsan dosa i,
Ho hangoluan nami.
Tujolo ni habangsa-Mi, musumu ro unduk tusi,
somba ulu ni tot na.
Ngolu, gogo, dohot bisuk, hapistaran, dohot poda
sian Ho do i o, Tuhan.
2. O Jesus Sioloan i, Tuhan ni halak Kristen i, bo surusuruanMu
Hum Ho nampuna kuaso i di tano bo di Surgo i,
di Ho sude marguru
Beta hita sai tapuji ma goarNa na dung monang,
na manaek tu hasangapan.
3. O Jesus Sipargogo i tolongi hai sudena i, patulus hagiotMu
Parayak hatigoran i mangalo hageduhan i,
maniru tiruanMu
Tongtong tolong ulang jabat tu na jahat rohanami,
ulang sogot mago hami.
4. O Jesus Pangondingan ni sudena na porsaya i,
na tong marpos ni roha.
Adop sibolis, dosa i, ondingi ma sudena i, palua sian jaya.
Tuhan, Ho do, na margogo, bo na olo mangurupi,
Ho nipuji salolotna.
1. Mardongan olop-olop ma-naek Tuhan-ta i
Torop ro sian ginjang suru-suru an i
Bia ma hita on inda he dohot hita,
Marolop-olop mida, na monang i tong-tong.
2. Na mulak do Tuhanta tu habangsaNa i
Di lambung ni AmaNa di hasangapan i
Tuhan parmonang i, disomba na di ginjang
Rap dohot na di tano, hupuji goarMi.
3. Angke ditaon Ia do parhancitan i
Humopkop sude jolma di hamagoan i
Antong taingot i tapuji ma Ibana
Mangihut di hataNa, tu hamonangan i.
4. Tongtong burju rohanta mangalo dosa i
Bo haporsayaanta polin tabaen i
Sai tajalahi be ma bohi ni Tuhanta
Angke pangidoanta tu lambungNia do.
5. O Jesus Tuhan nami asi ma rohaMi
Sai sesa dosanami ulang be ingot i
Pamasuk hami on tu hangoluan sogot
Paloas hami dohot mamuji Ho tongtong.
1. Tarik gogo, donok tu Ho, palungun roha nami.
Tu surgo i, inganan Mi, O, Jesus Tuhan nami.
2. Togu tongtong, solkot tu Ho, di dalanMi tu Surgo
Anggo so dioloi Ho, mago sajo ma hami.
3. Arop tutu tu Ho Tuhan, sai oloanMu hami
Diporsan Ho do dosa i, laho palua hami.
4. Dibaen i o Jesus i, hum Ho ihutkononku
Bo hataMi, bo dalanmi, sapanjang au mangolu.
5. Tarik au on, donok tu Ho, ro di Banuaginjang
Anso disi, hupuji ma basaMu ale Tuhan.
1. Jesus Kristus ima Raja, sude guru di Ibana, Ia sipangolu i
Tu sude angkon torang do, Jesus Raja na gumodang,
Tongtong si pujion i, tongtong si pujion i
2. Angka Raja bo paruhum, dohot halak na sumurung, jora di joloNa do
Angka surusuruanNa, naposoNa na mardagang
Ia oloanna do, Ia oloanna do
3. Jesus Kristus i ma Raja na so hatudosan jolma, sobok tu AmaNa i
Na togu do juguhanNa na sangap harajaanNa
Na so tos martongam i, na so tos martongam i
4. Di bagasan hasangapan, paranganNa humaliang ingananNa do hape
Di pasahat AmaNia angka na nitompaNia
Tu tanganNa sasude, tu tanganNa sasude
5. Au muse haru pardosa, ra mangoku bo porsaya na tutu do songon i
Jesus Kristus i ma Raja sude guru di Ibana
Ia Sipangolu i, Ia Sipangolu i
1. Namanaek Ho tu habangsa-Mi
Ale Jesus Raja nami, Ho do ihutkonon nami;
Togu hami on tu inganan-Mi
2. Maol do dalan i, oban hai tusi
Anso sai malua hami, sian angka musunami
Na di tano on, togu hami on.
3. Suru tondiMi, i ma gontiMi
Tu bagasan rohanami, na manogu tondinami
Tu adopanMi, na di Surgo i.
1. Jesus Raja ni Huria, Parlagutan na badia, pasupasu ma au on
Sai sungguli ma rohangku, mangihutkon Ho Rajangku
Pargogoi ma au tongtong, pargogoi ma au tongtong
2. Sai palua ma ruasMu, sian roha hagolapan, i ma roha sibuk i
Ho sajo ma ale Tuhan, padumpangkon hamogaan
Na so mar namantak be, na so mar namantak be
3. Lehen Tondi Parbadia, na patiur Parlagutan, di sandok portibi on
Anso mur sada rohana, bo marserak pe ruasna
Pasangapkon Ho tongtong, pasangapkon Ho tongtong
4. Angka na di pandugaan, na mamorsan sitaonon, tatap ma sudena i
Haru ro pe hasusaan, ulang loas ditaluhon
Jadi marparbatu i, jadi marparbatu i
1. Nampuna harajaan i, na ro tu hitaon.
Ido Tuhanta Jesus i, na raja do tong tong
Tudos do songon same i, angkon ni rondam do tu aek.
Haru songon na mate pe, muse mangolu do pade,
Martumbur do, ramos batu na pe
2. Dibolus Tuhan Jesus i, dalan na hancit i
HalakNa na porsaya i, laing i dalanna i
Antong sai urup hai sude, mangolu bo na mate pe
Rap dohot harajaanMi, tongtong tu hamonanganMi
Tu na torang di Surgo sapanjang.
3. Ditanom Ho najolo i, dos songon eme do
Tapi haru na songon i, mulak mangolu Ho
Antong sondangi ma sude, na di na golap i do pe
Anso mangolu halahi, sonang di harajaanMi
Ulang adong, na mago be muse.
1. Sai golap tanoon dope, sian Utara tu dangsina pe.
Sibolis i mangara jolma i, manyomba angka na digana i.
Sibolis i mangara jolma i, manyomba angka na digana i.
2. Sai na marhancit halahi di harajaan ni pangago i
Tu hamagoan halahi muse na so porsaya di Tuhanta pe
Tu hamagoan halahi muse na so porsaya di Tuhanta pe
3. Torang do bagabaga i, na dung dilehen Debatanta i
Ulang so mago hagolapan i sudena ro tu hatorangan i
Ulang so mago hagolapan i sudena ro tu hatorangan i
4. Gumogo hita on muse, manangiangkon halahi sude
Anso ringgas tajamitahon i hum Jesus i do hangoluan i
Anso ringgas tajamitahon i hum Jesus i do hangoluan i
5. Hum Ho do ale Tuhanki, na dung manobus sandok jolma i
Tibu pararat harajaanMi pamasuk halak sasude tusi
Tibu pararat harajaanMi pamasuk halak sasude tusi
1. Jot jot do marsak iba, binaen ni dosa i
Nahumaliang iba, na so porsaya i
Nahumaliang iba, na so porsaya i
2. Sai na tu hamatean, giot ni halahi
Anggo tu hangoluan, so ra be halahi
Anggo tu hangoluan, so ra be halahi
3. Sai ulang ma marpupu, marroha-roha ho
Porsaya ma situtu, na hona uhum do
Porsaya ma situtu, na hona uhum do
4. Biasi gadisonmu tondimu na arga
Na lilu do rohamu bahat rugimu da
Na lilu do rohamu bahat rugimu da
5. Jalahi hasonangan, hum i tama di ho
Ulang tu hamatean mago tondimu do
Ulang tu hamatean mago tondimu do
6. Tuhanta na manghopkop sude tondinta i
Ulang be hita sogot tu parhancitan i
Ulang be hita sogot tu parhancitan i
7. Dijago Debatanta ma hita on sude
Anso torang rohanta langkanta pe ture
Anso torang rohanta langkanta pe ture
1. Jesus do Raja Immanuel monang, talu ma musu, sumurut muse.
Bangso ni Tuhan Jahowa ma monang, musu matalu maporus sude
Hum hangoluan salolot-lolotna Dumpang di bangso ni Tuhan Jahowa
2. Ulang mabiar tongtong ma haposi, Jesus Rajanta na sun gogo i
Holan Ibana tarbaen palua ; sian na gogot na masa dison
Angkon mangolu tondinta sudena, rap dohot Jesus sonang manyahena
3. Taon sajo ma di hasusaanmu, jana patunduk rohamu disi
Nada lumobi dilehen Tuhanmu, na so tarporsan di abarami
Aek na magodang tibu do sumurut, angke na gogo do tangan ni Jesus
4. Ulang mandele sai ingot ma tuku na dibagahon ni Jesus antong
Upa ni angka na bonar marroha, monang mangalo musuna tongtong
Muda dialo ho dosa di tano, hamuliaan tumpukmu di Surgo.
5. Muda di Surgo tutu do masonang, moga nasida mamuji tongtong
Sangap nasida, sude do martuku, jana marabit na bontar muse
Umpe sangkibung mangolu di Surgo, na so manaon na hancit di tano
1. Sai bahat dope na lilu, na di hagolapan i
Sai tumibu ro Ho Jesus, pa ngoluhon halahi
Ho do siparmahan i, na mandok na jolo i:
Sasude na alaponku, anso halahi mangolu
2. NaposoMu ale Tuhan, sai pabahat halahi
Anso tulus ma niontang na di hamagoan i
Angka parhobasMu pe, suru halahi sude
Mamiohon sasudena ulang lilu di ngoluna
3. Ale Tuhan Ho umboto gogonai na hurang i
Lehen ma di hami gogo dohot hapistaran i
Anso holong bo ibo rohanai di dongan i
Anso ringgas manguluhon halahi tu hangoluan
1. Jerusalem, jerusalem nasangap nahinan
Hasian ni Debata ho, Surgo di tanoon
Sai namarjaya ho nuaeng, bope tarbayang ho
Jerusalem, jerusalem, tangisan nami ho
2. Disi tarpuji Debata, di Sion nahinan
Disi nuaeng mangandung ma anakmu na buang
Na juguk ho di tano i bo pe tarbayang ho
Jerusalem, Jerusalem tangisannami ho
3. Jerusalem, Jerusalem andigan muba ho
Anso dihaholongi ho na dung dibunu ho
Lopus Tuhanta Jesus i ihutkononmu do
Jerusalem, Jerusalem tangisannami ho
1. Ligi ma denggan nai angka nasa roha i
Pambaenan na pe burju, bo hatana pe tutu.
2. Sai huskus uap nai, songon bunga-bunga i
Angka na ni tompa i pajegeskon tano i.
3. Songon nambur do hape, namanyorop sasude
Denggan ni punguan ni angka na saroha i.
4. Dibagahon Debata tu na marsaroha da
Pasu-pasu na godang, I ma roha na sonang.
5. O didia dapot ho haholongan i ale
Nada dapot i dison, di sandok portibi on.
6. Hum dipamatangna be Disarihon jolma i
Dongan so diingot be, Sasude do songon i
7. Ale Jesus Tuhanki, Debata Jahowa i
Tatap sude jolma on na di hasiangan on.
8. Sai duruskon ma tusi holong na di rohaMi
Sai ajari jolma i, marsihaholongan i.
9. Sai padomu ma muse hami na dison sude
Bo pe rohanami on, sai pasada ma tongtong.
10. Ale Jesus togu ma, hami on tu Debata
Na marholong roha i, salolot lolotna i.
1. Na mar mahani hita Tuhanta Jesus do
Parholong roha Ia silehen tua do,
Silehen tua do.
2. Madung ditatap Ia hita na dangol on
Na lilu manusia di hasiangan on
Di hasiangan on.
3. Harani i Ibana
ro tu portibi on
Manghaulkon do hosaNa humopkop hita on
Humopkop hita on.
4. Di hayu na pasilang durus mudarNa i
Na gabe pangondian di paruhuman i
Di paruhuman i.
5. Sandok na ra porsaya dapotan tua do
Malua sian jaya dosana sesa do
Dosana sesa do.
6. Sai dipasonang Ia sude na unduk ro
Bo pe toguanNia hamu tu Surgo do
Hamu tu Surgo do.
1. Marjop ni roha hita on, mamuji Debata,
Hum asi ni roha Na i, na masuk tu rohanta i.
Dibaen na rap marpungu i, dison sadari on,
Dison sadari on.
2. Dibaen i mur gogo be ma hita on sude
Mamuji Tuhan Jesus i, parasi roha godang i
Dibaen jop ni rohanta i nuaeng bo sogot pe
Nuaeng bo sogot pe.
3. Antong taingot ma burju, mambaen sangap tongtong
Barita ni Tuhanta i, marhite parangenta i
Di jolo ni donganta i di ginjang tano on
Di ginjang tano on.
4. O Jesus tatap ma tuson, sai pargogoi hami
Marhitehite TondiMi, patulus angka tonaMi
Mambaen rarat baritaMi di hasiangan on
Di hasiangan on.
1. Sada namarmahan i sada ma muse habanan
Salpu hagolapan i angkon timbul hatorangan
Anso hasongtian i, na nidok ni Jesus i.
2. O Panjago, dokkon ma sadihari torang ari
Anso dipalua ma na tarrahut i saonnari
Anso hasongtian i, na nidok ni Jesus i.
3. O Parmahan, ro ma Ho sai patorang ma na golap
Bahat biribiri do madung lilu nipaolat
Dao sian habananMi, na marhangoluan i.
4. Na godang kuaso ni sipangara hagolapan
Dao gumogo Jesus i Siparmonang na manaban
Angka na margogo i, anso tunduk halahi.
5. Jadi mur tumorang ma borngin dohot hagolapan
Mur marroan halahi manopotkon hatorangan
Mur marhasongtian ma, na nidok ni Jesus i.
6. Ro ma habahaba i na mangombus tu tanoman
Ngot ma na dung mate i, ro nasida tu na torang
Anso hasongtian i, na nidok ni Jesus i.
7. O Sinondang na godang Jesus Kristus hatorangan
Jolma na di tano on sai paro tu hatorangan
Anso sahabanan i, Ho marmahan halahi.
1. Ringgas ma hamu, mamio sude.
Angka na jahat manggagai do pe.
Hata ni Jesus i na sangap tongtong.
I ma tapatulus, di portibion
2. So tola hamu mabiar muse
Sai pake burju gogomu sude
Haru pe sibolis mamolgak hamu,
Sai tatap tu Jesus malua hamu.
3. Ngoluhon burju hataNa sude
Sai monang hamu baenonNa muse
Hum Ia do Raja Siparmonang i,
Bahat pe aloNa, sai talu do i.
4. Asi rohaMi ale Debata
Patulus sude, tumpahi noma
Sude naposoMu di k’rejona be,
Sai lehen ma gogo, pasangapkon Ho.
1. Beta marsijalangan, togu padan ta i.
Laing Jesus hangoluan, dohot Rajanta i
Madung mardomu hita dibaen hata i,
Jahowa Debatanta i, ihutkononta i. Ihutkononta i
2. Haru bahat marbalik tu hageduhan i
Hita marningot tona tu hatigoran i
Tataon parsahitan di pardagangan on,
Painte hasonangan na ro tu pudi on, na ro tu pudi on.
3. Torang do ugamonta na sian Debata
Na so tinggalkononta salolotna
Muda marporang hita mangalo musu i
Ibana parincenta bo hamonangan i, bo hamonangan i.
4. Mangalancapi na so tarbaen be
Angkon do dipatorang na di rohanta be
Angkon parjolo Jesus jop ni rohanta i
Ibana na manobus palua tondimi, palua tondimi.
5. Antong i ma padanta tabege be ma i
Tigor pardalananta rohanta pe uli
Haru pe sego langit dohot portibi on
Asal ulang marbalik sangkibung hita on
Sangkibung hita on.
1. Tongtong do haposan Tuhan Jesus i ; Ia namamorsan, sandok dosa i
Dipadame Ia jolma i sude dohot mudar-Nia anso sonang be
Dipadame Ia jolma i sude dohot mudar-Nia anso sonang be.
2. Didongani Ia, hita on sude; asi rohaNia, masa do muse
Mida na porsaya di hataNa i, ulang dapot jaya sogot halahi
Mida na porsaya di hataNa i, ulang dapot jaya sogot halahi.
3. Guru di Ibana, na di tano on, na sintong hataNa, tu hajolmaon
Tapi na sai bahat angka jolma i, na so ra manopot Debatanta i
Tapi na sai bahat angka jolma i, na so ra manopot Debatanta i.
4. Ale Tuhannami, sai sondangi ma sasudena hami di portibi on
Pio ma sudena tu habananMi anso ias hami sian dosa i
Pio ma sudena tu habananMi anso ias hami sian dosa i.
1. Sugari gara ma api-Mu nadung di tutung Ho hinan
Anso gumodang ma tumibu harajaan-Mu o Tuhan
Tutu mamungka ma tumorang di purba, bo pastima i
Tapi laing tong do pe na hurang di tanda halak goar-Mi.
2. Dibaen i asi rohaMu asa patiur tano on
Pasangap ma tibu goarMu anso mardame luat on
Gabe marriburibu sora mamuji Ho, ria, gogo
Anso sude gabe pangara tu hangoluan i, tu Ho.
3. Pangolu ma jana pasada sudena halak Kristen i
Ulang paloas tubu bada di sude parlagutan i
Tongtong noma rajai hami marhitehite tondiMi
Anso mardomu rohanami mamujimuji goarMi.
1. Benteng na togu Debata, ondingan bo pakean.
Ditolong Ia hita da, di angka hasusaan.
Musu na lolot i, ima sibolis i.
Bahat bisukna do, najahat bo gogo, na manghoso mi hi ta.
2.Sugari hum gogonta i tibu do hita mago
Tapi adong gontinta i Panghopkop bo na gogo
Giot diboto ho, ise goarNa do
Hum Jesus Kristus i Raja na sangap i tongtong Ibana monang.
3.Haru sude portibi on gok begu dohot musu
Bo pe sudena jolma on magigi manghosomi
Musu di tano on alonta do tongtong
Nada mahua i, sai talu halahi, Parmonang Debatanta.
1. Muda satahi dongan saparlagutan i
Sai moga jana sonang sudena halahi
Sai moga jana sonang sudena halahi.
2. Songon nambur manyogot di ginjang dolok i
Laing songon i ma sogot martua halahi
Laing songon i ma sogot martua halahi.
3. Asa nipaulihon huta na denggan i
Anso nipamasukkon sudena ma tusi
Anso nipamasukkon sudena ma tusi.
4. Dung i na mangoloi angkon malua do
Sude na dung nibasu ias disi sajo
Sude na dung nibasu ias disi sajo.
5. Masuk tu hatorangan sudena jolma on
Hum sada Siparmahan sahaban do sude
Hum sada Siparmahan sahaban do sude.
1. Jahowa Tuhan Zebaoth, Raja na Sangap i ,
paro sinondang Mi tongtong, tu sandok jolma i.
Sai Pasu-pasu Kristen i, sudena halahi.
Sudena angka bangso i, sondangi ma sude, sondangi ma sude.
2. Tuhan ni angka tuan Ho. o Jesus Tuhanki
Raja ni angka raja Ho, di sude bangso i
Papatar ma kuasoMi, di jolma sasude
Anso marroan halahi tu harajaanMi, tu harajaanMi.
3. Haleon dohot musu i, nyae na mamunu pe
parpoda haliluon i dohot bisukna pe
Sai ulang ma paloas i, tu hami on sude
Pujionnami basaMi saonnari bo muse, saonnari bo muse.
1. Mar jop roha bo hupuji, Ho naro tu tano on.
Jesus sipangolu hami, jolma namarhancit on.
Hum marhite mudarMi, sai dihopkop Ho do i.
Badia parlagutanMu, dungi donok tu lambungMu
2. Sai di joloMi do jongjong, parlagutan i sude.
Anso sai dihalungunkon, ro tu Ho, Rajana i.
Dipaima-ima Ho, jana sai marhobas do
Mangihutkon Ho Parmonang toguonMu tu na sonang.
3. Ro sai ro ma Ho Tuhanku, Jesus ro ma Ho tibu
Pamio ni tunanganMu, na malungun situtu
Ro ma Ho o Jesuski, tatap parhancitanki
Tu horja siriaonMu, obanonMu na porsaya
1. Ma jongjong do Tuhanta i, alo ma tu musu Na i, maporus do sudena
Sobokkon timus halahi, malala songon pantis i, diharirimas Ni a
Hum angka siparjahat i, mangalo di Tuhanta i, tontu mago sudena
di baen panailina i. Naso tartahan halahi, ido pasarsarkonsa.
2. Tapi marjop ni roha ma na burju adop Debata bo pe marhasonangan
Marolopolop ma sude ria mamujimuji be dung dapot hamonangan
Sai marsipandohonan ma tongtong : Tapuji Debata Ibana do Rajanta
Na tigor do dalanNa i lidang muse uhumNa i, na sangap do goarNa.
3. Unduk ma hita on sude manyomba Debatanta i tungkap di joloNia
Bo pe hataNa na sintong
sai taoloi i tongtong songon dakdanakNia
Inda he patut Debata oloan bo haposan da di hita na porsaya
Angke di hagogoon i, salang di hamatean i Ibana na palua.
4. O Israel Debatami na mangalehen gogo i di ho di hagaleon
Hum Ia manumpahi ho bo pe na patupahon do na gabe hangoluan
Ise na asing na adong na manggomgomi tano on di balik ni Ibana
Harani i sai jora ma sudena jolma tunduk ma manyomba tu joloNa.
1. Sada par sigantunganta, na mate hara ni dosanta,
di tobus do tondin ta i
Roha bo pamatang nami, di Ho o Jesus Tuhan nami,
ma sonang hai di tanganMi
Sai jagit ma sude, pature ma muse, roha nami
U lang buni, sinondangMi, di hami na di tanganMi.
2. Nada hami na mamuldit jumolo Ho mamuldit hami,
Dibaen por ni rohaMi
Na soada gogonami, so tumbuk sada sian hami
Manjama karejoMu do
TondiMu lehen ma di hai asa tama langkanami
Na so gogo, tarbaen do manaon bo mangihut Ho.
3. Ale Jesus na bahat do, bo pe na bidang sisabion
tapi otik panyabi i
Sai suruhon hai muse ma mangontang halak sasudena
tu horja marharoanMi
Sai na martua do na nipiohonMi tu bagasMu
Sai sonang do sude na ro tu harajaanMi, tu Ho.
4. Tatap angka na marlaso na digomgoman ni pangajo
dao sian harajaanMi
Sian taon marriburibu umpe tarbaen be padumpang
di hata bo sinondangMi
Ma ro hatiha i pabincar bintangMi, ale Jesus
Anso sigop sudena ngot, marhobas tu na torang i.
5. BaenonMu halongangan di na buni, di hatorangan,
di pardalanannami on
Muda Ho di jolonami lapang do sibolusannami
pos rohanai di gogoMi
Batu ni sabiMi na dung nisuanMi, ra magodang
Dibaen Ho laing tong gogo marmudu, manjagohon i.
1. Sai Hehe ma sudena, hamu parangan ni
Tuhanta Jesus Kristus tu paraloan i
So dapot hamonangan naso mangaloho
Dimusu ni rajanta, taluhononmu do
2. Tangihon pamioNa tu parporangan i
Ihutkon i sajo ma, so tolpuk rohami
Ibana do donganmu mangalo musu i
Ma patut haposanmu, Tuhanmu Jesus i.
3. Sai ulang ma gogomu baen haposanmi
Angke na so hasaya do i di Debata
Dilehen Ia gogo, sinjata i di ho
Na so tarbaen talu, na angkon monang ho.
4. Sai taon ma santongkin di paraloan i
Tibu do i marujung dibaen Jesus i
Bonar ma baen rohamu ro di ujungna i
Asa taruli tuku sian Rajanta i.
1. Tongtong tatap partonggolan na di ginjang i
Idaonmu hamonangan ni Tuhanta i
Debata do dongan nami taolopkon ma
Tuk ma hangoluan nami na salolotna
2. Ingot ma angka parangan ni sibolis ro
Na bahatan marmagoan sai dungo ma ho,
Debata do dongannami, taolopkon ma
Tuk ma hangoluannami na sololotna.
3. Ligi ma hayu parsilang ni Tuhanta i
Nada jadi so ho monang mangasahon i,
Debata do dongannami, taolopkon ma
Tuk ma hangoluannami na salolotna.
4. Sai bonar ho, ninna Jesus, sai tibu Au ro
Dapot uhum do na geduk sonang na dungo,
Debata do dongannami, taolopkon ma
Tuk ma hangoluannami na salolotna.
5. Ale Jesus rohanami ulang so tu Ho
Ro ma Ho padomu hami solkot baen tu Ho,
Debata do dongannami, taolopkon ma
Tuk ma hangoluannami na salolotna.
1. Pupuma, pupuma Sion tu na torang i
Sai pauli palitomu anso marsinondang i
Topot ma hangoluan mu pintu i na sompit bolusma
Pupuma, pupuma!
2. Taon ma, taon ma, Sion taon ma peto
Incak dohot parhancitan nada jadi loja ho
Lopus ro tu hamatean bo magigi dongan mida ho
Taon ma, taon ma !
3. Ulang da, ulang da, Sion ulang olo ho
Muda dinungnungi musu ulang ma marbalik ho
Alo roha ni sibukmu na hisapan tu na so tama
Ulang da, ulang da !
4. Uji ma, uji ma, Sion uji halahi
Na mandokkon pangajaran sanga na tutu do i
Hum Tuhanta do oloan sandok poda na marhoti da
Uji ma, uji ma !
5. Masuk ma, masuk ma, masuk ma tu Debata
Sai pasada ma rohamu di tanganNa tinggal ma
Songon ranting na marbatu na mangolu di bonana da
Masuk ma, masuk ma !
1. O, Jesus Tuhan-ki, Ho Siparmonang i Raja tongtong
Nada margogo au, muda so Ho di au Onpe dongani au, di tano on.
2. Sai ro sibolis i manogu rohangki dao sian Ho
On pe dongani au muda sai Ho di au angkon sigop dao musu na ro.
3. Muda burju au on maniop Ho tongtong Sitobus au
Talu do musu i, nada agoon ni i au na nitobusMi, monang ma au.
4. So hahuaon ni dosa be tondingki malua au
Ho ihutkononki Surgo hutuju do tongtong turpukku Ho sonang ma au.
1. Maol rahis dalan i laho tu banua ginjang
Na martua halahi namardalam sauduran
Do hot Tuhan, Je sus i lopus tu ujung na i.
2. Upa na sumurung i dapot ma na bonar roha
Na mangalo sibuk i dohot hisap ni rohana
Na marayak, do muse tuku ni na monang da.
3. Na dung mate nahinan, gantung di hayu parsilang
Na mangolu do torang Raja di Banuaginjang
Ujung ni, dalan Na i, tongtong hamonangan i.
4. Jesus Siparmonang i, sai uluhon paranganMu
Sian parporangan i, laho tu hamonanganMu
Ipar ni tanoman i, i ma hasonangan i.
5. Ale dongan tole ma, mur gumogo ma mardalan
Tu Tuhanta tatap ma, muda hurang hagogoan
Angke sai maila do, na losok parpudi ro.
1. Bintang sipartogi, batu mamak i, tungkot sitiopan, di nalandit i.
Roti hangoluan, mual na u li. Pandang si tujuon, i ma Jesus i
Pandang si tujuon, i ma Jesus i.
2. Ho Tuhan gogongku, hatorangan i, dame ni rohangku, hasonanganki
Ngolu ni tondingku, Sihaposanki, i ma ale Tuhan Ho sajo do i,
i ma ale Tuhan Ho sajo do i.
3. Muda nada Jesus parhiteanki, umpe sada tulus dibaen galengki
Ho tarbaen panayang siporsanonki, holong na huhirim i ma Jesuski,
holong na huhirim i ma Jesuski.
1. Ulu balang Ho na gogo tongtong dongannami Ho
Incak podu sian alo tongam do dilala Ho
Sai uhumi rohanami nalohot di tano on
Anso mur malua hami sian hasiangan on.
2. Humon Ho palalu hami tu Banuaginjang i Sahat tu tanganMu hami,
laing tu hami rohaMi Angke niapasan hami,
menek do di tano on Sian na mangalo hami harani parsilangMi.
3. Ligi ma, songon tarhapit hami na di tano on
Jana sai dielaela tu na jahat i tongtong
Toskon ihotihotnami lehen haluaan i
Sian angka musunami sian sandok dosa i.
4. Sai patimpas ma sudena kuaso ni parjahat i
So parguna be na malo dung di hamatean i
Angkat ma sian abuan hami na di toru on
Anso ro tu hangoluan na di Surgo i tongtong.
5. Ale Raja sai rajai, siparmonang monang ma
Sai pasiding ma parbada, na tunduk arahon ma
Sai paro harajaanMu pararatkon hataMi
Anso ro tugomgomanMu angka na tartaban i.
6. Sai arga ditobus Jesus, tondimi na mago i
Ulang hita manggabusi, mangoloi dosa i
Ma durus mudar ni Jesus, i ma na mamasu ho
Tondinami na marmalu anso ias songon Ho.
7. Tarik ma au ale Tuhan mur sumolkot ro tu Ho
Tarik au tu parsilangMu sian i tu Surgo i
Sai bonar ma rohanami, mangihutkon Ho sajo
Lalu ma tu Surgo hami, i ma hasangaponMi
1. Sapiri somangolu Au, didokkon Debatan ta
Ulang so bolkas ho tu Au, sarat burju rohamu.
Denggan pikir-pikiri i, dosamu pe tinggalkon ma
2. Haru godang pe utangmi, indangkon ho humolos
Ma dipasingkop Jesus i, panggarar bo partobus
Asal sumolsol roha ho, sudena i tumpukmu do.
3. Muda dipio Jesus ho ulang layas rohamu
Mandok di pudi pe au ro, muda tumbuk rohangku
Sai oku sude dosami anso disesa Jesus i.
4. Sai ingot dadaboru ni si Lot di huta Sodom
Na gabe batusira i hara na so tarorom
Manatap tu pudina i, na patut ditinggalkon i.
5. Sadari on mangolu ho, sadari on pauba
Rohamu bo parangemi, tu Debata Jahowa
Angke na ro ancogot i, ise de he umboto i?
6. Harani i tibu ma ro tadingkon ma dosamu
Dijagit Tuhan Jesus ho sonang dung i rohamu
Ro ma muse hatihami indada mago tondimi.
1. Ihutkon Au hamu sude pandok ni Tuhan Jesus
Porsoonmuna ma muse nauhum ni si bolis?
Hayu parsilang jagit ma, mangihut Au salolotna
2. Mataniarimunu Au di dalan hangoluan
Na olo mangihutkon Au angkon di hatiuran
Oloi pangajaranKi so lilu be hamu dung i.
3. Hupatidahon do peto na so tama baenonmu
Bo hageduhanmunu pe na patut nipauba
Lopus tu Surgo i muse Hutogu pe hamu sude.
4. Tongtong do donganmunu Au mangalo musumunu
Na donok pe dohot na dao laing Au di lambungmunu
Angkon marmalumalu do na so mangihut Au sajo.
5. Ringgas ma hita on sude mangihut di Tuhanta
Sai marsipatoguan ma di haporsayaanta
Hum na marbonar roha i maruli sogot tuku i.
1. Mur gogo mangalo dosa, masa ma nuaeng diho
Asi roha ni Jahowa, na dung ro manopot ho.
2. Alo ma sudena jaya sai haposi Jesus i
Patidahon ho porsaya jana na tardidi i.
3. Gogot sai hohot do dalan jana sompit pintu i
Laho tu hangoluanta di Banuaginjang i.
4. Anggo dalan hamagoan na bidang tutu do i
Miduk do tusi mardalan, nada dohot au disi.
5. Pupu ma na martangiang tatap ma tu Ginjang i
Ulang be ho maradian borngin bo arian i.
6. Mur pasada ma rohamu tu Tuhanta Jesus i
Anso ulang be ho talu, ulang monang musu i.
7. Ulang be sai pardimata sere na di tano on
Sai dungo ma ho marjago roha ni portibi on.
8. Tapi ringgas ma mamomosi hata ni Debatami
Nada jabat be ho losi, dung di paruhuman i.
9. Taran hita mangingani hasiangan on do pe
Antong tongtong taporangi dosa, roha sibuk pe.
1. Holan Jesus do hubaen donganku, angke di pasonang Ia au
Angkon sai tongtong tiur dalanku, Muda mardongankon Jesus au
Muda mardongankon Jesus au
2. Tano dohot laut sonang hubolus, muda sai diiring Jesus au
Tu Banuaginjang pe sai tulus Tuhanki tongtong mangoban au
Tuhanki tongtong mangoban au.
3. Di na jonggor sanga di na modom, Jesus do donganku sai tongtong
SoraNia do tongtong hubege mangapoi au na dangol on,
mangapoi au na dangol on.
4. Jesus do tongtong haporusanku, arta dohot hangoluanki
Bo tondingku dohot pamatangku hupasahat tu tanganNa i,
hupasahat tu tanganNa i.
5. Muda Jesus ro mangalap iba jop rohangku mangihutkon i
Nada dong be arsak ni rohangku dohot Jesuski di Surgo i,
dohot Jesus ki di Surgo i.
1. Sai paburju ma mangalo, hajahaton mi sude.
Di na songgop asi roha, sian Tuhan i dope.
2. Jago, angke maol do dalan, na sompit bolusonmi
Tinggal do di hamagoan, na so ra tu Surgo i.
3. Alo, jana mur paringgas pasadahon rohami
Tu Tuhanta Jesus Kristus tausehon dosa i.
4. Mur gumogo martangiang tu Tuhanta Jesus i
Ulang be ho maradian borngin bo arian i.
5. Muda monang ho sanoli maralohon dosa i
Sai tongtong ho mamatai betak ro donganna i.
6. Taran hita mangingani hasiangan on do pe
Angkon tongtong taporangi dosa, roha, sibuk pe.
1. Beta, beta hita, rap tu Surgo i
huta ni Amanta, sipasonang i.
Nada na ditano, sihirimon i
sandok nara sego, so haposan i.
Antong rap ma hita, ulang ganggu be
Tatap ma turpukmu, ma rade sude.
2. Beta ma, ihutkon Tuhan Jesus i
I ma Sipangolu hita jolma i
Holong do rohaNa di pardosa i
Ma disesa sala ni na tunduk i
Antong rap ma hita, ulang tinggal be
Anso sauduran hita on sude.
3. Beta, beta hita mur dumonok ma
Ujung ni langkanta, antong beta ma
Nada dong be masa dosa jaya pe
Hajojop ni roha sonang sasude
Antong rap ma hita, ringgas rohami
Ingot ma turpukmu na di ginjang i.
1. Sai ulang ho mardalan, anggo sasada ho ;
Tuhanta sipangolu, baen donganmi tongtong
Tartopot ho ma Surgo, hara ni dosami? ;
Sai tangkup Tuhan Jesus, siporsan dosami
3. Sai ulang ho humolos hara na hancit i
Tu Jesus ma aduhon arsak ni rohami
Hum Ia do manogu, maniop tanganmi
Denggan do panoguNa di na porsaya i.
3. Sai ulang manaili ho adop pudimi
Gok dame ma rohamu marhite Jesus i
Hum Jesus na pauli paradianan i
Di lambung ni AmaNa dibaen holongNa i.
4. So tola ho gangguon di hamamatemi
Na so padiaronNa na nihopkopNa i
Asal tongtong donganta Tuhanta Jesus i
Tongtong pamonangonNa ho di ujungna i.
1. Na monang i angkon butong mangankon parbatu na di hangoluan i
Sodais be tu ibana parmaraan dung Tuhan Jesus oloanna i
Hum hasonangan bohasangapan di hangoluan tumpukna i,
di hangoluan tumpukna i.
2. Na monang i, so tola idaonNa di hamatean paduahon i
Rap dohot na martua ligionna bohi ni Jesus marsinondang i
Dung talu musu, roha na burju, tola mamuji salolotna,
tola mamuji salolotna.
3. Na monang i, i do na mangan manna, panganon na simo di Surgo i
Laing tong niiongot denggan ni rohaNa, goarNa pe nipaimbaru i
Hum na porsaya, bo na mangoku, sude dosana nisesa ma,
sude dosana nisesa ma.
4. Na monang i, marabit hatigoran, jana tarsurat goarnia do
Di buku i na di Banuaginjang pandok ni Jesus: Au nampuna ho
Jadi dung monang, tuku jagiton, bo harajaan sapanjangna,
Bo harajaan sapanjangna.
1. Nara manjagit tuku i, nadenggan situtu.
Angkon di lambung Jesus i, marroha na burju
Muda nipio ho, tibu marlojong ro.
Sai tiop ma sinjata mi, mangalo musu i.
2. Jamita ni Tuhanta do podang na tajom i
Na gabe siparmonang do na tong mamake i
Anak ni Debata, tongtong haposi i
Parhosom ni sibolis i mantul dibaen i.
3. Rohamu dohot padanmi jagohon ma peto
Angke na bisa nangkat i na niultop tu ho
Tongtong ma ho jonggor songon tarsurat do
Parince pangondingan i haporsayaanmi.
4. Tahuluk na martua i baen tu ulumi
Guruhon uhum porang i di Jesus Tuhanmi
Dung i pataonkon ma, tibu ma Tuhan ro
Tuku ni hangoluan i dapotan ho disi.
1. Jesus Kristus do manobus tondi ni hajolmaon
Naniago ni si bolis dompak na di tano on
Hum Tuhanta do nampuna sasudena jolma on
2. Sipujion do Ibana na marasi roha i
Sioloan do hataNa na tigor sajo do i
Sai tongtong dihaholongi Ia sipardosa i.
3. Sahat ma tu Ho tondingku sai dongani noma au
Angke dapot di aringku muda au guru di au
Tongtong togu naposo-Mu anso ulang lilu au
4. Landit jana rahis dalan musu i sai bahat do
Na mangarop au di dalan ulang bolkas au tu Ho
MataanMu ma dalanku lopus au tu Surgo ro.
1. Ro di hamatean i, laing burju ma rohami.
Hamamarsak hasusaan,parsahitan parmaraan.
Taonma sude na i,ro di hamatean mi.
2. Ro di hamatean i laing burju ma rohami
Ro ma ho tu hasonangan ulang so di parporangan
Maralohon dosa i ro di hamateanmi.
3. Ro di hamatean i laing burju ma rohami
Pangajaran ni pangago dohot hisap ni rohamu
Alo ma sude i ro di hamateanmi.
4. Ro di hamatean i laing burju ma rohami
Ingot ma tongtong padanmu, i ihotan tu Tuhanmu
Dohot ho patogu i ro dihamateanmi.
5. Ro di hamatean i laing burju ma rohami
Holan bugang ni Tuhanmu baen ma gabe haposanmu
Nada ganggu ho dung i ro di hamatean i.
6. Ro di hamatean i laing burju ma rohami
Ligi ma di hamonangan dapot tuku hangoluan
Na mangihut Jesus i ro di hamateanki.
7. Ro di hamatean i laing burju ma rohami
Pangajaran huoloi martangiang hugogoi
Huhaposi Jesus i ro di hamateanki.
1. Tudos tu galumbangi, taran haba-haba.
Roha ni parjahat i, patupahon dosa.
Parlojongan sada do, Pangondingan sada do.
Kristus Tuhan, na paluahon au.
2. Bo pe sego sasude bintang dohot langit
Sego tano on muse, ise haporusan ?
So adong ditanda be, hum Tuhanta Jesus i
Kristus Tuhan na paluahon au.
3. Muda giot mate au sai asi rohaMu
Ulang loas bonom au tu banua toru
Sai surduhan tanganMi, tiop au Partobuski,
Kristus Tuhan na paluahon au.
4. Salpu hamateanki ro ma hanggoluan
Pujionku ma disi burjuMi o Tuhan
Salolotlolotna i, Ho noma pujionki
Immanuel na paluahon au.
1. O Jesus si parmonang i, namanaluhon sasude na.
Na sai manjago hami.
Hum Ho tongtong, di tano on, parsigantungan na mi.
2. Dongani hami sasude anso sai monang hami be
di parporangan nami
Angke gale do sasude sai pargogoi hami.
3. Pamonang hami on sude bo angka dongannami pe
tambai ma na porsaya
Asi i ma huriaMi padao ma sandok jaya.
4. Antong sai tatap bangsoMon salolot di portibi on
sai lehen pos ni roha
Maruli be ma hai sude di tuku hangoluan.
1. Jesus Tuhanta i, i ma donganta i di tano on
Umpe puraga au, naso mardongan au,
namanjagahon au di toru on
2. Giot ni setan i masuk tu rohangki, pabalik au
Muda Tuhanta i tongtong di lambungki,
nada mahua i laing monang au.
3. Asal burju tongtong rohangku adop Ho ale Tuhan
Jana hugolom ma togu tanganMu da
sonang rohangku ma tu pudi on.
4. Sude na susa i nada huingot be martua au
Haru adamku ro labo ma i antong
tu hangoluan do mardalan au.
5. Dung pe tusi au ro gabe huida ma bohiNa i
Asa mamuji au rap halahi sude,
Tuhanta i ma ro, Haleluyah!
1. Sai gotapkon ihot-ihot, nanibaen ni dosa i
Sai asi rohaMu topot, hami na nitobusMi
Sai paias roha nami, sian dosa i sude
Anso kehe sian hami, roha sibuk i sude.
2. Jesus i do uluanmu ditotopkon Ama i
Anso haringgaskononmu lopus tu ujungna i
Nada tola mago, lilu, sada na nilehen i
Angkon bolkas do sudena tu Banuaginjang i.
3. Harani piohon hami lopus tu na sun denggan
Jagit ma tangiangnami jop ni rohaMi hian
Tatap hami na marlayas harani parsilangMi
Angkon na tongtong porsaya di Ho na badia i.
1. Bianoma di ujung ni dalanta, dung sidung porang dohot dosa i
Anso rap muli hita tu hutanta, i ma Jerusalem na sangap i
Muda ias hodok dohot abuan sian bohinta dohot patta i
Jana taida ma tu hangoluan na pasonangkon do rohanta i.
2. Bia noma muda di hatorangan, hita marabit hatigoran i
Asa tongtong di hita hasonangan, dung sun ias sian dosanta i
So tola be nisincal baenonta, na so marutang bo marsingir be
Jana sabagas dohot Debatanta, asa marhamaranggi ma sude.
3. Bia noma muda tabege hata: Ro ma hamu na tangis na hinan
Saonnari tola ma marjop ni roha marnida tumpukmunu na denggan
Ma salpu da hatiha hasusaan, dung na mamolus di portibi on
Mudar ni Jesus i do haluaan, sonang ma hita tu joloan on.
4. Bia noma na so niida mata, na so tarbege ni pinggolta i
Na so ungada do margonti roha dumpang di na dangol di tondi i
Antong tapupu ma ringgas mardalan marningot Jesus hangoluan i
Anso dung bolkas, hita maradian, di huta Sion na sai sanggam i
1. Ho Uluan, Ho Ihutan, Jesus hangoluan ki
Sai pamonang au di porang adop si pangago i.
2. ParsilangMu manderangku na tongtong hutatap i
Nada jadi be rohangku ganggu bo dumaol i.
3. SinjataMu, lehenonMu dohot roha na burju
Podang bosi ma hugonti dohot poda na tutu.
4. TondiMi ma na badia suru ma tu rohangki
Na pamalo au mangalo manaluhon dosa i.
5. TolonganMu naposoMu muda hurang gogo au.
Pos rohangku nada talu sai na monang noma au.
1. Hamu angka na porsaya, tongtong jago hamu ma jaya
na sian sipangago i.
Hata ni Debata munu, sinjata bopakean munu,
so talu be hamu dung i
Mabisuk tu di ho, musu dipikirho, Pio Jesus,
Ibana do tongtong gogo, musunta sai na talu do.
2. Sai paias ma rohamunu alo muse ma hisapmunu,
dibaen Kristen do hamu
Dung i pos ma rohamunu di Tuhan Jesus Rajamunu,
na mangurupi di hamu.
Sompit dilala ho, tatap tu Surgo ma, na diginjang
Sonang disi, tondinta i, dung bolkas hita ro disi.
3. Sai paburju rohamunu patigor dohot langkamunu
tibu do sun bohalta i
Dung pe ngot angka na mate manjagit uhum i na patut
jop ma disi rohanta i
Incak ni musu i na hum santongkin i, sai tataonkon
Ni momos pe, tukunta be, na sian sere do hape.
4. Ale Jesus pargogoi sudena i na mangoloi,
hataMu na di tano on
Lehen roha na imbaru di hai sude asa patogu
haporsayaannami on
Duruskon ma tu hai, TondiMu na pasae dosanami
Mangolu bo na mate pe, laing marsigantung hai tu Ho.
1. Bincar ma manyogot on, O sinondang ni Jahowa.
Sai sondangi hami on, anso bali sian dosa.
Sasude nagolap i, na disi.
2. Numma dipakehe Ho, sude haloloja nami.
Jana ditambai Ho, gogoMi tu gogonami.
Sai torkis ma hami on na dison.
3. Asi ni rohaMu ma sai paro tondinami
Anso laing tu Ho noma mata dohot rohanami
Sonang ma sadari on hami on.
4. Bo pe hahoholongMi manyunggul rohanami
Mangihutkon hataMi anso holong rohanami
Mida ho bo jolma pe sasude.
5. Mudar parpadanan i, i ma hatigorannami
Ro ma sipangago i ulang dihahua hami
Anso sandok dosa i, dao ma i.
6. Sondang sian Surgo i bincar tu tanoman nami
Muda ro arina i ngot muse pamatang nami
Jongjong ma di lambungki, Jesus i
7. Sai uluhon hami on o Sinondang ni Jahowa
Sian pardagangan on tu inganan jop ni roha
Sai marhasonangan do na disi.
1. Jop situtu rohang-ku ro au manyogot on
Manopot Debatang-ku panjagong-ki tongtong
Hum ho o Tuhan-ki, tama si pujion-ku
Bope pasangapon-ku dibaen asi-Mi.
2. Sudena parmaraan sandok na jorbut i,
Na so diloas Damang songgop saborngin i
Parasi roha Ho sai sesa ma dosangku
Padenggan ma rohangku anso tumbuk di Ho.
3. Jagohon au Tuhanku sadarion muse
Dohot sude donganku di ingananna be
Sandok na hancit i bo dosa malu-malu.
4. Pahirbang ma tanganMu di ginjangnami be
Ulang sibolis i gabe mangarsak hami
Bo mangagohon hami, pasun rohana i.
5. Marguru di Tuhanku ma au sadari on
Angke ma pos rohangku sarihononNa au
Sai pasu-pasu ma karejo ni tanganku
Dohot pambaenanku o Tuhan Debata.
6. Sumada ma rohangku mangido songon i
Dibaen Debatangku ra patuluskon i
Na kehe au nuaeng manjama karejongku
Jesus hupangasahaon sai sonang au dibaen.
1. Jesus Sinondangi, madung ngot pamatang ku.
Parasi rohai, sondangi ma tonding ku.
Madung tarsunggul au, torkis bope gogo,
bope malungun au, marsuo dohot Ho.
2. Antong paboa ma na patut haulkononku
Rohangku jagit ma dohot muse tondingku
Bo pamatangku da laing sahat ma tu Ho
Hum i sajo adong, di au o Debata.
3. Sai jagit ma sude na dung nangkin hulehen
Podai au muse, hataMu huoloi
Ho do nampuna au pasomal au tu Ho
Rohangku ulang dao ma sonang au peto.
4. HatigoranMu pe uloskon ma tu hami
Saonnari bo muse ulang tarsincal hami
Roha na burju i, na pantun na lidang
Angkon tarida i, adong di au torang.
5. Sai pasupasu ma sude pambaenanku
Lehen muse ma da na tupa tu bohalku
Asa dongani au, di na sadari on
Ulang marmara au, salolot au adong.
1. Dung ngot au huendehon, sudena asi roha
nasian Debatan ta, Ama pardenggan Basa.
2. Madung sinok matangku sinok di podomanku
Dibaen Ho panjago so hona au tilako.
3. Saonnari dohononMu: modom ma dakdanakKu
Dison au Amamunu, Sipangondinganmunu.
4. Aha ma lehenonku, di Ho haulkononku
Di balik ni endengku mardongan tangiangku.
5. Sai asi ma rohaMu di au ale Tuhanku
Diboto Ho dangolku hum i hupangasahon.
6. Pasidung baenonMu sude na di rohangku
Suruhon suruanMu anso adong donganku.
7. Lehen di au tuaMu, rohangku ma bagasMu
HataMu panganonku painte ro ajalku.
1. Debata Ho hatorangan, na sodung mansohot i
Na pakehe hagolopan, na paro sinondang i
Madung torang ari on, sai sondangi ma au on
Anso sonang ma rohangku, muda mian Sinondang Mu.
2. Sai palua ma tondingku sian sandok dosa i
Lehen ma di au TondiMu, Tondi na badia i
Bo pe pardalananki sai patiur dohot i
Anso ulang be au lilu sian Ho ale Tuhanku.
3. Bo karejo ni tanganku pasupasu ma Tuhan
Sai pabahat ma gogongku bo haporsayaan pe
Anso huihutkon Ho jana hupasangap Ho
Asa domu ma rohangku mida sasude donganku.
4. Oban ma muse tondingku tu Banuaginjang i
Di adopan ni bohiMu loas jongjong au disi
Na marsangap tondingki jana marsinondangi
Dung mardomu pe ibana dohot Ho ale Debata.
1. Pujipujionku Tuhan Debata,
Dinangot matangku, di manyogot on
Masinok matangku modom borgin i,
sonang do rohangku ngot nangkinan i.
2. Gogo ni sibukku diparata Ho
Anso jamaonku karejongku do
Bo goargoaran ni pamatangki
Laing marhahisaran hara asiMi.
3. Jesus pargogoi, au sadari on
Anso huoloi hataMi tongtong
Asa dao rohangku sian dosa i
Sai pasangaponku Ho di ngolungkon.
1. Hara asi ni roha Mu, ale Tuhan Debata
Tolap au hisar pasalpu, borngin on na golap da.
Holan pasu-pasuMi, tuk manjago au disi.
2. Pasupasu paimbaru au muse sadari on
Angke lomo ni rohaMu manyarihon au tongtong
Ganop ari mur torang angka pasupasuMon.
3. Pasupasu ni TondiMu tu haporsayaanki
Anso diurupi Ia mambaen na denggan i
Dohot ditaluhon pe hajahaton i sude.
4. Dohot mudarMi Tuhanku, tolong au sadari on
Ma bahat hasalaanku, hulaosi tonaMi
Diduruskon Ho do i, anso sesa dosangki.
5. Pasupasu ma hataMu di bagasan rohangki
Bo didia ingananku anso sulu di patki
Muda marsinondang i nada be targompang au.
6. Pasupasu karejongku jana sai hobasi au
Dohot hakuasoonMu ulang hahurangan au
Ngolu ganup ari pe lehen sipat na tama.
7. Di bagasan hasusaan pasupasu au muse
Anso tongtong marhaposan tu Tuhanku Jesus au
Asa patu rohangki, bo sonang, bo marsak pe.
8. Harani pasupasuMu tarimakasi di Ho
Pujionku ma goarMu jana huendehon Ho
Lopus ro tu Surgo i Ho sajo haposanki
1. O Jesus hatiuron i, masalpu hagolapan,
tu Ho manatap matang ki, manjagit Hatorangan.
2. Taran payak na modom au bahat do parmaraan
Sai didongani Ho do au ma ngot di hahisaran.
3. Songon imbaru do di au dilehen Ho hosangku
Harani i mangoku au: di Ho tongtong rohangku.
4. Tu ho ma hupasahat au, marsangap ma goarMu
Tongtong marhitehite au, songon panjamaanMu.
5. TondiMu sai pasolkot ma paian di rohangku
Asa uloskon ma gomos tu au hagogoanMu.
6. O Jesus na marmahan au, tongtong Ho di lambungku
Ampot manyimbil au muse ulahi au patogu.
7. Hum Ho ma jop ni rohangki, dohot hangoluanku
Bo so adong pe tohapki, tuk do dung Ho Tuhanku.
8. Arahon au sadari on mangihut di hataMu
Jagohon au muse dison, rajai pikiranku.
9. Marhitehite TondiMi, sondangi ma rohangku
Angke tangkas diida Ho torang pangalahongku.
10. Sai ditiopi tanganMi ma au ulang targompang
Ditarik hahoholongMi au tu Banuaginjang
1. Dohot Tuhan Jesus i, pungka baenon-mu
Ia na margogo i, pangurupion-mu.
Dohot Jesus ngot ma ho, dohot Jesus modom
Dung mardongan Jesus ho, matua ho sonang.
2. Pungka ma manyogot on jolo martangiang
Anso Tuhan Jesus i donganmi arian
Na manjago ho muse di pardalananmu
Ulang parmaraan pe hona pamatangmu.
3. Muda Jesus donganmi bo pe gaor musu
Ia pangondinganmi tongtong di lambungmu
Pos sajo ma rohami di hagogoanNa
Dung Ibana donganMi laing dohot ho monang.
4. Ale Jesus hum tu Ho sahat ma ngolungku
RohaMi na denggan do sai patulusonku
Asi ni rohaMu ma na hupangasahon
Pasupasu ma tongtong au na mandok Amen.
1. Masalpu hagolapan i, hupuji Ho O Tuhan ki
Hisar torkis manyogot on, idaon nami ari on.
2. Tu Ho ma mangidohon au, di dalanki sondangi au
Jagohon au sadari on, dohot muse tu pudi on.
3. Sai hasonangan lehen ma, bo na hasaya, na tama
Na pangoluhon hami on, sudena na di luat on.
4. Sude dosangku sesa ma, ulang dosar taroktokki
Anso laing dohot noma au pararat harajaanMi.
5. Tumbuk di Ho sadari on, mamio au di tano on
Sonang ma baen langkangkon, padomu au tu Ho tongtong.
6. O Jesus sai tangihon ma, pangidoanku jagit ma
Harani hamateanMi, pasonang hamateanKi.
1. Ale tonding-ku ngot ma ho, masalpu hagolapan
Ma dipabincar Debata, sinondang sian ginjang
Sai antak ma na modom i, tama ma pasangaponmi
Tuhanmu Panyondangi.
2. Di hatiuron kehe ma sude tu karejona
Tarbege pidong pidong da, manyogot i marsora
Laing songon i ma jolma i pakehe bohinia i,
tu Tuhan panyondangi.
3. Tatopot karejonta be mamuji Debatanta
Tapatidahon ma muse adong hangoluanta
Ulang marlayas hita on santongkin di sinondang on
na sian Debatanta.
4. Dipatidahon Ho sude na patut pasimbilon
Antong tolongi hai muse mangihut di na lidang
Anso pardalannami be hombar tu rohaMi sajo,
laing Ho ma manyondangi.
5. Hupangidohon ma di Ho, patogu ma rohangku
Mambaen asa tumbuk di Ho, au songon dakdanakMu
Na sorang sian Tondi i manghabiari rimasMi
dung dapot sinondangMu.
6. Sai tinggal ma rap dohot au, o Jesus haposanku
Sai pasondangkon ma tu au sinondang ni bohiMu
Lopus hudapot huta i, na dipauli tanganMi,
na tiur salolotna.
1. Madug salpu borngin i, arian madung salpu.
O Jesus Tuhan ki, patorangma rohang ku.
Angke mardongan Ho, hum hatorangan do.
2. Bahat na so ture na hubaen adop
Ho Dibilang Ho sude, nisurat di bukuMu
Muda hutimbang i huuhum diringkon.
3. Ma marsak rohangki hara bahat salangku
Sai asi rohaMi sesa halaosanku
Songon si Petrus i solsol ni rohangki.
4. Muda ra mate pe, di hami untung do i
Asal ma partohap hami di
Ho Tuhanki Tutupi dosangki, sai lehen asiMi
1. Tuhan madung potang ari, k’rejo i mamantakdo
Haulkonon ku ma saonnari, t’rimakasi adop Ho
Muda ro manyogot i, huendehon Asi Mi
Asa dung ro potang ari, basaMi hupabotohon.
2. Ale Tuhan diusehon Ho tu au sadari on
ArtaMi na so taretong dijagohon Ho tongtong
Tondi bo pamatangki tondiMi ma donganki
Sai manjadi baenonku jagit tarimakasingku.
3. Ulang ingot be salangku ulang etong dosangki
Marsak situtu rohangku muda sai huingot i
Gabe mago borngin i, sondang ni arian i
Songon i ma loas mago sasude angka dosangku.
4. Suru ma ale Tuhanku ro surusuruanMi
Humaliang ni bagasku di na golap borngin on
Aek na godang, api pe, parmaraan i sude
Dokkon halahi padaohon sasudena sian au on.
5. Jadi, kehe ma au modom jana hupasahat do
Na di au dohot di dongan tu tanganMu na gogo
Dung i sai pasingkop ma tondingki anso tama
Hangoluan teanonna anso sonang salolotna.
1. Masalpu ari Minggu, jop situtu rohang ku, manghalungunkon Ho
Poda Mu hu tangihon, masonang do rohang ku, hara ni jamita Mu do.
2. Ma ro Ho mangajari, ma togu rohanami, dibaen hataMi
GiotMu do tondingku, gareja ingananMu, goarMu sai sangap disi.
3. Disesa Ho dosangku, sude hamarsahanku ma morot sian au
Na torang do rohangku dibaen pangapulanMu, asa mararop roha au.
4. Antong ale Tuhanku pasondang ma bohiMu tu au saborngin on
Painte ro ancogot angka surusuruan, marorot au di na torang.
5. Asa dung torang ari, torkis ma au mancari na gabe bohalki
Bo pe pasangaponku ma Ho di baenonku di ari ni karejongki.
1. Madung ro potang ari marhobas au saonnari mamuji goarMi
O Jesus, sai sondangi rohangku bo tondingku
bo donganki saborngin on.
2. Nuaeng pasahatonku tondingku, pamatangku sude tu tanganMi
Roha ni hasiangan pambaen ni hagolapan
padao ma sian hami i.
3. Ho do manghaholongi bo pe na manolongi di na mamio Ho
Laing Ho pajop rohangku, pasahat ma asiMu
na dung hujagit sian Ho.
4. Sai marsipaboaan arian dohot borngin basa mardalan au
Manopot hasonangan na di Banuaginjang,
Tusi o Jesus togu au.
1. Jesus pangondinganki, jago ma taran au modom
Loas au, bo donganki, sonang hami di podoman
goruk pintu i dimpos Nada ‘dong pang ganggu be.
2. Jesus pangondinganki ulang morot sian hami
Jotjot ro di borngin i na manyonggot rohanami
Muda dongannami Ho nada puluk ia ro.
3. Jesus pangondinganki lehen ma haporsayaan
Jonggor pe, na modom pe, ulang musu i manaban
Hami sian tanganMi mangagohon hai dung i.
4. Jesus pangondinganki muda sude ma bohalku
Tu paradiananMi oban ma muse tondingku
Surgo i teananki anso sonang ma disi.
5. Jesus pangondinganki jagit ma muse dosangku
Muda dapot ariMi jana ro harajaanMu
Togu hami sasude lopus tu lambungMu pe.
1. Madung loja au tutu, giot modom au tibu
Ale Tuhan Debata Ho Panjago nami da.
2. Dosanami sasude sesa ma di hami be
Dohot tondinami i sai ias ma basu i.
3. Sahat ma tu tanganMi sasude na donganki
Bo pe halak na adong humaliang hami on.
4. Na marnyae na hancit i, na tangis mamunjung i
Dohot angka na bile tolong halahi sude.
5. Angka na mardalan pe bo di laut, di darat pe
Sai dongani halahi ulang hona mara be.
6. Sai ibo ma rohaMi mida na mabalu i
Dohot dakdanakna pe Ho ma mangondingi be.
7. Ama Ho di halahi di na tinggal menek i
Sai dongani halahi anso sonang modom i.
8. Ale Tuhan Debata sai asi ma rohaMi
Sai patulus borngin on pangidoannami i.
1. Ale Tuhan sada ari, madung salpu do nuaeng.
Sai sihiri au saon nari, sanga tumbuk na hu baen.
Diparange, hatangki, adop Ho arian i,
muda sala baenonku, sesa ma dohot Mudar Mu.
2. IdaonMu na sai bahat na so tumbuk adop Ho
Na di roha bo di hata di pambaenanku do
Angke ganop tongkin do hulaosi tonaMi
Ragam bope na godang do, Dosa dohot hasalaan.
3. Tapi sobar ma rohaMu mida pambaenanki
Sai maila do rohangku muda sai huingot i
Na tongtong disesa Ho dosangki saidanna on
Paimbaru ma basaMu sesa ma nuaeng dosangku.
4. Sai pasonang ma rohangku di na kehe modom au
Jana lehen ma basaMu gabe ulos i di au
Angke parmaraan i, nyae na jat padao ma i
Anso au dohot donganku ulang be hona tilako.
5. Sai gorai angka halak na mambaen na jahat i
Ulang ma tu hami rarat hagiot ni halahi
Bisuk ni sibolis i dosa malumalu i
Bo na asing na manyonggot, ulang ma tu hami songgop.
6. Loas au torkis ancogot ngot sian podomanki
Karejongku ma hutopot bo hupuji goarMi
Muda dung tumbuk di Ho sai piohon au tu Ho
Hupasahat tu tanganMu tondi dohot pamatangku
1. Tarbaen au he modom saborngin on,
Muda nada huingot Ho Tuhanki.?
Ma loja pamatangku arian i,
tu Ho ma jalahanku na sonang i.
2. Gupgupi ma salangku na bahat i
Laing Ho do Debatangku parholong i
Tongtong ma lehen roha, na ias do
Na polin bo na ringgas mangihut Ho.
3. Urupi au manyesa di dongan i
Bo pe marholong roha laing songon Ho
Sai sonang ma rohangku na modom on
Tuhanku panjagongku saborngin on.
1. Saonnari maradian, sudena manusia, Ma modom halahi
Tapi ale rohangku, napatut pikiran mu, ima Tuhan Jahowa i.
2. Ale mataniari tu dia ho saonnari diayak borngin i
Ma golap sasudena nuaeng diida mata, hum Debata na torang i.
3. Jop roha ni pamatang dohot goargoaran dung maradian i
Moga ma ho tondingku sian sude arsakmu malua ho di Surgo.
4. Pahirbang ma tanganMu o Tuhan Debatangku di ginjang ulungkon
Sai dirohai sibolis do au dohot donganku, o Jesus ulang loas i.
5. Hamu haholonganku na solkot di rohangku sai sonang ma hamu
Sai dijagohon Tuhan dohot surusuruan saborngin on sude hamu.
1. Saminggu mangulahi salpu naso ra salpu asi-Mi
Asi ni roha ni Tuhanku imbaru ganop ari i
Mapos rohangku do muse, laing tinggal i di pudi pe.
2. Hupuji Ho, ale Tuhanku laing tong marende au di Ho
Harani denggan ni basaMu na dung hujagit sian Ho
Asal ma na tumbuk di Ho, hum na hupuji Ho sajo.
3. Bahat di Minggu na dung salpu, arsakku di adopanMi
Laing dipatogu Ho rohangku anso tartaon au sude
Ho do na mangalehen i, tama hupuji goarMi.
4. Hum i noma pangidoanku, na mangarsahi rohangkon
Sude na jat di baenonku ulang diingot Debata
Tapi disesa Jesus i dosangku sasudena i.
5. Laing i do haporsayaanku sapanjang ni saminggu on
Ibo do roha ni Tuhanku marnida au pardosa on
Haru pe sude bohalki, di Surgo i sonang au on.
1. Jesus parmahan i, disuru Debatan ta
Manogu jolma i, marhite pambaenan
Tu hasintongan i, tu hangoluani,
Pujion ni sude di Parlagutan Mi.
2. Ma dipasahat Ho, sude tu siseanMu
Nasida ma antong, gabe parhiteanMu
Pararat hataMi, tu sandok tano on
Anso mur bidang ma kuasoMi dison.
3. Sanga didia pe, ojak harajaanMu
Angkon sude ture, na masuk gomgomanMu
Ma dipabangkit Ho, pandita guru pe
Parmahanonna do, habananMi sude.
4. Sai tatap na dison, o Jesus siseanMu
Na jongjong do dison, mangido pasupasu
Sai lehen TondiMi, dohot sahalaMi
Manogu bangsoMi, bo mangajari i.
1. O Jesus namarsangapi, Uluan ni Huria i,
parmahan ni bangso Mu.
Tongtong ma ligi hami on sude na ni parmahan Mon,
hai na nigomgoman Mu.
Tatap, topot, na marlagut, na malungun
di bagas Mu. Di habangsa Mi o, Tuhan.
2. Martua parlagutanMi, harani holong rohaMi,
Adong hangoluanna
Dilehen Ho pangajar i, na mangajarkon hataMi,
Patogu rohanami
Ulang, hurang, di bagasan parlagutan, panditana.
Angka na burju rohana.
3. Sai tatap dohot halak on, na jongjong di adopanMon,
Manjagit tohonanna
Na mangampehon tangan i, i ma na gabe gontiMi,
Pature ma rohana
Lehen Tondi Parbadia tu nasida, margogoihon,
Anso marhapanditaon.
1. O tondi na manggohi roha, nihasaksian naparjolo i
Nasojungada marnaloja, mangalo musu ni Tuhan ta i
Sungguli dohot roha nami on, mamaritahon Jesus i tongtong.
2. Antong mur gara ma apiMu, mangararati sude bangso i
Sai mur patamba ma na burju, na olo manghatahon hataMi
Sai tatap bidang ni sabion i, angke napasoMi otik do i.
3. Hum Jesus do na mangajarkon, tu hami hata hangoluan i
Bahat do na mangharinggaskon, patulus hata na nidokNa i
Dibaen i urupi halahi, sai dok ma Amen, anso tulus i.
4. Antong bahat ma baen pandita, na sai tongtong digohi TondiMi
Jana na ringgas marjamita, manogu halak tu gomgomanMi
Taluhon ma sibolis i tongtong, pararat hataMi di tano on.
5. Urupi hami sian Sion, sai suru Tondi Parbadia i
Palua nasa hajolmaon, songon na nibagabagahonMi
Sondangi ma sandok portibi on, pahot ma hataMi di tano on.
6. Sai loas tongtong marsaringar, soaraMi di hami na dison
Anso marsibeta betaan, sudena ro tu parlagutanMon
Sungguli sandok bangso i muse, masuk tu parlagutanMi sude.
7. Pauli Sion na marumpak, padao ma na mangambat hataMi
O Tondi ro ma Ho manumpak, karejo ni sude naposoMi
Tongtong paias kobun anggurMi, anso tongtong ramos marbatu i.
8. Sai tatap sandok parguruan, inganan ni TondiMu baen sude
Lohotkon hata hangoluan tu roha ni parguru i sude
Sai lehen guru angka na burju, parroha pangondian situtu.
1. Martua ma sudena na marbagas dung Jesus mandongani halahi
Sian sudena namanaek tu bagas hum Tuhan Jesus na sumurung i
Anso humolong rohani nasida di Sia dohot di hata-Na i
Jana umpos ma rohani nasida di Jesus sian sasudena i.
2. Martua ma saripe na satahi jana porsaya halahi muse
Mangihut Jesus na marholong roha anso tongtong marhata na ture
Muda sude tuSia marsigantung, bonar burju arian borngin i
Martua ma nasida bo maruntung jana marhasonangan halahi.
3. Martua ama, ina, partangiang, na pasahatkon na sabagas i
Anso Ibana manjago nasida hatiha borngin bo arian pe
Bo pe na manogunogu nasida, tu hangoluan na so mantak i
Anso rap halahi manghajongjongkon: Tutu martua na porsaya i.
1. Tuhan Debata, sai uluhon ma
Hami angka sisean Mu, na nitobus ni mudar Mu
Tiop ma tongtong, tangan nami on.
2. Muda masa pe, na hancit muse
Sai patogu rohanami, anso ulang ganggu hami
Sitaonon do, dalan na tu Ho.
3. Ro pe na hancit, bo pe na bernit
Bo tu dongan, bo tu hami, pargogoi rohanami
Di ujungna i, sahat hai tu Ho.
4. Ngolunami pe, baen tongtong pade
Di na masa hasusaan, Ho o Jesus palambokkon
Sonang baen muse, tondinami on.
1. Au dohot nasa bagaski, o Jesus na mangoku ro
hum Ho ihutan nami
Dihamanehan nami pe lopus sadarion muse
laing Ho nampuna hami
Yesus, Ho ma, panyapaan, parguruan, bo oloan
Hum tu Ho hai marhaposan.
2. Sai pasupasu hami be pasingkop bohalnami pe,
padao ma hahurangan
Dohot pamatangnami pe tuk lehen kuasona be
manjama karejona
Ulang langlang, hauntungan, hatorkisan, hagogoan
rohanami sai pasonang.
3. Rajai hami on tongtong, marhitehite tondiMi
padomu rohanami
Mangihut di hataMu ma marsioloan ma pade
dao bada sian hami
Anso tulus rohanami mangingani bagasnami,
didongani hangoluan.
1. Sian Surgo i suru TondiMi
Ale Jesus Tuhannami angke pasahatonnami
Dongannami on, Ho manggolom on.
2. Na saidanna i hami on sude
Natorasna do mangoku hami gabe dakdanakna
Saonari ma, oku hami be.
3. Naposo do pe rohanami on
Dibaen i urupi hami ale Jesus Tuhannami
Anso sai tongtong burju hami be.
4. Sai lopokkon ma pangajaran da
Na nilehenMi di hami tu bagasan rohanami
Tubu ma disi bo marbatu i.
5. Togu hami on di portibi on
Ro ujian i tu hami tongtong Ho paingot hami
Pargogoi be hami on sude.
1. Ho tongtong ihutkononku, Jesus Sipangolu au
Nada be tadingkononku, Ho na paluahon au
Sian sasude dosangku, bope sian uhum i
Na tongtong habiaranku, muda na huingot i.
2. Nada ‘dong be hupadumpang sada Tuhan songon Ho
Na patupa hangoluan na manogu au peto
Bo tudia au mardalan Ho ma mamatai au
Haru donok parmaraan nada jadi hona au.
3. Sai ingani ma rohangku Jesus dohot TondiMi
Ro di ujung ni langkangku togu au di dalanki
Giot tos muse hosangku nada be margogo au
Sai togu tiop tanganku oban tu lambungMu au.
1. Nada ra be morot au sian Jesus hangoluan
Ia na palua au, sian dosa hamagoan
Nada tartinggalkon au Jesus na palua au.
2. Nada hutinggalkon be Jesus Kristus haposanku
Bo tu dia au muse laing Ibana oloanku
Nada tartinggalkon au Jesus na parorot au.
3. Nada be malungun au mida sere hagabean
Holan Jesus do di au, lobi sian parserean
Nada tartinggalkon au Jesus na parorot au.
4. Haru so margogo be, sego pe muse matangku
Nada au marbohal be, jana sompit pe rohangku
Nada tartinggalkon au Jesus na parorot au.
5. Muda jongjong au muse maradopkon bohiNia
Anso ro tusi sude na porsaya i diSia
Laing togu ma golom au Jesus na pasonang au.
1. So au nampuna au, hulehen diringkon
Tu Tuhan i Rajangku sigomgom tano on
Hum dibagasan Jesus au, di ida Debatangku
na pasonangkon au
2. Hum Jesus do Rajangku, Ibana Tuhanki
Dihopkop do tondingku, disesa dosangki
Tongtong ma hupasahat au, mangunduk tu Tuhanku,
na lambok roha i.
3. Hum Jesus do Rajangku, dung na tardidi au
Di goar ni Tuhanku na mangabiti au
Ma domu au tu Jesus i dohot parlagutanNa,
nirajaanNa i.
4. Hum Jesus do Rajangku, so tarpahohom au
Hum Jesus do artangku, nada maila au
Bahat pe mangincahi au, marlayas tu Tuhanku,
laing Jesus do di au.
5. Hum i ma dohononku, so au guru di au
Sai Jesus tioponku, painte bolkas au
So lupa au di Jesus i, paima tos hosangku,
sonang ma au disi.
1. Jesus hami ro dison, manopotkon pandidion
Mangihutkon hata-Mi, na mandok angkon tardidi
Angka na tutu porsaya ulang dohot be marjaya.
2. Madung lohot hata on di bagasan rohanami
Barang ise na dison angkon sorang mangulahi
Muda tubu sian ginjang jagitonna hatorkison.
3. Dibaen i marroan do hami on tu Ho, o Tuhan
Pasahatkon diri on mangidohon hangoluan
Sesa dohot dosanami anso tongtong sonang hami.
4. Tondinami basu ma dohot mudarMi, o Jesus
Hangoluan tulus ma rohanami sai pabulus
Lehen ma hatigoranMu jagit hai songon anakMu.
5. Ho parmahan na denggan, sai parmahan na tardidi
Na nietongMi hian songon angka biribiri
Masuk tu parlagutanMu haru pe saidanna lilu.
1. Na giot ma tardidi, o Jesus dongan on,
dibaen i ma ligi, nasida na dison.
2. Nasida ma marroan pajongjong padan i
Mangido hagogoan ulang be muba i.
3. Asi rohaMu Jesus, pamalo halahi
Mangihut di hataMu bo mangoloi i.
4. O Tondi Parbadia sondangi halak on
Anso ias, badia, sude tu pudi on.
5. Paboa ma dalanMu di halahi muse
Laing Ho ma manguluhon ulang manyimbil be.
1. Marpadan au tu Ho Jahowa, markite pandidionki
Mamantak au mardua roha hum Ho ma pangihutanki
Hujagit pandidion i, masonang au hara ni i
2. Dilehen Debata Jahowa abit ni hatigoran i
Tarbaen au ma di joloNa, jongjong di hasangapan i
Mudar ni Jesus Kristus i, panghopkop bo partobuski.
3. Madung tarsurat do goarku di buku hangoluan i
Marholong roha ma Tuhanku di au na dung tardidi i
Ditanda Jesus ma au on sannari bo tu pudi on.
4. Ibana do hangoluanku dijagit au anakNa da
Ibana do pangondinganku hirbang tanganNa do tu au
Ise he ra mangalo au dung diondingi Damang au.
5. Dibaen i, ma pos rohangku di Damang na di Surgo i
Haru imbaru pe dalanku tarbaen au mamolus i
Indada hamagoan be, na sonang do ujungna pe.
1. Ma hot padanku tu Jahowa, marhite Jesus Tuhanki
Tadingkonon ku sude dosa, hu jagit pandidion i
Sai jop rohangku dibaen i, salolot ni lolot na i.
2. Diparabiti Debatangku tondingku na marjaya i
Madung disesa do dosangku, au gabe hangoluan i
Sai jop rohangku dibaen i, salolot ni lolotna i.
3. Na gabe abit ni tondingku, hum mudar ni Jesusku do
Hujagit i sian Tuhanku, paias hita on sude
Sai jop rohangku dibaen i, salolot ni lolotna i.
4. Disuru Debata Jahowa TondiNa mangajari au
Mangalo sasudena dosa, jana pabadiahon au
Sai jop rohangku dibaen i, salolot ni lolotna i.
5. Madung tarsurat do goarku, di buku na badia i
Madung singkop siteanonku, na di Banuaginjang i
Sai jop rohangku dibaen i, salolot ni lolotna i.
1. Jop situtu do rohang-ku, hara na tardidi au
Ma mayup sude jayang-ku, bope dosa bolon i
Ise mananda harta na dumenggan na ummarga,
sian hatuaon ki, salolot-lolot na i.
2. Digarar Ia utangku, dompak na tardidi au
Uhum so huhabiari, angke Jesus donganki
MudarNia huparidi, di na masuk au tardidi
Dibaen i jop rohangki, salolotlolotna i.
3. Bolis bege ma hatangku, numma dung tardidi au
Angkon ho taluhononku, muda ujionmu au
So parguna ho di au, Jesus do nampuna au
Dibaen i jop rohangki, salolotlolotna i.
4. Laho mate dohonon ku: Numma dung tardidi au.
I ma gabe sinjatangku, masuk ma tu Surgo au.
Dapot au disi Amang ku, dohot Jesus i Tuhanku.
Dibaen i jop rohangki, salolot-lolot na i.
5. Sonang situtu rohangku, haru pe mardangol au.
Muda dumpang pe ajal ku, tonding ki tu Surgo do.
Di narambon pe matang ku, sai ingoton ni rohangku,
hara natardidi au, sonang ma di Surgo au.
1. Tusi ma ho ale tondingku, muda male mauas ho
Hum Jesus do pamintorimu, bope hatigoranmu do
Dilehen Ia do sibukNa marhitehite roti on
Dilehen do dohot mudarNa marhitehite anggur on.
2. Haru tongtong pe ganop ari, mudarNa paridionki
Sumolsol roha au saonnari mangoku halaosanki
Harani i giot hupangan saonnari parpadanan i
Anso dapotan hasonangan jana disesa dosangki.
3. O Jesus sai asi rohaMu, tumpahi au sadari on
Laho maruli di sibukMu, bo mudarMi inumonki
Antong patiur ma rohangku manimbang hamateanMi
Harani au dohot dosangku sai i ma parningotanki.
1. Sai palingkas ma rohangku, halupahon ma marsakmu
Ro ma ho tu hatorangan, jagitonmu hasonangan
Tuhan Jesus namangontang ho saonnari tu pamunan
Raja i na sai martongam giot di rohamu sorang.
2. Sai patibu ma langkamu aloalo ma RajaMu
Na manektek do Ibana dohot gogo ni tanganNa
Ungkap pintu ni rohamu bo padenggan ma hatamu
Dok ingani ma rohangku, sesa ma dohot dosangku.
3. Sai malungun au o Tuhan mida Ho hangoluanku
Jotjot tangis do rohangku dung tarsingot di basaMu
Na tutu do au manguas di inumon ni Tuhanku
Giot di pamunan on ma, au mardomu tu Tuhanku.
4. O Jesus parasi roha jop rohaMu mida hami
Ro Ho manopotkon hami pangoluhon tondinami
Di na durus i mudarMu, bo na sego pamatangMu
Madung sae sude utangku, anso sonang ma rohangku.
5. Ale Jesus haposanku ulang so adong labongku
Au na mangan di pamunan ulang au be niuhuman
Mur torang ma di rohangku hahoholong ni rohaMu
Mida au dohot di dongan na maruli di pamunan.
Hami dok tarima kasi, di Tuhan i na sai Marasi.
na paluahon hami on.
Parpadanan na badia, dilehen Ho di hai paria,
pasonang roha nami on.
Sai pasu-pasu ma, anso togu muse, roha nami.
Anso tong-tong, tu pudion, laing Ho nampuna hami on.
1. Ingoton ma sadarion, manaek Tuhanta Jesus.
Tu Surgo tu habangsa i, siamun ni Ama na.
Tasomba ma Tuhan ta i, namulak tu Ama na i,
Tapuji ma Ibana.
2. Na dung ungkap do dalan i, di angka na porsaya
Masuk ma ho tu Surgo i, malua sian jaya
Na mangonai sasude, tu jolma sipardosa i,
nipuji ma Tuhanta.
3. Muda tutu jop rohami, di Jesus i Tuhanta
Burju, pauba rohami, ihutkon ma Ibana
Oloi hataNa i sude, sai tiru pambaenanNa pe,
salolot di ngolumu.
4. Na mulak Tuhan i muse di ari paruhuman
AmbungkononNa ma disi, sibaen hajahatan
Tu api na so mintop i,
na marhanciti halahi, salolot ni lolotna.
5. O Jesus Tuhannami Ho, tongtong asi rohaMu
Dongani hami, pargogoi mangalo angka musu
Patogu rohanami be,
pamonang hami sasude, ro di ujungna sogot
1. Manaek Tuhanta Jesus i, sadarion tu Surgo
Ma juguk di siamun ni Debata na gumogo
Songon di dok Ama na do: DilambungKi ma juguk Ho
Painte talu musu.
2. Ma sidung baeononNa i, na dung sahat di Sia
Mangolu na porsaya i, di harajaanNia
MusuNa na mangalo i, mur tunduk jana patu do,
dibaen gogoNia.
3. Hamu na jogal roha i, sai topot ma Ibana
Angke marrimas roha do Tuhanta di aloNa
Ise tarbaen jongjong do, di joloNia muda ro,
di ari paruhuman.
4. Hamu na burju roha i, dohot na ra porsaya
Na manghudukkon dosa i, bo morot sian jaya
Sai jop ma rohamunu be, dilehen Tuhan Jesus pe,
di Surgo diparade.
5. Tongtong ibo ma rohaMi, o Jesus Tuhannami
Sai ulang be tinggalkon hai di pardagangannami
Jumolo Ho tu Surgo i, padohot hai muse tusi,
pasonang tondinami.
1. O Jesus siparmonang i, nadung mamorsan dosa i,
sannari ma Ho juguk
Siamun ni Debata i, painte ro sude na i,
musu Mu angkon tunduk
Sahat, sangap, hangoluan, hagogoan, bo uhuman.
Sahat ma tu Ho o Tuhan.
2. O Jesus sioloan ni marlaso halak Kristen i
bo surusuruanMu
Hum Ho nampuna kuaso i, di tano bo di Surgo i,
di Ho sude marguru
Beta hita, sai tapuji ma goarNa, na dung monang,
na manaek tu hasangapan.
3. O Jesus hangoluan i, tolongi hai sudena i
patulus hagiotMu
Marayak hatigoran i mangalo hageduhan i
maniru tiruanMu
Tongtong tolong, ulang jabat tu na jahat rohanami,
Ulang sogot mago hami.
4. O Jesus pangondingan i haposan dohot Raja i,
di halak na porsaya
Adop sibolis dosa i, ondingi hai sudena i
palua sian jaya
Humon Ho do na margogo bo na olo mangurupi,
Humon Ho pujionnami.
1. Mardongan olop-olop, manaek Tuhan ta i
Torop ro sian ginjang, suru-suruan i
Bia ma hita on, inda he dohot hita
marolop-olop mida Namonang i tongtong.
2. Mulak tu habangsaNa Tuhanta Jesus i
Solkot dohot AmaNa di hasangapan i
Disomba sasude na di Banuaginjang
Tuhanta i na monang bo na di tano pe.
3. Parhancitan ditaon Anak ni Debata
Jolma na patut mate, Jesus gontina do
Antong taingot i tapuji ma Ibana
Mangihut di hata Na marsada roha ma.
4. Sai ringgas ma rohanta, mangalo dosa i
Bo sasude gogonta polin tabaen i
Sai tajalahi ma bohi ni Tuhan Jesus
Angka pangidoanta tu joloNia ma.
5. Jesus, Ho do Tuhanku, asi ma rohaMi
Sesa ma dosanami ulang be ingot i
Pamasuk hami on tu hangoluan sogot
Paloas hami dohot mamuji Ho tongtong.
1. Tarik gogo donok tu Ho, palungun roha nami
Tu Surgo i, inganan-Mi O, Jesus Tuhan nami.
2. Togu tongtong, hami sude, di dalanMi tu Surgo
Oloi ma ale Tuhan, ulang ma hami mago.
3. Tapi arop do rohangki, sai oloanMu hami
Diporsan Ho do dosa i laho palua hami.
4. Dibaen i, o Jesuski, hum Ho ihutkononku
Bo hataMi, bo dalanMi, sapanjang au mangolu.
5. Tarik au on, donok tu Ho, ro di Banuaginjang
Anso disi, hupuji ma, basaMu ale Tuhan.
1. Jesus Kristus i ma Raja sude guru di Ibana Ia sipangolu i
Tu sude angkon torang do, Jesus Raja na gumodang
Tongtong sipujion i, tongtong sipujion i.
2. Angka raja bo paruhum dohot halak na sumurung, dijoloNa jora do
SuruanNa na diginjang, naposoNa na mardagang
Ia oloanna do, Ia oloanna do.
3. Jesus Kristus i ma Raja, na so hatudosan jolma, sobok tu AmaNa i
Na togu do juguhanNa na sangap harajaanNa
Na so tos martongam i, na so tos martongam i.
4. Di bagasan hasangapan, paranganNa humaliang ingananNa do hape
Dipasahat AmaNia angka na nitompaNia
Tu tanganNa sasude, tu tanganNa sasude.
5. Au muse haru pardosa, ra mangoku bo porsaya, na tutu do songon i
Jesus Kristus i ma Raja sude guru di Ibana
Ia Sipangolu i, Ia Sipangolu i.
1. Na manaek do Ho, tu Banua Mi.
Ale Jesus Raja nami, Ho do ihut konon nami,
togu hami on, tu inganan mi.
2. Maol pe dalan i, oban hai tusi
Anso mur tangkas malua, hami sian angka musu
Na di tano on, togu hami on.
3. Suru TondiMi, i ma gontiMi
Tu bagasan rohanami, na manogu tondinami
Tu adopanMi, na di Surgo i.
1. Baen ma gaba-gaba, dohot bunga-bunga, bope Haul i
Onma hatiha na, Ari parningotan, Pentakosta i
Haroro ni Tondi do, ima Tondi Parbadia, tu parlagutan na
2. Jagit ma Ibana, di ibo rohaNa, ro tu hita on
Anso sondanganNa, torang baenonNa, hita on tongtong
Jagit ma Ibana da, anso kehe ma arsakmu, bo parhancitanmu.
3. Tondi Pangapoi, tanda na ummuli, di sisean i
Tuhan Jesus Kristus, ro ma Ho patulus,
tongtong langkangki
Di naro tu Surgo au, pargogo i au pamonang,
lopus tu na sonang.
1. Tondi Badia ro ma Ho, tu rohanami bongot Ho, sai lehen Hatorangan
Sinondang sian Surgo i, sondangi hamion sude, pakehe hagolapan
Anso, tongtong, hai sudena, marhaposan, di hata Mu.
Mangihutkon di rohaMu.
2. Ho Siparholong roha i, di sandok na porsaya i, pasada rohanami
Palohot ma jamita i, patubu bo pajadi i, di ateatenami
Ho do Raja, sai ingani, rohanami, patoguhon,
podaMi ma hai ngoluhon.
3. Sai pargogoi hami on, na mangoloi hataMon, di pardagangannami
Haporsayaannami pe, tambai ulang ganggu be, muda manaon hami
Ligi hami sai pasonang bo patorang rohanami,
ulang be marbalik hami.
4. O Nambur sian Surgo i, parata ma na malos i, pahoras tondinami
Mangalo holit roha i, bo hagiot ni sibuk i, na mangagohon hami
Tompa roha na badia, na marria martangiang,
lopus tu Banua ginjang.
1. Ro ma Tondi Parbadia, Ro ma ho tu hami on
Anso ias bo Badia, hai sa parlagutan on
Anso Tiur bo ture, pangalaho nami be.
2. Lehen ma tu rohanami, hapistaran sian Ho
Ulang be luluannami, na so tumbuk adop Ho
SondangonMu hai sude, nada lilu hami be.
3. Patidahon ma di hami, dalan na laho tu Ho
Buat sian rohanami, na mangambat ro tu Ho
Asa dung mardosa hai, pasolsolkon rohanai.
4. Sai saksihon ma di hami, Debata do Ama i
Laing dakdanakNia hami, haru nada patut i
Muda pincangNia ro, hum mangantak dosa do.
5. Sai mur gohi rohanami, dohot jop ni roha do
Ulang so tangiangnami, lalu tu Ibana ro
Muda nitangihon i, mur ringgas ma rohangki.
6. Ale Tondi Hagogoan, na so hatudosan Ho
Sai padao ma hamagoan, na ro sian setan do
Lehen ma sinjata i dohot hamonanganMi.
7. Roha na tutu porsaya, lehen ma tu hami be
I do na tongtong hasaya, lalu tu na mate pe
Lopus lalu iba ro, tu Banuaginjang do.
1. Sai songgopi hami on ale Tondi Parbadia
Sai ajari ma tongtong hami on jana paria
Tu Tuhanta martangiang, anso dioloi Ia.
2. Tondi Hasangapan i, sai ingani rohanami
Pargogoi hami be, maralohon dosanami
Anso sai malua hami, sian pardosaannami.
3. Sandok manusia pe, sai sondangi ma sudena
Anso hami sasude, ro tu Jesus Sipalua
Rarat ma harajaanMu, tu sude na nitompaMu.
1. O Tondi Parbadia sai ro ma Ho tu au ;
Rohangku ma paria, jana dongani au
O Tondi na sintong naro sian Debata
suruan ni Anakna oloan Ho tongtong.
2. Ho ma na paboahon tu au on gogoMi
Laing Ho ma paluahon au sian dosa i
Denggan pature au, paias ma tondingku
Anso tongtong patikMu tarhangoluhon au.
3. Na so marhatigoran, pardosa au hian
Na so marhangoluon ma mate au hian
Di pandidion i di mudar ni Tuhanku
Mago hamateanku dibaen Ho sajo.
4. O Tondi ni tangiang laing tong ajari au
Paringgas martangiang barang didia au
Tangiang na peto na masuk tu Debata
Na tumbuk di AnakNa na tarpatulus Ho.
5. O Tondi jop ni roha padame hami on
Pajop ma rohanami na porsaya di Ho
Salisi bada pe sude na mangarsakkon
Jana na manyirangkon padao ma i sude.
1. Muda Tondi Parbadia, masuk tu rohanta i
Tongtong diajari Ia pasimbilkon dosa i
Hasintongan do Ibana, bo sinondang ni sude
Namangihut di podaNa, marparange na ture.
2. Ia do manganjuanju angka sipardosa i
Na di dalan na so tontu na tu hamagoan i
Pangapoi do Ibana Jesus mambagahon i
Dituhei Ia roha ni na so porsaya i.
3. Muda masa hamarsahan Ia mangapuli do
Dohot do di hamagoan didongani Ia ho
Ginjang roha, pandelean, na mangago jolma do
Mangoloi di na leban sai diantak Ia ho.
4. Ale Tondi haholongan dohot habasaran i
Sai tongtong ingani hami, lehen hasonangan i
Di bagasan hagalean pargogoi hami on
Anso tumbuk hai manean bagabaga na sintong.
1. Pangapoi na lumobi, Tondi ni Tuhan i, rohangki ingani
Diparbaga Tuhan nami. Angkon Ho, na malo, mangajari ha..mi.
2. Nada ‘dong tarboto hami na denggan, na sonang sian dirinami
Na sai disondangi Ho do hami on na tongtong losok, bo na oto.
3. On do pangidoannami : Sai asi rohaMi, paimbaru hami
Patangkaskon ma di hami jorbut ni dosa i, sialoonnami.
4. Sai paburju rohanami anso tong podaMon di bagasan hami
Anso ulang sirang hami hara ni dosa i, sian Tuhannami.
5. Patidahon ma di hami bugang ni Jesus i, laho kehe hami
Sai urupi hami monang lopus di Surgo i, asa dumpang sonang.
1. Sangap di Ho o Debata, sian marribu so.. ra
Na dibagahon, tulus ma, sigodang jop ni ro.. ha
Tondi Mu na sintong, maro tu hami on
Di parlagutan mon, maringan ma tongtong, salolot ni lolot na.
2. Sangap di Tuhan Jesus i, na mulak tu AmaNa
Pasingkop partohapan i gok asi ni rohaNa.
Imbaru padan i dibaen TondiMi
Mangolu ma peto na mangasahon Ho, bo pe na ra porsaya.
3. Sangap Silehen tua i, di hita sandok jolma
Marroan ma dibaen i torop angka bangsoNa
Di habincaran i bo hasundutan pe
Di angka pulo i malungun halahi, tu hata ni Debata.
4. Di tano hagolapan i, dohot di haliluan
Manguas sipardosa i di aek hangoluan
Dung minum sian i sonang ma halahi
Mangihut ma muse di Tuhan Jesus pe, ro di Banuaginjang
1. Hatorangan na tumorang, jop ni roha na tonggi.
Na marhancit bo na sonang, laing tong dohot Ho di si.
Tondi na sumangap Ho, nasintong salolot na,
na pangolu sasude na,sai pangolu au muse ma.
2. Ho silua na dumenggan na tarjagit jolma i
Ho do arta hagabean na pasonang rohangki
O sai ro ma Ho tu au tongtong ma ingani au
Taran so adong hosangku patudoskon tu rohaMu.
3. Ro ma Ho sai pargogoi jana sai dongani au
Sipanolong sai tolongi na hasaya i di au
Hagiot ni sibukki ulang loas tulus i
Paimbaru ma rohangku patudoskon tu rohaMu.
4. Ro do au mamorso halak na mambuat sangapMi
Nada ra au mangalangka dalan na so dalanMi
Roha ni sibolis i angkon hagigianki
Hum na tumbuk di rohaMu angkon tumbuk di rohangku.
5. Ho noma hangoluanku di na landit togu au
Mate pe Ho haposanku di tanoman jago au
Muda ngot au sian i togu au tu Surgo i
Tu adopan ni Tuhanku sonang ma disi rohangku
1. Songgop ma tu parlagutan Tondi sian ginjang i
Anso na marhangoluan na margoar Kristen i
Sai sondangi hami on bo pasangap ma tongtong
Jesus na manobus hami di bagasan rohami.
2. Patidahon ma di hami Jesus Sipamintor i
Anso mur torang di hami rohaNia na asi
Dohot hataNia do na sintong bo pe gogo
Paturehon rohanami adop Jesus Tuhannami.
3. Togu hami tu parsilang na di dolok Golgota
Patidahon na tarkilang haru so mardosa da
Ma durus mudarNa i, gabe haul na ias i
Na marlasolaso dosa, sesa do dibaen gogoNa.
4. Tondi Ho Sipangajari sai podai hami on
Papistarkon rohanami manutui Hata on
Nada holan jolma da, Tuhan Jesus na peto
Ia Anak ni Debata, na manghopkop manusia.
5. Pangapoi Siparorot Jesus na marsuru Ho
GontiNia na so morot sian halakNia do
Na padomu roha ni sandok na porsaya i
Songon Jesus na mardomu dohot Debata di Surgo.
6. Ale angka parlagutan tatap ma tu Jesus i
Hum Ibana na pasada roha dohot tondimi
Bo tudia Ulu i angkon dohot ho disi
Nada sirang be Ibana sian ho parlagutanNa.
1. Ari na denggan, ari na sonang Tondi Badia numma ro,
:/: Jesus gurunta, ra panogunta moga ma hamu ale Kristen :/:
2. Ari na denggan, ari na sonang Tondi Badia numma ro
:Panyondanginta tinggal di hita, moga ma hamu ale Kristen. :/:
3. Ari na denggan, ari na sonang Tondi Badia numma ro
:Sai apoanNa parlagutanNa, moga ma hamu ale Kristen. :/:
4. Ari na denggan, ari na sonang Tondi Badia numma ro
:Pangolu hita sonang tondinta, moga ma hamu ale Kristen. :/
1. Jojahan ni haporsayaan- ku: Hum Jesus tor na togu i.
Naso adong dope hosangku, madung adong hian do i.
Laing tong togu jojahan on, haru pe sego tano on.
2. Asi ni roha ni Debata, na manyalpui sasude
Holong rohaNa mida jolma, i do jojahan na pade
Sude jojahan na adong, malala do dibaen on.
3. Umpe sahalak tola mago, angkon mangolu do sude
I do pikiran ni Debata, laing songon i hataNa pe
Sandok na ra porsaya i, mangolu sapanjangna i.
4. Tuhanta Jesus numma monang, ma talu hamatean i
Tarbaen ro tu hasonangan, angka na habilean i
Mudar ni Jesus tuk gogo, mangayup sandok dosa i.
5. Mudar ni Jesus haposanku, muda huingot dosangki
Tusi hurondam ma rohangku, anso ias dohot uli
Anso tarbaen au dung i, manopot Debatanta i.
6. Haru nibuat sasudena, hangoluanku na dison
Anso mamunjung au muse ma, donganku pe nada adong
Laing tong asi rohaNa i, Ibana hangoluanki.
7. Hum Tuhan Jesus jojahanku, sapanjang au di tano on
Hum Ia do pargantunganku, nada ra morot sian i
Ro di Banuaginjang i, o, Jesus, Ho jojahanki
1. Donok do tu hita, anggo Debatanta,
hum Ibana sombaonta Dilambungta, Ia,
undukma rohanta tungkapma dijolo Nia.
Debata, Tuhan ki, angkon marsimora, angka na mananda.
2. Donok Debatanta, angka suruanNa mangoloi di
Ibana Pujipujianna na marribu sora pasangapkon goarNia
Debata, bege ma, ende bo tangiang, bo pardosa hami.
3. Sai porsoonnami na di hasiangan hisap dohot jaisnami
Tondi bo pamatang haulkononnami, jagit ma o Tuhannami,
Ho sajo na gogo, na manompa hami, sioloannami.
4. Debata na sangap jana marmulia baen au anso badia
Songon naposoMu na di adopanMu loas ma Ho idaonku
Patut ma, lomoMi tongtong baenonku, tolong au Tuhanku.
1. Jesus Tuhan ku raja i ma au, anso mangihut di Ho noma au.
Buat rohang ku ingani ma i, ulang be masuk na asing tu si.
Jesus masonang rohang ku peto muda marguru sajo au di Ho
2. Bahat situtu pardangolanki taran so Jesus partohapanki
Hum hasusaan tongtong ro tu au tapi asi rohaNia di au
Ia manyesa dosangku sude, hangoluanku laing Ia muse.
3. Haru dionjap sibolis pe au jana magigi musungku di au
Nada mabiar au, pos rohangki ondingondingku, hum Jesus do i
Barang didia Immanuel i angkon sumurut sude musu i.
4. Na marhaposan tu Jesus hape sai na martua ibana muse
Na marsigantung tu Sia tutu jana marroha na bonar burju
Sonang Ibana di portibion sonang tu pudi di Surgo tongtong.
1. Gargar dolok tapor batu, nada gargar asi Mi
Ido roha ni Debata, laing togu padan-Na I
Asi ni rohangKu do, nada morot sian ho.
2. Na nidok ni Debatangku patut huoloi i
Na mangolu do rohangku muda humomosi i
Asi ni rohaMu do, nada morot sian au.
3. Sude halak na dung loja, mangulahi ma gogo
Sonang halahi bo moga, dung dipangasahon Ho
Asi ni rohangKu do, nada morot sian ho.
4. Marsak hara ni dosamu, heput mida uhum ho
Sai haposi ma Tuhanmu, na tongtong mandok di ho:
Asi ni rohangKu do, nada morot sian ho.
5. Sai patogu ma rohangku, o Tuhan di hataMi
Ulang jabat be au ganggu, mida bagabagaMi
Asi ni rohaMu do, nada morot sian au.
6. Muda ro pe hamatean, laho sude bohalki
Hangoluan ma hutean, sian na mandokkon i:
Asi ni rohangKu do, salolotna ma di ho.
1. Muda laing Tuhan ta, hangoluan i,
jana parsilang Na, parsandean i,
Muda goar Nia, pardomuan i,
marsinondang hita, bo martua i
Muda goar Nia, pardomuan i,
marsinondang hita, bo martua i.
2. Muda taholongi Debatanta i,
Jana hasintongan di rohanta i.
Muda laing tapuji goarNia i,
Bo nuaeng di pudi, sonang turpukmi
Muda laing tapuji goarNia i,
Bo nuaeng di pudi, sonang turpukmi.
3. Muda tahaposi Tuhan Jesus i
Tong marhaojahan di hataNa i
Muda sae dosanta ias sian i
Jadi jop rohanta salolotna i
Muda sae dosanta ias sian i
Jadi jop rohanta salolotna i.
4. Dung malungun hita mida Jesus i
Giot ma niida Huta Sion i
Ro suruanNia sian Surgo i
Mandongani hita lopus ro tusi
Ro suruanNia sian Surgo i
Mandongani hita lopus ro tusi.
1. Di pandidion ku, marpadan do au,
di Jesus Tuhanku, mangihut ma au.
Ditobus Ibana, tonding ku arga,
Tama au di Ibana salolot na.
2. Dung talgang ihotku di dosa hape,
hurahut tondingku tu Jesus muse
Hum sada tarbaen oloan tongtong
sotupa mardua namora dison.
3. Saonnari marguru di Jesus do au
Na tumbuk diSia tumbuk ma di au
Huboto na denggan rohaNa sajo
dibaen ma sonang rohangku peto.
4. Laing i ma padanku huingot ma i,
hum Jesus Tuhanku hangoluanki
Mangolu, na mate di tanganNa i,
ma putus rohangku so muba be i.
5. Dibaen na hurang gogongku antong,
marragam ujian na masa dison
Hum gogo ni Jesus do haposanki,
na tonggi na paet hubolus ma i.
1. Bahat dope guru hononmu do, anso tudos dohot Tuhan mu ho
Hatigoran mu laing na hurang i, sotuk dope haporsayaan mi.
Diri mu do, di haholong i ho, dongan mu pe, laing so di ingot ho.
2. Sai momo ra mandele rohami dung ro saotik hasusaan i
Di dalan na landit sai losok ho maniop tangan ni Tuhanta i
Manigor ganggu jana marsak ho, dung tulus na so tumbuk be di ho
3. Tanganmu ro, tanganku jagit ma, padanta do, tu Surgo beta ma.
Tabolus dalan, na sai hohot pe, tu Tuhan Jesus martangiang be.
Sai tapasahat ma tondinta i, rap hita ma tu hangoluan i.
4. Satahi hita laing saroha ma, mangkaholongi Tuhan Debata.
Bo pe na marsihaholongan ma, salisi, bada sai tinggalkon ma.
Ta alo sandok hajahatan i, rap hita ma tu hangoluan i
1. Ngot numma torang ari, masalpu borgin i.
Mur pondok ganop ari, pardalanan mi.
Gogoi ma mancari, na pangoluhon ho,
Angke dung potang ari, hagolapan ho
2. Ngot, numma torang ari tangkas idaonmi
Manaek mataniari, hatorangan i
Ringgas ho mamareso na dung sahat di ho.
Dung bolkas ho tu Surgo, maradian ho
3. Ngot, numma torang ari tinggalkon dosa i
Asa haporsayai Evangeli i
Dosamu sasudena disesa Jesus i
Anso di ho muse ma hasonangan i.
1. Tola mangulahi, ro manopot Ho,
Na po diurahi, ibo roha ro,
Tongtong ganop ari, ra disesa Ho,
Sandok dosa nami dung ni oku do.
2. Di pambaenanMu, di hataMu pe.
Holong ni rohaMu, idaonku pe,
Sian pikiranku na lumobi dao,
Denggan ni basaMu na padumpang au.
3. O, sai jop rohaMu, pangoluhon au,
Rante ni pangago talgang sian au,
Sai pangkilalahon holongMi di au,
Ho hupangasahon lopus mate au.
4. Tongtong pargogoi tu tangiang au
Anso huoloi bo tu dia au
Asa haposanku Ho noma tongtong
I ma pikiranku tu joloan on.
5. Nada hum sanoli tola mulak au,
Muda manyolsoli dung mardosa au,
Ale Ho Tuhanku golom au gogo,
Ulang be rohangku morot sian Ho.
1. Holong rohamu mida Au o, Petrus ? Tuhan-mu do na manyapai ho.
Nara maho manolon basa Je-sus Raja-mu dohot haposan-mu do.
Naburju do tigor muse rohana, torang sude idaon ni mata-na.
Holong roha-mu songon na tama. Alusi ma.
2. Holong rohangku mida Ho, o Jesus haru marbalik halahi sude
Nada ra au marbalik, ninna Petrus, togu rohangku lopus mate pe
Si Petrus, ho na songon tor na togu mabiar do, hape ra ho mamorso
Marjanji ho, so ra marganggu be, bia dehe?
3. Holong rohamu mangulahi mida Tuhanmu na marasi roha do?
Padonok ma tu Au anso diida matamu na so muruk Au di ho
Na so tarjagit halahi sudena ungada he hutulak na mangoku
Dosa ni jolma mangido ampun di ida ho?
4. Holong rohamu mida Parmahanmu na lan do aek jampalan na sonang
Nayang do boban na di abaramu tungkotKu pangondingan na denggan
Na mago i tongtong do Hujalahi dung dapot i laing Au na mamatai
Jana huhopkop halahi sude tutu dehe?
5. Holong rohamu ho muse marmahan sudena i na so mananda Au
Baloskon ma tu Au na dung Hutahan harani ho na ra mamorso Au
Jalahi ma saonnari na dung lilu paulak ma nasida na dung gilo
Oban sude tu harajaanKi, denggan ma i.
6. Holong rohamu Au ma manghobasi jana Hutogu tu na sonang ho
Haru sibukmu ra mangalaosi taluhon ma, ihutkon Au sajo
Nialo pe habanan bo parmahan togu ma ho, laing Au do na dung monang
Sai taon ma, bonar ma ho tongtong songon Au on.
7. Holong rohangku mida Ho Tuhanku diboto Ho tutu na songon i
Muda na hurang holong ni rohangku, tolongi au tambai ma tusi
Suratkon ma hataMu tu rohangku tangihon au sai sesa ma dosangku
Holong rohangku ma di Ho tongtong, tu jolo on.
1. Bangso nasumurung do, halak Kristen naporsaya di Debata,
Natongtong ditangan ni Jesus i,
bope Tondi Parbadia Mangajari bo paria,
pasonangkon halahi.
2. Dao sumurung Kristen i sian raja na sumangap
Na marpangkat, tunduk do tu halahi sasude
Na borat na so tarporsan dilojongkon halahi do
Muda dohot Jesus i.
3. Taran so tunduk do pe hita maradopkon Jesus
Jana juguk hita donok di lambung patNia
Ma dao sian hatutuan bo pe sian hasonangan
Na niparadeNa i.
4. Maol na mardagang i manopotkon na di ginjang
Gumincat do sian bintang na dumao
Lopus tu pintu ni Surgo angkon do rap dohot Jesus
Na manguluhon hita.
5. Tarik au o Tuhanki, tarik ma tu holong roha
Angka poda na nidok ni hataMi na uli
I do na papistar iba na mamili dalanniba
Taran di portibi on.
6. Hupasahat au tu Ho, ma dilehen Ho hosaMu
Partobuski, Ho, anso tulus au tongtong di Ho
Anso Ho noma donganku, bo pe laing sigolomanku
Ulang mago au di Ho.
1. O, Jesus hagiot-ku do, anso tudos au dohot Ho.
Anso tarida ma muse, pangalahongku nature.
2. Laing dao do pe au sian Ho bahat muse markoti do
Di parange bo rohangki, sai jat do pe sudena i.
3. Holong rohangku laing borgo martangiang pe losok do
Bahat do pe hupukiri laing husolsoli rohangki.
4. Jotjot ma ra mandele au giot kehe ma tu na dao
Tapi dung hupukiri i, laing husolsoli rohangki.
5. Haru mamunjung au dison golap huida tano on
Laing bincar sada Bintang i, goarNa Jesus Kristus i.
6. TuSia ra manatap au angke ditolong Ia au
Jana didokkon Ia do, ma donok Au sonang ma ho.
1. Tongtong ma saroha hita, mangihutkon Jesus i.
Jop muse rohanta mida, pangajaran Nia i.
Hum Ibana do pangulu hita si pangihut do
Tuhan Ia dohot Guru, hita sisean Na do.
2. Beta ma hamu sudena na nihaholongan i
Sai marsiokuan be ma, rap marbonar roha i
Giot ganggu rohamunu martangiang ma gogo
Roha dohot padanmunu dipatogu Jesus do.
3. Anso dipangolu Ia hita na di tano on
Ro ma sian Surgo Ia manopotkon jolma on
Ia do gabe ma dangol, anso hita ma gabe
Parhancitan i ditaon anso sonang hita be.
4. Jesus do pangiteanta muda hamatean ro
MudarNia haposanta dompak paruhuman i
Jesus do hangoluanta na so marnamantak be
Sonang ma tutu rohanta dung saroha hita be.
1. Laing dijagit Jesus i, sipardosa nadung lilu.
Sai paboa hata i, tu sudena na marilu
Manyolsoli roha i, Jesus Sipangolu i.
2. Asi ni rohaNa i na nioku ni hataNa
Dohot hangoluan i tuk salolot ni lolotna.
Dapot ma sude na ro, Jesus Sipangolu do.
3. Dilului jolma do na marhosa na dung lilu.
Mur noma Tuhanta do manjalahi na tarkicu.
Ulang mago halahi, Jesus Sipangolu i.
4. Ro ma sasudena i ro hamu na marsak roha
Ditoguhon Jesus i hamumulak tu Jahowa
Sai porsaya ma sajo, Jesus Sipangolu i.
1. Halahi do na martu a, muda sauduran i
Natongtong marsada roha, adop Debatan ta i
Nasorabe manangihon, tahi ni parjahat i
Naso olo sajuguhan, dohot pangincahi i.
2. Tapi na marjop ni roha mida pangajaran i
Na nilehen ni Jahowa gabe sioloan i
Tudos tu batang ni hayu na di lambung aek hape
Na tongtong ramos marbatu na so olo punggur be.
3. Angke patut niuhuman halak sipargeduk i
Jongjong ma di hangoluan na tigor rohana i
Sipargeduk nada tola ro tu hasangapan i
Parhancitan jagitonna sonang do partigor i.
1. Nada huboto haojahan, na asing sian Jesus i
Na so hutanda parpadanan, hum na di pandidion ki
Disi ma na marpadan au, Hum Jesus do nampuna au.
2. Tuhanku do giot hutopot, donok tuSia ngolungki
Dung ro tusi gabe ma lohot dohot Ibana rohangki
Hum Ia hangoluanki na asing so huboto i.
3. Laing tong ma au di tanganNa, ias, tigor ma au disi
MudarNa i ma pabadia jana pasonang rohangki
Dung di bagasan Jesus au so tola hona uhum au.
4. Huboto do nian dosangku tapi nada mabiar au
Angke dihopkop Ho dosangku jana disesa Ho sude
Marsak harani dosangki, sonang dibaen Jesus i
5. Marporang au mangalo dosa, au mangasahon gogoMi
Tuhanku do na manaluhon bako na honok na di au
Ma monang Tuhan Jesus i, monang muse au dohot i.
6. Laing tong ma au di joloNia marguru di Ibana do
Anso sonang baenonNia laing songon i hubaen do
Pangidoanku do tongtong laing songon Ho ma baen au on.
7. Asi rohaMu o, Tuhanku ulang ma loas morot au
Sian lambungMu nada holang suruhon TondiMi tu au
Na manyungguli rohangki ulang gabe tarpodom i.
1. Muda giot ho tu ginjang, tu nasonang sai palingkas roha mi.
Songon pidong do na habang mur tu ginjang lopus bolkas ho tu si.
2. Sai paloas au manopot angka dongan na di hangoluan i
Anso dohot suruanMu Debatangku, au mamuji Ho disi
3. Ale Jesus siangkaan ni hasian na manghaholongi Ho
Sai padomu au muse ma tu nasida, na sonang di Surgo do.
4. Nada lohot be rohangku tu artangku angka na di tano on
Atik pe di hasiangan au mardagang, laing tu Surgo rohangkon.
5. Lehen ma haporsayaan, hagogoan manorus i sasude
Sai malungun do rohangku di Tuhanku bo di ingananNa pe.
6. Na momo do tarpatupa Debatanta hamogaan sun denggan
Sian pintu hamatean, laing taroban Ia hita ma sonang.
7. Jesus do pasae dosanta, bo utangta nada tinggal be disi
Haru kehe hita modom tu tanoman, mangulahi ngot muse.
1. Hu gogoi manjalahi, hangoluan i
Hu pareso hu pangido, lopus dumpang i
Giot ma nirarang au, Hataon mamio au
Pupuon mu di porang mu, lopus monang ho.
2. Tuhanki do na mamio au tu Surgo i
Hupatibu ma langkangku mandapotkon i
Na marlojong so ture nadadong maruli be
Na di pudi i marugi umpe giot au.
3. Ale Tuhan sai palapang dalanki tu Ho
Hurang togu ma rohangku iringi au sajo
Muda niincahan au Ho ma mangapoi au
Hum iboMu na manogu au di toru on.
4. Sai patogu ma rohangku muda ganggu i
Ma huboto Ho na gogo di na dangol i
Ho do hangoluan ni sandok na porsaya i
Di adui ma hupuji Ho salolotna.
1. Sai uluhon au o Tuhan, lopus ro tu hangoluan.
Namalungun au sugari, laing malua au saonnari
Sian na adong, di portibi on, anso tinggal ditangan Mu
Dihaposan ni rohangku, na manggolom au, na manggolom au.
2. Hum bugangMu o, Tuhanku i sajo haporusanku
Laing tusi do mangalintun sian tano on tondingku
Sonang rohangki muda au disi nada dong dison hutangku
Hudapoti ma Tuhanku, na pasonang au, na pasonang au.
3. Dung di Surgo au mardomu dohot na disi mangolu
Na manigor ligionku Jesus Sipatorkiskonku
Di adopan ni bohiNia i huendehon Haleluya
Dohot angka na martua, salolotna i, salolotna i.
4. Sai godang hangoluanmu na nilehen ni Tuhanmu
Dipasobok TondiNia ho muse ma dohot Ia
Na satompa ho dohot Jesus do hasangapan pakeanmu
Manopotkon Debatamu, torang situtu, torang situtu.
5. O, Jerusalem na sanggam so mardosa di bagasan
Singkat bulan dohot bintang Debata do na tumorang
Jadi tiur be na disi sude, bo pe sai marhasonangan
Na so mantak be mamanjang, beta ma tusi, beta ma tusi.
1. Dung di aek na oto, prau ni Noak i,
ombak na sai gogo, na manyosak i.
Tapi pos roha na, di na sompit i.
Angke Debata dohot do disi.
Angke Debata na, dohot do disi.
2. Moses na mamolus Laut na Rara i
Torus manguluhon sude bangso i
Au pe ra mamolus pardagangan on
Mangasahon Jesus monang do tongtong
Mangasahon Jesus monang do tongtong
3. Halahi na tolu di purunan i
Di tonga ni singa si Daniel i
Laing torkis nasida, moga halahi
Debata Jahowa dohot disi
Debata Jahowa dohot disi
4. Bo pe Tuhan Jesus di Getsemane
Maradop si Latus lopus mate pe
I do na paboa ma malua au
Debata Jahowa mandongani au
Debata Jahowa mandongani au
5. Dipalua Jesus hasianNa pe
Songon i si Petrus, hita pe sude
Angkon pos rohanta ro di Surgo i
Jesus haposanta dohot do disi
Jesus haposanta dohot do disi
1. Dalan do Ho, tutu do hangoluan.Hata-Mu do mangoku i
O, Tuhan Podahon ma
tu hami naposo Mu,Jop ni roha-Mu.
2. Sapanjang hami on di pardagangan uluhon hami
tu paradianan
Golomi hami laing togu di dalan ni hatigoran
3. Ho hatutuan haru ganggu hami ulang so bincar
bintangMi di hami
Ro hasusaan, Ho ma mangingani di rohanami
4. Ho hangoluan asa lehenonMu hum hangoluan
di haholonganMu
Lehen o Jesus di hami halakMu, hangoluanMu.
1. Lingkas ma ale dongan, ma potang ari ne.
Indangkon marngaolan, painte golap pe
Pirma rohanta i, marpupu ma mardalan.
Sai ulang maradian, ro di ujungna i.
2. Nada tolpuk rohanta, di dalan na hohot.
Angke disi Tuhanta, Jahowa Zebaoth.
Sai taihutkon ma, Ibana Sipargogo.
Tongtong do ra Ibana, manogu hita da
3. Angkon nialo sibuk, laho tu Surgo i.
Na ra mangihut-ihut, na so dapotan i.
Tadingkon ma sajo, sude na mangganggu i,
Sai ro hamu sudena tu hangoluan i.
4. Ta talgang ma rohanta sian portibi on
Na paluhutkon arta jotjot sangkot dison
Muda na giot ho manjujung hagabeon
Asa tu hamatean, rohamu ma di ho.
5. Ulang tapardimata di lambung dalan i
Angka parhata-hata boti lilian i
Mur honok ho disi mur dokdok pamatangmu
So ringkot be rohamu paujung dalanmi
6. Taompot ma mardalan, hipas ma hita be.
Marsitiopan tangan, marpos ni roha pe.
Songon saina do, sai marsihaholongan,
Angke di haholongan, manambus musu ro.
7. Antong sai taambungkon sude na haskas i
Anso tarpasidungkon pardalananta i
Hum Tuhan Jesus i angkon manogu hita
Disi pe ro tondinta tu hasonangan i.
1. Holong rohangku mida Ho, ale Tuhan ku murdoras,
paro tu au tuaMu
Na so mararga tano on, dohot sudena na dison,
sai Ho partohapanku.
Harupe taldus hosang-ki, laing tong Ho haholongan-ki.
Dosang-ku sai disesa Ho, markite mudar-Mi sajo,
Immanuel Rajangku bo Tuhan-ku Ho,ulang padao au sian Ho
2. Sandok na dung adong di au, na dapot sian Ho do i
niinjam do saonnari
Anso hupuji goarMi, bo hupargogoi donganki
na dangol ganop ari
Dongani au di tano on, sibolis i padao tongtong
Asa di parhancitan i tolongi au manaon i
Immanuel, Rajangku bo Tuhanku Ho, apoi au dung susa ro
3. Sugari ma suruanMi mangabing sogot tondingki,
tu Surgo tu lambungMu
Jagohon ma pamatangki, modom di tanomanna i painte panyunggulMu
Dung ari hangongot anso idaon ni matangku Ho
di hasangapanMi torang, di hamogaan i sonang
Immanuel, tangihon pangidoanki tongtong hupuji Ho disi
1. O, parholong roha Ho ma manyondangi roha dohot mata nami
Anso hai marnida, asi nirohaMu,disude nanitompa Mu
Dapot do sasude, hangoluan nami, natama dihami.
2. Sai godang do asi, holong ni Jahowa, mida jolma sipardosa
Dosa na marlaso disobarkon Ia nada rimas rohaNia
Sai holong do tongtong rohaNia mida na sai ro tu Sia.
3. Ho do manangihon bo manyesa dosa ni na manyolsoli roha
Jotjot Ho mangogar nada ro pincangMu, mulak ma solot podangMu
Hancit ni rohaMi muda pincangonMu holong ni rohaMu
4. Nadadong ungada ra Ho manulakkon na mangido hasesaan
Dipasae Ho utang, uhum, dohot dosa ni na rodop toruk roha
Sai ibo rohaMi di na unduk roha adop Ho Jahowa.
5. Sai pujionnami basa ni rohaMu mida hami dakdanakMu
Na gogo tanganMu na denggan mangara na so unjung do marsala
Pupu ma, Debata, manyarihon hami sahat di ujungna.
1. Muda holong ni rohangku mida Jesus Tuhanki
Tuk di au hangoluanku, patupaon-Nia i
Dung sahat au tu tangan-Na, Ia pangondinganki
Humomosi pe hata-Na, tongtong sonang rohangki
2. Sai usehon ale Tuhan hahoholong tu au on
Anso gabe haholongan ni rohangku Ho tongtong
Asa arta na di Surgo i ma hagabeanki
Atik pe dangol di tano, laing na mora au dung i.
3. So parguna parserean dohot hamoraon i
Gabe dapot hamatean muda Jesus so disi
Hasonangan ni Debata i do hagabeanki
Sonang na so sihataon, so dosar taroktokki.
4. Ale Jesus sai ajari jana sai papistar au
Anso tongtong au mancari na pangolu sogot au
Asa TondiMi manogu au di hasintongan i
Pos rohangku nipadohot au manean Surgo i.
1. Jahowa do hangoluan ku, nada adong hurang di au
Pasonangon Na ma Rohang ku, muda diparhancitan au
Dioban Ia au tu aek na lan, ias bo pe na tonggi
Anso sonang huinum i, muda gogong ku pe soada
dilehen Ia ma Puraga, bo ubat ni na loja.
2. Ditogu Ia au muse ma, tu dalan hatigoran i
Mangihut au di pudi Nia, Ibana na di jolongki
Harupe sompit bolusonku, golap muse ma idaon ku
Laing Ia mandongani au
Tungkot Na do namanggorai, hata Na pe namangapoi
Tangan Na na manggolom au.
3. Panganon natabo situtu, inumon nadenggan muse
Diida mata ni musungku, taruli au butong hape
Jop roha dohot hamogaan, naso marbaor hasusaan
Rap dohot au salolotna
Martamba sonang ni rohangku, adong muse hangoluanku
Simo di lambung Debata.
4. Dibaen i ma pikiranku di Ho noma mangihut au
Hum pasupasu jagitonku salolot na mangolu au
Huboto do haru pe sogot tondingku sian tano morot
Manean Surgo au muse
Anggo naposo nada tola manean sobok dakdanakNa
Di Anak i do sasude.
1. Asi ni Roha ni Jahowa Ido nadumpang au tutu
Hu oku jana hupaboa asi rohana situtu
Hara ni job ni rohangki hupuji asi Nia i
hupuji asi Nia i.
2. Harani godang ni dosangku niuhum au i ma tama
Sugari nada ro Tuhanku, holang au sian Debata
Madung durus mudarNa i dibaen asi roha i
dibaen asi roha i.
3. Huoku ma ale Jahowa hum asi ni rohaMu do
Sipujionku adop jolma dohot pos ni rohangku do
Unduk ma au di joloMi dibaen asi roha i,
dibaen asi roha i.
4. Tongtong noma hupangasahon asi ni roha sian Ho
Bo barang aha pe hutaon laing i pangapoingku do
Angke dung martangiang au, asi rohaMu mida au,
asi rohaMu mida au.
5. Ulang paorot ma asiMu dibaen Debatangku Ho
Oban muse au tu lambungMu asa tongtong huida Ho
Tutu ma sonang au disi, harani asi rohaMi
harani asi rohaMi.
1. Martua ma sudena na marguru
namangihutkon Tuhan Jesus i.
Naso adong be halak na sumurung
di balik anak sisean Na i
Nasotarlehen tanoon, dilehen Jesus do sude dihita on.
2. Na lobi godang denggan ni basaNa
Sonang sajo na di tanganNa i
Na so taretong asi ni rohaNa
Muda unduk di hataNia i
LehenonNia ma muse
Tuk hangoluan, na so unjung mantak be.
3. Na so mabiar iba laho mate
Angke ampuan ni Debata i
Inganan ni sudena hita jolma
Na hot di hata ni Tuhanta i
Pamatang gabe tano i
Anggo tondingku nada dohot be tusi
4. Tongtong ma tinggal dibagasa Jesus
TanganNa do parmahan nagogo
Sibolisi na dos songon panyoro
naso tarbaen mago be
Na niparmahan ni Tuhanta i sude
1. Sada do hum na saragam, Jesus sai poda i au
Sasudena ha ru sanggam, hum pompangan do di au
Na tongtong padokdok, pasusa rohangku,
nasonang soada dapotan tondingku
Dung dapot nasada nadenggan hape,
hudapot do hangoluanku sude.
2. Muda giot jalahanmu, na uli, di Surgo i
Halupahonna di pudi, ingot na di Ginjang i
Debata, bo jolma, mardomu disi ma,
saroha, sahata, satohap nasida
Dung i hasonangan sapanjangna i,
tumpukku na denggan muse ma disi.
3. Songon si Maria juguk di lambung ni Jesus i
Marsiajar anso tumbuk, gabe hangoluan i
Ma jop rohania di hata sudena,
na ro sian Jesus tu ateatena
Sude pikiranna tu Sia sajo
sonang do ibana, ma gabe peto.
4. Songon i muse rohangku Jesus hum tu Ho sajo.
Holan Ho pargantunganku laing hangoluanku Ho
Bahat angka dongan marbalik sai momo,
mamolus di dalan laho tu naroko
Laing tong ma hutiop Tuhanku togu,
marningot hataNa marroha burju.
5. Hapistaran sasudena, Ho sajo mual ni i.
Tolong ma anso muse ma, au maruli sian i
Papistar rohangku mamili dalanMu,
mandapotkon Surgo tu hasangapanMu
Hum Jesus hutanda huboto torang,
hum i hapistaran mararga godang.
1. Salolot Jesuski, na mandongani au
Maporus angka holoski, sai di Ibana au
2. Parmahan Jesuski biribiriNa au
Ditogutogu tondingki umpe marmara au.
3. Sai diuluhon au tu hasonangan i
Ditogutogu Jesus au mamolus dalan i.
4. Bahat di tano on giot mangago au
Sai Tuhan Jesus do tongtong na mangondingi au.
5. Maol pe dalan i giot targompang au
Ditangkup Jesus au disi nada marmara au.
6. Hutatap ma tongtong Jesusku tukungki
Ibana tua na tongtong na so ra mantak i.
1. Maribak langit ni langitan, dibaen holong ni roha-Mi
Marnida hami na hancitan, patar patar holong ni roha-Mi
Sede hajolmaon marnida, pangisi ni portibi on
Ro Ho sian Banuaginjang manghopkop sipardosa on
2. Diporsan Ho do sasudena, dosa ni hajolmaon i
Harani i marutang hosa, Ho manggarari i sude
Ditaon Ho do hamatean di hayu na pasilang i
Padohot hami on manean na sonang na di Surgo i
3. Di Ho hudok tarimakasi, sian godang ni rohangki
Nuaeng madung sesa dosangku, harani hamateanMi
Malua sian hamatean harani holong rohaMi
Hupuji goarMi o Tuhan, salolot ni lolotna i.
4. Antong sai Ho nampuna au sapanjang au di tano on
Denggan pe au marpangalaho, laho pasangap goarMi
Sai tiruonku pambaenanMu manghaholongi dongan i
Haulkononku ma diringku, maniru Ho o Tuhanki.
1. Husise do di pustaha, Padan na imbaru i.
Natongtong lambok Roha Na, naso mangalancap i.
2. Roma ro sude dakdanak, i do jop ni rohaMi
Diampehon Ho tanganMu, pasu-pasuonMu i.
3. Ingot holong ni rohaNa, mida na marhancit i
Hagogoan ni tanganNa paisirkon begu i.
4. PanjagitNa di pardosa na magopu roha i
Disosoi do sudena pauba rohana i.
5. Sai denggan do panoguNa di biribiriNa i
ObanonNa do sudena tu Banuaginjang i.
6. Angkon jotjot siseonku jamita na denggan i
Lopus tangkas botoonku holong ni rohaNa i.
1. Sai tiop ma tanganku, toguhon au ;
Painte tos hosangku dongani au
So puluk au mardalan salangka pe ;
Anggo so Ho o, Tuhan disi muse
2. Paposkon ma rohangku di hataMi
Tongtong ma Ho donganku so holang i
Lopus tu parujungan ni tano on
Laing Ho ma pangondian burju sintong.
3. Baluti ma rohangku na gale i
Tu asi ni rohaMu na godang i
Sai sesa ma dosangku na jorbut i
Tu Ho noma rohangku tu jolo on.
4. Sudena hasusaan marragam do
Tapi pangkilalaan torang tongtong
Sai sonang do rohangku haru golap
Tangkas pardalananku di tano on.
5. Di lambung patMu Tuhan di silangMi
Sai loas maradian dakdanakMon
Hututup ma matangku hugolom Ho
Sonang pardalananku dibaen Ho.
1. Tuhan Jesus Siparmahan, au biri-biri Na do
Boan au tu hasonangan, tu Banua ginjang i
Tu banua ginjang i, tu banua ginjang i
Boan au tu hasonangan, tu Banua ginjang i
2. Muda ro pe hasusaan sai apoi au tongtong
Togutogu au mardalan mangihutkon dalanMi
Anso huihutkon Ho, anso huihutkon Ho
Togutogu au mardalan mangihutkon dalanMi.
3. Na bahat do pe donganku na so ra mangihut Ho
Na di dalan hamagoan togu ma sude tu Ho
Togu ma sude tu Ho, togu ma sude tu Ho
Na di dalan hamagoan togu ma sude tu Ho.
4. Ale Tuhan sai parmahan sude parlagutanMi
Anso olo sauduran pasangapkon goarMi
Pasangapkon goarMi, pasangapkon goarMi
Anso olo sauduran, pasangapkon goarMi.
1. Na martua ninna Yesus, nadangol tondi na i.
Halahi do angkon tulus, tu banua ginjang i.
Sai sonang roha na i, namarmomos hata i.
2. Halahi na marsak roha niapoan do muse
Arsak i mambahen jora, pangapoi ro pade
Sai na sonang roha ni halak niapoan i.
3. Na martua do sudena na lambok marroha i
Tano on ro di isina halahi manean i
Sai na sonang roha ni na lambok marroha i.
4. Tondi na male, manguas, mida hatigoran i
Butong jana sombu nguas, teanon ni halahi
Sai na sonang roha ni halak na sai butong i.
5. Angka na maribo roha, ninna Tuhan Jesus i
Asi roha dapotanna tumbas ni na songon i
Sai na sonang roha ni halak siparasi i.
6. Angka na ias marroha, idaonna Debata
Hum na ias di rohana halahi martua ma
Sai na sonang roha ni na ias marroha i.
7. Angka na mangoban dame, i anak ni Debata
Na mangorom angka late dohot parbadaan pe
Sai na sonang roha ni na mambaen dame i.
8. Angka na niayakayak hara hatigoran i
Tua do na diparayak di Banuaginjang i
Sai na sonang roha ni na tigor marroha i.
1. Sai jagit tangan ku tiop au o Tuhan,
baen na gale au so mardongan Ho.
Rap dohot Ho, hipas do au mardalan,
mamolus parmaraan sonang do.
2. Sai togu au, lungun di Ho rohangku, Mur tu solkotna au tu lambungMi
Gari so i, mura do pe au lilu, Manyimbil sian hasintonganMi.
3. Ajari au, rambon do pe huida,
Maol huastui pambaenMi sude
Dung pe ro songgop Tondi Parbadia, Tangkas huida sasude ture.
4. Urupi au di ujung ni langkangku, Mamolus rura hamatean i
Sai bohiMi ma manyondangi au,
Laing oban ma au tu ingananMi.
1. On ma na dirohangki
Jesus i do Tuhanki
Mago pe portibion
tu Ibana rohangkon
2. Jesus i sangap hubaen, ma arga ditobus au
Bo musuNa au hian, mago sian nahinan.
3. Holan Ho ale Tuhan,
patut pos ni rohangkon
Nada ra be mago i,
muda Jesus do disi.
4. Haru na bia muse, asal ma di Ho sude
Buat sian rohangki, na mangalo giotMi.
5. Amin, on ma na sintong, dihajopkon rohangkon
Jesus pangondinganki, Jesus hangoluanki
1. Ro ma tu Jesus, tibu ma ro,
bege hatana, unduk ma ho.
Na olo Ia, pangolu ho
porsaya ma sajo.
Reff:
O, sai jop rohanta ma muse
muda ias sian dosa pe.
Marroan hita tu Surgo i,
anso sonang disi.
2. Roma tu Jesus oku muse
pambaenanmu na so tama
Ia manyesa dosa sude sonang dilala ho
Reff:
O, sai jop rohanta ma muse
muda ias sian dosa pe.
Marroan hita tu Surgo i,
anso sonang disi.
1. Sai ingot Jesus Tuhanmi, naro manopot jolma
Na maninggalkon surgo i, na gabe dongan jolma
Sai ulang halupahon i,
i do hangoluanta i, tapuji ma Ibana.
2. Sai ingot Jesus Tuhanmi manaon parhancitan
Di hayu na pasilang i
humopkop ho pardosa
Ho do patut manaon i
na dung hona tu Jesus i
Sai puji ma Ibana
3. Sai ingot Jesus Tuhanmi, na ngot sian na mate
Di ari patoluhon i
rumar do tanomanNa
Harani i tarbaen do
mangolu sogot dohot ho. Sai puji ma Ibana.
4. Sai ingot Jesus Tuhanmi,
na sangap do Ibana
Madung manaek tu Surgo i
tu lambung ni AmaNa
Inganan hasonangan i
madung singkop di ho disi. Sai puji ma Ibana.
5. Sai ingot Jesus Tuhanmi,
na mulak do Ibana
Manguhum sandok jolma i
songon didok HataNa
Padenggan rohami tongtong sapanjang ho di tano on. Sai jagit ma Ibana.
6. O Jesus tolong ma au on sondangi ma rohangku
Urupi au di tano on
maniru pambaenanMu
Gorgahon ma tu rohangkon goarMu na badia i.
Pamasuk au tu Surgo.
1. Adong do hasonangan di ho parjalangi
Sigop ma ho maporus tu Tuhan Jesus i
O jagit ma Ibana, anso dapotan ho.
Adong do hasonangan antong sai ro maho.
2. Adong paradianan di ho na loja i
Di Tuhan Jesus Kristus pardenggan basa i
Parayak ma Ibana sai dipainte ho
Adong paradianan antong sai ro ma ho.
3. Tongtong parhasayahon hatiha na denggan
Anso ulang ho mago dibaen dosami
Ulang sai markusari ulang tarlalap ho
Adong do hasonangan antong sai ro ma ho.
1. Baluti au di hasonangan,
O Jesus hangoluan ki.
Sian sude nadung ni rarang,
paganggang ma pikiran ki.
Naso parguna hangoluan,
nasoro sian Ho o Tuhan,
marhite hite Mudar Mi
2. Ale Rajangku ulang loas mur ganggang sian Ho au on
Patogu ma jana pahoras, di pardagangannami on Na so adong be haluaon di balik ni na nijalahan ; di dolok Golgota do Ho
Mangarti harani hataMu au sasaotik di rohangku : Hum Ho hasonanganku do.
3. Angkon tongtong burju
rohangku sapanjang na marhosa au.
Hum Ho sajo haholonganku tu Ho ma marhaposan au
O, sai jagohon ma rohangku, pikiranku, pambaenanku,
angke tutu anakMu auPasobokkon ma au on tu Ho, rohangku pe di Ho o, Tuhan
Sonang mardalan au dison
4. Madung puraga au saonnari manaon parsahitan i
Na ra ma au di ganop ari mangihut Jesus Tuhanki
Hosom ni halak ma hutahan, ma pohom au dung niincahan. hutirutiruanNa i
Angke di ujung ni dalanku, torang disi parnidaanku :
hamuliaanNia i.
1. Ho O Tuhan haholongan nirohangku sai tongtong.
Sai tangihon pangidoan, sai urupi ma au on.
2. Pasupasu karejongku tumpak ma sudena i
Sai padenggan ma rohangku
paimbaru tondingki.
3. Sai patorang
ma rohangku
mamikiri basaMi
Sesa ma sude dosangku paimbaru tondingku.
4. Iring-iring au Tuhanku sai tiopi tanganki
Muda tos muse hosangku abing au tu lambungMi.
1. Sai denggan do ditogu Ho, o Tuhan
Angka nadung sahat tu tangan Mi.
Somago tapi na tu hangoluan,
nasida namaniop hata Mi
Jot-jot suhar do dalan Mi dison,
dipikir sasude na jolma i.
Homang roha pangalaho na i.
Di ujung na pe, monang Ho tong-tong
2. Angka na so malo manimbang roha i do na momo, na nayang di Ho
Sude na giot di patunduk jolma
apala i do dipatimbul Ho
Na nipasego ni pangago i paulionMu do denggan ture Diulang Ho tahina i sude tondiMu do manghuasoi i.
3. Na godang dohot sangap adop jolma,
i ma soada adop mataMi
Bo pe na menek na bile, di roha ;
hasian bo haholonganMu i
Denggan ni tompa dohot rupa i, mago muse, na so parguna i
Hum roha na hombar tu rohaMi, hum i do na tama tumbuk di Ho.
4. Sangap di Ho, ale Debatanami
denggan sude na nisarihonMi
Muda TondiMu papistarkon hami
mangarti do, sai holong rohaMi
Songon di tangan laing diabing Ho
dakdanakMi na pogos, na gale
Anso ma sonang halahi sude
umpe sangkibung tola mago pe.
5. Na so tartahan Ho na geduk roha,
hum na burju do haholonganMi
MataMu do marnida di na golap
torang di Ho sudena na buni
Ulang be loas hugagai Ho,
hualo, hutangkangi hataMi
Urupi au mamorso rohangki,
asa tongtong au mangihutkon Ho.
6. Sai tarik ma rohangku tu rohaMu
asa toguhon au tu dalanMi
TondiMu ma mangara di rohangku
sai talu ma na so ture disi
Tuhanku dohot Debatangku Ho
na dung di Ho tola muse di au
Muda bonar jana na monang au
sai ro ma Ho, padomu au tu Ho.
1. Sai godang do ibo ni roha ni Debata Jahowa i
Ulang ni dokkon jolma iba muda sora manimbang i
So olo au be marnalupa diholong ni roha-Na i
Angke Ibana nadalupa di au haru pardosa i
2. Ise na tongtong manyarihon pamatang dohot tondingki
Ise na olo mangondihon dung hulaosi tonaMi
Ise pasonangkon rohangku jana pasingkop bohalki
Inda he Tuhan Debatangku
patupa sasudena i.
3. Dibaen i, ale tondingku
tatap tongtong tu Surgo i
Disi adong do pe tohapmu
dung bolkas ho muse tusi
Ma patut ho mararop roha
di hamogaan na disi
Angke Tuhanmu hona bura harani ho pardosa i.
4. Nada he patut hutangihon muda dipio Jesus au
Patut situtu huihutkon jana na mangoloi au
Madung tarsurat do patikNa
di gorak ni taroktokki :
Angkon humolong do rohangku di Debata di Surgo i.
5. Harani i hupangidohon anso ditolong Ia au
Na denggan pe sai huolohon
sude na jahat hupadao
Asa TondiNa mangingani
rohangku tu joloan on
Madung tangkas au hapengani di ari na parpudi on.
1. Tuhan ku na denggan do Ho.
O Jesus ki di rohangkon.
Sai Ho do Tiopon ku,
salolot au, di tano on.
Ingani ma ro hang ….. ku
2. Sumurung Ho o Tuhanki goarMu hangoluanki
Hum i do haposanku na masa pe, hancit muse, sai Ho haporusanku.
3. Sai huhaposi hataMi tulus bagabagaNa i
Na mate bo mangolu sonang do au, bo di na dao, hum Ho do Sipangolu
4. O Jesuski dongani au
sanga tu dia kehe au
Sondangi ma rohangku
Ho donganki, tu Surgo i,
di ujung ni dalanku.
1. Ise do ale alenta, naso olo muba i
Ale-ale na sumurung i ma Tuhan Jesus i
Anggo angka ale-ale, na di hasiangan on.
Dumpang ari hamamate, markehean do sude
2. Kahaanggi dohot dongan
na marholong roha i
So tarbaen i manongtong
mantak do sudena i
Haru dipataru hita lopus tu tanoman i
Kehe do sude nasida
ditinggalkon bangke i.
3. Anggo Jesus sai diingot
do alealeNa i
Bo tondinta pe diingot, lopus tu ajalta i
Tatadingkon pe sudena na di hasiangan on
Dapotonta di lambungNa
hasonangan na tongtong.
1. Di tanda Debata do
halakNa sasude
Na dangol na kuaso
sian bangsoNa be
Nada diloas Ia
mago sangkibung i.
(Laing tong do tangan-Nia
manjago halahi)..2X
2. Ditanda Debata ma
parlagutanNa i
Di haporsayaanna
di pos ni roha i
Hum hata ni Jahowa
pangolu halahi
(Oloan bo sinjata
laing i di halahi)..2X
3. Tanda do di Jahowa
bangsoNa sasude
Marnida holong roha
parange na ture
Na ra manangiangkon
angka musuna i
(So ra be dibaloskon
roha ni halahi)..2X
4. Ditanda Debata do
na nitompaNa i
Angke mararop roha
di Sia halahi
Laing tong di habonaran
di hatorangan i
(Dao sian pardosaan
roha ni halahi)..2X
5. O Tuhan sai urupi
na nitandaanMi
Anso tu hangoluan
ro sasudena i
Di haroroMu sogot
di paruhuman i
(Paloas hami dohot
jongjong di lambungMi)..2X
1. O, Jesus na Pangolu au
Anak ni Debata
Asi rohaMu togu au
lalu tu Debata
2. Anggo rohangku sonang do
marningot holongMi
Hum Ho hangoluanku do,
di na ro ajalki.
3. Sai manyolsoli rohangki hara ni dosangki
MudarMu pangapoingki muda huingot i.
4. Dibuat Ho do arsakki pamoga rohangkon
Sonang ma au hara ni i
di pardagangankon.
5. On pe padomu rohangki tongtong tu rohaMi
Sabo ma rohangki disi mangolu tondingki.
6. Laing huhaposi hataMi hum i do na sintong
Marningot bagabagaMi so muba i antong.
7. O Jesus haholonganki tu au ma rohaMi
Hum Ho do haporusanki di na ro ajalki.
1. Dung sonang rohangku
dibaen Debata
so olo mabiar be au
Laing tong ma marende au : Haleluya,
musungki angkon dao sian au
Madabu rohangki,
madabu, madabu rohangki
2. Haru dirohai sibolis pe au, disunggul dosangku muse
Ma mate Tuhanku mangolu ma au,
utangki madung sae sasude
Madabu rohangki,
madabu, madabu rohangki
3. Diporsan Tuhanku sandok dosangki,
nidabu sudena tu laut
Salolot-lolot so niingot be i,
na martua, ma sonang ma au
Madabu rohangki,
madabu, madabu rohangki
4. Sannari hum Jesus hangoluanki margantung tu Sia do au
Hata-Na sajo ma pangihutanki, pos rohangku tu Surgo ma au
Madabu rohangki,
madabu, madabu rohangki
1. Hu somba Ho Tuhan, tangihon au
Roha-Mu ma tongtong, pasaut tu au
Sai mur tamba i ma, holong ni rohangki,
anso tongtong holong tu Ho
2. Taran na lilu au dao sian Ho
Sai dilului Ho au laing dumpang do
Harani holong do, rohangkinon di Ho
Sai mur tambai holong tu Ho.
3. Dompak tarsosak au na hancit do
Ho mangapoi au, tu Ho au ro
Haposanki do Ho, Ho Sipangolu do
Sai mur tambai holong tu Ho.
4. Muda dung dumpang ma, ro adamki
Asi ma rohaMi, di tondingki
Sai jop do rohangki, marnida bohiMi
Di lambungMi, di Surgo i.
1.. Hosa Mu do dilehen Ho,
O Tuhan Jesus i….
Manobus hajolmaon i
hara ni Holong Mi.
Madung durus mudar Na i,
di dolok Golgata…
Digarardo utangta i,
:/: tu Tuhan Debata.:/:
2. Sai timbang ma holongNa i
di ho pardosa i
Pikiri na nitaonNa i
lopus tangkas di ho
Antong pauba rohami
oloi ma Jesus i
Sai hagigihon dosa i,
:/: dohot na so ture :/:
3. Sai timbang ma hancitNa i
ditaon Jesus i
Jana sai parlabohon i
na gabe ngolumi
Ambungkon dosami sude tu Jesus Tuhanmi
Sonang ma tondimi ale
:/: di lambung Jesus i :/:
4. Harani i ihutkon ma
Siporsan dosaMi
Sapanjang ho di tano on
paburju rohami
Pasangap ma Tuhanta i
sai puji-puji ma
MudarNa na badia i
:/: partobus na arga :/:
1. Nada tarhatahon asi roha Mi,
Ale Debatangku… mida jolma i.
So tartimbang iba, dosa i sude,
nabinaen niba ganop ari pe
2. Ale Tuhannami hami somba
Ho Sesa dosanami na sai bahat do
Sai asi rohaMu mida hami on
Ulang be marmalu hai tu pudi on
3. Sai pature hami anso songon Ho
Parrohaonnami idaonMu do
Dung i pasupasu hai sudena i
Denggan ni basaMu paimbaru i.
4. Taran hai mardagang didongani Ho
Roha bo pamatang sahat ma tu Ho
Tongtong ma patotop na Raja do Ho
Di sudena jolma na ditobusMi
5. Sandok na tarida di balian i
Tarik ma nasida sian dosa i
Anso dapot sonang halahi sude
Jana mur gumodang goarMi muse.
1. Haholongan nabadia,
sian Tuhan Jesus i
Sai songgopi bo ingani,
roha dohot tondingki
2. Jop ni roha na dumenggan,
di Banua ginjang i
Sai pasabam bo pasonang roha na malungun i.
3. Hasonangan hadamean na ro sian Jesus i
Sai pahosa au na loja
anso sonang rohangki.
4. Sai palapang ma rohangku mida angka donganki
Sai paringgas ma rohangku manyesa dosana i.
5. Habasaron halambohon na ro sian Tuhan i
Gohi roha bo tondingku ulang morot sian i.
6. Haholongan sian Jesus sai paias rohangkon
Sai pamalum angka tihas sai papolin rohangkon
1. Hu golom ma Amang tanganMu
laing hu haporsaya i Ho.
Ulang tadingkon ma a nak Mu
na marsigantung do tu Ho
Tuhan ku Ho saidanna i
tu pudi pe laing songon i,
tu pudi pe laing songon i.
2. Sai tongtong do holong rohaMu,
di au na nisarihonMi
Donganku Ho, i do huida,
ma sonang au dibaen i
Haru donok pe adamki
indangkon heput au disi,
indangkon heput au disi.
3. O, hangoluan na sumurung,
ma gabe do na dumpang ho
Na dangol do na sai tarkurung,
na so martumpuk sian Ho
Haru na mora na dison,
laing mago do tu pudi on,
laing mago do tu pudi on.
4. Di ari i na giot langka,
tarida na martua do
Na niparmudu ni Debata
markitehite Jesus do
Sobok tu Jesus Tuhan i
sangap tarida halahi,
sangap tarida halahi.
5. Gumonanan ma hutinggalkon
sipangasahon sere i
Anso Tuhanku mangalehen
di au tumpuk na denggan i
Angka na dangol ma dison,
au di adui ma sonang.
au di adui ma sonang.
6. Tuhanku pangasahahononku
salolot au di tano on
Tuhanku do sitopotonku
muda marsarak sian on
BagasNa na di Surgo i,
sapanjang na ingananki,
sapanjangna ingananki.
1. Na malungun do rohangku,
mida Yesus Tuhan ki.
Na manyesa sude dosa,
na pasonang rohang ki.
Di bagasan parkancitan,
marsigantung au tu Ho.
Tong-tong ra au mangihutkon,
panoguon Mi sajo.
2. Sai palua ma rohangku
sian na di tano on
Angke Ho hangoluanku dohot hasonangankon
Beta hita tu Ibana tabege hataNa i
Holong situtu rohaNa patut oloanta i.
3. Sangkap dohot hagiotta, bo arop ni roha pe
Dohot angka pikiranta angkon di Tuhanta do
Jamitahon ma Ibana tu na so porsaya i
Betak ra do pe mardame tu Tuhanta Jesus i.
4. Muda Jesus haposanmu tinggal di tanganNa ho
Sonang ma tutu rohamu muda ho disi tongtong
Jadi dipiohon Ia ho muse tu Surgo i
Sandok na adong diSia dohot ho manean i.
1. Ma dumpang au muse ojahan, ditondingki na mago i.
Mudar ni Jesus do manahan,
salolot ni lolot nai i.Sego pe la ngit tano on,
laing tong togu jojahan on.
2. Sai dipahirbang do tanganNa mamasumasu hita on
Harani asi ni rohaNa di isi ni portibi on
Na ro, dohot so ro do pe sai toguonNa do muse.
3. Ulang be mago sandok jolma
di roha ni Jahowa i
Madung disuru do AnakNa manopot hasiangan on
Sai ditektehi hata i
roha ni sandok jolma i.
4. Ma bonom do sude dosanta
tu mudar ni Tuhanta i
Angke muda porsaya hita
so tola hona uhum i
Dibaen gogo ni mudar i
na paiaskon jolma i.
5. Hara ni i ma hupaburju
ro au tu parmingguan i Hupasesahon do dosangku
tu Jesus Sipangolu i
Tu Tuhan Jesus kehe au, dung husolsoli rohangki
1. Jahowa Si parmahan au,
sounjung au hurangan
Sude pangago di padao
sian biri-biri na.
Tongon do tu nalomak i
an so mangolu tonding ki,
dibaen denggan basa Na
2. Ditogu au tu aek na lan, aek tabar hangoluan
Dijago tondingki denggan di dalan hasonangan
Dabu do rohangki tongtong, sapanjang au di tano on,
hudokkon Haleluya.
3. Di rura hamatean pe, so dong be habiaran
Sai disondangi do sude sonang do au mardalan
Sinjata dohot tungkotMi do mangapoi rohangki,
Ho parsigantunganku.
4. Ditutup Ho do meja i, singkop do di jolongku
Haru pe jongjong musungki nada songgot rohangku
Ulungku dimiahi Ho, tongtong gok panginumanki,
dibaen asi rohaMu.
5. Tongtong denggan do basaMi, tumpukku, di ngolungku
Tongkon do asi rohaMi, mangihut di dalanku
Dung i dung sude ngolungki, sai ingananku bagasMi,
salolot ni lolotna
1. Hu haholongi Ho Jahowa,
dibaen Ho Gogokku do.
Dohot parange dohot roha,
giot hu haholongi Ho.
Dibahen sinondangku Ho
Hu haholongi Ho.
2. Huhaholongi Ho Tuhanku dibaen hangoluanki
Sapanjang ma adong hosangku laing tong ma Ho oloanki
Dibaen partobusku Ho, huhaholongi Ho.
3. Ma marsak situtu rohangku hara lambat hutanda Ho
Holong bo asi ni rohaMu, holip dibaen dosa do
Dibaen au umpudi ro, tutu salangku do.
4. Mapitung au bo pe na lilu honok di hagolapan i
Huida dongan na tumibu manopot harajaanMi
Hum na di tano on sajo huhalungunkon do.
5. Di Ho hudok tarimakasi
laing Ho na manyondangi au
Bo pe rohaMu na marasi palua sian dosa au
Hara ni hataMi muse, so ra au lilu be.
6. Jagohon au sapanjang dalan laho tu hasonangan i
Sai ulang loas maradian
sapanjang so hudumpang i
Pamatang dohot tondingki, sondangi ma disi.
7. Laing tong ma Ho haholonganku haru pe ni incahan au
Bo pe na ro hasusaanku jana di parsahitan au
Angkon holong ma rohangki di Ho o Tuhanki.
1. Jahowa do haposanki, na mangapoi rohangku
Napatiurkon dalanki, torus pardalananku
Tongtong do sonang rohangkon
dibaen Debatangku
tona-Na huhajopkon
2. Tongtong tutu haposan Ho,
o Tuhan Debatangku
Hum Ho do na tongtong burju, patupa hangongolu
Pargogo Ho, sai tulus do,
sude na di rohaMu,
paujung nipungkaMu.
3. Na so ungada lupa Ho, di na marholong roha
Dibaen dapotan do muse, na mangapoi roha.
Sai sonang do, dibaen Ho, sudena na porsaya,
so dohot be marjaya.
4. Tatap ma sitiruon i,
indege ni Tuhanta
Hatiha di Golgota do, durus disi mudarNa
Tongtong dimpos, rohaNa i, digolom do AmaNa, sai tiru ma Ibana.
5. Antong sai bolkas ma tu Ho,
au on o Debatangku
Sai tarik ma au on tu Ho, dohot muse tondingku
Sai togu au, tu Surgo i,
muda dung tos hosangku, Ho do dapotkononku
1. Beta martangiang ma
hamu naporsaya
Tondi Parbadia ma i ma na hasaya
Tongtong ma ganop jom
hita marsimora
tu Tuhan Jahowa
2. Sai pagara apimi, tanda holong roha
Mida Tuhan Jesus i, parsigantunganmu
Angkon laing tong manaek
timus ni tangiang tu Banuaginjang.
3. Sora ni tangiang i
dohot pangidoan
Bolkas ma tu ginjang i
tu habadiaan
Jesus i na disi
mamintori hita
adop Debatanta
4. Ditangihon Ia do sada martangiang
Mur noma sudena ro na saparlagutan
Ulang so tulus do
sude pangidoan,
na tumbuk di Tuhan
5. Sai tongtong hamu sude ringgas martangiang
Borngin bo arian pe ulang maradian
Lopus di roha ni
Tuhan Debatanta ro pangidoanmu.
6. Martangiang ma gogo anso mur tumorang
HarajaanNia ro jana mur sumonang
Tano on dung adong Jesus do Rajana dohot oloanna
1. O Jesus Panyondangi,
ni Hasiangan on.
Rohangku ma sondangi,
pakehe na holom.
Tongtong ma pataoguhon
jana paimbaruhon,
haporsayaan ki
2. Sai sesa ma dosangku, sai ulang ingot i
Intopi ma rimasMu,
asi ma rohaMi
Sai lehen hasonangan
tu au di hamarsahan,
asa pangolu au.
3. Paias ma rohangku,
sian na jahat i
Hum Ho do tioponku,
parsisandeanki
Tondingku bo rohangku
sahat tu Ho, Tuhanku
rajai noma au.
4. Sai lehen hapistaran, na sian hataMi
Dohot haporsayaan, ojak ni mudarMi
Anso togu rohangku
sintong pardalananku,
mur donok ma tu Ho
5. Pagara di rohangku, holong ni rohaMi
Laing Ho haholonganku, dohot haposanki
Asa hombar hataMu
sude pambaenanku,
sapanjang au adong.
6. Tambai ma gogongku, mangalo dosa i
Dung tubu hagiotku,
marroharoha i
Tolongi ma au monang
di dosa anso sonang, mangolu au di Ho.
7. O Tuhan Debatangku tangihon ma au on
Patogu ma langkangku di pardagangan on
Anso hupasidungkon
dalanku mangihutkon lomo ni rohaMi.
1. Tolong o Jesus pamonang ma hami,
ligi gale bope golap muse,
Roha ni halak na olo padame
poda ni begu bo gabus dope.
Tongtong di tam-bai si-bolis
akal na anso jumingar, jumahat halak na
2. Tolong o Jesus pamonang ma hami
laho mangalo hata sudena
Sian dongan bo sian koumnami
di na marnungnung tu na so ture
Angke dihosom nasida do hami,
tolong o Jesus pamonang ma hami.
3. Tolong o Jesus ibo ma rohaMu muda sai ro pandugaan tu hai
Ulang mardosa, mangalo hataMu dung i mandele, marbalik ma hai
Jadi niuji, asal didongani jana ditogu Immanuel hami.
4. Tolong o Jesus pamonang ma hami
Ho do panjago ni Israel i
Dung martangiang, sonang rohanami asa tangihon,
patulus ma i Loja ma hami
mardagang di tano oban ma hami o Jesus tu Surgo.
1. O Jesus tolong au, jana palua au
sian dosangku,
tarihot dope au. Tarbaen au dehe
ro tu jolo Mu?
2. O Jesus tolong au anso mur donok ma tu Ho rohangku
Diida mataMi dosangku na buni, ulang padiar.
3. O Jesus tolong au, sibolis madung ro manggete roha
Anso dao sian Ho, ulang pabiar au, sai togu ma au.
4. O Jesus tolong ma bahat hutaon di pardalananki
Dionjap muse au giot didabu au tu malumalu.
5. O Jesus tolong ma mangalo roha na holit bo losok
Mangihut hataMi bo martangiang tu mammon lohot.
6. O Jesus tolong ma diporang na tama, mangalo dosa
Pamonang au tongtong, di hasiangan on, ro di ujungna.
7. O Jesus tolong au muda mardalan au dung ro adamku
Sai togu tondingki, tu hasangapanMi, di adopanMu.
1. O Jesus Tuhan nami, dongani hami on
Patogu roha nami
di pardagangan on
2. O Jesus Pangajari
podai hami on
Anso mapistar hami mamili na sintong
3. O Jesus Panyondangi sondangi hai sude
Dung marsinondang hami so ra hai lilu be.
4. O Jesus pasupasu, pasonang hami on
Padenggan ma basaMu di hai tu pudi on.
5. O Jesus Pangondingan, ondingi hami on
Mur nada be margogo pangago i dison.
6. O Jesus Panolongi, sai tolong hami on
Tongtong ma pargogoi na nirajaanMon.
1. O Tuhan Jesus Ho Rajangku tangihon au naposo-Mon
Ra au manopoti dosangku, mangido ampun do tu Ho
Sai sesa ma sudena i
markite-hite mudar-Mi
2. Bahat do dosa ni tanganku rohangku pe gok dosa do
Matangku dohot pamanganku
bo patku sai mardosa do
Sai sesa ma sudena i
marhitehite mudarMi.
3. O Jesus, na marasi roha
di sandok sipardosa i
Ondihon au, dibaen ma jora
au maradopkon dosangki
Sai sesa ma sudena i
marhitehite mudarMi.
4. Pangidoanku ale Tuhan :
Tutu, palua ma au on
Sian sudena hageduhan
na giot mangagohon au
Hum hamatean upa ni na geduk, i ma dosa i.
5. Sai lehen ma tu rohanami TondiMu na badia i
Ibana mangajari hami marparangehon tonaMi
Sai pargogoi hami be
marpangalaho na ture.
6. Padomu hai tu parlagutan tu sandok na badia i
Na sonang do di hangoluan di Surgo na di ginjang i
Anso rap dohot halahi pujionnami Ho disi.
1. Tuhan Zebaot, sai dongani ma.
Ho ma ma matai hami,
anso ulang lilu hami.
Sian dalan Mi, hatigoran Mi
2. Jesus Raja ni, halak Kristen i
Angkon Ho palua hami sian hamagoannami
Sesa ma muse, dosanami be.
3. Tondi na peto, hasintongan do
Sai sondangi, sai ingani, papistarkon rohanami
Togu hami on, tu joloan on.
1. Ale Amang nami na di Surgo na marholong roha do
Sasudena hami dakdanak-Mu martangiang adop Ho
Sai badia ma tongtong goarMu,
laing polin ma poda-Mi di hami
Sai padao ugamo i,
naso hombar hata-Mi
2. Sai tibu ma ro harajaanMu tu sude portibi on
Sego ma kuaso ni aloMu
dung di hami TondiMon
Jana sai patulus ma rohaMu
di portibi on songon di Surgo
Sonang hami on sude
so marroharoha be.
3. Sipanganon lehen ganop ari
na tumbuk di hami be
Porang, bo tilako, masa begu,
ulang loas ro sude
Dosanami sesa ma sudena
songon hami ra muse menyesa
Dosa sian dongan i
na tu hami on sude.
4. Ulang loas hai tu pandugaan hurang gogo hai do pe
Sai palua sian sipangago,
bo pe hasusaan i
Ho do Ama, Raja dohot Tuhan, sai pamasuk hai tu hangoluan
Amin, ninna hai sude,
tulus ma, ningMu muse.
1. Laing mur dumonok do
giot au ro tu Ho, ale Tuhan.
Por ni rohangku ma
donok tu Debata, olat ni on
Iring rohangku da,
donok tu Ho noma
Anso mur donok do
ro au tu Ho, ro au tu Ho
2. Laing mur dumonok do
togu ma au tu Ho, ale Tuhan
Muda nirarang do,
ulang au ro tu Ho, tolong au on
Ende-endengku do,
laing Debatangku Ho
Togu ma au sajo
donok tu Ho, donok tu Ho.
3. Laing mur dumonok do
nungnung ma au tu Ho, ale Tuhan
Dung hasusaan dao
jana maruntung au, bo pe sonang
Ulang sai lalap au, taran ma sonang au
Nungnung ma au gogo
donok tu Ho, donok tu Ho.
4. Laing mur dumonok do
loas ma au tu Ho, ale Tuhan
Dung dipadiar Ho,
marsak ni roha ro, taran dison
Tongtong dongani au
ulang marbalik au
Tolong ma au peto
lopus au ro, lalu tu Ho.
1. Madison au o Tuhanku unduk di jolo-Mu do
Paboahon oloanku
dohot haposanku Ho
Padapotkon, padapotkon Ho tu au na dangol on
2. LigionMu, toguonMu au di pardagangan on
Ho Tuhanku ma donganku tuk ma au di tano on
Padapotkon, padapotkon
sonang au dung dapot Ho.
3. Holan asi ni rohaMu
na huhalungunkon do
Nada dong hatigoranku
na parguna adop Ho
Padapotkon, padapotkon, na tigor na dapot Ho.
4. Hangoluan, hatuaan, bo Sipatorkiskon Ho
Di bagasan hasusaan
laing hupangasahon Ho
Padapotkon, padapotkon, hangoluan ma di au
5. Harajaan, hasangapan dohot hagabean i
Bo pe koum dohot dongan nada be haposanki
Hudapoti ma Tuhanku gonti ni sudena i.
1. O Jesus tu adopan-Mi,
ro au mangoku dosang-ki.
Sai sesa ma sudena i,
marhite-hite mudar-Mi
2. Roha na ias na basa lehen di au o Debata
Anso huhaholongi Ho
salolot au mangolu do.
3. Laing Ho ma pangondinganki,
hatiha parmaraan ro
Ulang ma songgop tu au on
tilako na di tano on.
4. Dung bolkas au tu tanganMi na dung di au di Ho do i
Tuhanku Ho, jagohon au, hataMu ma pangolu au.
5. Ho ma pajopkon rohangki markitehite goarMi
Hombar haporsayaanki sude na pambaenanki.
6. Di Ho marguru au sajo podahon na tumbuk di Ho
Jumolo harajaanMi
sian sudena ngolungki.
7. Muda gale, tolongi au tu porang pargogoi au
Hataluanku dao ma i, pamonang au di dosa i.
8. Sai ulang loas rohangki lohot tu hamoraan i
Hum balanjongku lehen ma, na asing sipat na tama.
9. Dung giot sude bohalki sarihon au naposoMi
Harani Jesus AnakMi
pamasuk au tu Surgo i.
1. O, Jesus sai dongani
ma hami sasude,
pasada roha nami,
jadi sonang sude
2. So hadalanan hami salangka na ture
Dung Ho manogu hami mardalan hai pade.
3. Ho ma di jolonami anso maporus ma
Sudena musunami
na heput mida Ho.
4. Songon sisolkotnami, dongani hami on
Muda tarsosak hami di hasiangan on.
5. Sai pos do rohanami marningot hataMi
Ho pangondingannami bo pe panghopkop i.
6. Dung sude bohalnami asi ma rohaMi
Pamasuk tondinami tu hasonangan i.
1. Marangguk-angguk au tu Ho
tangihon au o Tuhan
Rohangku na sai ponjot do dosangku na bahatan
Sugari dibaloskon Ho
sude dosangku adop Ho, umpe tarbaen mangolu
2. Hum asi ni rohaMu do
dibaen sesa dosa
So hadonohan jolma Ho, hodar situtu hami
Gabe mabiar do sude
maralus so tarbaen be,
dung ro Ho manguhumi.
3. Tongtong paribo roha Ho, hum i pos ni rohangku
Bo mudar ni AnakMu do panyesa ni dosangku
HataMu na mangoku i
tondiMu manyaksihon i
sude na di rohangku.
4. Laing huhaposi Debata indada be au ganggu
Arian dohot borngin pe
sonang dohot rohangku
Songon na jolo Israel
manggolom di Immanuel painte pasupasu.
5. Haru na godang dosa i
gumodang ibo roha
Na gogo do Jahowa i
pangolu sipardosa
Hum Ia Siparmahan da
na paluahon hita da
sian sude dosanta
1. Jesus ro ma Ho tu au, ulang be Ho tinggal dao.
Masuk ma tu rohangki, tongtong ma ingani i
2. Sai malungun au di Ho, dohot di iboMu do
Laing tong na mangido au, Jesus ro ma Ho tu au.
3. Nada na di tano on
tarpasonang rohangkon
Dung mar Tuhan Jesus au sonang situtu ma au.
4. Nada ra marpadan au dohot halak na dung dao
Holang sian Jesus i, ulang mago au disi.
5. Anak ni Debata do hangoluan na peto
Dohot hatuaan i,
i ma Tuhan Jesus i.
1. Ho Sipangolu au, sai topot ma au on.
Ulang tadingkon au, ro Ho tu rohangkon.
Ro Sipangolu ro tibu
baen ma au anak-Mu tutu.
Dohot mudarMi basu au..
Ias songon hapas ma au.
I… as tutu, I.. as tutu.
Dohot mudarMi basu au
Ias songon hapas ma au
2. Gogo ni mudarMi tangkas torang di au
Tondi Badia i tongtong manogu au
Ro Sipangolu ro tibu
baen ma au anakMu tutu
Dohot mudarMi basu au,
ias songon hapas ma au.
I…as tutu, i… as tutu,
dohot mudarMi basu au,
Ias songon hapas ma au.
3. Togu ma rohangkon sai tarik au tu Ho
Sai dalanMi tongtong ihutkononku do
Ro Sipangolu ro tibu
baen ma au anakMu tutu
Dohot mudarMi basu au,
ias songon hapas ma au.
I.. as tutu, i.. as tutu,
dohot mudarMi basu au,
Ias songon hapas ma au.
1. Tu jolo-Mu, o Tuhanku, hu usehon rohangkon
Sai tangihon tangiangku, dohot iluilungkon
2. Husolsoli do rohangku na gok dosa i tongtong
Na bahat ariaringku
na sayang boti antong.
3. Sai jotjot do hutadingkon dalanMi na tigor i
Kristen au hape hubolus dalan hamagoan i.
4. Harani tungki rohangku jongjong di adopanMi
O Tuhan asi rohaMu, sesa sude dosangki.
5. Haburjuon hupadankon di rohangku sai tongtong
Sai tu Surgo do sangkapku togu au solkot tu Ho.
6. Mangihutkon Ho Tuhanku i ma jop ni rohangki
Songon i padankononku dok ma AmenMi disi.
1. Bahat dope inganan i,
dihorja markaroan.
I pe hamu pardosa i, sai olo ma porsaya
Tuhanta do mamio ho
tu hasonangan situtu.
Hamu, hamu di pio Debata
2. Tama homang rohanta be,
umbege pangontangNa.
Antong ulang mandali be,
tangihon pamioNa.
Dipio Debata do ho
tu ngolu sapanjangna i
Sai ro, sai ro tu Surgo ma ho ro.
3. Dosamu dipikiri ho,
na so tama be dohot.
Indada hara dosami,
dibaen na sundat bongkot.
Angke ma sesa dosami
digarar Tuhan Jesus i.
Ias, bontar ma sesa dosami.
4. Haporsayai ma Hata i,
hum i do haluaan.
Haposi Tuhan Jesus i,
mudar Na i ma golom.
Haru gok dosa rohami,
malua do dibaen i.
Tutu, tutu malua dibaen i.
1. Tudia ho, na loja i,
maroban dosami?
Sodumpang ho na sonang i,
diparjalanganmi
Dibaen i, sai mulak ho
2. Pasahat ha mamarsakmi tu Tuhan Jesus i
Sai oban sude dosami
tu Sipangolu i
Sai ro ma ho; Immanuel.
3. Ibana padamehon ho
na loja situtu
Muda so ra do hita ro,
tongtong noma manaon
Dibaen i, sai ro ma ho.
1. Namungkap do surgo,
dibaen aha do…???
:/: Di baen naung ro Jesus
mangungkap di ho :/:
2. Dosamu diporsan
di Golgota i
:/: Disi do digarar
sude utangmi, :/:
3. Antong o tondingku tu Jesus ma ro
:/: Na jop do rohaNa, dijagit do ho, :/:
4. Na songon hasumba,
rara dosami
:/: Sesaon ni mudar
ni Jesus do i, :/:
5. Ro hamu mangholos pangalahomi
:/: Tu Jesus pasahat sude arsakmi, :/:
6. Nayang baenonNa hancitmu sude
Denggan ho ditogu tu Surgo muse,
7. O Jesus di Ho do siteanonki
:/: Pasonang rohangku
pasabam ma i, :/:
1. Sai mulak, sai mulak,
ale parjalang i ;
Madao ho nuaeng,
sian Tuhan holang
O, parjalang ho,
:/: mulak, mulak ma ho :/:
2. Sai mulak, sai mulak ho halungunan i
Marsak do rohami
baen bahat dosami
O, parjalang ho
:/: mulak, mulak ma ho :/:
3. Sai mulak, sai mulak sian tano na dao
Pardangolan sajo
mangonai tu ho
O, parjalang ho,
:/: mulak, mulak ma ho :/:
4. Sai mulak, sai mulak anso sonang ma ho
Muda sesa dosamu,
jana sonang rohamu
O, parjalang ho,
:/: mulak, mulak ma ho :/:
1. Dison ma au;
hu haulkon au tu Ho,
nadung manompa au.
Palua au; sian dosang ku do,
anso masonang au.
Hulehen ma tu Ho rohangku,
atena tumbuk di roha Mu
Dison ma au, sai jagit au
2. Dison ma au ;
ibo ma rohaMi,
ulang tulakkon au.
Huboto do, na bahat dosangki,
na lohot do tu au.
Rohangku dohot pikiranku,
ma gok do pe hajahatanku,
Dison ma au, sai jagit au.
3. Dison ma au
payak di jolo ni
hayu parsilangMi
Sai sesa ma sudena dosangki hara ni mudarMi
Hum Ho do Sipatorkiskonku na mate Ho hangoluanku
Dison ma au, sai jagit au.
1. Ia aek satetek
na otik do i
:/: Muda sai manetek murbahat do i :/:
2. Tano, laut bo hosa
nabahat tehe,
:/: Muda lagut dosa
bahatan dope :/:
3. Haru otik dosa,
laing etongon i,
:/: Muda so nisesa
ro ma uhum i :/:
4. Baen ma na denggan,
tu dongan ta i,
:/: Gabe hasonangan
di rohan tai :/:
5. Tatap ma tu Jesus,
dung mardosa ho,
:/: Ia do manyesa
dosa mi peto :/:
6. Jesus haholongi,
alo dosa mi,
:/: Ia manolongi
manaluhon i :/:
7. Ia do pabongkot,
Ho tu Sorgo i,
:/: Sonang ma ho sogot
dilambung Na i :/:
1. Hu haposi Ho O Jesus,
hu haporsayai Ho.
Sai marasi do roha-Mu,
di au pardosa do.
Hu haposi Ho o Jesus,
mudar-Mu do partobus ni tondingku,
laing hoposanku Ho, o Je-sus,
hata-Mu do na tutu…..
2. Haru bahat pe dosangku laing ra Ho manyesa i
Jadi sonang ma rohangku marningot asiMi……..
3. Dipalua Ho tondingku sian hamatean i
Nada hona au rimasMu di paruhuman i……
4. Ale Jesus sai patogu jana mamatai au
Pos rohangku di tanganMu so ra be lilu au…..
1. O Tuhan na marasi roha naso tardodo jolma i
Sudena halak sipardosa mangolu do hara ni i
Godang situtu basa-Mi markite-hite Jesus i
2. Dibaen Ho do pardengganan
di jolma adop Debata
Anso dapotan hasesaan
pardosa na uhuman da
Tarimakasi ma di Ho
pardenggan basa Ho peto.
3. Na ro do Tondi Parbadia
tu angka parlagutanMi
Manyunggul roha bo paria
sudena na nipulditMi
Anso porsaya halahi mamujimuji goarMi
1. Biasi ma di balian,
Ho napangoluhon au
Ulang be Ho maradian, ro ma Ho manopot au.
Jesus hangoluan ki,
Ho ma manolong i au.
Sai pamalum ma rohangku
sian hancit ni bugang ku.
2. Anggo dosa i ma nyae,
i do mangarsahi au
I do na paponjot roha
padao dame sian au
Diburai tona i au
hara ni dosangki
So huboto haluaan
muda so Ho patupahon
3. Sai hutopot angka dongan mangurahi arsakki
Gabe tamba hamagoan
jotjotan dibaen i
Ho sajo do mual ni
sude hasonangan i
I pe ro ma Ho o Jesus sai rohaMu ma patulus.
4. Pos rohangku ditangihon Jesus i tangiangki
Rohangkon ma didapotkon gabe ingananNa i
Hasonangan timbul ma dohot hatiuran da
Ngot ma ho ale tondingku halupahon ma arsakmu.
5. Aha be sihabiaran dung holongMu ro tu au
O Tuhanku so tungguon ni Debata dosangki Gabe tigor au dibaen,
angke anak au nuaeng Na martohap di Ibana na manean di artaNa.
1. O Debata,
bahat tutu
jana dokdok dosangku,
Na so adong,
di tanoon,
na tuk haporusan ku
2. Muda au kehe tu na dao,
mangalap haluaan
So dapot i, di tano on
di sandok hajolmaon.
3. On pe tu Ho,
noma au ro,
ulang tulakkon au
Paombun ma o Debata
rimasMu adop au.
4. Hum mudar ni
AnakMu do
gabe pardenggananku
Sae utangki bo dosangki,
di hayu parsilangMu.
5. Au on tama
niuhum do
hara bahat dosangku
Jora ma au sadari on
tu Ho tarik rohangku.
6. Ajari au
na jat padao,
paias ma rohangku
Paunduk ma au on tu Ho,
hataMu oloanku.
7. Tu asiMi
ma rohangki,
sai sesa ma dosangku
Tu lambungMi ma tondingki
dung tos muse hosangku
1. Ia so Tuhanta, hangoluan i,
Mate di dosanta hita on boti,
Mate di dosanta hita on boti
2. Na marutang hosa, sipardosa da
Uhum na tama do sian Debata
Uhum na tama do sian Debata.
3. Tapi Tuhan Jesus, gabe jolma i
Ra gabe partobus ni tondinta i
Ra gabe partobus ni tondinta i
4. Muda haposanta Tuhan Jesus i
Sonang ma rohanta sapanjangna i
Sonang ma rohanta sapanjangna i.
5. Amin, Amin, Amin na tutu do i
Sai marhangoluan na porsaya i
Sai marhangoluan na porsaya i.
1. Tandai ma au,
ungkapi ma dohot rohang ku
Ujima au, pamanat ma dohot dalanku,
olo, ditanda Ho au Debata.
2. Asi rohaMi taringot tu pangalahongku
Olo tutu jotjot do au lilu di dalan
Sesa dosangku ale Debata.
3. Sai tatap ma au, tambai ma pos ni rohangku
Togu ma au tu Surgo patigor langkangku
Angke anakMu ma au o Tuhan.
1. Ro tu Jesus ho na loja,
nadung malos i.
Mur lapang do di lambungNa,
roha mi.
2. Ligi tu hayu parsilang daon ni hancitmi
Tuhanmi na hona uhum, gontimi.
3. Timbang holong ni rohaNa na sai godang i
Ma dilehen do hosaNa, tobusmi.
4. Pangapoi, sesa dosa hangoluanmi
Sasude dilehen Jesus, tuami.
5. Diastui do lungunmu na nitaonmi
Gogo, tahanmi diantan, Tuhanmi.
1. Jesus panyondang i, bege ma au on,
Bona ni na torang tangi hami on.
Sai asi roha- Mu, dipardosa on
Ho ma mangapo i au na marsak on.
2. Sesa ma dosangku ale Tuhanki
Harani mudarMu na nilehenMi
Asal ma rohangku salohotna i
Ingot di hataMu dohot mudarMi.
3. Tondi bo pamatang bo pe gogongki
Ulang tu na jahat baen di Ho ma i
Sai guru di Ho ma na nihopkopMi
Tulus ma martua au siseanMi
1. Sandok jolma angkon mate, sibukon pe mago do
Na marhosa angkon mate,muda hatiha na ro
Sibuk on do gabe tanoanso sogot dipangolu.
Anso tumbur sian isibuk naimbaru i
2. Nada marsak be rohangku
manadingkon tano on
Marsigantung di Tuhanku au disi songon dison
BugangNia haposanku pangapoi ni rohangku
Masuk ma tu Surgo au, tanomanku dalan do.
3. Hamatean ni Tuhanku hangoluan do di au
Ma singkop hatuaanku jop rohangku kehe au
Hutinggalkon pardagangan, hudapotkon hasonangan
Ligionku Jesus i, i ma halungunanki.
4. Sabo ma disi rohangku muda rap marsangap i
Angke torop do donganku jongjong di joloNa i
Serapim na pasangapkon Herubim na pagodangkon
Sapanjangna Debata, Haleluya, tulus ma.
5. O Jerusalem na uli sai torang sinondangMi
Au maruli hasonangan dohot hasangapan i
On pe timbul jop ni roha dohot adopan ni Jahowa
On ma ari na pade, Haleluya, puji ma.
1. Betak dumonok ma adamkuarinku na so piga be.
Betak tumibu sun bohal kuise umboto i de he?
Jesus, JesusHara ni Mudar Mi masonang hamatean ki
2. Jotjot do asing potang ari sian manyogot i tehe
Sugari hum santongkin nari, madung dison au nada be
Jesus, Jesus harani mudarMi ma sonang hamateanki.
3. Paingot au di hamatean, o Jesus haposanku
Ho Patogu ma haporsayaan di Ho dohot mudarMu do Jesus,
Jesus harani mudarMi ma sonang hamateanki.
4. Haru pe ro hamateanku indangkon be mabiar au
Disesa Jesus do dosangku mudarNa paiaskon au Jesus,
Jesus harani mudarMi ma sonang hamateanki.
5. Dung songon i dabu rohangku ise na ra mangganggu au
Hum Debata parguruanku mangolu bo na mate au
Jesus, Jesus harani mudarMi ma sonang hamateanki.
1. Dison mardagang doau on, hutangku di Surgo do,
i ma Jerusalem na uli. Jahowa na manyuan i.
Di mudar parpadanan i, disi hupuji ma Tuhanku
dison mardagang do au on, hutangku na di Surgo do.
2. Laing songon na mardalan au,
laing mur matobang sibuk on so mulak be sude na salpu
Hum ari na parpudi ro, i noma painteonki
Tolongi au ale Tuhanku parayak na di ginjang i Anso ma sonang au disi.
3. Jotjot ro hasusaan i di angka na mardalan i manopot sitopotonnia
Di dalan na tu Surgo i, bahat situtu musu i
Na mangaropi tondiniba, marragam pandugaan i
Boluson ganop ari i.
4. O Jesus Ho panjago ni Israel na porsaya i taran di tano on mardagang
Tu hasonangan na sintong, malungun au di toru on
Dongani au tusi O, Tuhan,
uluhon au tu Surgo i Tutu ma sonang au disi.
1. Sonang di tanoman na i,
modom na burju roha.
Paima pangubung na i,
na pa begehon sora.
Sai ngot hamu na modom i,
ma timbul hatorangan i.
2. Sinok sajo ma modom ho, na sangap do Tuhanmu
Ibana Raja na gogo
di ginjang, bo di toru
Na mate i ulang so ngot, di haroroNa sogot i.
3. Tarontang hamatean he na modom di tanoman
So tola idaonna be,
juguk di hasonangan
Angkon mangolu do sude,
ma sonang bo marsangap pe.
4. Sai na martua halahi na dung dosana sesa
Na manghaposi Jesus i
na ias di rohana
Dapotan halahi muse,
masuk tu lambung Debata.
5. Ro ma hamu na dao do pe,
na gong di hajahatan
Ma singkop di hamu muse
di Surgo hangoluan
Tarbaen hamu, asal ma ra, mardomu dohot Debata.
1. Beta ma, betama,
manopotkon Debata,
namalungun au situtu
tu inganan ni Tu hanku.
:/: Tu hasonangan na i. :/:
2. Bohi ni Tuhanki
marsinondang do disi
Sadihari ligionku
rap dohot na burju roha
:/: Sondang ni bohiNa i :/:
3. Sai denggan, bo tongam,
ende sian ginjang i
Gari ma adong habongku
ra au habang manopotsa
:/: Tu Banuaginjang i :/:
4. Sai sonang, bo sangap,
Huta Salem di ginjang
Sian sere alamanna
na homangan rohaniba
:/: Mida sasudena i :/:
5. Puji ma, moga ma,
jop muse rohanta da
Dipamalum Debanta
sandok nyae ni tondinta
:/: Di Banuaginjang i :/:
1. Sada ari na di Surgo dao dumenggan do hape.
Na saribu na di tano atik pe sude pade
Jop ni roha na di tanobo saribu taon hape,
tapi sonang na di Surgo hasusaan dao sude
2. Incakincak parmaraan dohot sak ni roha do
Susa dohot habiaran muda hamatean ro
Incak, podu, hahaila dohot anggukangguk do
Nada ro be tu nasida na mangolu di Surgo.
3. Hasonangan sapanjangna do di huta Sion i
Debata na marsinondang Jesus do palito i
Nada dong tartimbang roha hadengganan na disi
Sasude marmogamoga di hamuliaan i.
4. Mangaligi, mangoloi Debata do halahi
Ia do na mangapoi salolotna halahi
Ale Tuhan sai palua sian tano on ma au
Anso dohot na martua ro dilambungMi ma au.
1. Di topot halak dagang hagodangan na i
angke na marsinondang di si bintang Na i
2. Malungun do ibana mida donganna i
Laing i do di rohana manopot halahi.
3. Ma lobu do hutana sude duhuton i
Ma marsak do rohana marnida songon i.
4. Ma kehe rohania adop tu ginjang i
Sai dipikiri ia disi do Damang i.
5. Bia, ale pardagang tutu malungun ho
Marsuo dohot Damang na dung di Surgo do.
6. Pikiri di rohamu bahat ni dosami
Ma lobu do hutamu na mate jolma i.
7. Porsaya ma di Jesus parasi roha i
Ibana na manogu lopus tu Surgo i.
1. Beta ale tonding-ku beta tu Sur-go ho.
Anggo dison di toru so dumpang sonang ho.
Di si hangoluanmu disi ma inganan-mu
disi ma sonang ho, Beta tu Surgo ho.
2. Adong na mangolati puraga ho muse
Rajamu manaluhon musumu sasude
Indu ma juguk Ia di hamonanganNia
Disi ma sonang ho, beta tu Surgo ho.
3. Ama na ibo roha mangaloalo ho
Giot dihaol ia tu Surgo i ma ho
Tumpukmu hasangapan abitmu hatigoran
Disi ma sonang ho beta tu Surgo ho
1. O ari na parpudi ro, na so mar hasidungan do,
sapanjang manyahe na Muda tarsingot rohangki,
ulang so dohot an tu si, ra au mandele ne ma.
Ise tarba-en jongjong be di jolo ni paruhum i?
2. Sude tilako na dison, sai mantak do di tano on
Marujung di tanoman Di ari na parpudi ro,
bo partohapanniba do Inda da marbalohan
Angke didokkon Jesus i, ujungna nada dong disi.
3. Haru manaon jolma i, na hancit bo na bernit i
Laing mantak do sudena
Anggo banuatoru i manaon ma na ro tusi
Mamanjang manyahena
Muda so giot ho tusi, haposi Tuhan Jesus i.
4. Holan santongkin i sajo, tonggi do dai ni dosa i
Dung salpu ro ma jaya
Di ho he parhancitan i, dibaen hum santongkin do
Tonggi didai ho dosa
So tarpajojor rugimi harani dosa na tonggi.
5. Sai ngot ma ho, sai ngot ma ho, biasi laing na modom ho
Ulang jogal rohamu
Sai mulak ho, sai mulak ho, ulang mur dao be lilu ho
Sian Siparmahanmu
Sadari on mangolu ho, ancogot betak mate ho.
6. Sai antak ma sadari on, manghaholongi tano on
Ulang ro jaya sogot
Sai haholongi Tuhan i, oloi ma hataNa i
Parodop ma rohamu
Indangkon be humitir ho, bo ari na parpudi ro.
1. Gonan ma hutinggalkon ho hasiangan on,
Sai marsak do rohangku mida na jat di son.
Dumenggan do di Surgo di lambung Jesus i.
Tutu sonang rohang ku, dung bolkas ro di si.
2. Patogu ma rohangku taran di tano on
Dung ro parhancitanku tolongi au tongtong
Papondok hasusaan jana dongani au
Mamolus parmaraan tu Surgo oban au.
3. Haposan ni rohangku hayu parsilang i
I do parhiteanku laho tu Surgo i
Tongtong pataridahon bugangMu tu au on
Haru ro hasusaan ulang be ganggu au.
4. Sian sude tilako jagohon ma au on
Kuaso ni pangago padao ma sian au
Sai abing di tanganMu ma au tu pudi on
Di hamuliaanMu marujung dalankon.
5. Suratkon ma goarku torang di bukuMi
Sai jujung ma tondingku di paruhuman i
Na di Banuaginjang mangolu adop Ho
Bo pe na songon bintang marhatiuran do.
1. Madung loja au mardagang giot ma tu Surgo au.
Hum disi dapotan sonang muda sian dosa dao.
Aha dapot ho dison? Hasusaan na tongtong
Diadu sapajang na, jop, jana sonang disi.
2. Dung au bolkas tu adu i mantak parsahitanki
Sonang au dung diapoi Jesus i di Surgo i
Taran na di tano on hamarsahan do boluson
Surgo i sapanjangna jop jana sonang disi.
3. Sai tolongi au, o Tuhan, jana pargogoi au
Manjalahi hangoluan anso unang mago au
Bo sude portibi on sahat ma tu tangankon
Aha ma guna ni i muda mago tondingki?.
4. I noma paresoonku masuk ma tu Surgo i
Beta, ninna Debatangku anso masuk au tusi
Sasude na hajolmaon susa do di tano on
Surgo i sapanjangna, jop jana sonang disi.
1. Mardalan au sannari, tu hasonangan i.
Dumonok ganop ari, ma dumpang ne ma i.
Sian na dao hu ida, Hatiuran na i.
Sai sonang do nasida,na bolkas ro tusi.
2. Hutompas ma rarangan di tongan dalan i
Hipas ma au mardalan tu hasonangan i
Bahat do hasusaan na humaliang au
Hubolus pandugaan marningot Jesus au.
3. Didadang las ni ari ditinggang udan au
Jotjot huhabiari na mangaropi au
Manatap do matangku sanga na dao do pe
Tu paradiananku di hasonangan i.
4. Jop situtu rohangku jorbut pe dalan i
Laing Jesus do donganku bo pangondinganki
Ibana na manogu arian borngin au
Asa tangkas huoku: Hum tu na sonang au.
5. Togu, dimpos hugolom hayu parsilang i
Hum i do haposanku di pardalananki
Najolo laing hosangku di tanggung Jesus i
Saonnari pe di dalan toguonNia au.
6. Ma pos sajo rohangku mamolus dalanki
Dung sude pe bohalku donok ma hutangki
Saonnari ganop ari ma loja au dison
Angke santongkin nari, sonang ma au tongtong.
1. A dong dope paradianan, di bangso ni Jahowa i.
Masusa bo nuaeng mardalan nasonang ho dung ro tusi.
Tuhan-mu Jesus na marmahan ho di bagasan hamogaan,
sai ulang ma lilian ho. Pasidungma parporanganmu
ambungkon dohot ma boban-mu, anso tusi ma masuk ho.
2. Tuhanta Jesus na pauli paradianan na denggan
GiotNa hita do maruli, sogot inganan na sonang
Dibolus Ia parsahitan manaon dohot parhancitan,
harani hita on sajo Anso dapotan hita tua,
sian dosanta ma malua, Di Surgo maradian ma.
3. Marroan ma na tolpuk roha na marsak bo na dangol pe
Hapogan ro ulang paboa na ganggu bo mandele ho
Marhancit do hamu di toru, saonnari tola ma mangolu,
di hadengganan i sude
Hamu do bangso na ummora na niondihon ni Jahowa
Bo pe haholonganNa i.
1. Didia inganan na sun denggan i,
Adian ni tondi didia do i?
So dumpang tondingku adian dison
na tuk pasonangkon rohang ku tong-tong.
:/: Nada, nada, nada adong
inganan na sonang na denggan dison.:/:
2. Tinggalkon ma tano, hum dosa dison
Di Surgo ma sonang tondimu tontong
Disi do hutamu na denggan sajo
Tilako bo susa ma dao sian ho
:/: Olo, olo di Surgo i
adian ni tondi sapanjangna i :/:
3. Sandok na porsaya di Jesus antong
Dapotan inganan na denggan dibaen
Tongtong do marende na bolkas tusi
Mamuji Jahowa sude halahi
:/: Amen, Amen, Haleluya, pinuji goarMu ale Debata :/:
1. Madung loja au mardagang, giot ma tu Surgo au
Disi ho da potan sonang, muda sian dosa dao.
Anggo na di hasiangan, hasusaan do manongtong,
Di adu sapanjangna, jop jana sonangdo ho.
2. Dung pe bolkas tu adu i, mantak parsahitanki
Sonang do dung ro di Surgo, diapoi Jesus au
Taran di banuatonga hamarsahan bolusonku
Di adu sapanjangna, jop jana sonang ma au.
3. Sai tolongi au, o Tuhan, jana pargogoi au
Manjalahi hangoluan na so unjung mago i
Bo portibi on sudena, sahat lalu tu tanganku
Aha ma guna na i muda mago tondingki.
4. I noma paresoonku masuk au tu Surgo i
Beta, ninna Debatangku gabe, masuk au tusi
Sasude na hajolmaon susa do taran di tano
Di adu sapanjangna, jop jana sonang ma au.
1. Di Surgo hasonangan i, Di Surgo do inga-nan-ki.
Tu Surgo do mar dalan au anso rap dohot Jesus au.
2. Tutu bahat do pe dison, manggokkon au di tano on
Tongtong didokkon rohangkon: Di Surgo i ma sonang ho.
3. Dao do pe au sian i? Sai disapai rohangki
Dibaen so huboto i, sai hupadonok ma tusi.
4. Malungun au tu Surgo i dibaen malua au disi
Dao sian dosa i sude, dao sian pangincahi pe.
5. So hainganan au tongtong di tano pardagangan on
Hum na mamolus sian i, painte ro tu Surgo i.
6. Harani i hudokkon do: Ale rohangku so ma ho
Sai taon ma sude na ro, di Surgo i pe sonang ho.
1. Reff : Sonang di lambung Jesus, sonang na ro tu si
Indangkon iba he put, di tangan Ni-a i.
Tongtong dipio Jesus,sai ro maho tu Au.
Pantangkon na mar begu jana haposi Au… (Ke Reff)
2. Sonang di lambung Jesus rap hita ma tusi
Inganan na jumeges di tanganNia i
Ma singkop hangoluan na sapanjangna i
Asa marhauntungan na ro tu Jesus i
(Ke Reff..)
1.. Ulang ma tangishon, holos arsak mi.
Tu Jesus aduhon hadangolon mi.
Muda humaliang, gaor pe sasude
Pos rohamu sonang, do sude muse
2. Jesus do umboto holos, arsakmi
Tatap tu ibana, pos ma rohami
Bo pe di na rodop bo di Surgo i
Sai marolopolop sonang rohami.
3. Sai bahat tudosna, marsak songon ho
Ho do na mamboto Siapoi ho
Rap ho martangiang dohot halahi
Anso dipasonang Jesus rohami.
1. Pasahat ma sude na, marsak ni rohami.
Tu Debata Jahowa, Raja di Surgo i.
Marguru di Ibana, bo tano bope laut,
bahat ditahi jolma, rohaNa do na saut
2. Padiar ma Tuhanmu pasarisari ho
Muda denggan dalanmu sonang dilala ho
Pasahat tu Ibana holosmu sasude
Sai ro ma tolonganNa martua ho muse.
3. Na pistar Debatanta gumogo do muse
Tigor pambaenanNa uhumNa pe ture
Tongtong dibaen Ia na patut, na tama
Tu jolma manusia salolotlolotna.
4. Arop tongtong rohamu di Siparholong i
Diboto Debatamu pakehe hancitmi
Hum tarpaimaima ro hatihana i
Bahat tolonganNia diida matami.
5. Sai antak ma o Tuhan sude na hancitkon
Paro ma hangoluan tu au na dangol on
Tu asi ni rohaMu sahat ma tondingki
Tutu anggo dalanku sonang ujungna i.
1. Sai patogu rohangki, ale Jesus Tuhan ki.
Golom dohot tangan Mi, au di pardalanan ki.
Muda loja au dison, Pargogo i au tongtong
Pioma Hu togu pe ho tu surgo i muse.
2. Tinggal ma di lambungki muda ro ujian i
Ulang loas ganggu au sian sinondangMu dao
Muda maol dalan i jana sompit rohangki
Pio ma hutogu pe ho tu Surgo i muse.
3. Ro ma parsahitan i jana marsak rohangki
Pargogoi au Tuhan anso tolap au manaon
Muda punjung au dison sai apoi au tongtong
Pio ma hutogu pe ho tu Surgo i muse
4. Tolong au naposoMon maralohon musu i
Ulang talu au dison, musungki papatu ma
Dompak di portibi on, hamonangan lehen ma
Pio ma hutogu pe ho tu Surgo i muse
5. Giot sude bohalki patidahon pintu i
Anso idaonku Ho di adian Surgo i
Rura hamatean i tolong au mamolus i
Pio ma hutogu pe ho tu Surgo i muse.
1. Dung ro Jesus i, tangkas ma diau,
gogo Na sude, holong Na muse
Ibana bentengku, haporusanki,
Bo mate pe iba, sonang roha i
2. Dung ro Jesus i, martua sude
Na pos roha i, sonang do sude
So pola be bonom, na tinggal disi
Sude do mangolu, ditogu tusi.
3. Nahancit pe ro, manyosak tu au
Ilungku pe ro, sai marsak do au
Sai pos ma rohangku, donok Jesuski
Ibana gogongku, malua ma au.
4. Sude nabernit, huoban tu Ho
Tuginjang ma au, margogo peto
sotuk tu jolma be, haporusanki
hum arsak niroha, dipajojor i
5. O Jesus tu Ho, marsomba au on
Hulehen tu Ho, sude rohangkon
so ra be sirang au, holang sian Ho
Martua bo sonang, marguru di Ho
1. Dilambung Mi, O Jesuski,sai namardame roha i.
Mur tu murak na holos ki,bo tu sonang na rohang ki.
Margogo au, jop rohang ki,Dung Ho, o Jesus Tuhan ki.
2. Di lambungMi o, Jesuski mangkohom do na gaor i
Alogo, ombak i sude, hum gurudokMu do hape
Nuaeng sumonang rohangki dung Ho o, Jesus Tuhanki.
3. Di lambungMi o Jesuski nada margogo musu i
Mur heput do na jahat i mur sonang do na burju i
Ma sun denggan na domu i tu Tuhan Jesus Rajangki.
4. Di adamki o, Jesuski togu ma tiop tanganki
Sai oban au tu Surgo i anso huida sangapMi
Holong denggan do basaMi, endehononku ma disi.
1. Marsak roha disuanon, gabe mogaan do.
Di hatiha ni sabion, muda namanaon ho.
Muda holong dohot pohom, dohot pos ni roha i.
Bo haporsayaan tong-tong tumbur sian roha mi.
2. Laing parguna hasusaan di na martangiang do
Sasudena pandugaan pangajaran i sajo
Mur ias ma, mur mararga sere na di api i
Songon i ma na porsaya di pandugaanna i.
3. Dung dapotan tondiniba sonang sian
Surgo i Nada be mandele iba haru na marhancit i
Angke na tangkas di hita umpe hum obuk sada
Marurus sian ulunta so diboto Debata.
4. Tuhan Jesus do na hona parsahitan i muse
Bo pe anak siseanNa sai manaon do sude
Angke nada dapot tuku na tu hangoluan i
Muda so tarida burju hita di ujian i.
5. Udan dohot las ni ari pamasakkon eme i
Bo pe hita on saonnari angkon hona songon i
Asa muli ma dung i anso masuk hita sogot
Hasonangan na salolot dapot na manaon i.
1. Madung sonang dung na mar Tuhan au tu Tuhan Jesus i,
Indangkon be humolos roha au songon par begu i.
Ibana do na hu ihutkon, Banua ginjang hudpothon
Masonang au, masonang au
2. Madung sonang hubuang ma sude na mangarsakkon au
Martua do dung tola juguk au di lambung Jesus i
Angke sude hangoluanku sarihononkon ni Tuhanku
Ma sonang au, ma sonang au.
3. Madung sonang muda dung tondingki na hupareso i
Mangihut ma na asing i tusi, didokkon Jesus i
Hum roha ni Tuhanku Jesus i do na giot hupatulus
Ma sonang au, ma sonang au.
1. Ale ho Tonding ku, haposi ma,
Tuhan Debata mu, ima na tama.
Tongtong gogo, martangiang ho,
Muda salpu borngin, torang ari ro.
Ro hasusaan, malua ho.
Ia pangondingan na Bonar do.
2. Ale ho tondingku haposi ma
Tuhan Jesus Kristus, i ma na tama
Bo sego pe sogot sasude,
anggo Tuhan Jesus nada muba be
Parasi roha, pangolu ma
hami on sudena, Haleluya.
1. Muda humolos rohangki harani hangoluan i.
Tibu ma huambungkon pe holos ku sasude.
Angke didokkon Jesus i: Amangmu na di Surgo i
pasingkop hangoluanmi, tumbuk sude na i
2. Muda huingot hata i, Tuhanta na mandokkon i
Sai sonang ma hamu sude ulang mabiar be
Disi pe huendehon ma martua na porsaya da
Asa hujamitahon i di na humolos i.
3. Taruli angka unggas i panganon tuk dihalahi
Marabit angka bunga i na denggan na uli
Nasida na satongkin pe, sai diparmudu Debata
Mur hita na porsaya i sarihononNa do
4. Mur ra mamujimuji au mur didonganni Jesus au
Asa sinondangNia ro laing tu rohangku do
Harani i hudokkon pe : Humolos nada ra au be
Hum Damang na di Surgo i pasingkop bohalki.
1. Pambaen ni Debata i na denggan bo naburju
Marhata do sude na i so unjung Ia lilu
Porsaya ma, di Debata,ihutkon ma Ibana,
nabonar do roha Na
2. Na so jungada Debata mangaliluhon iba
Tingkos do uhumNia da, muda manyimbil iba
Sai na ture, do i sude
angke adong harana, di iba do parguna.
3. Sude diboto Debata, na pistar sun Ibana
Dilehen Ia na tama di hita manusia
Dibaen i gumonan ma unduk sajo rohanta,
marguru di Tuhanta.
4. Na denggan do pambaen ni
Jahowa Debatanta Ibana do panyondang i
dohot hangoluanta Bo susa ro, laing sonang do,
angke di hatihana ro asi ni rohaNa
5. Sudena i labonta do na sian Debatanta
Haru huhul sambar do i tapikir di rohanta
Denggan muse sude hape
idaon ni matanta, di ujung ni dalanta
1. Tu Banua ginjang do, pardalanta i.
Na dihalungunkon ho, tulus ma disi.
Anggo dison, muba-uba do sude,
so sadia na ture, di tano on.
2. Tu Banuaginjang i tongtong tatap ma
Muda ngot manyogot i ulang lilu da
Sai pupu ma,martangiang ma gogo
Jana na marroha ma burju, peto
3. Tu Banuaginjang i tongtong ligi ma
Muda hahurangan ho di portibi on
So jadi be, mangholoskon bohalmi
Debata patupa i, tumbuk sude.
4. Tu Banuaginjang i, sude halahi
Na mar Tuhan Jesus i, na porsaya i
Dohot ma ho alo sipangago i
Taon ma satongkin do, na hancit i.
5. Tu Banuaginjang do kehe Jesus i
Ia na manogu ho lopus ro tusi
Ihutkon ma sian hatoruhan i
Dalan na tu Debata, tu Surgo i.
6. Tu Banuaginjang i kehe au muse
Anggo hamatean i so tarantak be
Diida ho ujung ni dalanta i
Bagas ni Amanta i, di Surgo i.
7. Di Banuaginjang do hasonangan i
Jana diendehon ho Debatanta i
Haleluya! Tongtong taolopkon ma
Jesus Siparmonang da, Haleluya
1. Tu Banua ginjang do, pardalanta i.
Na dihalungunkon ho, tulus ma disi.
Anggo dison, muba-uba do sude,
so sadia na ture, di tano on.
2. Tu Banuaginjang i tongtong tatap ma
Muda ngot manyogot i ulang lilu da
Sai pupu ma,martangiang ma gogo
Jana na marroha ma burju, peto
3. Tu Banuaginjang i tongtong ligi ma
Muda hahurangan ho di portibi on
So jadi be, mangholoskon bohalmi
Debata patupa i, tumbuk sude.
4. Tu Banuaginjang i, sude halahi
Na mar Tuhan Jesus i, na porsaya i
Dohot ma ho alo sipangago i
Taon ma satongkin do, na hancit i.
5. Tu Banuaginjang do kehe Jesus i
Ia na manogu ho lopus ro tusi
Ihutkon ma sian hatoruhan i
Dalan na tu Debata, tu Surgo i.
6. Tu Banuaginjang i kehe au muse
Anggo hamatean i so tarantak be
Diida ho ujung ni dalanta i
Bagas ni Amanta i, di Surgo i.
7. Di Banuaginjang do hasonangan i
Jana diendehon ho Debatanta i
Haleluya! Tongtong taolopkon ma
Jesus Siparmonang da, Haleluya
1. Sai ditongos Debatanta na hasaya i di ho.
Bo bia parhancitanmu,asal di Tuhanmu ho
2. Na humolos hara modom Jesus dirohana i
So hasaya orongorong hum mambaen maila do
3. Sai tongtong marroha ama Debata tu hita be
Sai tongtong do dihilala marsak ni rohanta be
4. Haporsayaan na denggan dipatumbuk Debata
Hum santongkin ho manaon asal rohami talak
5. Muda dilului rohamu antong sai pahohom ma
Sasude do disarihon, Tuhan Debatanta i
6. Gogo ni Tuhanta Jesus nada na tarsuhat i
Nada pola dut rohaNa tuk do pikiranNa i
7. Muda dapot ma arina ro pangurupiNa i
Sai tompu do haroroNa mangambungkon holosmi
8. Sai martua do sudena na serep manaon i
Asal ma burju rohana diapoi Jesus i
9. Huhaposi do goarMu i do hagogoan ki
Sai patulus ma rohaMu sanga dia giotMi
1. Dung Tuhan Jesus haposanmu, ulang, mardua roha ho,
Malapang do muse dalan mu,haru sompit dilala ho.
Sohorsik be jojahan nina manghaposi Jesus i.
2. Aha gunana ho humolos pasarisari langkami
Aha gunana ingotonmu ganop manyogot holosmi
Umbahat hasusaanmi muda humolos rohami
3. Tuhanta Jesus do umboto pasingkop hangoluan i
Di tano on pe dohot sogot, dung na tapangidohon i
Sai tarpangolu Ia ho di na santongkin i sajo
4. Ulang ma dokkon di susamu : Tuhanku maninggalkon au
Asa humolong do rohaNa di au anso tilako dao
Hum anak haholongan i ajaran ni Amana i
5. Momo sajo do di Jahowa pasobok jolma sasude
Na dangol do gabe mamora, na mora pe dangol muse
Pabangkit bo paijur i ; kuaso ni Tuhanta i
6. Dibahen i ma martangiang jana marendeende ho
Tongtong parayak hatigoran ringgas ma tu gareja ho
So ditinggalkon Jesus ho dung Ia haposanmu do.
1. Dung Debata donganku i se mangalo au…??
Muda sosak rohang ku dtolong Ia au.
Anso tong-tong sumolkot, au dohot Jesus i,
roha ni musu anyok, nada mahua i.
2. Madung tangkas huboto laing Damang Debata
Hum Ia na gumogo pos ni rohangku da
Laing tong do di dalanku ditogu Ia au
Anso sonang rohangku jana mangolu au.
3. Hum Jesus huhaposi dibaen mudarNa i
I do na mangapoi na marsak roha i
Sudena na di tano aha guna ni i
Muda so au do sogot manean Surgo i
4. TondiMu pangarangku na manguluhon au
Dabu sajo rohangku sude tumbuk di au
Ibana na patogu haporsayaanki
Harani i hu oku torang goarNa i
5. Adong do hagabean na lobi godang pe
Adong do habilean sanga na aha pe
So bisa i paholang au sian Debata
Angke sonang rohangku di tanganNia da
1. Hum na santongkin i hu tatap,
tu huta Sion na di ginjang i.
Sedep rohang ku ja na malap,
anso huhalupahon marsak i.
Dung salpu hasusaan na dison,
tonggi paradianan i tongtong.
2. Jotjot di rura partangisan
angkon mardalandalan au do pe
Di Surgo dapot hatorkisan,
na so marnyae, bo na so mate be
Dison angkon hutaon na hancit i,
pangapoion ro tu au disi
3. Dosangku, i ma parsilangku,
dibaen i sai na humolos au
Ise ma he Sipaluangku
mambuat ihotihot sian au
Di Sion i do haluaan i,
hisap ni roha nada ‘dong disi
4. Giot disonggot hamatean,
diturbing ulok naga au do pe
Disi hutatap parhitean,
Tuhanku na pature sasude
Sandok musungku angkon talu do
di hamonangan sonang au sajo
5. Muda Tuhanku mangaloas hubolus hagogotan i dison
Pos ma rohangku dipahoras, ditogu Ia au di dalankon
Ise de he na mangkahua au
dung di bagasan tanganNia au.
1. :/: Holan di Surgo i,sonang sude. :/:
Nada hurangan be,disanga aha pe
muda hu ingot i,jop rohang ki.
2. :/: Holan di Surgo i sonang sude. :/:
Nada ‘dong dosa be uhum sude ture
Sai na martua be disi sude
3. :/: Anggo di tano on susa tongtong. :/:
Jahat ni jolma pe sai na martamba do
Dung i ujungna i, mate sude
4. :/: Anggo di tano on hurang sude. :/:
Tapi di ginjang an sonang do sasude
Holong ni roha pe hot do muse
1. Holosmu sude, hancit mu muse,
ambungkon sude na tu Jesus.
2. Dokdok ma di ho susamu pe ro,
Tongtong martangiang tu Jesus
3. Nayang ma muse, bobanmu sude
Tolongon ni Jesus maroban
4. Na holong peto, rohaNa di ho,
Indangkon mandele rohamu
5. Porsaya ma ho, Tuhanmu malo
Pauba na hancit di tano
6. Sai taon noma, didok Debata
Ibana patogu rohamu
7. Na tangis dison, mamuji tongtong
Dung masuk ibana tu Surgo.
1. Debata tongtong dongan ku bo tudia au muse
I a do hangoluan ku, napature sasude
Muda disapa i ho,alusan ku ma tu ho:
Debata dongan ku do
2. Di bagasan hasusaan dipasonang Ia au
Muda dumpang parmaraan dumpang tolonganNa au
Muda disapai ho, alusanku ma tu ho,
Debata donganku do
3. Dung ditompuk dosa iba gabe marsak roha da
Songon Ama, Debatanta, nada ra mambalos da
Muda disapai ho, alusanku ma tu ho,
Debata donganku do
4. Sai holong rohaNa mida angka hasianNa i
Nada mago tondiniba Ia na parorot i
Muda disapai ho, alusanku ma tu ho,
Debata donganku do
5. Debata tongtong donganku nada be mabiar au
Ro di sude ni bohalku ro di paruhuman au
Muda disapai ho, alusanku ma tu ho,
Debata donganku do.
1. Pos roha-mu di Tuhan mu nada be dumaol ho.
Sonang dolok na so morot ho muse tarida do.
2. Humaliang huta Zion angka dolok do hape
Songon i ma Debata, manghaliangi ho muse
3. Nada tola na jat roha tonggong mangarahon ho
Anso ulang ho magulang dohot na dung mago i
4. Ale Tuhan hangoluan lehen di na tigor i
Sai pamonang bo pasonang na marpos ni roha i
5. Na marbalik sian patik sai ajari halahi
Na mardalan songon padan pasupasu halahi
1. Ibo roha pasu pasu sian Tuhan Debata mu,
napangolu jolma i. Holos dohot marsak roha
karejo bo haloloja, lus sajo so dohot i.
2. Na pangolu au saidanna, na bonar, holong rohaNa
I do pargantungankiRo di pudi pos rohangku
Ia do hangoluanku Dohot pangondinganki
3. Anggo na tu pamatangku, na hasaya tu bohalku,
Guru di Ibana auSo ungada Ia lupa
mangalehen anso tupa,Taran na mangolu au
4. Sipat na taroban iba, somal do dilehen Ia
Nada hurang lobi i Anggo pangajaranNia
laing tigor bo pe badia So ungada sala i
5. Hupapatu ma rohangku adop Tuhan Debatangku
Na so maninggalkon au Sasudena na tarida,
hum santongkin do di iba, Sai na morot sian au
1. Sapanjang Tuhan Jesus i,mangara halak Kristen i,
marhasonangan do sude. Di tano ro di Surgo pe
2. Sai ditutui halahi mudarNa na badia i
Bo hatigoranNia pe manghopkop halahi sude
3. Torang ma tasaksihon i hum goar Jesus Kristus i
Hajongjonganta i tongtong haru pe sego tano on
4. Sapanjang pardaganganki, hum Jesus do uluanki
Udur ma hita on sude umpe sangkibung lilu be
5. TondiNa i do na sangap, tongam mangarajai ho
Na dung porsaya situtu jana marroha na burju
1. Sai mar sipaidaan do na porsaya i
Dung bolkas be langkana, tu hasonangan i,
tu hasonangan i, tu hasonangan i.
2. Antong burju ma hita mangalo dosa i
Ulang ma tinggal hita di tongan dalan i
di tongan dalan i Di tongan dalan i
3. Sai marsipaidaan ma hita on muse
Di lambung ni Tuhanta dung sonang hita be,
dung sonang hita be Dung sonang hita be.
1. Jabat mar sipaidaan di Banua ginjang i?
Jana so marhasusaan dung pe hita ro tu si?
Jabat do jabat do, jabat do,
jabat mar sipaidaan di Banua ginjang i?
2. Jabat do muse taida huta hasonangan i
Dohot hita mangaligi bohi ni Tuhanta i
Jabat do, jabat do, jabat do,
Jabat do muse taida huta hasonangan i
3. Jabat do marsijalangan dohot dongan i sude
Na nuaeng di hamonangan na sonang marsangap be
Jabat do, jabat do, jabat do
Jabat do marsijalangan dohot dongan i sude.
1. Tulus mar sipaidaan nadung rotu Surgo i.
Rap sude marhamogaan napatalu dosa i,
natutu, natutu, na tu-tu,tulus mar sipaidaan
na dung ro tu Surgo i.
2. Na tutu tangkas taida bohi ni Tuhanta i
Huta Salem bo isina dohot sinondangna i
Na tutu, na tutu, na tutu,
Na tutu tangkas taida bohi ni Tuhanta i
3. Na tutu tajalang angka na jumolo ro tusi
Ama, ina bo dakdanak na mate di Jesus i
Na tutu, na tutu, na tutu,
Na tutu tajalang angka na jumolo ro tusi
1. Jerusalem, namarojahan ho di Surgo natongam.
Malungun au di hadengganan Mi giot huligi ho
Dao sian dolok rura dao sian ombun i.
Giot sugari sura ma habang au tusi
2. O ari na dumenggan situtu, andigan pe ho ro
Anso domu tondingku ma tibu tu Debatangku do
Mulak tu tanganNia na manjadihon au
Anso tinggal di Sia sapanjangna ma au
3. Jerusalem, haholonganku ho ungkap ma pintumi
Sai honok ma malungun au di ho, di pardaganganki
Anso torang huida Rajamu na peto
Partobus ni nasida na manopotkon ho
4. Na torop do, na mangingani ho sai na marsangap be
I ma hape madung nipuldit do di tano on sude
Na dangol do nasida di partangisan on
Marhappu do huida rap Raja ma tongtong
5. Di pudi pe, dung bolkas au disi marsuo au muse
Jahowa i, dohot di Jesus i, bo suruanNa pe
Disi ma timbul tua, di hamogaan i
Marende Haleluya laing tong ma au disi
6. Sai honok ma dipalalat Jesus, Ibana ro tuson
Bahatna i na ra tarpodom i, mintop palito i
Sai ro ma ho tibu, palua ma sudena,
Sian pangago Amin, tulus ma sangkapMi.
1. Sai na martua sudena halahi,
na mangoloi Tuhanta Jesus i.
Tohap nadenggan, jana nasanggam,
Dapotan turpuk sude nasida.
2. Madung huboto, halak pardosa au
Mago tondingku, uhum tama di au
Tapi Tuhanku, pasae utangku,
harani asi ni rohaNia.
3. Madung huboto, muda porsaya au,
Ra Tuhan Jesus tongtong pangolu au
Dilehen Ia do hosaNia,
Anso nisesa sude dosangku.
4. Madung huboto, muda dung kehe au,
Dijagit Damang di bagasNia au
Hum hamogaan, bo hasonangan,
LehenonNia di lambungNia.
5. Ma jop rohangku mar Tuhan Jesus au,
Nada mamolus api naroko au
Lalu tu Surgo bolkas tondingku,
Asa hupuji disi Ibana.
1. Murdonok do hatiha i, na mulak Tuhan Jesus
Manguhum sandok jolma i,na pantun bo najais.
Disipe mantak martatana mangasahon sere da,
dung gor sude di api.
2. Ni ubung do na mate da, na tigor bo na jahat
Niungkap do pustaha i madung disi tarsurat
Pambaenan ni jolma i, anso dibege halahi
Na dung dibaen nasida.
3. Na hona bura do sude na mangapasi hata
Bo sipaingot na ture, na sian Debatanta
Haru pe raja halahi, na jongjong di hambirang i,
Naroko tumpuknia.
4. O Jesus sai tolongi ma, patogu ma rohangku
Di buku na badia da suratkon ma goarku
Porsaya situtu do au, dosangku ma disesa Ho,
Malua sian uhum.
5. Sogot di haroroMu pe laing Ho pamintoringku
Sai pos rohangku do muse mangolu ma tondingku
Rap dohot angka donganki na mangasahon asiMi,
Tu Surgo masuk hami.
1. Ngot hamu ma sai dipio panjago na di huta Sion.
Sai ngotma na porsaya i. Tonga borngin haroro Na,
martua na dungo marjaga, Na sonono matana i.
Ma ro pangoli i, sai tapasingkop ma pakean ta,
Tagolom ma, lampunta da, mangalo alo Jesus i.
2. Dung dibege na porsaya sarune ni suruanNia,
Ngot jana jongjong halahi Di bagasan hasangapan
manuat Ia sian ginjang Mangalap hasianNa i
Beta hamu sude rap hita ma muse, ninna Jesus
Tu horja i na denggan i ro haholonganNia i.
3. Angka na dipasupasu mardongan surusuruanMu
Mamuji Ho salolotna Hasonangan na so muba
inganan ni na sai martua Na mangoloi Debata
Hum hamogaan i, na so tarida i, di na asing
Lehenon ni Jahowa i di angka hasianNa i.
1. Malungun au tongtong di Ho, di ari Mi o Tuhan
Andigan do haroro Mi manopot hajolmaon
Sai ro ma Ho, o Rajang-ki, sonang tongtong rohang ku,
dung Ho ihutan na mi
2. Hami painte do tongtong Ho pangapoinami
Dibaen numma mate Ho manobus dosanami
Harani i pos rohangki,
sai urupanMu hami di pardalanannami.
3. Sai Ho haposannami do di sitaononnami
Anso tondiMu ma tongtong domu tu tondinami
Antong asi ma rohaMi,
parade rohanami, di ari haroroMu.
4. Malungun rohanami be di hasonangan sogot
Na so ra mantak do tehe tusi ma au padohot
Sudena na, nihopkopMi
sai rap marjop ni roha, torang sude dalanna.
5. Sai ro ma Ho tu hami on, talak do rohanami
Sai giot diingani Ho, oloi tangiangnami
Di haroro Mu o Tuhan marolopolop hami,
Ho pasangaponnami
1. Dung marlagut hita sogot di Banua ginjang i.
Jana sainganan dohot angka na martua i.
:/: Songon na maramal hita
muda sai torang tai da na mulia halahi,
nasahangoluan i dohot Tuhan Jesus i, :/:
dohot Tuhan Jesus i.
2. Dipauba Debata do langit dohot tano on
Dosa dohot sipangago madung bali sian on
:,: Diapusi Debata ilu-ilu sian mata
Nada dong na tangis i, sada do partobus i
Mantak ma disi muse:, Mantak ma disi muse
3. Ruparupa ni pakean ragamragam adat i
Pardangolan, habilean nada masa be disi
:,:Markahamaranggi hita diadopan ni Debata
Saharporsayaan i, sada do partobus i
Padomuhon halahi:, Padomuhon halahi
4. Hamaliman, harajaan sai ditean halahi
Na mamake habonaran ro hamatean i
:,:Ditukui Debata ma angka na marholong roha
Mida AnakNia i, i ma Tuhan Jesus i
Raja sapanjangna i:, Raja sapanjangna i
5. Ro na pogos, ro na dangol ro ma na marhancit i
Na marganggu, na dumaol ro hamu tu Jesus i
:,: JagitonNa do sudena haru jat pe parangena
Sonang ma hamu tutu, muda tongtong ma hamu
Di tanganNa na togu:, Di tanganNa na togu
1. Ngot muse ma pamatangku sian tanoman i
Mulak mangolu dibaen Debatangku
Haleluya, Haleluya.
2. Na nisuan songon eme halak na mate da
Na ro muse ma pangubung ni sudena,
Haleluya, Haleluya
3. Hamogaan na sumurung sai tulus songon i
Mulak mardomu tondingku tu sibukku
Haleluya, Haleluya.
4. Songon na maramal hita sogot di Surgo i
Hum hangoluan hujagit sian Tuhan,
Haleluya, Haleluya.
5. Jesus na manogu hita tu hasonangan i
Sai tongtong disi hita mamujimuji,
Haleluya, Haleluya.
1. Sai marhamogaan na di Surgo i muda mulak ma na mago i
Sai dihaol ama anak na dung ro jop rohana na mangolu do
Haleluya sai tapuji ma, goar ni Tuhanta Debata
Namamio hita na di tano on anso rap Ibana ma tongtong
2. Sai marhamogaan na di Surgo i, muda patu na mangalo i
Anso sauduran dohot halahi na manopot hangoluan i.
Haleluya sai tapuji ma goar ni Tuhanta Debata
Na mamio hita na di tano on anso rap Ibana ma tongtong.
3. Sai marhomagaan na di Surgo i, Sasudena halak Kristen i
Angke dingoluhon halahi sude, hata ni Debata i muse
Haleluya sai tapuji ma goar ni Tuhanta Debata
Na mamio hita na di tano on anso rap Ibana ma tongtong.
4. Sai marhamogaan na di Surgo i, muda dohot jolma sasude
Mangihutkon Jesus raja na sintong anso sonang halahi tongtong
Haleluya sai tapuji ma goar ni Tuhanta Debata
Na mamio hita na di tano on anso rap Ibana ma tongtong.
5. Sai marhamogaan na di Surgo i, muda hita ro muse tusi
Anso rap taruli sogot sasude hangoluan na so mantak be,
Haleluya sai tapuji ma goar ni Tuhanta Debata
Na mamio hita na di tano on anso rap Ibana ma tongtong
1. Tarima kasi ale Tuhan hara ni hahoholong Mi
Ro Ho sian Banua ginjang pangoluau na ma go i.
Hudok di Ho tarimakasi, ma singkop hangoluan ki.
Hara ni holong dohot asi rohaMu di pardosa i.
2. Di Ho hulehen ma tondingku baen ma i ingananMu
Suruhon ma tu au tondiMu na tongtong mangarahon i
Najolo holong ni rohaMu manarik Ho tu tano on
Laing i manarik Ho sannari pangolu au na dangol on.
3. Tutungi ma jana ulangi sude na jat di rohangki
Sanga dirante, sanga tali tarihot au di dosa i
Nada marimbar di mataMu sandok malua sian i
Gabe holongan rohaMu, aloMu do na asing i.
1. Sai tangkas madung tarida sondang sian Surgo i.
Ngot ma ho ale tondingku Masuk tu sinondang i.
Angke Jesus numma ro, manyondang i jolma do.
Angke Jesus numma ro, manyondang i jolma do
2. O sai honok dipaima tondingki na tiur i
Golap do sude huida, so disi sinondangMi
Ale Jesus tiur be sondanganMu hai sude
Ale Jesus tiur be sondanganMu hai sude
3. Numma lolot au di dosa manyalpui aringki
Lopus ro Tondi Badia manyungguli rohangki
Ale Jesus jago au ulang be golapan au
Ale Jesus jago au ulang be golapan au
4. Mur ma salpu hagolapan ari madung bincar do
Sai padungo au o Tuhan anso hupaima Ho
Ale Jesus mur gogo, tolong au marayak Ho
Ale Jesus mur gogo, tolong au marayak Ho
5. Hupagara ma lampungku jana tioponku do
Ulang be tartutuk patku laho manopotkon Ho
Sonang au dung tulus pe, au marnida bohiMi
Sonang au dung tulus pe, au marnida bohiMi
1. O, Sipanompa au, sondangi rohangki.
Sai mamatai au, lopus sun bohalki.
Tondingku pamatangku, ulang so haulkonon ku,
Sai jagit ale Tuhan, bo angka karejongku
Angke jop ni roha Mu do, hulehen i di Ho.
2. O Jesus basu au ias di mudarMi
Sudena tihas i, bo landong baen ias
Baluti au na lilu, tu asi ni rohaMu
Anso dapotan ampun, malua sian uhum
Angke songon puruon au, o Jesus basu au
3. O pangapoingki, sai pargogoi au
Dung ro ujian i, na mangambati au
Patiur ma rohangku mananda Debatangku
Mangihut di hataNa mardalan di dalanNa
Ho do na padenggankon au, sai pargogoi ma
4. O Ama, Debata, bo Jesus Anak i
Tondi Badia ma hupangasahon i
Sai baen ma rohangku tu bagas ingananMu
Marsangap ma goarMu di au na di tanganMu
Martua au, porsaya ma, laing Damang Debata
1. Jesus Ho nampuna au sandokna adong di au.
Gogo dohot hosangki sahat ma tu tangan-Mi.
2. Sai rajai matangki mangaligi dalanMi
Laing pailing pinggolki manangihon hataMi
3. Tanganki baen muse hum manjama na ture
Dohot pat anso tongtong mandalani dalanMon
4. Sora dohot hatangki sai arahon dohot i
Anso sintong bo denggan dohononku sapanjang
5. Sere, arta, hepeng pe buat ma di Ho sude
Tondi bo pamatang on angkon mangoloi Ho,
6. Hagiotku laing di Ho rohangki pe dohot do
Baen ma o Tuhanki tongtong harajaanMi
7. Sandok jop ni roha i dohot haholonganki
Laing di ho ma i tama au kandiri buat ma.
1. O, sugari au marhabong habang au tu Tuhan ki.
Salpu laut dolok rura mangihutkon panogu Na.
:/: Lopus bolkas au tusi, :/:
2. Tapi anggo na saonnari juguk au di patNa i
Na manongtong huguruhon poda i na pangoluhon
:/: Na pasonang rohangki, :/:
3. Muda mardalanan Ia dohot siseanNa i
Mangajari do nasida patorangkon na tarida
Mansai moga halahi, mansai moga halahi
4. Ma di Surgo do Ibana nada be di tano i
Tai dialap Ia sogot hasianNa anso dohot
Halahi tu Surgo i, halahi tu Surgo i
5. Dibaen i ma so rohangku mengintehon tulus i
Jadi sude pikiranku bo tondingku pamatangku
Ulang so tu Tuhanki, ulang so tu Tuhanki
6. Ia do parasi roha dohot hangoluan i
Na marhancit so margogo na gale bo pe na pogos
Ro hamu tu Jesus i, ro hamu tu Jesus i
1. Na dao na donok dos doi
asal Tuhan ta Jesus i pardomuan ta na tutu marroha hita naburju.
Sai pos rohanta madung i, asa ta haporsaya i:
Na sangap bo gumogo Debata. Pangondianta na salolot na
2. Di purba bo pastima pe asal holong rohanta be
Di Debata Jahowa i bo mida angka dongan i
Sai pos rohanta ma dung i, asa tahaporsayai
Na sangap bo gumogo Debata Pangondianta na salolotna.
3. Na dangol bo na mora i asal mar Tuhan Jesus i
Na rap manean do sude di arta na di Surgo pe
Sai pos rohanta ma dung i, asa tahaporsayai
Na sangap bo gumogo Debata Pangondianta na salolotna.
4. Na tobang dohot na poso asal sude porsaya do
Di hata ni Debata i asa diparangehon i
Sai pos rohanta ma dung i, asa tahaporsayai
Na sangap bo gumogo Debata Pangondianta na salolotna.
1. Batang aek pe Hu udankon ninna Tuhan Zebaot.
Tunahiang padenggankon na rahar jana horsang.
Na gariang i sude, kobun ma di Debata.
2. Hatiha logo ni ari, lopus saonnari pe
Madung pir ditinggang jaya hasiangan on sude
Duhutduhut tubu do, so sadia eme ro.
3. Haru songon i pe tulus na nidok ni Debata
Na manyuan dohot ilu, di sabion moga ma
Muda pasupasu i ro tu na nisuan i.
4. Mur ringgas ma ale dongan manjalahi donganmi
Sai tapupu ma mangontang angka na so puluk ro
Harajaan ni Debata na sonang di ginjang i.
5. Jotjot do tarida iba lus sajo na loja i
Angke gontina marroan sai mangalo halahi
Tapi na manaon i, dapot do suhana i.
1. Jop rohangku situtu, mida Jesus na tutu.
Ro manopot manusia, anso sai ditobus Ia,
sasude na halahi sian hamagoan i,
2. Jop rohangku situtu mida Jesus na tutu
Ra manyesa dosaniba ulang hona uhum iba
Ia na manaon i di hayu parsilang i.
3. Jop rohangku situtu mida Jesus na tutu
Mamintori na porsaya ulang halahi marjaya
Muda sogot Ia ro manguhumi jolma do.
4. Jop rohangku situtu mida Jesus na tutu
Marmahani habanNia anso butong ma nasida
Aek hangoluan i dohot dipainum i.
5. Jop rohangku situtu mida Jesus na tutu
Mangondingi tondiniba ulang sogot bali iba
Sian hasonangan i di Banuaginjang i.
1. Di Surgo dongan na dumenggan marragam dongan na dison
Jotjot do mago habonaranni dongan na di tano on
Dibaeni pikiran ki: gonan ma Jesus dongan ki.
2. Marupa rupa hajolmaon laing tong do Jesus i bonar
Haru madung mamunjung iba laing tong do Jesus i hohot
Ma denggan sun rohaNa i, gonan ma Jesus donganki.
3. Sude do halak ra mardongan taran mamora ho do pe
Tapi tibu do markehean muda so dong pitismu be
Na lobi jat na songon i, gonan ma Jesus donganki.
4. Dilehen Jesus hosaNia na manggontihon hosangki
Laing tong do didongani Ia salolot na mardagang au
Dibaen i pikiranki gonan ma Jesus donganki.
1. Holong do roha ni Debatang ku, Holong rohaNa tongtong di au.
Hara ni i hudok: Holong roha Na, holong rohaNa Tongtong di au
2. Disuru Ia do AnakNia manobus jolma sude na i.
Harani i hudok: Holong rohaNa, holong rohaNa tongtong di au.
3. Madung tarrahut di hamatean ro Tuhan Jesus palua au.
Harani i hudok: Holong rohaNa, holong rohaNa tongtong di au.
4. Dihaulkon Ia pamatangNia manggarar utang ni dosangki.
Harani i hudok: Holong rohaNa, holong rohaNa tongtong di au.
5. Dilehen Ia do hataNia na manguluhon tu Surgo au.
Harani i hudok: Holong rohaNa, holong rohaNa tongtong di au.
6. Sude na bolkas tu lambungNia dapotan sonang salolotna.
Harani i hudok: Holong rohaNa, holong rohaNa tongtong di au.
7. Ale tondingku, sai puji Jesus dohot Jahowa, Amana i.
Angke tutu do i, holong rohaNa, holong rohaNa tongtong di au.
1. Namalungun do rohangku, mida Jesus Tuhanki.
Na manyesa do dosang ku, na mangarsak rohangki.
Dibagasan parsahitan marsigantung au tu Ho.
Tongtong ra au mangihutkon dipanoguMi sajo.
2. Sai palua ma rohangku sian na di tano on
Angke Ho hangoluanku dohot hasonangankon
Beta hita tu Ibana tabege hataNa i
Holong situtu rohaNa patut oloanta i.
3. Sangkap dohot hagiotta arop ni rohanta do
Dohot angka pikiranta angkon di Tuhanta do
Tapatorang ma Ibana tu na so porsaya i
Betak ra do pe mardame na nuaeng mangalo i.
4. Muda Jesus haposanmu tinggal di tanganNa i
Sonang ma tutu rohamu muda tongtong ho disi
Jadi dipiohon Ia ho muse tu Surgo i
Sandok na adong diSia dohot ho manean i.
1. Na marganggu ro tu Jesus,na sintong hata Na do.
Nada di paila Ia naporsaya laho ro.
Pos situtu ma roha mu di Tuhanmu na gogo.
Muda Ia haposanmu nada be maila ho.
2. Na mardosa ro tu Jesus ia Sipanyesa i
Jadi ias bo badia roha dohot tondimi
Pos situtu ma rohamu di Tuhanmu na gogo
Muda Ia haposanmu, nada be maila ho.
3. Na mabiar ro tu Jesus Ia pangondingan do
Masa gaor dohot bala nada tola dais tu ho
Pos situtu ma rohamu di Tuhanmu na gogo.
Muda Ia haposanmu, nada be maila ho.
4. Na marmoga ro tu Jesus hamogaan na sintong
Dung partohap ho di Sia, moga ho tutu antong
Pos situtu ma rohamu di Tuhanmu na gogo.
Muda Ia haposanmu, nada be maila ho.
1. O Tuhan Jesus, Raja ni sude na. Anak ni Debata do.
Ho hangoluan, Ho hasintongan, haposan ni rohangku do.
2. Denggan harangan dohot padang padang, muda mangarata i
Jesus dumenggan, Jesus pasonang rohangku muda marsak i.
3. Mata ni ari bulan dohot bintang sai marhatorangan i
Jesus tumorang, Jesus tumiur sian sude na asing i.
4. Haru denggan pe langit dohot tano, tudos tu halinu do
Jadi rohangku dohot giotku Jesus tohapku ma tongtong.
5. Tutu Ibana do parasi roha mida au pardosa on
Ale Tuhanku ibo rohaMu pangolu au di tano on.
1. Jop rohangku dung hutanda sian natarsurat i
Holong roha ni Tuhanta mida sandok jolma i.
2. Tola ro angka dakdanak juguk di lambungNa i
Jop rohaNa mida halak na rodop marroha i.
3. Na hancit dapotan sonang, nipamalum na marnyae
Diurupi do na dangol dohot utang dipasae.
4. Sai asi rohaNa mida halak sipardosa ro
Na mangoku ra pauba roha bo parange do.
5. Tongtong dimatai Ia manjagohon halahi
Na sahat tu tanganNia ulang mago halahi.
1. Sai alo ma sibolis i muda didokkon ia Indang kon Tuhan Jesus i
hapor sayaan niba Hum mar ugamo ho sajo
disi pe hamasuhan ho, tu Surgo i dung mate
2. Bahat porsaya hata on na paoto dirina
Tai ganggu halahi tongtong mabiar be nasida
Dung ro tu Jesus halahi na ra manyesa dosa i disi dapotan sonang.
3. Na so adong be boban i dumokdok sian dosa
Marsak roha harani i umpe dong jop ni roha
Haru dao tu dosa ho, so dipalua Jesus ho; laing tong ho hatobanna.
4. Sai dipadonok Jesus do, mandok: ulang ho ganggu
Beta, tu Au noma ho ro, sonang Hubaen rohamu
Ma sae utang ni dosami malua pe ho sian i, dibaen kuasongKu.
5. Porsaya ho na songon i, tu Jesus ma paboa
MudarNa na badia i mambasu sude dosa
Anso ias ma ho tutu, tondiNa manutui do, au gabe hasianNa.
6. Ma moga au hara ni i sonang muse rohangku
Tongtong au haholongan ni Debata na di Surgo
Dipargogoi Ia au muda di hagalean au so tola au marmalu
7. Indada punjung au dison angke bahat do dongan
Mardalan au tu Sion i na di Banuaginjang
Bo pe surusuruan i manjago do di dalanki, padaohon parmaraan.
8. Sai alo ma sibolis i, ibana na mandokkon:
Haporsayaan Kristen i indangkon nitopotan
Angke martua do sude di tano on, di Surgo pe, na manghaposi Jesus.
1. Ma sonang do rohangku indada marsak be.
:/: Dung dumpang au Tuhanku dohot hataNa pe. :/:
2. Holan di lambungNia paradianan i
:/: Sude na ro tu Sia dapotan sonang i :/:
3. Ra ho muse dapotan paradianan i
:/: Mardalan ma hapogan manopot Jesus i :/:
4. Payakkon ma dirimu tu ampuanNa i
:/: Parroha na magopu sigop do malum i :/:
5. Bo na so marpakean ro tu joloNa i
:/: Sai ulang ma maralang mangido abitmi :/:
6. Tangkas diboto Ia parhasayaanmi
:/: Dok ma sajo tu Sia: Di Ho ma rohangki :/:
7. Hum Ho do hagiotku poda na asing i
:/: Na so tusi rohangku dung Jesus tohapki :/:
8. Disi ma maradian sonang ma tondingki
:/: Muda tongtong maringan au di tanganNa i :/:
1. Tu bagas ni Aman ta do tibu ma mulak ho.
Sai lolot ma dung lilu ho, so dumpang sonang ho,
tibu maro.
2. Tu tangan ni Amanta do tibu ma mulak ho
Sude dosamu sesa do, jagitonNia ho,
tibu ma ro.
3. Tu Tuhan Jesus Rajami tibu ma mulak ho
Padao ho sian dosami porsaya ma sajo,
tibu ma ro.
4. Tu parlagutanNia do tibu ma mulak ho
Tangihon hataNia do anso mangolu ho,
tibu ma ro.
5. Patibu hamumulakmi ulang mandali ho
Ma bincar do sinondang i ulang be modom ho,
tibu maro.
6. Jalahi hangoluanmi sapanjang torang do
Dung mintop pe sinondang i umpe dapotan ho,
tibu ma ro.
Sonang ma di dalanmunu, tongtong Tuhanta dongan munu,
bo suru-suruan Na i.
Muda Jesus pangondingan, haru donokpe parsahitan,
pos roha niba ma disi.
Torkis torkis hamu, donok ma tu hamu Tuhan Jesus.
Sai tong-tongma, ingot hamu manangiangkon hami on.
1. Sugari so asi, roha ni Jesus i tudia au
Hum hara ni asi, roha ni Jesus i, tu Surgo au.
2. Tarimakasi ma di Tuhan Debata na ra tongtong
Pasonang roha ni na ra tu Surgo i, tu pudi on.
3. Sugari na peto margantung au tu Ho ale Tuhan
Barang tudia au Ho mandongani au di tano on.
4. Tondi Badia da tu rohanami ma Ibana ro
Manogu hami on di dalan na sintong tu Surgo do.
1. Sada tungkot sere i, na adong di tanganki.
Sian Surgo Ia ro, tinembakNa Surgo do.
Ima haporsayaan ku, parsandean ni rohangku.
Haru tos pe hosang-ki, laing togu hugolom i.
2. Disuruhon Debata sada na lambok basa
Na manaon sasude, na so olo ganggu be
I ma holong ni Tuhanku di rohangku bo donganku
Masuk au dibaen i, tu Banuaginjang i.
3. Adong sada bintang i na andul torangna i
Disondangi Ia do anso ulang lilu au
I ma arop ni rohangku na malungun mida Surgo
Talak ma rohanta pe na mararop roha i.
1. Jesus si patorkiskonku laing tu Ho ma lintun au
Muda donok tu lambungku musu na mangarop au
2. Sonang au muda porsaya, muda solkot au tu Ho
Dao tilako dao ma jaya tua idaonku do.
3. Hirbang ma tu au tanganMu lopus sidung bohalki
Oban au tu adianMu dung i jagit tondingki.
4. Nada dong haporusanku holan Ho o Tuhanki
Ulang loas au marganggu sai patogu rohangki
5. Ho sajo do haposanku nada dais na jat tu au
Baen halinu ni habongMu tongtong manggupgupi au.
6. Sian Ho ro hasesaan ni dosangku sasude
Anso di habadiaan au marnida Ho muse.
7. Ho do mual na mangolu na pasombu nguaski
Ho ma mual hangoluan na tongtong marbuldak i.
1. Dibagahon Debanta, hasonangan i di hita,
Pos rohangku do sajo, dapot i di surgo do.
2. Sai podai au, o Tuhan, mangihutkon hatutuan
Nada lilu au dung i, ro tu hasonangan i.
3. Giot loja au di dalan, dao huida tu adian
Pargogoi au disi buat hagaleanki.
4. Angka na tutu porsaya manghaposi bagabaga
Sian Tuhan na sintong, monang halahi tongtong.
5. Sanga aha baenonku taran na mardagang au
Di bagasan Jesus i, tulus do sude hubaen.
1. Holong roha na badia, jilam sian Debata.
Tondi nami ma, paria roha nai, ingani ma.
2. Jop ni roha pe so torang di portibi on hape
Ro ma Ho asa pasonang, anso ra mardame be.
3. Holong roha sian Surgo surat ni Debata i
Pasisehon ma di jolma, Ho mangisi rohangki
4. Denggan basa na manolong angka na marhancit i
Na marasi, na marholong haru mida musu i.
5. Pos ni roha, tor na togu di hagaoran sude
Di pangombus ni alogo ondingondingnami Ho.
6. Haporsayaan na tongtong margogoi na gale
Ro ma Ho, asa pajongjong bo pamonang hai sude
1. Jop ni roha ale dongan, trima kasi dongkon ma.
Angke Amanta di ginjang dilehensa Anak-Na.
Jop ni roha, jop ni roha, ganop ari jop roha
Tuhan Jesus ima haposanta, tadongkon Haleluya
2. Ia na manogu hita, pangondingan na tongtong
Ganop ari dapot hita gogo na pamonang ho
Jop ni roha, jop ni roha, ganop ari jop roha
Tuhan Jesus ima haposanta, tadongkon Haleluya
3. Muda ho dongan marbalik, mijur tu na golap ho
Hasonangan umpe saotik, lintus jop ni roha do
Jop ni roha, jop ni roha, ganop ari jop roha
Tuhan Jesus ima haposanta, tadongkon Haleluya
4. Tapi na tigor roha i, i ma na martua do
Taihutkon ma Tuhanta, lopus hamatean ro
Jop ni roha, jop ni roha, ganop ari jop roha
Tuhan Jesus ima haposanta, tadongkon Haleluya
1. Takehe ale donganku dohot jop roha tu Surgo.
Takehe ale donganku dohot jop roha tu Surgo.
Takehe dohot jop roha tu ginjang tu Surgo.
Ta mbungkon be boban ta anso hipas langka do.
2. Manombo dalan maol do, manombo bahat susa ma
Angke muda tu Surgo i, hum na lidang do giotNa
He ulang hita parduli haru ma maol ro
Bo susa sude bolus ma hum lidang giotKu
3. Didok Tuhanta na tutu, godang do nangkan labomu
Muda hum lidang rohamu, di adopan ni Debata
Antong sudena beta ma tu ginjang tu Surgo
Sugari godang na giot tibu, tibu ma ro.
4. Arsak rohangku dodas ma, muda huida halak do
Na so ihutkon Debata, na giot anso sonang ho
Antong sudena jongjong ma mangontang tu Surgo
Na mora bo na dangol do bo ise giot ro.
1. Sai holong do roha ni Tuhan Debata,
na tulus tu sude na bangso ma da.
Sannari tarbaen tu Surgo ganop be niontang sude,
niontang sude, niontang sude,
bangso, jolma ale.
Marolop-olop ma hita
taende dohot jop roha.
Hara ni holong roha Na
Haleluya, Debata.
2. Sai holong do roha ni Tuhan Debata,
Na dapot do dalan anso sesa dosa.
Sannari tardapot parange do na denggan,
Pangido ma dongan, so sonang sapanjang.
3. Sai holong do roha ni Tuhan Debata,
Nigoar do hita sannari anakNa
Di pudi tarida do sude na peto,
Dung masuk tu Surgo, dung masuk tu Surgo
1. Muda ro Tuhanta Jesus mangulahi mon Surgo
di si mar jop roha murid Na peto.
Angke ido gabe dalan anso hasonangan ro
naso unjung morot tingon sudena.
I do ari jop ni roha i do ari jop ni roha
Muda ro Tuhanta Jesus,
hei, marolop ma marolop ma hita.
2. Sude halak na tarpodom di bagasan Tuhanta
Nangkan dipaluhut timon sudena
Sude na mangaloalo di bagasan ombun da
Disi ma rap sudena kehe tu Ho
3. Ale dongan hita jago anso singkop rohanta
Songon na tama do adop Debata
Haru pe dipanggil Tuhan saonnari rohanta
Dohot ma ho tu si i ma da tutu
1. Huta jeges na di ginjangi bo inganan bahat do disi.
Na torang do disi sapanjang na golap na soro be tusi.
Surgo i di ginjang mar jop roha ma hita disi
Surgo i di ginjang mar jop roha hita sapanjang.
2. Tu Banua adu beta ma, hita ida disi Tuhan i
Parhancitan ma mago sude, sanga arsak ni roha nda be.
3. Tu Amanta na di ginjang do hita lehen pujian tama
Hara ni Tuhan Jesus na ro, patolkaskon tu Surgo sude.
1. Adong do sada luat da najeges situtu.
Disi sajo mar jop roha rohangku tu adu rohangku tu adu.
Tuku, tuku, dapot ma di Surgo
Di ho, di au di pamomos di Surgo dipamomos di Surgo
2. Disi tarida sangap do, na godang situtu
Mon sude bangso nangkan ro
Bo manjagit do tuku, bo manjagit do tuku
3. Disi taida donganta, na kehe do hinan
Rap hita puji Tuhanta
Na sangap sapanjang, na sangap sapanjang.
4. Santongkin do di tano on, santongkin do dongan
Nso mimbar hita timon on
Tu luat jegesan, tu luat jegesan
1. Sude rante ni sibolis madung talgang timon au.
Ihot ihot na marlampis sude taldus sian au
Haleluya, Haleluya, Jesus na palua au
Haleluya, Haleluya, Jesus na palua au.
2. Haleluya puji Yesus, na manggarar utangki
Hum rohaNa hupatulus, Jesus na palua au
3. Saonnari huendehon, dohot sora na gogo
Tu sude hujamitahon, Jesus na palua au
4. Trimakasi ma o Tuhan, riburibu noli ma
Hara ni holong rohaMu, hormatnami jagit ma
1. Hupuji Tuhan Jesus na sai holong roha Na
Angke basaNa manobus hujagit ma Ibana
Hupuji Tuhan Jesus rohaNa hupatulus
Dohot sude rohangku ma hupuji ma goarNa.
2. Hupuji Tuhan Jesus, na manggarar utangku
Di Golgota do tulus, tarkilang Partobusku
Hupuji Tuhan Jesus rohaNa hupatulus
Dohot sude rohangku ma hupuji ma goarNa.
3. Hupuji Tuhan Jesus, au gabe anggiNia
Sude hatangku huskus, rohangku ma diSia
Hupuji Tuhan Jesus rohaNa hupatulus
Dohot sude rohangku ma hupuji ma goarNa.
4. Hupuji Tuhan Jesus, dilehen Ia gogo
Anso hataNia tulus, di tano bo di Surgo
Hupuji Tuhan Jesus rohaNa hupatulus
Dohot sude rohangku ma hupuji ma goarNa.
1. Tu Surgo sai tatap ma ale dongan
i ma inganan paradianan mi.
Parmara an nada adong be disi,
bala, sanga hamatean morot mon i.
REFF
Olop marolop ale donganku
Angke disi ma singkop do tukumu
Bo hasonangan na tutu didapot ho
ngon Tuhanta Jesus Kristus sai denggan do.
2. Tu Surgo sai tatap ma ale dongan
Disi do marsinondang ma bohimu
Muda diingot ho do sapanjangna
Momo do ditaon ho sude, ning Damang
3. Malungun sajo murid ni Tuhan i
Tu Surgo disi malua mon sude
Santongkin nari hita di tano on,
Anso mimbar hita tu Surgo timon on.
1. O, antap sura marhabongma au
habangma au, habang ma au.
Dao tu Banua di ginjang mon on
dao mon dison, dao mon dison.
Di huta an mago susa sude
Bo arsak roha nda unjung be ro.
Lungun rohangku sobolkas tusi.
Bolkas tu si, bolkas tu si.
2. Di huta an hita sonang sajo, sonang sajo, sonang sajo
Nyae bo hancitan nda unjung be ro,
inda be ro, inda be ro
Disi malua ma hita dongan,
mon sude musu na ro sapanjang
Lungun rohangku so bolkas tusi,
bolkas tusi, bolkas tusi
3. Moga marmoga ma hita sude,
hita sude, hita sude
Harani tuku na dapot ale, dapot ale, dapot ale
Bege ma sora na lambok ale, bege ma ende na jeges muse.
Lungun rohangku so bolkas tusi,
bolkas tusi, bolkas tusi.
1. Tuhan Jesus partobusku murid Mu au sapanjang.
Diduruskon Ho mudarMu harani au pardosa.
Puji Jesus Haleluya, hara ibo rohaNa
Dohot Mudar Nabadia dapot sonang roha au.
2. Lolot madung hujalahi hasonangan na tutu
Lopus madung hurohai Jesus hangoluanki
3. Hu ihutkon ganop ari Jesus hangoluanki
Au martua saonnari angke sae utangki
4. Hujalahi sude dongan na di hagolapan pe
Anso ro tu hasonangan marjop roha sasude
1. Ho diontang Tuhan Jesus, ro ma tibu
Tupeta na giot tulus roma tibu
Baritahon sudena anso bo ise mambege
Tuhan Jesus na pasae ro ma tibu
2. Na mene bo pe godang, ro ma tibu
Bo marutang bo maradong, ro ma tibu
Baritahon sudena anso bo ise mambege
Tuhan Jesus na pasae ro ma tibu
3. Ro ma taran ungkap pintu, ro ma tibu
Rap dohot sude koumta, ro ma tibu
Baritahon sudena anso bo ise mambege
Tuhan Jesus na pasae ro ma tibu
4. O sai godang jop ni roha, ro ma tibu
Rap dohot sude koumta, ro ma ti bu
Baritahon sudena anso bo ise mambege
Tuhan Jesus na pasae ro ma tibu
1. Ise ma singkop muda Jesus ro? Ise mamolus pintu Surgo i
Dohot ende jop roha mamuji partobusi
Sude jolma dipalua mon dosa. Anso gabe nabadia
Haleluya, pujima Jesus Tuhanta Ia partorkiskonta
2. Murid ni Jesus na martua do. Madung dungo lopus Tuhanna ro
Na pauba rohana, taran di tano ia
Sude jolma dipalua mon dosa. Anso gabe nabadia
Haleluya, pujima Jesus Tuhanta Ia partorkiskonta
3. Ale donganku muda giot ho masuk do’t hamo sonang di Surgo
Pauba ma rohamu, jeke ita tu adu
Sude jolma dipalua mon dosa. Anso gabe nabadia
Haleluya, pujima Jesus Tuhanta Ia partorkiskonta
1. DATU NA GODANG MADUNG RO I MA TUHANTA JESUS
IA NA MANOLONGI HO TUTU DO I MATULUS
KOOR :
DENGGANAN ENDEHON MA PAMUJI NI GURUAN
TONDINGKU SAI PUJIMA JESUS, JESUS, JESUS
2. DIPORSAN IA DOSAMI, DI HAYU NA MARSILANG
PORSAYA I MA NA TUTU, INDA BE HO MARUTANG
KOOR :
DENGGANAN ENDEHON MA PAMUJI NI GURUAN
TONDINGKU SAI PUJIMA JESUS, JESUS, JESUS
3. PINUJI HO ALE TUHAN HARA HOLONG ROHAMU
SIPATORKISKONKI DO HO, ROHANGKU INDA GANGGU
KOOR :
DENGGANAN ENDEHON MA PAMUJI NI GURUAN
TONDINGKU SAI PUJIMA JESUS, JESUS, JESUS
4. ALE DONGANKU BETA MA, TAPUJI TUHAN JESUS
SAI GODANG HOLONG ROHANA, UTANGMU MA DIAPUS
KOOR :
DENGGANAN ENDEHON MA PAMUJI NI GURUAN
TONDINGKU SAI PUJIMA JESUS, JESUS, JESUS
1. Muda Jesus muda Jesus timon surgo ro
Namangalap halak Kristen nabadia do
Songon bintang di langit torang halahi
Songon mataniari ias halahi
2. Na paluhut, na paluhut muridNa sude
Nda be heput, nda be heput adop Debata
Songon bintang di langit torang halahi
Songon mataniari ias halahi
3. Dipasonang, dipasonang Ia sasude
Na dung monang, na dung monang dohot do muse
Songon bintang di langit torang halahi
Songon mataniari ias halahi
1. Au do parporangan, na marjanji tutu
dohot Tuhanku Jesus Rajangki
Sude tonaNa hu ingotkon
ma giot au sajo donok dilambungMi
Begema soraNa hataNa pe
Hamu sude na ganggu marbalik ma
Tatap ma sajo tu Tuhanta i
Anso ma talu sude musu i
2. Au do parporangan. i ma jop rohangku
Angke huboto di au untungku
Harani i ma huihutkon do
Haru pe na bahat parmaraan ro
Begema soraNa hataNa pe
Hamu sude na ganggu marbalik ma
Tatap ma sajo tu Tuhanta i
Anso ma talu sude musu i
3. Au do parporangan, taran di tano on
angke Rajangku pe manyuruhon
Muda dung sidung do karejongku
Mui ahu anso manjagit tuku
Begema soraNa hataNa pe
Hamu sude na ganggu marbalik ma
Tatap ma sajo tu Tuhanta i
Anso ma talu sude musu i
1. Ang kon ma dohot Ho,
ale partobus ki.
Goar Mu benteng do,
mudar Mu labongki…….
Koor :
Angkon Ho ma dongan ku,
Jesus Ho Tuhan ku.
Angkon dohot do au,
i tua do.
2. Angkon ma dohot Ho,
Sipartolonganku
Lopus ajalku ro,
laing muridMu do au
Angkon Ho ma donganku
Jesus Ho Tuhanku
Angkon dohot do au, i tua do.
3. Angkon ma dohot Ho,
pos roha au disi
Dison bo di adui,
salolotlolotna
Angkon Ho ma donganku Jesus Ho Tuhanku
Angkon dohot do au, i tua do.
4. Angkon ma dohot Ho,
di sude krejongki
Jop rohangku sajo,
tongtong di lambungMi
Angkon Ho ma donganku
Jesus Ho Tuhanku
Angkon dohot do au, i tua do.
1. TATAP PARSILANG NI JESUS I
LIGI PANGGARAR NI UTANGMI
BEGE SORANA MANGONTANG HO RA PANGOLU HO.
RA PANGOLU HO, RA PANGKOLU HO.
TATAP PARSILANG, TU JESUS I RA PANGOLU HO.
2. MALE MANGUAS HE TONDIMI GIOT HO SONANG MA TUTU
JESUS MA RA MATE GONTIMU RA PANGOLU HO
RA PANGOLU HO RA PANGOLU HO
TATAP PARSILANG, TU JESUS I RA PANGOLU HO.
3. TATAP TU JESUS, MANGOLU HO PATIBU MA TUSIA RO
IBO ROHANA DO TU HO RA PANGOLU HO.
RA PANGOLU HO RA PANGOLU HO
TATAP PARSILANG, TU JESUS I RA PANGOLU HO.
4. JESUS DI SURGO HO MANATAP DIBOTO IA DO NA ADONG
TUHANTA JESUS PARKOLONG DO, RA PANGOLU HO.
RA PANGOLU HO RA PANGOLU HO
TATAP PARSILANG, TU JESUS I RA PANGOLU HO.
1. TUHAN JESUS IHUTANKU, DI SUDENA DALAN DO.
INDA HEPUT AU DI MUSU HARU BAHAT MARA RO
HUIHUTKON GANOP ARI HO SIPARTOLONGAN I
HUBAGAHON SAONNARI GIOT TINGGAL MURID-MON
2. TUHAN JESUS IHUTANKU, HARU GONTI SUSA RO.
ANGKE TAMBA DO LABONGKU, NA HUJAGIT SURGO I
HUIHUTKON GANOP ARI HO SIPARTOLONGAN I
HUBAGAHON SAONNARI GIOT TINGGAL MURID-MON
3. TUHAN JESUS IHUTANKU, LOPUS AU TARPODOM MA
DOHOT MA TUTU ROHANGKU, TINGGAL DI DALANNA AU
HUIHUTKON GANOP ARI HO SIPARTOLONGAN I
HUBAGAHON SAONNARI GIOT TINGGAL MURID-MON
4. TUHAN JESUS IHUTANKU, DIBAGAHON IA MA
AU DO NANGKAN DAPOT TUKU DI SURGO MON TANGANNA
HUIHUTKON GANOP ARI HO SIPARTOLONGAN I
HUBAGAHON SAONNARI GIOT TINGGAL MURID-MON
5. JOP ROHA MA ALE DONGAN, DI RAGAM PANDUGAAN
TATAON MA PARHANCITAN, DI GINJANG DI TANO ON
HUIHUTKON GANOP ARI HO SIPARTOLONGAN I
HUBAGAHON SAONNARI GIOT TINGGAL MURID-MON
1. Roma tu Jesus antargan mangolu
angke hum tongkin do hita dison
Aha do ujung ni sude rohamu
muda kon kehe mon portibion
Sude do buruk, sude do buruk,
sude do buruk na di tano on
Tapi hum arta na momos di Surgo
i do na tinggal salolot na
2. O, ale dongan porsaya di Jesus,
diisi do dapot ho sonang tutu
Sude na denggan di ho patulus,
angke Tuhantana bonar burju
Sude do buruk, sude do buruk,
sude do buruk na di tano on
Tapi hum arta na momos di Surgo
i do na tinggal salolot na
3.Ale ho dongan tatap tu Jesus,
arta na arga dipajop di ho
Angke jop roha santongkin sajo do,
nangkan na mimbar do hita sude
Sude do buruk, sude do buruk,
sude do buruk na di tano on
Tapi hum arta na momos di Surgo
i do na tinggal salolot na
4. Buat ma tua antargan dilehen,
ulang painte sayop hatiha
Ro ma tu Jesus antargan tarbaen,
angke ibana paribo do pe
Sude do buruk, sude do buruk,
sude do buruk na di tano on
Tapi hum arta na momos di Surgo
i do na tinggal salolot na
1. Tu Kanaan di ginjangan,
‘ta kehema ale dongan,
disi do na marmusik do:
di Surgo i jeges sajo.
…. Chorus …
O, Kanaan di ginjangan
tuho rohangku sapanjang
Madung mardalan au disi;
laing di bagasan tondingki.
Madung hubege ende i
na tulus timon dongan i
2. Partobuski manogu au dohot tanganNa i do au.
Anso mardalan au disi rap dohot na badia i.
…. Chorus …
3. Dohot jop roha au disi manjagit sian Tuhanki,
Partobus, hangoluanki,
mardongan aek na lan tutu.
…. Chorus …
Ale Jesus Tuhan nami
sai pasonang roha nami
Pasu-pasu sipanganon
na adong di jolo nami.
Anso gabe hangoluan,
hagogoan ni pamatang.
Anso sai porsaya hami,
Ho tongtong pangolu hami.
Lehen ma panganon nami
na marguna sasadari,
Sesa dohot dosa nami.
Sai padao ma pangago.
Ro ma harajaan-Mi
A – – – men.
Trimakasi ma o Tuhan
na pasingkop sipanganon,
si inumon, bo pe hasesaan ni do sangku.
Hara mudar-Mi, tarimakasi
Ho do roti na tutu
na mangalehen hangoluan.
Trimakasi.
Ho do aek hangolu -an
na pasombu nguaski.
Halelu – – – ya.
1. Hupuji Ho o Tuhanki dibaen deng gan basaMi
Sai disarihon Ho tongtong bohalku na di tano on.
2. Pasingkop ma tu au muse, na patut tu tondingku pe
HataMu na badia i, pangolu ma di rohangki.
3. Salolot au di tano on, patama na hasaya i
Anso hubolus dalanki, ulang tarsincal au disi.
1. Pasu pasu ale Tuhan sipanganon na dison
Anso sai marhangoluan hami na mangankon on.
Ho.do na patupa i, sian asi rohaMi.
Sai torkis pamatang nami, songoni ma tondi nami
2. Nada hum angka panganon tuk pasonang hami on
HataMi ma mandongani hami on na mangan on
Anso TondiMi muse mangalehen gogo pe
Anso tarlangkahon hami Surgo i topotonnami.
1. Ale tondingku sai puji Debata Jahowa
Angke Ibana pasonang pamatangbo roha
Butong muse hami namangan dison.
Nada dong hurang di hami.
2. Numma taruli na porlu tu pamatang nami
Tolong o Yesus padenggan ma baenon nami
Anso tongtong hami na mangan dison
Ringgas pasangap goarMu
3. Lehen muse TondiMu na pangoluhon hami
Anso denggan ma roha bo pangalahonami
Anso muse hami sude manean
Di Surgo i hangoluan.
Pangi do hamuma, sai man jagit ma hamu.
Jalahi hamu ma, sai dapotan ma hamu.
Tuktuhi hamu masai na ungkaponNa pintu,
Sai na ungkaponNa pintu, di ungkap do pintu.
1. Na denggan situtu do, mamuji Debata
Jahowa nagumogo, na sai tongtong basa.
Denggan do paboa on, manyogot Asi Mi.
Bornginna mangendehon, burju bo sintong-Mi
2. Dohot uninguningan na denggan do tutu
Mambaen pamujian di angka na burju.
Ho Tuhan Debatangku, Ho jop ni rohangki.
Angka pambaenanMu pasonang rohangki.
3. Sude na nitompaMu na bahat do tutu
Bo angka pikiranMu na bagas situtu
So dapot i tandaon ni jolma na oto
Tapi hum siastuan ni na porsaya do.
4. Martua pe na jahat di ginjang tano on
Suman tu duhutduhut na tinggal do tongtong.
Tibu do dipasidung, santongkin mago i
Hum Ho do na manongtong, Ho na sumangap i.
5. AloMu o Tuhanku sibaen na jahat i
I ma pasidungonMu sarsar sudena i
Tapi paginjangonMu ma au naposoMon
Dilehen Ho do gogo mamuji Ho tongtong.
6. Panatap ni matangku sonang baenonMi
Marnida hadadabu ni angka alongki
Au giot diagohon hape so tulus i
Na nitahi rohana sundat dibaen Ho.
7. Martumbur do partigor suman tu hayu i
Martunas ma nasida suman tu aras i
Nasida na nisuan tu Bagas JoroMi
Gabe marisi bunga ma alamanna i.
1. Na malungun do rohangku tu Ho o Debatangki
Ho haposan ni rohangku jana haporusanki.
Sasude na ro tu Ho tongtong do pamonangon Mu.
Jolma si jehehon Ho, natalu do baenon Mu.
2. Pabotohon ma tu au hagiot ni rohaMi
Anso i ihutkononku togu au mamolus i
Na hombar tu giotMi dohot tu hasintonganMu
Ho do hatuaonki dohot arop ni rohangku
3. Ingot ma ale Tuhanku sude denggan basaMi
Dohot asi ni rohaMu na dung tulus i di au
Ulang ingot dosangki, dosa ni haposoonku
Sai ibo ma rohaMi tulus ma pangidoanku.
4. Ho do Tuhan na dumenggan, jana Tuhan na bonar
Mangajarkon tu pardosa angka dalan na tigor
Na toruk marroha i dipiohon tu na sonang
Na lambok marroha i do dioban tu na torang.
5. Sai dumpangan habonaran dohot asi roha i
Sasude na burju roha mangoloi tonaNa i
Tuhan, hara goarMi sesa ma sude dosangku
Hara asi rohaMi masuk au tu ingananMu.
6. Angka na manghabiari Tuhan Debatanta i
Halahi do diajari ro tu hangoluan i
Sonang do tondina i di bagasan hasonangan
Jana pomparanna i sipartohap hasiangan.
7. Hasudungan ni Jahowa do halak na tigor i
Hahomion ni Tuhan tola botoonna i
Sai tongtong do matangki mangaranap tu Tuhanku
Dipalua do patki sian jorgong ni musungku.
8. Na dangol jana tarpunjung tatap ma o Tuhanki
Hum tu Ho do au malungun sai palua tondingki
Ganop ari tamba do hasusaan ni rohangku
Sai palua ma au on ale Tuhan Debatangku.
9. Tatap ma pardangolanku dohot hangoluanki
Sesa ma sude dosangku sai papir ma tondingki
Mur bahat do musungki i ma angka pamurai
Tuhan, tatap au disi, anso ulang saut sangkapna.
1. Tuhanku Siparmahan au, nada hurangan au.
Sude pangago di padao dipardalanan ki
2. Ditogu au tu aek na lan, aek hangoluan i
Ditogu tondingki denggan di dalan na sonang.
3. Di rura hamatean pe nada mabiar au
Sai disondangi do sude, sonang mardalan au.
4. Singkop tongtong dibaen Ho, haru gok musungki
Ulungku dimiahi Ho, gok panginumanki.
5. Tongkon denggan do basaMi, tumpukku ngolungki
Dung i dung sude hosangki, jambarku Surgo i!
1. O ale Jesus Tuhan ki,Ho Tuhanni dakdanak i.
Ro paluahon sasude sai Ho nampuna hami be.
2. Ho Sondang sian Surgo i ditopot Ho na golap i
Sai tatap hami on sude patorang rohanami pe.
3. O ale Jesus Tuhanki di ari hasosorangMi
Ma jop do rohanami be dakdanak siihutkon Ho.
4. Sai pasupasu ma au on na menek na dijoloMon
Ias ma basu rohangki anso bolkas tu SurgoMi.
5. Suman tu Pardisurgo i burju serep ma rohangki
Donok ma au di lambungMi o Jesus alealengki.
1. Sai hu haholongi Tuhan Jesus i
Nada hutinggalkon ale-aleng ki.
2. Sai holong rohaNa di dakdanak i
Gabe jop rohangku dung huboto i.
3. Dompak maradian Tuhan Jesus i
Ro do na maroban dakdanak tusi.
4. Gabe dimuruhi siseanNa i
Angke mangararang ro dakdanak i.
5. Ulang sai antahi ro dakdanak i
Suru ma sude na ro tu lambungKi.
6. Ninna Tuhan Jesus alealengki
Sai holong rohangKu di dakdanak i.
7. Dung i disurduhon ma tanganNa i
Na mamasumasu dakdanakNa i.
8. Jana sai diumma Tuhan Jesus i
Bo pe sai dihaol do dakdanak i.
9. O Tuhan tangihon ma tangiangkon
Jagit ma tondingku bo pamatangkon.
10. Holong ni rohaNa do jalahanki
I do mambaen sonang tongtong rohangki.
11. Angkon rap do au dohot Ho Tuhan
Anso tongtong sonang au salolotna
1. Markaha-maranggi, hita on sude
So adong imbar na, sanga ise pe
Haru pe marasing. luat, marga pe
Sada do Aman ta, sai taingot be
2. Sada do Amanta Sipangolu i
Manyarihon hita salolotna i
Sasude ngolunta bo balanjo pe
Sada do Amanta mangalehen i.
3. Dipatataptatap hita on sude
Dompak di sikola bo marmayam pe
So tarbaen hitamanang aha pe
Muda so Amanta di lambung ta be
Puji hamu sai pasangap tutu
Tuhan ta i na basa na burju.
Sude bangso puji tutu.
Hupuji tongtong Ho Tuhan,
hupuji tongtong Ho Tuhan.
Denggan do rohaMu
hupuji tongtong Ho Tuhan
1. Madumpang do di rohangku, mutiha na arga i.
Ima Tuhan Jesus Kristus Gabe ale-aleng ki
2. Ma hubege di pinggolku, badia soraNa i.
Na paluahon tondingku, na manobus dosangki.
3. Ma huida di matangku, na lambok, na uli i
Sada huta na imbaru, na dame na sonang i.
4. Ma hutiop di tanganku, na arga, na uli i
I ma hata ni Tuhanku: Buku na badia i.
Dame Mi, lehen ma dihami.
Dame Mi di hami. Dame Mi di hami,
dame, dame di hami dame Mi, di hami.
Dame, dame di hami!
Kehe au tu na dao, tu Surgo do ma lungun au.
Jesus Tuhanki sai oban au,
tu Surgo togu au ale Tuhan.
1. Loas ro tu Au dakdanak, ninna Tuhan Jesus i
Beta ro hamu sudena, bege ma sora Na i
Angka dongan sasude na ro hamu tu Jesus i
Angka dongan sasude da, ro hamu tu Jesus i.
2. Sian roha ni dakdanak, ro do pamujion i,
Na mamuji Tuhan Jesus, Tuhan ni dakdanak i
Angka dongan sasude na, ro hamu tu Jesus i
Angka dongan sasude na, ro hamu tu Jesus i.
3. Bo danak do pe rohamu sai tu Jesus lehen ma
Muda susa gabe sonang i ma pangkorhonna i
Angka dongan sasude na, ro hamu tu Jesus i
Angka dongan sasude na, ro hamu tu Jesus i.
4. Ale Tuhan madung ro au, ro mangkaholongi Ho
Tiop ma gomos tanganku muda musungki ma ro.
Angka dongan sasude na, ro hamu tu Jesus i
Angka dongan sasude na, ro hamu tu Jesus i.
Ditonahon Jesus Tuhan ta i,
sasude dakdanak anso sai burju
dakdanak ni Tuhan, hita on sude.
Angkon gabe sondang di tano on.
2. Ditonahon Jesus Tuhanta i:
Gabe sondang ma arian na borngin
Dakdanak ni Tuhan hita on sude
Pasangapkon Tuhan di tano on.
3. Ditonahon Jesus tu jolma i:
Na gok dosa do sude portibi on.
Dakdanak ni Tuhan hita on sude
Rap marsisondangan di tano on.
1. Tuhan Jesus, Tuhan Jesus ro mulak muse.
Sandok jolma, na di tobus di togu pade
Sai torang do nasida songon bintang sude
Sai marlinang saksak do abit na tehe.
2. Di palagut, diramoti, dibasu muse
Angka jolma sipardosa ias ma sude
3. Na ma godang bo na menek tu Jesus ma ro
Tu lambungNa na di Surgo ditogu hamu
4. Sasude angka dakdanak diabing disi
Sasudena na dung bolkas sonang ma disi
1. Debata di Surgo Si panompa i
Natangkas mananda sude dakdanak i.
.2. Ditangihon Ia do tangiangmi
Arian bo borngin jonggor di lambungmi.
3. Manyarihon ngolu ganop ari i
Mangalehen gogo di hagaleanmi.
4. Dasdas ma jalahi Harajaan i
Gabe dipasingkop sude na asing i.
1. Loas ma tu Au ro angka dakdanak i
Tona sian Jesus I, na mamio au
Ro ma au sannari, ro tu adopan Mu
Ro do au sannari; dipio Jesus au.
2. Loas ma tu Au ro angka dakdanak i
Tona sian Jesus; Ia mamio au
Ro pe pandugaan Jesus pangondian
Ro do au sannari; dipio Jesus au.
1. Debata do mangondihon sude angka dakdanak Na
Bope unggas sasudena dapot asi ni roha Na .
.2. Endeende ni dakdanak, sai tongtong dibege Ia.
Bo pe angka tangiangna, dipatulus do sudena
3. Angka dakdanak ni Tuhan, didongani diparorot
Na margogo do Ibana, mangantahi hajahatan.
4. Dakdanak na burju roha, ganop ari diramoti.
Diusehon do holongNa, anso sonang bo badia
1. Haleluya, Haleluya, Haleluya Haleluya.
Haleluya, Haleluya, Haleluya Haleluya!
2. Jesus Kristus, Haleluya, Sipalua, Haleluya,
Jesus Kristus, Haleluya, Sipalua, Haleluya!
3. Madung ngot do, Haleluya, giot ro ma, Haleluya,
Madung ngot do,Haleluya, giot ro ma, Haleluya!
4. Jesus Kristus, Haleluya, Sipalua, Haleluya,
Madung ngot do, giot ro ma, Haleluya, Haleluya!
1. Rohangku: sai hajopkon ma, sude na sian Debata,
dohot denggan basa Na .
Sai tatap saba i sude, bo kobun bo harangan pe,
nadeng-gan do rupana, nadenggan do rupa na.
2. Sudena na di ginjang i pasangaponna goarMi;
Tuhanku, Debatangku! Bo eme na di saba i,
bo hayu na rumata i
Dipuji do Tuhanta, dipuji do Tuhanta.
3. Bo angka bungabunga pe, dao dumenggan sasude
Sian angka na denggan Didok Raja Salomo i:
i ma patamba sangapNa Tuhanta na di ginjang,
Tuhanta na di ginjang.
4. Mangkuling angka pidong i, na denggan do sorana i
Tuhanta di endehon Sibigo, ambaroba pe
dohot donganna sasude
Denggan na i bege on, denggan na i bege on.
Asi ni roha ni Tuhan ta Jesus.
Holong ni roha ni Deba ta Ama,
dohot pardo nganan ni Tondi Parbadia ma,
mandongani hita sudena.
Amen
1. Muda hum Ibana, na pangolu au. Jana ibo ni roha Na,
tongtong mandongani au.
Nada hasusaan, tapi sonang do pangkilalaan.
2. Muda hum Ibana na pagabe au, hutangihon do hataNa;
gabe ma porsaya au.
Nada oloanku, na so ra mangihut di Tuhanku.
3. Muda hum Ibana na pasonang au, ro ma sogot pamioNa,
masuk ma tu Surgo au.
Holong ni rohaNa, i do na padomu sasude na.
4. Di ingananNia tinggal au disi, jana bagabagaNia,
dohot au manean i.
Angka na martua, dumpang au di harajaanNia.
1. Salolot ho di tano on, patigor rohami
Paingot-ingot ma tongtong pandok ni Tuhan mi.
2. Songon hayu na denggan ho, ramos parbatumi
Bulungna pe na lomak do, antong sai tiru i.
3. Bahat do hadedenggan ni aek mual na tio.
Patudos dirimi tusi; antong sintong ma ho!
4. Ambungkon sian rohami sandok na so pade
Tapi na sian Tuhan i momosi ma sude.
5. Sai tiru Tuhan Jesus i nadung manghopkop ho
Sude pambaenanNa i hangoluanmu do.
6. Ibana do padomu ho tu Tuhan Debata.
MudarNa diduruskon do di Dolok Golgota.
1. Tuhan ta i do mangalehen, natumbuk na dingolu mi
Hosa na do dilehen Ia, singkat ni sude dosa mi
Di Sia hasangapan i, hara ni habasaron i.
2. Padumpang au dohot Ibana di dolok Golgota disi,
Ditaon Ia parsahitan sabur muse mudarNa i
Dibaen dosa ni jolma i, dohot musuNa pe sude.
3. Ise he patut haposanku dohot parsigantunganki
Ia so Ho ale Rajangku dibaen hahoholongMi
Marpadan au nuaeng tu Ho: hum Ho ma ihutanku do.
4. HangoluanMu panganonku, jop roha ma inumonki
Nada be Ho huhalupahon sapanjang hosangkon adong.
Anso di pardongananMi, hupuji salolotna i.
1. Karejo hita jolma, manyabur same i
Tuhan ta mangalehen, napu ni ta no i
Ditongos ari udan, bo las ni aripe
idaon songon na mate mangolu do pade
Sandok denggan basa, ro sian Debata
hara ni i ta puji ma, Parasi roha i
2. Tuhanta do manompa sudena na adong
Harangan dohot padang, bo laut na bidang
Sude do diramoti na ni tompaNa i
Dilehen sipanganon siganop ari i
Sandok denggan basa ro sian Debata
Harani i tapuji ma Parasi roha i.
3. Tadok tarimakasi tu Tuhan Debata
Dipasu-pasu Ia na nitompaNa da
So tarpajojor iba denggan basaNa i
Pinuji ma goarMu na marmulia i
Sandok denggan basa ro sian Debata
Harani i tapuji ma Parasi roha i.
1. Hum tahi sajo, sodong guna ni i
muda so Tuhan ta, dohot disi
na magoboti ma sude hita on,
so bolkas tondinta tu Surgo antong, tu Surgo antong.
2. Mabiar jotjot rohangku dison
dung ro na gogot, na masa dison
Didok rohaniba ma dao Debata
hape laing tarida donok Debata, donok Debata
3. Suada di ho hangoluan i
tibu ma ho ro tu Debatami
Tangihon hataNa porsaya sajo.
Ibo situtu do rohaNa di ho, rohaNa di ho.
4. Jungada dehe dihilala ho
so dapotan ho, so tupa di ho?
Indada panguji anggo Debata
tongtong do tarpuji pambaenNa i, pambaenNa i.
1. O Tondi Parbadia, sai ro ma Ho tu au
Rohangku ma paria jana dongani au.
O Tondi nasintong na ro sian Debata
Suruan ni AnakNa oloan Ho tongtong
2. Sai pangkilalahon tu au on gogoMi
Jana sai palua ma au sian dosa i
Denggan pature au, paias ma tondingku
Anso tongtong patikMu tarhangoluhon au.
3. Na so marhatigoran, pardosa au hian
Na so marhangoluan ma mate au hian
Di pandidion i di mudar ni Tuhanki
Mago hamateanku dibaen Ho sajo.
4. O Tondi ni tangiang laing tong ajari au
Paringgas martangiang barang didia au
Tangiang na peto na masuk tu Debata
Na tumbuk di AnakNa na tarpatulus Ho.
5. O Tondi jop ni roha padame hami on
Pajop ma rohanami na porsaya di Ho
Salisi bada pe sude na mangarsakkon
Jana na manyirangkon padao ma i sude.
1. Ale Tondi Parbadia sai songgopi hami on
Roha nami sai paria pujionku Ho tong-tong.
Ho tong-tong, Hotong-tong pujionku Ho tong-tong
2. Debata ni hangoluan sai pangolu hami be
Togu sian partangisan, hami na tongtong gale
Togu ma, togu ma, hami na tongtong gale.
3. Sai pagara ma apiMu anso gabe sondang i !
Manyondangi hagolapan di bagasan rohangki
Sai torang, sai torang, sai torangi rohangki.
4. Di ujung ni tangiangku: Amen, sai hudokkon do,
Habasaran ni tondiMu suru ma tu rohangkon.
Suru ma, suru ma, tondiMi tu rohangkon.
1. Ise do angka nasida na dilambung Debata?
Na martuku do hu ida sai marnyala bo sangap
Diendehon halahi tongtong Debatan ta i.
2. I do angka na malua jana na bonar, burju.
Angka dongan na martua, na porsaya situtu
Na marhangoluan i sian Tuhan Jesus i.
3. Halahi do manaluhon dosa bo sibolis i
Na so giot mangihutkon hagiot ni sibuk i
Sai mangolu halahi, di tangan ni Jesus i.
4. Hasusaan parsahitan sai ditaonkon halahi
Na so mantak martangiang borngin bo arian i
Sai bonar do halahi ro di hamatean i.
5. Parmaraan bo tilako, dohot na sobok tusi
Porkas, hilap bo alogo, las ni ari, udan i.
Nada hona halahi bagi aha sian i.
6. Tuhan Jesus mangapoi halahi na ro tusi
Ia do na mangoloi mangan, minum halahi
Sonang roha halahi mangihutkon Jesus i.
7. Ale Jesus tolong hami taran na di tano on
Mamorsohon dirinami, mandalani dalanMon
Lopus di ujungna i, di hamuliaonMi.
1. Soara ni Tondi ni Tuhanta i
jotjot dilaosi, ditulak ho i,
sai tanda dosamu, solsoli ma i;
dapotkon Tuhanmu, disesa ma i.
2. Unduk ma rohamu topoti sude,
Dosamu na bahat, holosmu sude
Pasahat tu Jesus sandok dirimi,
Tongtong pasunggulkon panghopkopNa i.
3. Tangihon hataNa, parguru ma i
Ramoti ma ruas ni palagutMi.
Pangido sai lehen tu au tondiMi
Manogu langkangku, mardalan tutu.
4. Haru pe gok dosa ni pamatangmi
Ulang be datdati, sai alo ma i
Sai tatap Tuhanmu; pargogo do i
Manyesa dosamu, sonang rohami.
5. Sai tiop tanganNa, pangido ma on:
Ramoti, pajonggor au siseanmon.
Pasada rohangku maniop tongtong
Sintong do hataMu, patogu au on.
1. Angkon Jesus do donganku anso ulang lilu au.
Tuhan Jesus Siparmonang talu musung ki na ro.
Nada be mabiar au Tuhan Jesus donganki
Sai ihutkononku Jesus, oloanku noma i.
2. Angkon Jesus do donganku muda marsitaonon au
Tu Ibana hupasahat sude na pasorat au
Nada be mabiar au Tuhan Jesus donganki
Sai ihutkononku Jesus, oloanku noma i.
3. Angkon Jesus do donganku, dompak pandugaan ro
Tuhan Jesus Siparmonang, dipamonang dohot au
Nada be mabiar au Tuhan Jesus donganki
Sai ihutkononku Jesus, oloanku noma i.
4. Angkon Jesus do donganku di ujung ni ngolungki
SilangMi ma tioponku, gabe sonang langkangki
Nada be mabiar au Tuhan Jesus donganki
Sai ihutkononku Jesus, oloanku noma i.
1. O Jesus Tuhan nami i, sondangi rohangkon.
Sai salpu do na dangoli, dung ro sinondang Mi.
Nahancit bo nadangol pe, na salpu do sude.
Torang do sandok langkangki, dung bolkas au tusi…….
Ale Tuhan, sai tatap ma, urupi au, sondangi ma.
Sai pujion ku basaMi na manyarihon ngolungki
2. Di hayu na pasilang i, ma mate Jesuski
Disi ditobus tondingki, disesa dosangki
Na talu do Sibolis i, pangago tondi i
Dibaen i jop rohangki mamuji Jesus i…..
Ale Tuhan, sai tatap ma, urupi au, sondangi ma.
Sai pujion ku basaMi na manyarihon ngolungki
3. Ho do Mataniaringki salolot au dison
Ho Jesus Sipujionki di sandok ngolungkon
Dung lalu au tu Surgo i, tu hasonangan i
So mantak be marende au mamuji Ho disi
Ale Tuhan, sai tatap ma, urupi au, sondangi ma.
Sai pujion ku basaMi na manyarihon ngolungki
1. Sai donok tu silangMi Jesus inganan ku.
Mual na sai lambok i, i ma inumon ku.
Silang-Mi, Tuhanki, i ma pujion ku.
sapanjang ni ngolungkon, i ende honon ku.
2. Hudapotkon silangMi, i haporusanku
Sai ibo ma rohaMi, ulang tulak au
SilangMi Tuhanki, i ma pujionku
Sapanjang ni ngolungkon, i endehononku
3. Domu au tu silangMi, i ma tioponku
Anso ulang lilu au Ho ihutkononku
SilangMi Tuhanki, i ma pujionku
Sapanjang ni ngolungkon, i endehononku
4. Tioponku silangMi; arop ni rohangku
Pio au tu Surgo i tu siteanonku
SilangMi Tuhanki, i ma pujionku
Sapanjang ni ngolungkon, i endehononku
1. Sada goar na ummarga Sian sandok gorar i;
Goar ni Tuhan ta Jesus, i do na ummarga i,
Goar Mi, Tu-han ki, i ma ende-endeng ki,
Goar Mi, Tuhan ki, Na pasabam rohangki.
2. Sai tarapul do rohangku jana sonang tondingki
GoarMi do sinjatangku maralohon musu i
GoarMi Tuhanki, i ma endeendengki
GoarMi Jesuski, na pasabam rohangki
3. Sipalua do goarMu, sai palua tondingki
Sandok rante ni sibolis sego do dibaen i
GoarMi Tuhanki, i ma endeendengki
GoarMi Jesuski, na pasabam rohangki
4. Sai endehon ma goarNa sian sandok rohami
Muda di rohamu dohot ho mamuji Tuhan i
GoarMi Tuhanki, i ma endeendengki
GoarMi Jesuski, na pasabam rohangki
1. Adong do Ama na di Surgo i tuhan Jahowa Debatan-ta i.
Di pio au na ro do au tu Ama na di Surgo i.
Ro ma au, ro ma au tu na di Surgo i
Ro ma au, ro ma au tu na di Surgo i
Dipio au, na ro do au tu Jesus na di Surgo i.
2. Di Surgo do Tuhanta Jesus i na paluahon hita jolma i
Dipio au, na ro do au tu Jesus na di Surgo i
3. Di Surgo i rade do tukungki, na niparade ni Tuhanta i
Dipio au, na ro do au manean na di Surgo i
4. Muda malungun ho muse di Au, ingot ma na di Surgo i do Au
Dapotkon Au tu Surgo i, angke ho sonang do disi
1. Marolop-olop tonding ki, na dung ditobus Jesus i
Hamu sude tangihon ma, sai jop rohangku mandok i…..
Sonang ni, Tondingki dung dumpang Jesus Tuhan ki
TondiNa mangajari au tarbaen marjop ni roha au
Sonang ni, Tondingki dung dumpang Jesus Tuhan ki
2. Dibalut Ho do rohangki, gabe tongtong di dalanMi
Tuhanku do manatap au, tondiNa manangihon au…
Sonang ni, Tondingki dung dumpang Jesus Tuhan ki
TondiNa mangajari au tarbaen marjop ni roha au
Sonang ni, Tondingki dung dumpang Jesus Tuhan ki
3. Sahat tu Ho ma ngolungkon salolot ni lolotna i
Rap dohot Ho marende au, endengku na imbaru i….
Sonang ni, Tondingki dung dumpang Jesus Tuhan ki
TondiNa mangajari au tarbaen marjop ni roha au
Sonang ni, Tondingki dung dumpang Jesus Tuhan ki
1. Haleluya ta pagodang Tuhanta Jesus Siparmonang, ma talu hamatean i.
Namalua do Ibana, haru ar sian tanomanNa, bo sian habilean i.
PambaenanNa i, sude masidung i, gabe sonang.
Ibana ma manjagit i; upa Na na sumurung i.
2. Nada dong be habiaran di hita adop hamatean dibaen dohot hita ngot.
Sai burju ma taihutkon Tuhanta i na manguluhon sonang ma sogot hita on.
Didok Tuhanta i, disi ingananKi, na dumenggan.
Hamu sude maruli be di hasangapanKi muse.
3. Parningotan na jumeges di hangongot ni Tuhan Jesus Ibana na mangolu do.
Patut ma marjop ni roha, angke ma sae sude dosanta ias muse taroktok i.
O Jesus togu ma sudena hami on na porsaya.
Sasada Ho margogo do pangolu sandok jolma do.
1. Sai tapuji Debatanta Ama na gumogo i,
Dipangot Ibana Jesus, sian hamatean i
Tarpasidung Jesus i pambaenan Nia i.
Lopus naek tu Surgo Ia mulak tu inganan Nia.
2. Anggo utang ni dosangku, ma di tobus Jesus i.
I do labo ni rohangku, jolma na porsaya i
Madung tulus tona i, numma mintop rimas i
Nada jabat niuhuman, tapi dapot hangoluan.
3. Ale ho api naroko mur patalak pintumi
Ngot do Jesus na gumogo gabe mintop apimi
Surgo i tarungkap do dung ditaban Jesus i
Haru mate pamatangku, sai mangolu do tondingku.
1. Debata sondangi au Ulang di na golap au
Na malungun au anso ganggang sian dosa do
2. Tondi bo pamatangki, ba-en ma badia i,
Rohangki paias ma, anso prangengki tama.
3. Sai rumari rohangki sian hageduhan i,
Ro ma Ho ingani i, sai rajai ma disi.
4. Dung i hahoholongMi, sai usehon ma tusi,
Ulang be mabiar au, muda martangiang au.
5. I ma na dumenggan i, domu dohot Jesus i,
Di pardongananNa do, sonang hita on sajo.
6. Mangholongi Debata dohot donganniba da,
I do hasurungan ni angka halak Kristen i.
7. Na mambaen songon i gabe haholongan i,
Jolma dohot Debata bo nuaeng bo sogot ma.
1. Jesus haposanku, ulang au pasombu,
au dihapunjungan, na so au mardongan.
Ho tongtong dongan ku, dipardalanan ku.
Jesus haposanku, ulang au pasombu
2. Ho sajo Rajangku, dohot oloanku
Au do naposoMu na di gomgomanMu
Sonang ma rohangku, dung tangkas huboto
Ho sajo Rajangku, dohot oloanku.
3. Di harajaanMu, tigor do uhumMu,
Muda Ho uluan, dapot hangoluan,
Ma torang tarida, sonang do nasida,
Di harajaanMu, hara ni uhumMu.
4. Masa asi roha, mida sipardosa,
Jesus do manyesa dosa sasudena,
Na gogo mudarNa, mamintori hita,
Angke asi roha, masa di pardosa.
5. Jesus do Tuhanku parsigantunganku,
Ia do ojahan, ni haporsayaan,
Nada au humutur, haru ro pe guntur,
Jesus do Tuhanku, parsigantunganku.