1. Lingkas ma ale dongan, ma potang ari ne.

Indangkon marngaolan, painte golap pe

Pirma rohanta i, marpupu ma mardalan. 

Sai ulang maradian, ro di ujungna i.

2. Nada tolpuk rohanta, di dalan na hohot. 

Angke disi Tuhanta, Jahowa Zebaoth.

Sai taihutkon ma, Ibana Sipargogo.

Tongtong do ra Ibana, manogu hita da

3. Angkon nialo sibuk, laho tu Surgo i.

Na ra mangihut-ihut, na so dapotan i. 

Tadingkon ma sajo, sude na mangganggu i,

Sai ro hamu sudena tu hangoluan i.

4. Ta talgang ma rohanta sian portibi on

Na paluhutkon arta jotjot sangkot dison

Muda na giot ho manjujung hagabeon

Asa tu hamatean, rohamu ma di ho.

5. Ulang tapardimata di lambung dalan i

Angka parhata-hata boti lilian i

Mur honok ho disi mur dokdok pamatangmu

So ringkot be rohamu paujung dalanmi

6. Taompot ma mardalan, hipas ma hita be.

Marsitiopan tangan, marpos ni roha pe.

Songon saina do, sai marsihaholongan,

Angke di haholongan, manambus musu ro.

7. Antong sai taambungkon sude na haskas i

Anso tarpasidungkon pardalananta i

Hum Tuhan Jesus i angkon manogu hita

Disi pe ro tondinta tu hasonangan i.