1.  Nada huboto haojahan, na asing sian Jesus i             

Na so hutanda parpadanan, hum na di pandidion ki

Disi ma na marpadan au, Hum Jesus do nampuna au.

2.  Tuhanku do giot hutopot, donok tuSia ngolungki 

Dung ro tusi gabe ma lohot dohot Ibana rohangki 

Hum Ia hangoluanki na asing so huboto i.

3.  Laing tong ma au di tanganNa, ias, tigor ma au disi 

MudarNa i ma pabadia jana pasonang rohangki 

Dung di bagasan Jesus au so tola hona uhum au.

4.  Huboto do nian dosangku tapi nada mabiar au 

Angke dihopkop Ho dosangku jana disesa Ho sude 

Marsak harani dosangki, sonang dibaen Jesus i

5.  Marporang au mangalo dosa, au mangasahon gogoMi

Tuhanku do na manaluhon bako na honok na di au

Ma monang Tuhan Jesus i, monang muse au dohot i.

6.  Laing tong ma au di joloNia marguru di Ibana do 

Anso sonang baenonNia laing songon i hubaen do

Pangidoanku do tongtong laing songon Ho ma baen au on.

7.  Asi rohaMu o, Tuhanku ulang ma loas morot au

Sian lambungMu nada holang suruhon TondiMi tu au

Na manyungguli rohangki ulang gabe tarpodom i.