1.  Ngot numma torang ari, masalpu borgin i.

Mur pondok ganop ari, pardalanan mi.

Gogoi ma mancari, na pangoluhon ho,

Angke dung potang ari, hagolapan ho

2.  Ngot, numma torang ari tangkas idaonmi

Manaek mataniari, hatorangan i

Ringgas ho mamareso na dung sahat di ho.

Dung bolkas ho tu Surgo, maradian ho

3.  Ngot, numma torang ari tinggalkon dosa i

Asa haporsayai Evangeli i 

Dosamu sasudena disesa Jesus i 

Anso di ho muse ma hasonangan i.