1.  Songgop ma tu parlagutan Tondi sian ginjang i

Anso na marhangoluan na margoar Kristen i

Sai sondangi hami on bo pasangap ma tongtong

Jesus na manobus hami di bagasan rohami.

2.  Patidahon ma di hami Jesus Sipamintor i 

Anso mur  torang di hami rohaNia na asi 

Dohot hataNia do na sintong bo pe gogo 

Paturehon rohanami adop Jesus Tuhannami.

3.  Togu hami tu parsilang na di dolok Golgota 

Patidahon na tarkilang haru so mardosa da 

Ma durus mudarNa i, gabe haul na ias i

Na marlasolaso dosa, sesa do dibaen gogoNa.

4.  Tondi Ho Sipangajari sai podai hami on 

Papistarkon rohanami manutui Hata on 

Nada holan jolma da, Tuhan Jesus na peto

Ia Anak ni Debata, na manghopkop manusia.

5.  Pangapoi Siparorot Jesus na marsuru Ho 

GontiNia na so morot sian halakNia do 

Na padomu roha ni sandok na porsaya i

Songon Jesus na mardomu dohot Debata di Surgo.

6.  Ale angka parlagutan tatap ma tu Jesus i 

Hum Ibana na pasada roha dohot tondimi 

Bo tudia Ulu i angkon dohot ho disi

Nada sirang be Ibana sian ho parlagutanNa.