1.  O Tondi Parbadia sai ro ma Ho tu au ; 

Rohangku ma paria, jana dongani au

O Tondi na sintong naro sian Debata 

suruan ni Anakna oloan Ho tongtong.

2.  Ho ma na paboahon tu au on gogoMi 

Laing Ho ma paluahon au sian dosa i 

Denggan pature au, paias ma tondingku 

Anso tongtong patikMu tarhangoluhon au.

3.  Na so marhatigoran, pardosa au hian 

Na so marhangoluon ma mate au hian 

Di pandidion i di mudar ni Tuhanku 

Mago hamateanku dibaen Ho sajo.

4.  O Tondi ni tangiang laing tong ajari au 

Paringgas martangiang barang didia au 

Tangiang na peto na masuk tu Debata

Na tumbuk di AnakNa na tarpatulus Ho.

5.  O Tondi jop ni roha padame hami on 

Pajop ma rohanami na porsaya di Ho 

Salisi bada pe sude na mangarsakkon 

Jana na manyirangkon padao ma i sude.