1.  Ingoton ma sadarion, manaek Tuhanta Jesus.

Tu Surgo tu habangsa i, siamun ni Ama na.

Tasomba ma Tuhan ta i, namulak tu Ama na i,

Tapuji ma Ibana.

2. Na dung ungkap do dalan i, di angka na porsaya

Masuk ma ho tu Surgo i, malua sian jaya

Na mangonai sasude, tu jolma sipardosa i, 

nipuji ma Tuhanta.

3. Muda tutu jop rohami, di Jesus i Tuhanta

Burju, pauba rohami, ihutkon ma Ibana

Oloi hataNa i sude, sai tiru pambaenanNa pe, 

salolot di ngolumu.

4. Na mulak Tuhan i muse di ari paruhuman

AmbungkononNa ma disi, sibaen hajahatan

Tu api na so mintop i, 

na marhanciti halahi, salolot ni lolotna.

5. O Jesus Tuhannami Ho, tongtong asi rohaMu

Dongani hami, pargogoi mangalo angka musu

Patogu rohanami be, 

pamonang hami sasude, ro di ujungna sogot