1.  O tondi na manggohi roha, nihasaksian naparjolo i

Nasojungada marnaloja, mangalo musu ni Tuhan ta i

Sungguli dohot roha nami on, mamaritahon Jesus i tongtong.

2. Antong mur gara ma apiMu, mangararati sude bangso i

Sai mur patamba ma na burju, na olo manghatahon hataMi

Sai tatap bidang ni sabion i, angke napasoMi otik do i.

3. Hum Jesus do na mangajarkon, tu hami hata hangoluan i 

Bahat do na mangharinggaskon, patulus hata na nidokNa i

Dibaen i urupi halahi, sai dok ma Amen, anso tulus i.

4. Antong bahat ma baen pandita, na sai tongtong digohi TondiMi 

Jana na ringgas marjamita, manogu halak tu gomgomanMi 

Taluhon ma sibolis i tongtong, pararat hataMi di tano on.

5. Urupi hami sian Sion, sai suru Tondi Parbadia i 

Palua nasa hajolmaon, songon na nibagabagahonMi 

Sondangi ma sandok portibi on, pahot ma hataMi di tano on.

6. Sai loas tongtong marsaringar, soaraMi di hami na dison

Anso marsibeta betaan, sudena ro tu parlagutanMon

Sungguli sandok bangso i muse, masuk tu parlagutanMi sude.

7. Pauli Sion na marumpak, padao ma na mangambat hataMi

O Tondi ro ma Ho manumpak, karejo ni sude naposoMi

Tongtong paias kobun anggurMi, anso tongtong ramos marbatu i.

8. Sai tatap sandok parguruan, inganan ni TondiMu baen sude

Lohotkon hata hangoluan tu roha ni parguru i sude

Sai lehen guru angka na burju, parroha pangondian situtu.