1.  Dohot Tuhan Jesus i, pungka baenon-mu

Ia na margogo i, pangurupion-mu.

Dohot Jesus ngot ma ho, dohot Jesus modom

Dung mardongan Jesus ho, matua ho sonang.

2. Pungka ma manyogot on jolo martangiang

Anso Tuhan Jesus i donganmi arian

Na manjago ho muse di pardalananmu

Ulang parmaraan pe hona pamatangmu.

3. Muda Jesus donganmi bo pe gaor musu

Ia pangondinganmi tongtong di lambungmu

Pos sajo ma rohami di hagogoanNa

Dung Ibana donganMi laing dohot ho monang.

4. Ale Jesus hum tu Ho sahat ma ngolungku 

RohaMi na denggan do sai patulusonku 

Asi ni rohaMu ma na hupangasahon

Pasupasu ma tongtong au na mandok Amen.