1.  O Jesus hatiuron i, masalpu hagolapan,

tu Ho manatap matang ki, manjagit Hatorangan.

2.  Taran payak na modom au bahat do parmaraan

Sai didongani Ho do au ma ngot di hahisaran.

3. Songon imbaru do di au dilehen Ho hosangku

Harani i mangoku au: di Ho tongtong rohangku.

4. Tu ho ma hupasahat au, marsangap ma goarMu

Tongtong marhitehite au, songon panjamaanMu.

5. TondiMu sai pasolkot ma paian di rohangku

Asa uloskon ma gomos tu au hagogoanMu.

6. O Jesus na marmahan au, tongtong Ho di lambungku

Ampot manyimbil au muse ulahi au patogu.

7. Hum Ho ma jop ni rohangki, dohot hangoluanku

Bo so adong pe tohapki, tuk do dung Ho Tuhanku.

8.  Arahon au sadari on mangihut di hataMu

Jagohon au muse dison, rajai pikiranku.

9. Marhitehite TondiMi, sondangi ma rohangku

Angke tangkas diida Ho torang pangalahongku.

10. Sai ditiopi tanganMi ma au ulang targompang

Ditarik hahoholongMi au tu Banuaginjang