1.  Nara manjagit tuku i, nadenggan situtu.

Angkon di lambung Jesus i, marroha na burju

Muda nipio ho, tibu marlojong ro.

Sai tiop ma sinjata mi, mangalo musu i.

2. Jamita ni Tuhanta do podang na tajom i

Na gabe siparmonang do na tong mamake i 

Anak ni Debata, tongtong haposi i 

Parhosom ni sibolis i mantul dibaen i.

3. Rohamu dohot padanmi jagohon ma peto 

Angke na bisa nangkat i na niultop tu ho 

Tongtong ma ho jonggor songon tarsurat do 

Parince pangondingan i haporsayaanmi.

4. Tahuluk na martua i baen tu ulumi 

Guruhon uhum porang i di Jesus Tuhanmi 

Dung i pataonkon ma, tibu ma Tuhan ro 

Tuku ni hangoluan i dapotan ho disi.