1. Mur gogo mangalo dosa, masa ma nuaeng diho

Asi roha ni Jahowa, na dung ro manopot ho.

2. Alo ma sudena jaya sai haposi Jesus i

Patidahon ho porsaya jana na tardidi i.

3. Gogot sai hohot do dalan jana sompit pintu i

Laho tu hangoluanta di Banuaginjang i.

4. Anggo dalan hamagoan na bidang tutu do i

Miduk do tusi mardalan, nada dohot au disi.

5. Pupu ma na martangiang tatap ma tu Ginjang i

Ulang be ho maradian borngin bo arian i.

6. Mur pasada ma rohamu tu Tuhanta Jesus i

Anso ulang be ho talu, ulang monang musu i.

7. Ulang be sai pardimata sere na di tano on

Sai dungo ma ho marjago roha ni portibi on.

8. Tapi ringgas ma mamomosi hata ni Debatami

Nada jabat be ho losi, dung di paruhuman i.

9. Taran hita mangingani hasiangan on do pe

Antong tongtong taporangi dosa, roha sibuk pe.