1.  Ulu balang Ho na gogo tongtong dongannami Ho

Incak podu sian alo tongam do dilala Ho

Sai uhumi rohanami nalohot di tano on

Anso mur malua hami sian hasiangan on.

2. Humon Ho palalu hami tu Banuaginjang i Sahat tu tanganMu hami, 

laing tu hami rohaMi Angke niapasan hami, 

menek do di tano on Sian na mangalo hami harani parsilangMi.

3. Ligi ma, songon tarhapit hami na di tano on 

Jana sai dielaela tu na jahat i tongtong 

Toskon ihotihotnami lehen haluaan i

Sian angka musunami sian sandok dosa i.

4. Sai patimpas ma sudena kuaso ni parjahat i 

So parguna be na malo dung di hamatean i 

Angkat ma sian abuan hami na di toru on 

Anso ro tu hangoluan na di Surgo i tongtong.

5. Ale Raja sai rajai, siparmonang monang ma

Sai pasiding ma parbada, na tunduk arahon ma

Sai paro harajaanMu pararatkon hataMi

Anso ro tugomgomanMu angka na tartaban i.

6. Sai arga ditobus Jesus, tondimi na mago i

Ulang hita manggabusi, mangoloi dosa i

Ma durus mudar ni Jesus, i ma na mamasu ho

Tondinami na marmalu anso ias songon Ho.

7. Tarik ma au ale Tuhan mur sumolkot ro tu Ho

Tarik au tu parsilangMu sian i tu Surgo i

Sai bonar ma rohanami, mangihutkon Ho sajo

Lalu ma tu Surgo hami, i ma hasangaponMi