1. Ligi ma denggan nai angka nasa roha i
Pambaenan na pe burju, bo hatana pe tutu.
2. Sai huskus uap nai, songon bunga-bunga i
Angka na ni tompa i pajegeskon tano i.
3. Songon nambur do hape, namanyorop sasude
Denggan ni punguan ni angka na saroha i.
4. Dibagahon Debata tu na marsaroha da
Pasu-pasu na godang, I ma roha na sonang.
5. O didia dapot ho haholongan i ale
Nada dapot i dison, di sandok portibi on.
6. Hum dipamatangna be Disarihon jolma i
Dongan so diingot be, Sasude do songon i
7. Ale Jesus Tuhanki, Debata Jahowa i
Tatap sude jolma on na di hasiangan on.
8. Sai duruskon ma tusi holong na di rohaMi
Sai ajari jolma i, marsihaholongan i.
9. Sai padomu ma muse hami na dison sude
Bo pe rohanami on, sai pasada ma tongtong.
10. Ale Jesus togu ma, hami on tu Debata
Na marholong roha i, salolot lolotna i.