1. O Raja nasumurung,  o Tuhan Jesus i.

So unjung hahurangan, di Harajaan Mi.

Marsangap ma goarMu, di hasiangan on,

Paro harajaanMu, tu sandok jolma on.

2. Parroha sian Purba, na ro manyomba Ho

Dioban ma silua, lehenon do di Ho

Diida do bintangMu, na marsinondang i

Paboa madung tubu, Ho Sipangolu i

3. Ro sian hasangapon, Ho Jesus Rajangki

Indada hamoraan giot ni rohaMi

So arta na di tano, na nijalahanMi

Ditaon Ho marhancit, harani dosangki

4. Na sangap bo tongam Ho, so hurang gogoMi

BasaMu na sai holong, bo hatigoranMi

Sude na burju roha, dipasupasu Ho

Anggo na jahat roha, nada dijagit Ho

5. Asi tongtong rohaMu, asa dongani au

Suruhon ma bintangMu, na manguluhon au

Anso tiur rohangku, ma sonang rohangki

Mangihut Ho Rajangku, lopus tu Surgo i.