1. Ngot  hamu ale parbegu, tu  inganan  na torang. 

Madung bincar di ginjangmu, Si-panyondang di hamu.

Hagolapan munu i, disondangi Jesus  i.

2. Na patar do saidanna, sangkap ni Tuhanta i 

So diboto angka jolma, dalan hangoluan i 

Hum na lilu do sude, di pardalananna be

3. Solpu ma sude na golap, bincar do panyondang i

Madung ro muse na torang tu sudena jolma i

Sai patorangonNa do, sasude na golap i

4. Jesus sondang ni tondingku, na patorang sasude

Sai paias ma rohangku, sian dosa sasude

Tarik dohot rohangkon, tu na torang i muse

5. HapapatarMi Tuhanku, i ma manyondangi au 

Anso sai sonang rohangku, lopus tu na mate au 

Sanga aha pe na ro, hasonanganki do Ho