1. Ari ni Debata do on, ingoton ni portibi on

Pujion ni sude na i, di tano dohot Surgo i.

2. Sai dipaima halak do, andigan hatihana ro

Disuru Debatanta i na pangoluhon jolma i.

3. Homang situtu rohangki, muda sai hutimbangi i

Na so taretong be sude, asi rohaNa i hape

4. Anso sonang pardosa i, AnakNa gabe jolma i

Maruli di dangolta i ditanggung do dosanta i.

5. O, Sion Rajami ma ro, manopot ho di tano on

Tasurat do na songon i, di surat na badia

6. Immanuel goarNa do, Raja ni hamonangan i

Di jolma na di tano on, oloan salolotna i.