Notasi
1. Martumbur sada tunas na sian si Jese i.
Masorang sada Anak, na ni parbaga i
I ma Tuhanta i, na ro sian Amana, tu hita jolma on.
2. Tunas na nibagahon ni si Jesaya i
I do na nianakkon ni si Maria i
Na tulus dompak i, na niparbagabaga ni Debatanta i
3. Tongam sajo tompaNa, bo marsinondang i
Haru dangol Ibana na gabe jolma i
SondanganNia ma, roha ni hita jolma na di na golap i
4. Tapuji ma Jahowa, parasi roha i
Dilehen do AnakNa, hangoluanta i
Ringgas ma hita on, marsomba tu Ibana, Sioban tua i
5. O Jesus Tuhannami, ro Ho tu tano on
Tu parhancitannami di hasiangan on
Asi ma rohaMi, Ho ma manogu hami, tu hasangapanMi