1. Di na saborngin i do bincar,  sinondang sian Surgo i.

Sai bali ma sude na simpar, dibaen sinondang Na i

Sondangon ni sinondang on, sogot sude portibi on.

2. Ianggo Ho ale tondingku, sai jagit masinondang i

Anso muse tiur rohamu, baenon ni sinondang i

PabalionNa do sude, sibolis dohot dosa pe

3. Sinondang on do patuduhon na so diida ho hian

Harani i sai hangoluhon, padoNa na tu tondimi

Angke hamonanganmu do, tongtong ma marsinondang on

4. Dibaen i sai marsinondang, baen haporsayaanmi

Padenggan ma jana patorang, rohamu bo parangemi

Paboa na marguna do, sinondang i na ro tu ho

5. Jesus Sinondang na ummuli, na pasonangkon rohangki

Toguhon ma tondingku muli, tu Surgo tu ingananMi

Sai pujionku Ho disi, salolot ni lolotna i