1. Hata ni Jahowa, na padame jolma, hangoluan i.

Hajojop ni roha,  si apoi roha, ni namarsak i.

Gogo ni Debatangki, paluahon na porsaya, sian sandok jaya.

2. Tahi ni Jahowa, taran so ditompa tano on do pe

Angka hasidungan ni sude haulan, dapot do muse

Tahi ni Debata i, dipatulus Jesus Kristus: Hita on ditobus

3. Ma singkop di hita, asi ni rohaNa,  bo basaNa pe

Madung mate Kristus, sidung do ditobus, jolma i sude

Sangap ma di Debata, na porsaya di hataNa, sai pangoluonNa

4. Hata hangoluan, do nuaeng dioban parjamita i

Na lambok begeon do nuaeng dilehen tu rohanta i

Hata ni jamita i: Angkon sasudena hita, paubahon roha

5. Ro ma ho na marsak, songon na nigotap,  rohami ale

Ro ma tu Jahowa, pasesahon dosa 

tu Panghopkopmi Jesus i, AnakNa i, 

i do gabe haluaan sian sandok utang

6. On ma haojahan, na tongtong manahan salolotna i

On ma jongjonganku dohot haposanku, hangoluanki

Gogongki sai hot ma i, mangihutkon tu hataNa, patulus giotNa

7. Jesus sai tangihon, na hupangidohon, asi rohaMi

Lehen dohot gogo di dalan tu Surgo, tu banuaMi

Anso sai tu Ho au ro, muda dung donok adamku, tiur baen dalanku