1. Haleluya Ari Minggu, Ari na dumenggan i

Muda ro iba marpungu, dohot dongan Kristen i.

Ari na sumurung i jop ni roha do disi.

2. Maradian do tondingku, muda dapot Minggu i

Sude arsak ni rohangku, huambungkon ma disi

Tu jolo ni Tuhan i, Jesus Kristus Tuhanki

3. Karejongku ganop ari, hutadingkon do disi

Anso hupasarisari, na pangolu tondingki

Arta na ummarga i, dapot do di Minggu i

4. Jop ni rohaMi o Tuhan, sai patulusonku do

Parangengku hupadenggan, anso hupasangap Ho

Abit hatigoran i, lehen ma tu tondingki

5. Sai sungguli ma rohangku, jana sai ajari au

Pangapoi tongosanMu, anso diingani au

Baen sonang sadari on, roha dohot tondingkon.

6. Sai patanak ma jamita, di huriaMi sude

Sai pasonggop tu Pandita, bo Sintua, Guru pe

Tondi Parbadia i, anso marsahala i

7. Paimbaru ma padanMu, dohot na porsaya i

Lehen gogo na imbaru, pasangapkon goarMi

Ende bo tangiang pe, sai tangihon ma sude