1. Ende hononku Ho Jahowa, angke Debata namangolu Ho.

Suruhon Tondi Parbadia, tu au anso tarpuji au peto.

Markitehite Jesus AnakMi, goarMu na tongtong marsangap i.

2. Rade do dalan di AnakMu, parhiteanku ro manopot Ho

Tongtong rajai pikiranku, paro TondiMu tu rohangku do

Sonang situtu hulala dung i, goarMu pe sai huendehon i.

3. Pamalo au ale Debata, marendeende na tama di Ho

Sai ulang hum di hatahata, tapi pasangaponku noma Ho

TondiMu angkon manyondangi au, anso denggan marendeende au.

4. Tumbuk di Ho ende-endengku, dohot pangindoanku na disi

Asi situtu ma rohaMu, dilehen Ho lumobi sian i

Nada tarbaen be rohaMu dao, muda hudok : “Amang tangihon au.”

5. Martua au hupangindohon, markitehite Jesus AnakMi

Anso torang dipabotohon TondiMu, nada lus tangiangki

Harani i sai jop do rohangki, tongtong mamujimuji goarMi